Azər Süleymanovdan Ali Baş Komandan İlham Əliyevə minnətdarlıq məktubu - MətnGürcüstanın tanınmış ictimai, siyasi xadimi, MHP liderlərindən biri, soydaşımız Azər Süleymanov müzəffər Azərbaycan Ordusu tərəfindən 28 il Ermənistanın işğalı altında qalan Şərqin Musiqi akademiyası hesab olunan Şuşanın azad olunması münasibətilə Azərbaycanın Prezidenti, Ali Baş Komandan, cənab İlham Əliyevə minnətdarlıq müraciəti ünvanlayıb.

Möhtərəm Prezident!
Cənab Ali Baş Komandan!

Gürcüstanda yaşayan soydaşlarımızın hər biri də, dünyadakı azərbaycanlılar təki 27 sentyabrdan bu yana, Azərbaycan əsgərinin fədakarlığını, inanilmaz rəşadətini nə qədər ürəkdolusu izləsək də, bu Vətən müharibəsinin hərtərəfli yükünü Sizin qədər hiss edə bilməzdik.

Hər tvitiniz, müsahibəniz və tv çıxışınız günbəgün hamımızda qələbəyə daha bir gün də yaxınlaşdığımızı ifadə edir, inamımızı artırırdı. Sizin Ali Baş Komandan olaraq ciddi uğurlu səyləriniz, daxili və xarici siyasətiniz sayəsində bu gün əzilmiş, məhv edilmiz, əzəli torpaqlarımızdan qovulmuş düşməndən bir kəlmə də söz açmaq istəmirik.

Ruhumuzun, mənəvi dünyamızın simvolu olan Şuşanın azad edilməsi xəbərini verməyiniz bütünlükdə sözlə deyilə biləcək sevincimizi də 28 illik içimizə qısılan səsimizə qarışıb böyük hayqırtıya çevrildi. QARABAĞ AZƏRBAYCANDIR!

Şuşanın işğaldan azad olma xəbəri Borçalıda bir bayram coşqusu yaradıb. Hamımız öncəliklə Sizə minnətdarıq, Azərbaycan əsgərinə duaçıyıq. 30 illik cəmi şəhidlərimizin qanının yerdə qalmamasına görə bu gündən Siz dünyanın hərb tarixinə mükkəmməl imza olaraq həkk oldunuz. Ürəyimizdə sözümüz çoxdu, izn verin Sizin şəxsinizdə Qarabağ savaşında haqq-ədaləti doğru görüb Azərbaycanımıza dəstək duran, bu qələbədə əvəzsiz payı olan Türkiyəmizə, Pakistanımıza, İsrailimizə və vətənim Gürcüstanımıza eləcə də əməyi keçən hər bir kəsə minnətdarlığımızı çatdırım.

Gözün aydın Azərbaycan, Qarabağ Azərbaycandır!

Hörmətlə,
Azər Suleymanov
Riyaz Sarıkahya Şuşanın azad olunması münasibətilə Azərbaycan xalqını təbrik edibQəlbi həmişə Azərbaycanla döyünən, İraq Türkməneli Partiyasının sədri Riyaz Sarıkahya rəşadətli Azərbaycan Ordusunun 28 il Ermənistanın işğalı altında qalan Dağlıq Qarabağın incisi Şuşanın azad etməsi münasibətilə bütün Azərbaycan xalqını, dünya azərbaycanlılarını təbrik edib.

Türkməneli Partiyasından Avrasiya.net-ə daxil olan təbrik məktubunu təqdim edir:
Riyaz Sarıkahya Şuşanın azad olunması münasibətilə Azərbaycan xalqını təbrik edib
Dünyada elə qüvvə yoxdur ki, bizi dayandıra bilsin!Bizim zəfər yürüşümüz davam edir. Hələ də işğal altında torpaqlar var, hələ də döyüşlər gedir. Əgər Ermənistan rəhbərliyi mənim tələblərimə cavab verməsə, sona qədər gedəcəyik. Heç kim bizi dayandıra bilməz. Dünyada elə qüvvə yoxdur ki, bizi dayandıra bilsin. Ermənistan artıq öz acı məğlubiyyətini etiraf edib, özünü alçalda-alçalda, xalqını təhqir edə-edə. Ermənistan rəhbərliyi indi dünya ölkələrindən yardım istəyir, hərbi yardım istəyir, silah, texnika istəyir. Bəs, hanı sənin yenilməz ordun? Məhv etmişik onu.

Avrasiya.net xəbər verir ki, bu barədə Azərbaycan Prezidenti, Müzəffər Ali Baş Komandan İlham Əliyev xalqa müraciətində bildirib.

“Yenilməz ordu Azərbaycan Ordusudur! Bunu döyüş meydanında göstərir, düşməni torpaqlardan təkbaşına qovur. Otuz il ərzində milyardlarla dollar xərclənib oraya, istehkamlar qurulub, mühəndislik qurğuları inşa edilib. Amma hamısını vurub dağıtmışıq - mənəvi ruh, güc hesabına, birlik hesabına!”, - Prezident deyib.

Prezident İlham Əliyev qeyd edib ki, işğal edilmiş bütün torpaqlardan düşmən qüvvələri çıxarılmalıdır. Bu, bizim tələbimizdir. Beynəlxalq norma və prinsiplər, beynəlxalq təşkilatların qərar və qətnamələri bunu tələb edir.
Siyasi partiyalar İlham Əliyevi təbrik etdiAzərbaycanda fəaliyyət göstərən 50 siyasi partiya Şuşanın işğaldan azad edilməsi münasibətilə Ali Baş Komandan, Prezident İlham Əliyevə təbrik məktubu ünvanlayıb.

Avrasiya.net təbrik məktubunu təqdim edir.

“Cənab Ali Baş Komandan!

Zati-alinizin hakimiyyətdə olduğu illərdə uğurla həyata keçirdiyiniz siyasət nəticəsində Azərbaycanın ən yeni tarixi qızıl hərflərlə yazılır. Heç şübhəsiz, bu, Sizin geniş dünyagörüşünüzün, siyasi uzaqgörənliyinizin, diplomatik bacarıqlarınızın, hərbi-strateji dühanızın, iqtisadi islahatlarınızın, xalqımızın Sizə göstərdiyi yüksək etimadın, xalq-dövlət-vətəndaş cəmiyyəti arasında qarşılıqlı anlayış və hörmətin ən ali təcəssümüdür.

Sizin ölkə rəhbəri kimi, sadəcə, iqtisadi, sosial və siyasi sahələrdə deyil, müasir ordu quruculuğu sahəsində də gördüyünüz böyük işlər danılmazdır. Ali Baş Komandan olaraq ordumuzun həm maddi-texniki təminatının və döyüş qabiliyyətinin, həm də şəxsi heyətin peşəkarlıq səviyyəsinin yüksəldilməsi istiqamətində gördüyünüz işlər bugünkü Qələbəmizi təmin edən əsas amillərdir.

Cari il sentyabrın 27-də Ermənistanın atəşkəs razılaşmasını pozaraq, genişmiqyaslı hərbi əməliyyatlara başlamasından dərhal sonra Sizin əks-hücum əmrinizlə şanlı Azərbaycan Ordusu 30 ilə yaxındır Ermənistanın işğalında olan Füzuli, Qubadlı, Zəngilan, Cəbrayıl şəhərlərini və 200-dən çox kəndlərimizi qısa müddətdə işğaldan azad etdi. Digər rayon və şəhərlərimizin azad edilməsi uğrunda Azərbaycanın şanlı ordusunun hərbi əməliyyatları uğurla davam edir.

Azərbaycan işğal atındakı torpaqlarını azad etmək üçün uğurlu hərbi əməliyyatlara davam etdiyi zaman Ermənistan və onun havadarlarının ölkəmizə təzyiq cəhdləri Sizin diplomatik bacarığınız, beynəlxalq münasibətləri doğru dəyərləndirməyiniz, məntiqli arqumentləriniz sayəsində qısa zamanda iflasa uğradı.

Torpaqlarımızın düşmən işğalından azad edilməsi, əlbəttə, bizim və Azərbaycan xalqının illərdir arzu etdiyi xəyalların gerçəkləşməsi deməkdir.

Əks-hücum əməliyyatları başladığı gündən bütün Azərbaycan xalqı kimi, ölkədə fəaliyyət göstərən siyasi partiyalar da ətrafınızda yumruq kimi birləşərək, Sizi qeyd-şərtsiz dəstəklədi. Qələbəyə təşnə olan xalqımız Sizin apardığınız böyük qalibiyyət yolu ilə inamla addımladı.

Vətən torpağının hər bir qarışı bizim üçün müqəddəsdir. Ermənistanın işğalından azad olunan bütün torpaqlarımıza qısa zamanda sülh və əmin-amanlıq gələcək.

Sizin dediyiniz “Əlbəttə ki, Şuşasız bizim işimiz yarımçıq olar” ifadəsi artıq vətənpərvərlik harayına çevrilib. Şuşa Azərbaycanın incisidir, mədəniyyət və musiqi beşiyidir. Şuşa, heç şübhəsiz, işğaldan azad edilməli idi. Bu böyük işi Sizin komandanlığınız ilə müzəffər Azərbaycan Ordusu bacardı. Şuşanın Azərbaycana, Azərbaycanın Şuşaya olan 28 illik həsrətinə Siz son verdiniz. Xalqımızın 30 ilə yaxındır həsrətində olduğu Şuşa şəhəri artıq düşməndən geri alınıb. Şəhidlərimizin qanı yerdə qalmadı! Şəhidlərimizin ruhu şaddır!

Əlbəttə, hərbi əməliyyatlar hələ də davam edir. Amma Şuşa qələbəsi Böyük Zəfərin ilk müjdəçisidir və Ermənistanın işğalı altında olan bütün torpaqlarımız azad edilənə qədər Azərbaycan mübarizəyə davam edəcək.

Bu mübarizədə hər zaman olduğu kimi, Azərbaycan xalqı ilə birlikdə Sizin yanınızdayıq və hər bir əmrinizə tabeyik.

İşğal altında olan hər qarış Vətən torpağının, xüsusilə də Şuşanın düşmən tapdağından azad edilməsi üçün göstərdiyiniz dəyanət, qətiyyət və səbrə görə Sizi və Azərbaycan xalqını ürəkdən təbrik edirik.

Şuşa qələbəsindən sonra Böyük Zəfər müjdənizi səbirsizliklə gözləyirik!

Yaşasın Azərbaycan!

Yaşasın Ali Baş Komandan!

Yaşasın müzəffər Azərbaycan Ordusu!

Qarabağ Azərbaycandır!

8 noyabr 2020-ci il

1. Yeni Azərbaycan Partiyası – Əli Əhmədov

2. Vətəndaş Həmrəyliyi Partiyası – Sabir Rüstəmxanlı

3. Ana Vətən Partiyası – Fəzail Ağamalı

4. Böyük Quruluş Partiyası – Fazil Mustafa

5. Bütöv Azərbaycan Xalq Cəbhəsi Partiyası – Qüdrət Həsənquliyev

6. Demokratik İslahatlar Partiyası – Asim Mollazadə

7. Vəhdət Partiyası – Tahir Kərimli

8. Vətəndaş Birliyi Partiyası – Sabir Hacıyev

9. Azərbaycan Demokratik Maarifçilik Partiyası – Elşən Musayev

10. Milli Cəbhə Partiyası – Razi Nurullayev

11. ReAL Partiyası – İlqar Məmmədov

12. Azərbaycan Ümid Partiyası – İqbal Ağa-zadə

13. Milli Dirçəliş Hərəkatı Partiyası – Fərəc Quliyev

14. Azərbaycan Demokrat Partiyası – Sərdar Cəlaloğlu

15. Azərbaycan Xalq Partiyası – Pənah Hüseyn

16. Ədalət Partiyası – İlyas İsmayılov

17. Klassik Xalq Cəbhəsi Partiyası – Mirmahmud Fəttayev

18. Azad Demokratlar Partiyası – Sülhəddin Əkbər

19. Azərbaycan Liberal Partiyası – Əvəz Temirxan

20. Azərbaycan Milli İstiqlal Partiyası – Arzuxan Əlizadə

21. Aydınlar Partiyası – Qulamhüseyn Əlibəyli

22. Azərbaycan Respublikaçılar Partiyası – Sübut Əsədov

23. Azərbaycan Sosial Demokrat Partiyası – Araz Əlizadə

24. Azərbaycan Sosial Rifah Partiyası – Əsli Kazımova

25. Böyük Azərbaycan Partiyası – Elşad Musayev

26. Milli Vəhdət Partiyası – Yunus Oğuz

27. AĞ Partiya – Tural Abbaslı

28. Müasir Müsavat Partiyası – Hafiz Hacıyev

29. Azərbaycan Liberal Demokrat Partiyası – Fuad Əliyev

30. Azərbaycan Yurddaş Partiyası – Mais Səfərli

31. Azadlıq Partiyası – Əhməd Orucov

32. Azərbaycan Naminə Alyans Partiyası – Abutalıb Səmədov

33. Azərbaycan Azad Respublikaçılar Partiyası – Kamil Seyidov

34. Cümhuriyyət Xalq Partiyası – Bədrəddin Quliyev

35. Milli Həmrəylik Partiyası – Əlisahib Hüseynov

36. Yeni Zaman Partiyası – Musa Ağayev

37. Vətəndaş və İnkişaf Partiyası – Əli Əliyev

38. Azərbaycan Xalq Demokratik Partiyası – Rafiq Turabxan

39. Azərbaycan Kommunist Partiyası – Hacı Hacıyev və Rauf Qurbanov

40. Milli Konqres Partiyası – İxtiyar Şirinov

41. Müstəqil Xalq Partiyası – Əflan İbrahimov

42. Vahid Azərbaycan Milli Birlik Partiyası – Hacıbaba Əzimov

43. Azərbaycan Milli Demokrat Partiyası – Tufan Kərimov

44. Azərbaycan Təkamül Partiyası – Teyyub Əliyev

45. Birlik Partiyası – Xudadat Xudiyev

46. Gələcək Azərbaycan Partiyası – Ağasif Şakiroğlu

47. Azərbaycan Milli Hərəkat Partiyası – Samir Cəfərov

48. Azərbaycan Mübarizləri Partiyası – Ağadur Müslümov

49. Qorqud Partiyası – Firudin Kərimov

50. Milli Demokrat İdrak Partiyası – Osman Əfəndiyev”.
“Bayraqdar” dumanda da erməniləri vuracaq - Rusiya nəşriHavaların soyuması və yaxınlaşan qış mövsümü Azərbaycanın müzəffər Ordusunun Qarabağdakı dağlıq zonalarda hərbi əməliyyatlarına hansı çətinliklər yarada biləcəyi son günlər maraq edilən mövzular sırasındadır.

Son illərdəki iqlim dəyişiklikləri şübhəsiz ki, Qarabağın dağlıq hissəsinə də təsirsiz ötüşməyib. Məsələn, işğaldan əvvəlki illərdə hərbi əməliyyatların indi aktiv fazada olduğu Şuşada adətən, oktyabrın sonu və noyabrda qar yağırdısa və bu qar hətta şəhərin quzey hissələrində mayadək yerdə qalırdı. Amma işğal səbəbindən son 30 ildə bu bölgədə dəqiq araşdırma aparmaq mümkün olmasa da, müşahidələr qlobal istiləşmənin Qarabağın dağlıq zonasına da təsirsiz ötüşmədiyini göstərir. Qeyd edək ki, Şuşanın yüksək zirvəsi 2725 metr olan Böyük Kirs dağıdır ki, burada əvvəlki illərdə hətta yay aylarında da qar olurdu. Şuşanın ərazisinin əksər hissəsi yayı quraqlıq keçən mülayim isti və qışı quraq keçən soyuq iqlim tiplərinə aiddir. Orta temperatur yanvarda -4 °C-dən -1 °C-yədəkdir. İllik yağıntı işğaladək təxminən 700–800 mm. olub. Bu iqlim təkcə Şuşada deyil, Qarabağın digər dağlıq zonaları üçün də ümumən xarakterik hesab olunurdu.

Azərbaycan Ordusunun sentyabrın 27-də əks-hücuma başlayan gün dağlarda gündüz 14-18 dərəcə, axşam 7-12 dərəcə isti olub. Hərbi əməliyyatların başlamasından bir ay ötdükdə-oktyabrın 27-də dağlıq zonalarda havanın temperaturunda xüsusi dəyişiklik olmayıb. Noyabr ayının hava proqnozunda isə hərbi əməliyyatların davam etdiyi bölgələrdə-Şuşa, Xocalı, Ağdərə zonasında temperaturun 10-3 dərəcə istilik təşkil edəcəyi proqnozlaşdırılır.

Rusiyanın nüfuzlu “Moskovskiy komsomolets” qəzeti “Qarabağdakı müharibənin qış kampaniyası Ermənistan üçün xoşagəlməz sürprizlər vəd edir” sərlövhəli yazıda bu məsələyə diqqət yetirib.

Bildirilir ki, hərbi əməliyyatlar başlayandan xeyli texnika itirən və işğaldakı ərazilərin xüsusilə cənub zonasından Laçınadək geri çəkilən Ermənistan qış mövsümünə sanki özünün “xilası” kimi baxır. Amma ekspertlər deyir ki, Ermənistanın mümkün qədər müqavimət göstərərək, havaların soyumasına ümid etməsi yanlış xəyaldan başqa bir şey deyil. Mütəxəssislərin fikrincə, cəbhənin konfiqurasiyası və qüvvələrin hesablanmasının təhlili göstərir ki, qış mövsümü Ermənistan üçün deyil, əksinə Azərbaycan xeyrinə işləyən amildir.

“İrəvan şübhəsiz ki, müəyyən ümidləri qış mövsümünün yaxınlaşması ilə dağlıq ərazilərdə üstünlük təşkil edəcək güclü yağış və dumana bağlayırlar. Ermənistan ümid edir ki, bu cür hava şəraiti Azərbaycan qoşunlarının irəliləməsini əngəlləyə, o cümlədən dağ yolları boyunca möhkəmlənmə, döyüş sursatı, yanacaq, sürtkü yağları və digər zəruri ehtiyatların çatdırılmasını çətinləşdirə bilər” deyə, məqalədə bildirilir. Ekspertlər isə İrəvan üçün belə bir “ssenarinin” heç nəyi dəyişməyəcəyinə inanırlar: “Çünki hətta ermənilərə tərəf kimi görünən hərbi jurnalistlər etiraf edirlər ki, erməni ordusunun şəxsi heyətinin formalaşmasında ciddi problemlər, həmçinin fərarilik var. İkincisi, müdafiə mövqeyində olan erməni ordusunun möhkəmlənmək üçün şəxsi heyət və təminatda ciddi çətinliklər yaşanır.

Üstəlik, müdafiəni qurmaq və qüvvələrin uğurlu konsolidasiyası və ordunun zəruri təminatı təhlükə altındadır”. (Aydındır ki, söhbət Laçın koridoruna Azərbaycanın tam nəzarətə almaq istəyindən gedir).

Ekspertlər deyir ki, yağış və duman şəraitində Azərbaycanın geniş istifadə etdiyi PUA-ların daha işə yaramayacağı, bu səbəbdən də insanlı hücum təyyarələrini daha aktiv istifadə etmək məcburiyyətində qalacağı haqda Ermənistanın gözləntisi də yalnız xəyaldır. Belə ki, Bakının ordusuna aldığı “Bayraqdar” pilotsuz təyyarələrində Wescam çoxkanallı optik-elektron sistemi var. Mütəxəssislər fikrincə, havanın dumanlı olması istər-istəməz “Bayraqdar”ın əldə edilən məlumatlarının keyfiyyətinə təsir edə bilər. Lakin “Bayraqdar”da hava şəraitinin təsirini minimuma endirmək üçün xüsusi datçiklər var, həm də müxtəlif diapazonlarında işləyən sensorlardan istifadə olunur.

Bildirilir ki, hava şəraitinə baxmayaraq, Azərbaycan ordusu PUA-lardan istifadəsini davam edəcək, üstəlik, qışda düşmən qüvvələrinin meşəlik sahəni örtük kimi istifadə etməsi daha çətin olacaq, İHA-lar onları daha tez aşkar edə biləcək. “Laçına nəzarəti ələ keçirmək və Şuşanın azad edilməsi qaçılmazdır və qış dövrünün başlaması hərbi kampaniyanın gedişatına kritik təsir göstərməyəcəkdir. Kampaniyanın qış dövrünə girməsi yalnız zahiri cəhətdən erməni tərəfinə təsir edir, lakin həqiqi hərbi baxımdan vəziyyət dəyişməyəcək - Azərbaycan qoşunları tədricən Qarabağın dərinliyinə doğru irəliləyəcək. Əslində zaman Ermənistana qarşı işləyir və üstünlük tamamilə fərqli iqtisadi gücə sahib olan Azərbaycanın tərəfindədir. Ümumiyyətlə, hava şəraiti Azərbaycan qoşunlarının irəliləməsini yalnız ləngidə bilər, lakin hərbi kampaniyanın strateji gedişatını dəyişdirə bilməz” deyə, mütəxəssislər bildirib.

Polkovnik Şair Ramaldanov Musavat.com-a açıqlamasında hava şəraiti ilə bağlı narahatlığa əsas görmür: "Ordu yalnız yaz və yay aylarında döyüş üçün hazırlanmır. Ordu ilin bütün fəsillərində döyüş tapşırıqlarını yerinə yetirmək üçün hazırlanır. Prinsip etibarı ilə Silahlı Qüvvələrimiz qışda da döyüş tapşırıqlarını yerinə yetirib, yəni dağlarda, postlarda və s. Belə baxsaq, ordumuzun əsas hissəsi demək olar ki, dağlıq, meşəlik zonalarda xidmət aparır. Yəni təmas xətti daha çox dağlıq zonasında gedir. Təminat məsələlərinə gəlincə, bilirsiniz ki, Azərbaycan Ordusunun hələ döyüşlər başlamadan payız və qış fəslinə keçilməsi ilə bağlı tədbirlər görülmüşdü. Hər payızın əvvəlində payız və qış fəslinə keçməklə əlaqədar tədbirlər görülür. İsti paltar və s. həmin payız və qış fəslinə keçiddə təminat məsələləri ilə təmin olunur. Ordu döyüşür. Biz bilirik ki, qarşıda hansı relyefdir, ərazidir. Kimsə bu başlayan müharibənin nə zaman bitəcəyini deyə bilməz. Biz bunu bilirdik və onun üçün də lazım olan bütün ehtiyatları görmüşük və görülməkdədir. Ordumuz bu şəraitdə istər dağlarda, istərsə də meşələrdə olsun, döyüş tapşırıqlarını hər an icra etməyə hazırdır. Biz əks-hücuma başlamadan bilirdik ki, hansı ərazidə döyüşəcəyik, hansı çətinliklərlə rastlaşacağıq və bunun qarşılığında hansı hazırlıqlarımızı görməliyik”.
Prezident birinci xanımla Fəxri xiyabanı və Şəhidlər xiyabanını ZİYARƏT ETDİNoyabrın 8-də Azərbaycan Respublikasının Prezidenti, Müzəffər Ali Baş Komandan İlham Əliyev və birinci xanım Mehriban Əliyeva Fəxri xiyabanda və Şəhidlər xiyabanında olublar.

Avrasiya.net xəbər verir ki, dövlətimizin başçısı Şəhidlər xiyabanında Azərbaycan xalqına müraciət edib.

Əvvəlcə Prezident İlham Əliyev və birinci xanım Mehriban Əliyeva Fəxri xiyabanda ulu öndər Heydər Əliyevin xatirəsinə ehtiramlarını bildirdilər.

Prezident İlham Əliyev ulu öndər Heydər Əliyevin abidəsi önünə əklil qoydu.

Azərbaycanın Dövlət Himni səsləndirildi.

Dövlətimizin başçısı və xanımı görkəmli oftalmoloq-alim, akademik Zərifə Əliyevanın xatirəsini də yad etdilər.

Görkəmli dövlət xadimi Əziz Əliyevin və tanınmış həkim-alim Tamerlan Əliyevin məzarları üzərinə gül dəstələri düzüldü.

Sonra Prezident İlham Əliyev və birinci xanım Mehriban Əliyeva Şəhidlər xiyabanına gəldilər. Dövlətimizin başçısı və birinci xanım Azərbaycanın suverenliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini yad etdilər, məzarları önünə gül dəstələri düzdülər.

Prezident İlham Əliyev “Əbədi məşəl” abidəsinin önünə əklil qoydu.

Azərbaycanın Dövlət Himni səsləndirildi.

Dövlətimizin başçısı Şəhidlər xiyabanında Azərbaycan xalqına müraciət etdi.
Ermənistanda daha 2175 nəfər virusa yoluxdu - 26 nəfər öldüErmənistanda koronavirusa yoluxanların sayı 106 424 nəfərə çatıb.

Avrasiya.net erməni KİV-lərinə istinadən məlumatına görə, son sutka ərzində 2 175 nəfərdə infeksiyaya yoluxma faktı aşkarlanıb.

Bundan başqa, daha 26 nəfərin ölümü qeydə alınıb.

Bu günədək Ermənistanda 1 559 nəfər koronavirusdan ölüb, 40 281 nəfərin müalicəsi isə davam edir.

Qeyd edək ki, ölkədə fövqəladə vəziyyət ləğv edilsə də, karantin rejimi 2021-ci il yanvarın 11-dək uzadılıb.
Fuad Əliyev Azərbaycan xalqını təbrik edibƏziz Xalqım!

9 noyabr 1918-ci ildə Azərbaycan Demokratik Respublikasının ilk baş naziri Fətali xan Xoyski Milli Bayraq haqqında Nazirlər Kabinetinin qərarını imzaladı. Bayrağımızda olan üç rəngi - Türkçülük, İslamçılıq və Müasirlik ideyaları birləşdirdi. Hər bir millətin bayrağı onun milli kimliyinin, dilinin, mədəniyyətinin, dini-mənəvi əxlaqının, milli ideologiyasının ifadəsidir. Üç rənqli Milli Bayrağımız Azərbaycan türk xalqının keçmişi, bu günü və gələcəyi öz əksini tapmışdır.

23 ay dalğalanan Milli bayrağımız dünyada müstəqil ölkələr sırasında oldu. Milli Bayrağımızdan 70 il ayırlmasına baxmayaraq xalqın əziyyətlə əldə etmiş üçrəngli bayrağına sevgi və məhəbbəti az da olsa tükənmədi. Əksinə bu illər boyu bu bayrağı yenidən yaşatmaq üçün mübariz olan minlərlə insan olub.

Bu mübariz qəhramanlar Vətənə, müstəqil Azərbaycana və Bayrağa sevgisini, məhəbətini mubarizə aparıb qoruyublar və bizlərə nəsib ediblər. Bu bayrağı, dövləti və müstəqilliyimizin qorunması uğrunda minlərlə şəhidimiz olub.

Bu gündə cəbhə bölgəsində şəhidlərimiz var. Vətən sağ olsun! Ön cəbhədə əsgərlərimiz düşmənnən üz üzə durub, torpaqlarımızı işğalçı ermənilərdən azad edir. Biz onların qarşısında baş əyirik!

Tanrı əsgərlərimizi qorusun!

Milli Bayraq bayramımız mübarək olsun!

Qələbə bizimlədir! Qarabağ Azərbaycandır!

Fuad Əliyev
Azərbaycan Liberal Demokrat Partiyasının sədri