Dağlıq Qarabağda döyüşən Livan erməniləri cinayət məsuliyyətinə cəlb edilməlidir.

Avrasiya.net xəbər verir ki, bunu Trend-ə livanlı hüquq müdafiəçisi, xarici siyasət və beynəlxalq hüquq üzrə ekspert Tarik Şandib deyib.

Onun sözlərinə görə, erməni mənşəli livanlıların Dağlıq Qarabağda qanunsuz qruplaşmaların tərkibində döyüşməsini təsdiq edən çoxlu sənədləşdirilmiş faktlar var:

“Bundan başqa, münaqişədə iştirak etmiş livanlı ermənilərin məhv edilməsi ilə bağlı faktlar mövcuddur”.

T.Şandib, həmçinin əlavə edib ki, Livan qanunlarına əsasən, digər ölkələrdə hərbi münaqişələrdə iştirak edən Livan vətəndaşları cinayət məsuliyyəti daşıyır:

“Əgər Dağlıq Qarabağda Azərbaycan xalqına qarşı döyüşlərdə iştirak edən ermənilər, eləcə də Ermənistan tərəfində döyüşlərdən iştirak etmək üçün ermənilərə çağırış edən Ermənistan prezidenti cinayət məsuliyyətinə cəlb olunmursa, o zaman Beynəlxalq cinayət məhkəməsi nəyə lazmdır?”

Hüquq müdafiəçisi əlavə edib ki, dünya ictimaiyyəti, o cümlədən ərəb ölkələri tərəddüdsüz olaraq Azərbaycanın ədalətli mövqeyini dəstəkləməlidir.

Qeyd edək ki, “Röyters” agentliyi də digər ölkələrin vətəndaşları olan ermənilərin Dağlıq Qarabağda döyüşmək üçün bölgəyə getdiklərini bildirib.

Agentliyin “Livanın bəlalarına baxmayaraq, ermənilər Dağlıq Qarabağa görə döyüşə atılır” başlıqlı məqaləsində Livandakı maliyyə böhranı ilə bağlı Ermənistana getmiş və daha sonra Dağlıq Qarabağda döyüşlərdə iştirak edən silahlı ilə müsahibə yer alıb.

Reportajda qeyd olunub ki, Yerevanda yerli və xarici könüllülərə təlim keçən Karapet Ağacanyan 10-a yaxın Livan ermənisinin onun düşərgəsində təlimlərdə olduğunu deyib.

Daxili İşlər orqanlarında kadr dəyişikliyi olub.

Avrasiya.net Unikal.org-a istinadən məlumatına görə, bununla bağlı Daxili İşlər naziri, general-polkovnik Vilayət Eyvazov əmr imzalayıb.

Əmrə əsasən, polis polkovniki İlham Məmmədov Xəzər Rayon Polis İdarəsinin Cinayət axtarış şöbəsinin rəisi vəzifəsindən azad olunub.

Nazirin digər əmri ilə, o, Xəzər RPİ-nin əməliyyat işləri üzrə rəis müavini vəzifəsinə təyin edilib.

30 oktyabrda Türkiyənin İzmir şəhərində baş vermiş zəlzələ nəticəsində ölənlərin sayı 100 nəfərə çatıb.

Avrasiya.net xəbər verir ki, bu barədə Fövqəladə Halların İdarəolunması Agentliyi (AFAD) məlumat yayıb.

Bildirilir ki, ümumilikdə 994 nəfər xəsarət alıb. Onlardan 847-si xəstəxanadan evə buraxılıb, 147 nəfərin müalicəsi davam etdirilir.

Bu gün ABŞ-da 59-cu ümumi seçkilər keçiriləcək.

Avrasiya.net “TASS”a istinadən bildirir ki, Prezident və vitse-prezidentlə yanaşı, amerikalılar 35 senator, Nümayəndələr Palatasının 435 üzvünü, 11 ştatın və iki ərazinin qubernatorunu, həmçinin yerli hakimiyyət orqanları rəhbərlərini seçməlidirlər.

Ağ Ev uğrunda mübarizədə Prezident Donald Tramp və vitse-prezident Maykl Pensla ABŞ-ın keçmiş vitse-prezidenti Cozef Bayden və Kaliforniya ştatından senator Kamala Harris rəqabət aparır.

Qeyd edək ki, seçilmiş prezidentin inauqurasiya mərasimi yanvarın 20-də keçiriləcək.

Noyabrın 2-də gün ərzində və 3-ə keçən gecə Ermənistan silahlı qüvvələrinin bölmələri cəbhənin müxtəlif istiqamətlərində Azərbaycan Ordusu bölmələrinin yerləşdiyi mövqeləri və yaşayış məntəqələrimizi müxtəlif atıcı silahlar, top və minaatanlardan atəşə tutub.

Bu barədə Avrasiya.net-ə Müdafiə Nazirliyindən məlumat verilib.

Döyüş əməliyyatları əsasən cəbhənin Ağdərə, Xocavənd, Zəngilan və Qubadlı istiqamətlərində davam edib. Düşmən cəbhənin bəzi sahələrində şəxsi heyət və hərbi texnikada itkilər verərək geri çəkilməyə məcbur edilib.

Sutka ərzində düşmənin xeyli sayda canlı qüvvəsi, 4 ədəd BM-21 “Qrad” yaylım atəşli reaktiv sistemi, 1 ədəd KUB zenit-raket kompleksi, 9 ədəd müxtəlif tipli topu və 2 ədəd sursatla dolu yük maşını məhv edilib və sıradan çıxarılıb.

Hazırda qoşunlarımız əməliyyat şəraitinə nəzarət edir.

BMT-nin İnsan Hüquqları üzrə Ali Komissarı Mişel Baçelet Dağlıq Qarabağ münaqişəsi zamanı beynəlxalq humanitar hüququnu pozaraq mülki əhaliyə davam edən hücumlardan narahatlığını ifadə edib.

M.Baçelet bildirib ki, münaqişə sentyabr ayında yenidən başlayandan sonra mülki əhalı arasında itkilərin və yaşayış məntəqlərinə dəyən zərərin qarşısını almaq və heç olmasa minimuma endirmək üçün çağırışlar edilib.

Onun sözlərinə görə, Ermənistan və Azərbaycan arasında mülki şəxslərə qarşı hücumlardan çəkinmək barədə razılığa baxmayaraq, ötən həftə sonu yaşayış məntəqələrinə artilleriya zərbələri endirilib:

"Azərbaycan mənbələrinə görə, cəbhə xəttindən təxminən 20 km məsafədə yerləşən Tərtər şəhəri artilleriya zərbələrinə məruz qalıb.

Azərbaycan hökumətinin verdiyi məlumata görə, sentyabr ayının sonundan etibarən Azərbaycanın nəzarətində olan ərazilərdə ən az 91 mülki şəxs öldürülüb".

M.Baçelet bildirib ki, ən böyük insan tələfatı oktyabrın 28-də baş verib. Aktiv döyüş əməliyyatları zonasından təxminən 30 km məsafədə yerləşən Bərdə şəhərinə raket hücumu nəticəsində 21 nəfər ölüb və 70 nəfər yaralanıb:

"Məlumatlara görə, Ermənistan ordusu tərəfindən atılan raketlərin içərisində çoxlu kasset sursatları olub. Yaşayış yerlərinə kasset döyüş sursatlarının atılması beynəlxalq humanitar hüququn prinsiplərinə ziddir.

Kasset sursatlarının istifadəsi ilə bağlı həyəcanverici xəbərlərin fonunda, bir daha istifadə edilməsinə son qoyulmasını və istifadəsini tamamilə qadağan edən Kasset Sursat Konvensiyasını təsdiq etmiş 100-dən çox dövlətə qoşulmağa çağırıram".

Moskvada son sutka ərzində daha 63 nəfər koronavirusdan dünyasını dəyişib.

Avrasiya.net yerli KİV-ə istinadla axəbər verir ki, bununla da Rusiyanın paytaxtında COVID-19 qurbanlarının sayı 6 936-ya çatıb.

Moskvada ümumilikdə 434 mindən çox insan koronavirusa yoluxub, 318 mindən çox pasiyent xəstəliyə qalib gəlib.

Rusiya Prezidenti Vladimir Putin növbəti dəfə Ermənistanın Baş naziri Nikol Paşinyan və Azərbaycan Prezidenti İlham Əliyevə zəng edib.

Bu barədə noyabrın 2-də Kremlin mətbuat xidməti bəyan edib.

"1 və 2 noyabr tarixlərində Rusiya Federasiyasının Prezidenti Vladimir Putin Ermənistan Respublikasının baş naziri Nikol Paşinyan və Azərbaycan Respublikasının Prezidenti İlham Əliyevlə telefon danışıqları apardı. Danışıqlarda Dağlıq Qarabağ münaqişəsinin həlli məsələləri hərtərəfli müzakirə edildi", - deyə Kremlin məlumatında bildirlib.

Bundan əvvəl Vladimir Putin 22 oktyabrda Valdai Klubunun iclasında çıxış edərək, Dağlıq Qarabağdakı münaqişənin həllində Rusiyadan daha çox maraqlanan olmadığını söyləmişdi. Dediyinə görə, o, Azərbaycan Prezidenti İlham Əliyevlə və Ermənistanın baş naziri Nikol Paşinyanla çox sıx təmasdadır, "Onlarla gündə bir neçə dəfə telefonla danışıram".

Dünyanın gözü qarşısında alçalmanın verdiyi hisslə birgə yaratdıqları mifologiyalarının da yavaş-yavaş toz-duman içində yoxa çıxmağa başlaması bu milləti məcbur edir ki, döyüşdə uduzan birinin cırmaq atması, tüpürməsi kimi çirkin hərəkətlərə əl atsın.

Dünyanın 90%-nin istifadə etdiyi Quql (Google) axtarış platformasında “dünyanın ən acıqlı milləti”ni axtarsanız, qabağınıza birinci növbədə erməni milləti çıxacaq. Bütün bu qədər əsəb, acığın haradan gəldiyini bildiyimiz zaman onların elədiyi bütün barbarlıq və vandalizmin köklərini də başa düşmüş olacağıq. İllər boyu onun-bunun torpağından özlərinə “vətən” düzəltməyə çalışan, “böyük ermənistan” xəyalları ilə akvariumdakı balıq kimi başlarını görə bilmədikləri şüşəyə çırpa-çırpa qalan yurd-yuvasız ermənilər millət olaraq (ki onlara millət deməyə də adamın dili gəlmir) natamamlıq kompleksindən əziyyət çəkirlər. Bu kompleksin sahiblərinin vəhşilik və murdarlığa əl atması ayrıca bir psixologiya bölməsidir.

Qarabağda erməni faşistlərinin dağıtmış olduqları 22 muzey və 4 incəsənət qalareyası, burada məhv edilib yararsız hala salınmış 4000 eksponat və sərgi, Azıx mağarasından aparılmış qanunsuz arxeoloji qazıntılar, 927 kitabxana və bu kitabxanaların ümumilikdə sahib olduğu 4.6 milyonluq kitab fondu bu barbarizmin əsas göstəriciləridir.

808 klub, 4 teatr, 2 konsert zalı, 85 (!) musiqi məktəbi məhv edilmişdir. Alban memarlığının inciləri olan Gəncəsər və Xudavənd türbələri də bu vandalizmdən öz paylarını almışdırlar.

Bir neçə gün öncə azad edilmiş Zəngilan şəhərindəki qədim ibadət ocaqları olan məsciddə ermənilərin donuz saxladığı məlum oldu.

Ermənilərin baxımsız qoyduqları, Hadrut qəsəbəsinin Tuğ kəndində yerləşən, 13-cü əsrdə inşa olunmuş Qafqaz Albaniyasına aid Qtiçavank monastırında da vandalizm törədilib.

İddiaları ilə hərəkətləi üst üstə düşmür bu toplumun. Onlar bizim ərazilərimizdə olan xristian Alban məbədlərinin özlərinə məxsus olduğunu iddia etməklə yanaşı, qonşu Gürcüstana da bu iddialarla çıxış edirlər. Belə ki bu vaxta qədər Gürcüstan ərazisində 465 kilsənin ermənilərə məxsus olması haqda iddialar ortaya atılıb. Nəzərə alaq ki, məhz bu mövzuda ermənilərlə gürcülər arasında 18 dəfə hətta müharibə xarakterli ciddi qarşıdurma yaşanıb, bu onların heç bir xalqla normal sülh şəraitində yaşamadıqlarını göstərir.

Ermənilərin davranışları onların Qafqaz xalqları arasında yad olduqlarını sübut edir. Gəldikləri vaxtdan qonşularına ərazi iddiaları ilə çıxış etmələri, uşaqlara, qadınlara qəddarlığı heç bir Qafqaz xalqının ruhiyyəsi ilə uyğun gəlmir. Hətta inancları belə - Erməni Apostol Kilsəsi (EAK) həm pravoslav (Ortodoks), həm də katolik kilsəsinin ehkamlarına görə bidətçi kilsədir. Daha sadə desək, pravoslavlara və katoliklərə görə, ermənilər kafirdir, xristian deyillər. Bunu onların işğal etdikləri ərazilərdə xristian Alban məbədlərinə qarşı etdikləri vəhşilikləri onların xristianlığa belə yad olduğunu öz çılpağlığı ilə sübut edir.

Bu cür faktların bolluğu və vandalizmin özünü hətta qədim xristian kilsələrində də göstərməsi ermənilərin din, mədəniyyət abidələri, etiqadlar və digər millətlərin adət-ənənələrinə qarşı nə qədər dözümsüz olduqlarının əyani sübutudur.

Məqalənin əvvəlində də qeyd etdiyim kimi, daxilən aqressiv, tarix boyu boyunduruq altında sürünən, onun-bunun kölgəsində özünə yer eləyən məğlub bir xalq bəlkə də elə özlərinə acıqlıdırlar. Bu aqressiya onları içdən-içə yeyib-bitirir və sonda bacara bilmədikləri bir düşmənin qarşısında susmağa məcbur olub qəzəblərini daşdan, abidədələrdən, təhsil ocaqlarından, tikililərdən çıxırlar. Düzdür, kərpicdən tikilmiş bu tarixi binalar cavab zərbəsi endirə bilməsələr də, tarix özü cavab zərbəsini ermənilərə Azərbaycan ordusunun əli ilə çox gözəl endirmiş oldu.

Əli Babayev
Bakı Dövlət Universiteti, İslamşünaslıq Elmi Tədqiqat Mərkəzinin əməkdaşı

Vyanada naməlum şəxs sinaqoqda olanlara 50 dəfə atəş açıb.

“Report” “OE24” telekanalına istinadən xəbər verir ki, hadisə şəhərin mərkəzində baş verib.

Belə ki, şəxsiyyəti məlum olmayan şəxs sinaqoqda olan insanlara pulemyotla atəş açıb.

Nəticədə yeddi nəfər güllə yarasından dünyasını dəyişib. Daha sonra cinayətkar özünü partladıb.

Avstriya Daxili İşlər Nazirliyi hadisənin terror aktı olması versiyasını istisna etmir. Faktla bağlı araşdırma aparılır.