Ordumuz Şuşanın 5 km-dədir – Arutyunyan açıqladıAzərbaycan Ordusunun bir aydan çoxdur başlatdığı əks-hücum əməliyyatları düşməni ağ bayraq qaldırmağa məcbur edir.

Avrasiya.net Report-a istinadla xəbər verir ki, artıq qondarma "dqr"in separatçı-terrorçu lideri Araik Aratunyan əvvəlki ritorikasından əl çəkərək məğlub olduqlarını etiraf etməyə başlayıb.

Separatçıbaşı bu gün videomüraciətində Azərbaycan Ordusunun Şuşanın 5 kilometrliyində olduğunu açıqlayıb.

Qeyd edək ki, Ermənistan rəhbərliyi daha əvvəl döyüşçülərin Azərbaycanın işğal olunmuş ərazilərindən qaçmasını "taktiki geriçəkilmə" kimi əsaslandırmışdı. Lakin sonrakı proseslər, habelə baş nazir Nikol Paşinyanın etirafları düşmənin döyüş meydanından qaçdığını sübuta yetirdi.
Müdafiə Nazirliyi müsəlman hərbçiləri üçün Qurani-Kərimin gürcücə tərcüməsini çap etdiribGürcüstanın Müdafiə Nazirliyi cib kitabı formatında Qurani-Kərimin gürcücə tərcüməsini çap etdirib.

Avrasiya.net xəbər verir ki, çap olunmuş müqəddəs kitabın tərcüməsi ölkənin Müdafiə Qüvvələrində xidmət edən müsəlman hərbçilər üçün nəzərdə tutulub.

Gürcüstan Müsəlmanları idarəsi ilə əməkdaşlıq çərçivəsində çap olunan bu kitabın ərəb dilindən gürcü dilinə tərcüməsi İdarənin əməkdaşı, illahiyatçı Rezo Mikeladzeyə məxsusdur.

Gürcüstan Müsəlmanları İdarəsi bu təşəbbüsə və müsəlman hərbçilərin dini hüquqlarının qorunması sahəsindəki işlərinə görə nazirliyə təşəkkür edib.

Onu da qeyd eək ki, 5 il bundan öncə Müdafiə Nazirliyinin təşəbbüsü ilə müsəlman əsgərlərin xidmət etdikləri hərbi hissələrdə gündəlik namazlar və həmçinin Cümə və Bayram namazlarının qılınması üçün xüsusi ibadət yerləri yaradılıb.
"Beynəlxalq aləm erməni vadalizminin əməllərinə  yenə də susur"Son günlərdə azğın düşmənin bəşəri dəyərləri ayaqlar altına ataraq dinc insanları hədəf seçib Bərdəyə raket ataraq qeyri-insanı vəhşiliklər törətməsi təkcə Azərbaycan qarşı yox, bütövlükdə dünyaya qarşı hərbi cinayət və erməni vandalizminin növbəti təzahürü idi.

Bunu “Ölkə.Az”a açıqlamasında Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.

Komitə sədrinin sözlərinə görə, bu gün dünyanın fundamental dəyərləri itirilmiş, ayaqlar altına atılmış durumdadır.

“ Birinci Dünya Müharibəsindən sonra bəşəri və insanı dəyərlərin müdafiə olunması və inkişaf etdirlməsi məqsədi ilə ciddi addımlar atılaraq beynəlxalq səviyyəli təsisatlar yaradıldı, hüquqi baza yaradıldı. Lakin son illərdə biz uzun illər ərzində yaradılan bəşəri dəyərlərin deqradasiya uğradığının və alt-üst edildiynin şahidi olmaqdayıq. Beynəlxalq təsisatlar üzərinə düşən missiyanı icra edə bilmir və aciz duruma düşüblər. Bunun da əsas səbəbi dünyanın aparıcı dövlətləri tərəfindən pozulması, öz maraqlarına uyğun şəkildə dünyadakı problemlərə ikili münasibət bəsləməsidir. Əgər belə olmasaydı təcavüzkar Ermənistanın işğalçılıq, dinc insanlara, xüsusən də qadın və uşaqlara qarşı qeyri-insani vəhşiliklərinə, hərbi cinayətlərinə göz yummazdılar. Amma biz bu gün nə başda BMT olmaqla digər hər hansı beynəlxalq təsisatın faşist Ermənistanın həyata keçirdiyi nə işğalçılıq siyasətinə, nə də dinc insanlara, qadın və uşaqlara qarşı vandalizm hərəkətlərinə qaşın üstə gözün var deyən yoxdur. Bununla da beynəlxalq hüququ müdafiə edib, onun icrasına nəzarət edən beynəlxalq təsisatlar və beynəlxalq güclərin özləri bunu kobud surətdə pozur və ayaqlar altına atırlar. Əgər bu belə olmasaydı terrorçu, işğalçı Ermənistan bu gün belə at oynatmazdı, bəşəriyyətə, insanlığa qarşı qarşı belə qeyri-insani cinayətlər törətməzdi. Beynəlxalq hüququn pozulmasının qarşısını almaq və onun qorumalı olan beynəlxalq səviyyəli təsisatlar və beynəlxalq güclər bunun qarşısını alardılar. Ancaq biz bu gün həmin güclərin təcavüzkara hərtərəfli dəstək verdiyinin və terrorçu dövləti işğalçılığa, insanlığa qarşı qeyri-insanı vəhçi cinayətlərinin davam etdirilməsinə sövq edildiyinin şahidiyik”- komitə sədri qeyd edib.

Millət vəkili əlavə edib ki, beynəlxalq hüququ qorumalı olan təsisatlar və güclər bunu etmədiyindən Türkiyə və Azərbaycan onların qəbul etdiyi qərarların icrası ilə məşğuldur: “Cənab Ali Baş Komandan İlham Əliyevin bəyan etdiyi kimi, əslində Azərbaycan bu gün BMT və digər beynəlxalq səviyyəli təsisatların işini görərək, BMT Təhlükəsizlik Şurasının və digər beynəlxalq təşkilatların Ermənistan-Azərbaycan münaqişəsinin həlli ilə bağlı qəbul etdiyi qətnamələrin icrası ilə məşğuldur. Bununla da Azərbaycan və Türkiyə BMT-nin itirilmiş nüfuzunun bərpası ilə məşğuldur. Türkiyə bu gün dünyanın ən müxtəlif bölgələrində məzlumların, hüquqları pozulan insanların hüquqlarını müdafiə etməklə məşğuldur. Azərbaycan da həmçinin, həm yerləşdiyimiz bölgədə, həm də dünyada bu istiqamətdə öz səylərini göstərməkdədir.

Azərbaycan və Türkiyənin bu səylərinə baxmayaraq beynəlxalq aləm hələ də susqunluq nümayiş etdirib, təcavüzkar ölkənin hərbi cinayətlərinə göz yumur”.

Terrorçu Ermənistanın Bərdədə qanlı qətliam törətməsinə gəldikdə isə komitə sədri deyib ki, faşistlərin Bərdəyə atdığı rajet təkcə Azərbaycana yox, eyni zamanda dünya insanlığına, ABŞ-a, Rusiyaya, Fransaya, Almaniyaya, İrana atılan raketdir: “ Beynəlxalq aləm yenə erməni vadalizminin əməllərinə yenə də susur. Faşist və terror dövlət səviyyəsində dünyanın gözü qarşısında nümayişkəranə formada həyata keçirsə də, ona hələ də “DUR!” deyən yoxdur. Beynəlxalq aləm susqunluq nümayiş etdirdiyindən vandalizmi həyata keçirən terrorçuların dərsini və cəzasını özü verir. Azərbaycan azğın düşmən və uşaq, qadın canilərinin cəzasını döyüş meydanında verir və bundan sonra da verəcək. Bütün cinayətkarlar öz layiqli cəzasını alacaq”.

Komitə sədri onu da əlavə edib ki, faşist Ermənistanın siaysi-hərbi rəhbərliyi bu gün təkcə Azərbaycan qarşı deyil, eyni zamanda öz xalqına qarşı da dəhşətli cinayətlər törətməkdədir: “Bu gün terrorçu Ermənistanın siyasi-hərbi rəhbərliyi günahsız yerə vətəndaşlarını başqa bir ölkənin ərazisində qırğına verir. Bundan əlavə olaraq döyüş meydanında ölən hərbçilərinin, girovlarını belə qəbul etmək istəmir.Azərbaycan tərəfi birtərəfli qaydada döyüç meydanında ölən düşmən ordusunun hərbçilərini təhvil vermək istəsə də, qarşı tərəf bundan imtina edib. Bu bird aha sübit edir, bu ölkəyə rəhbərlik edənlərdə zərrə qədər insanlıq yoxdur. Odur ki, belə mənfur düşməndən insanlığa qarşı ən ağlagəlməz cinayətlərin törədilməsini gözləmək olar. Amma Azərbaycan azğıqn düşmənin onun başa düşəcəyi dildə başa salmağı bilir və bunu də döyüç meydanında tətbiq etməkdədir. Müzəffər Azərbaycan ordusu Ali Baş Komandanın komandanlığı altında azğın düşməni torpaqlarımızdan iti qovan kimi qovub çıxarmaqdadır. Qələbə Azərbaycanındır və tezliklə ərazi bütövlüyümüzə qovuşub, qələbəni təntənəli surətdə qeyd edəcəyik”.
Prezident təqaüdü alacaq tələbələrin SİYAHISIPrezident İlham Əliyev 2020/2021-ci tədris ilində Azərbaycan Respublikasının ali məktəblərinə daxil olmuş tələbələrə Prezident təqaüdünün verilməsi haqqında sərəncam imzalayıb.

Avrasiya.net xəbər verir ki, sərəncama əsasən 2020/2021-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali məktəblərinə daxil olmuş aşağıdakı tələbələrə Prezident təqaüdü veriləcək:

Abasov Hüseynağa Hüsaməddin oğlu

Abbaslı Aliyə Fariz qızı

Abbaszadə Nuray Xasay qızı

Abdullayev Hüseyn Yaşar oğlu

Abdullayev Vüsal Əliyeviç

Abdullayeva Şəfa Cəsarət qızı

Abuzərli Rəna Nazim qızı

Ağakişiyev Məhəmməd Rəsul oğlu

Ağazadə Pərvanə Fayiq qızı

Alışzadə Röyalə İlqar qızı

Allahverdiyev Nüsrət Ramil oğlu

Atakişiyev Əlosman Seymur oğlu

Babayeva Fidan Namiq qızı

Bağırov Siyavuş Mehdi oğlu

Baxışova Şəbnəm Sakit qızı

Bayramlı Elçin Rövşən oğlu

Bəşirova Aişə Həbib qızı

Bulud Uğur Seyran oğlu

Bürcəliyev Səbuhi Məlikəjdər oğlu

Cabbarlı Nərmin Sidqi qızı

Cəfərova Aytən Musa qızı

Çələbiyev Ayxan Elxan oğlu

Dadaşeva Aysel Etibar qızı

Dünyamalıyev Zeynal Hafiz oğlu

Əhmədova Fatimə Rza qızı

Əhmədzadə Davud Raci oğlu

Əhmədzadə Elmir Asif oğlu

Əliyev Həsənbala Fuad oğlu

Əliyev Tərlan Mehman oğlu

Əliyev Yusif Hüseyn oğlu

Əliyeva Fəzilə Samir qızı

Əliyeva Fidan Faiq qızı

Əmirova Aytac Rakif qızı

Əsədli Şəfa Zahir qızı

Əsgərli Zeynəb Ramil qızı

Əsgərova Şənay Zaur qızı

Əzimli Xətai Xanoğlan oğlu

Əzimzadə Rüstəm Eyvaz oğlu

Əzizov Məhəmməd Mehman oğlu

Hacıyeva Röya Rauf qızı

Həsənov Nəriman Pərviz oğlu

Həsənova Zümrüd Raciyevna

Hüseynquliyev İlham Əlövsət oğlu

Hüseynli Elxan Namiq oğlu

Hüseynli Pərizad Nizami qızı

Hüseynov Fərid Mehman oğlu

Hüseynov İsmayıl Kamil oğlu

Hüseynov Səbuhi Ramiq oğlu

Hüseynov Ümid Şövqi oğlu

Hüseynova Nuranə Rafiq qızı

Xəlilov Cavidan Mayıl oğlu

İbrahimov Rafiq Elşən oğlu

İlyaslı İlyas Zöhrab oğlu

İsmayılov Elmir Fuad oğlu

İsmayılov Famil Zaur oğlu

İsmayılov Rüfət Rəşad oğlu

İsmayılzadə Əhməd Səlim oğlu

İsmayılzadə Mirənvər Nail oğlu

İsparova Ləman Rizvan qızı

İsrafilov Araz Rəfael oğlu

Kazımova Nəzrin Adil qızı

Kərimli Aydan Cəsarət qızı

Kərimli Əziz İlham oğlu

Qadiyeva Günay Telman qızı

Qallacov Məhəmməd Şamil oğlu

Qarayev Mətin Vüqar oğlu

Qardaşəliyeva İlahə Şahgül qızı

Quliyeva Günel İlqar qızı

Quliyeva Sücahət Taleh qızı

Quluyev Əli Həsən oğlu

Lalayev Fərid Cəmil oğlu

Məlikov Anar Şaiq oğlu

Məmmədov Elvin Vəli oğlu

Məmmədova Aytac Səxavət qızı

Məmmədova Məhin Kamran qızı

Məmmədzadə Azadə Zaur qızı

Məsimov İsmayıl Cahangir oğlu

Mikayıl Zadə Aslan Samir oğlu

Miraləm Nərgiz Elşad qızı

Muxtərov Əli Natiq oğlu

Muradov Oruc Vaqif oğlu

Mustafazadə Murad Nadir oğlu

Namazov Rəvan Əbülfət oğlu

Nəbili Oktay Sübhi oğlu

Nəzərov Aqil Elnur oğlu

Nuri Nahid Natiq oğlu

Orucov Əlövsət Əli oğlu

Orucova Balaqız Anar qızı

Paşayeva Səba Gəray qızı

Peşəkərova Pərvanə Səday qızı

Ramazanlı Azər Maarif oğlu

Rəfiyeva Nəzrin Bənamil qızı

Rzalı Cəmilə Tərlan qızı

Salamova Hədiqə Vüqar qızı

Sayılov Allahverdi Pənah oğlu

Şahbazzadə Zərifə Şəhriyar qızı

Şərifova Mahirə Vahid qızı

Tağıyev Cavidan Ayaz oğlu

Tərişli Fidan Əfqan qızı

Vəliyeva Kifayət Vüqar qızı

Yusifova Aynur İsaxan qızı

Yusifzadə Cəvahir Əfəndi qızı
Prezident azad edilmiş ərazilərlə bağlı fərman imzaladıXəbər verdiyimiz kimi, Azərbaycan Prezidenti İlham Əliyev Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında fərman imzalayıb.

Avrasiya.net xəbər verir ki, fərmana əsasən, işğaldan azad olunmuş ərazilərində, Azərbaycan Respublikasının inzibati ərazi bölgüsünə müvafiq olaraq, hər rayon üzrə xüsusi idarəetməni həyata keçirən müvəqqəti komendantlıqlar yaradılacaq.

Bundan başqa komendantlıqlar öz fəaliyyətini Müdafiə Nazirliyi və Dövlət Sərhəd Xidməti ilə əlaqələndirməlidirlər.
Sosial şəbəkələrlə bağlı layihə uğurla başa çatıb“Aktor” İctimai və Sosial Tədqiqatlar İctimai Birliyinin Azərbaycan
Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra etdiyi “Sosial şəbəkələrdə informasiya təhlükəsizliyinin təmin olunmasında vətəndaş cəmiyyətinin rolunun artırılması ilə bağlı tədqiqatların aparılması” layihəsi uğurla başa çatıb.

Təşkilatdan verilən məlumata görə, İcra Planının şərtlərinə uyğun olaraq üç ay ərzində müxtəlif fəaliyyətlər həyata keçirilib. İlkin mərhələdə Bakı, Sumqayıt və Gəncə şəhərlərinin ümumilikdə 600-dən çox sakini ilə 6 onlayn ictimai müzakirə reallaşdırılıb.

Görüşlərdə şəhər sakinləri, millət vəkilləri, ekspertlər, dövlət
qurumlarının vəzifəli şəxsləri, idarə təmsilçiləri, təşkilat əməkdaşları, müəllim və tələbələr iştirak ediblər və mövzu ilə bağlı fikirlərini bölüşüblər.Qonaqlar layihənin önəminə toxunaraq, mövzunun vacibliyini diqqətə çatdırıblar.Çıxışlarda həmçinin pandemiya dövründə sosial şəbəkələrdən istifadənin daha da aktuallıq kəsb
edildiyi, COVİD-19 virusu ilə bağlı həm psixoloji təsirlərdən, həm də düzgün analiz olunmamış xəbərlərin insanlara mənfi təsirlərindən danışılıb.

Növbəti mərhələdə mövzu ilə əlaqədar 400-dən çox şəxsdən sorğular götürülüb, nəticələr əsasında kitabçalar hazırlanıb və ödənişsiz olaraq vətəndaşlara paylanılıb.

“Aktor” İctimai və Sosial Tədqiqatlar İctimai Birliyi həmçinin könüllü şəkildə COVİD19 pandemiyası ilə əlaqədar aztəminatlı ailələrə yardım edib, ehtiyacı olan şəxslərə ərzaq kuponları göndərilib.
Daha uğurlu nəticələrə nail olunması və dayanıqlığın təmin edilməsi məqsədi ilə layihəyə əlavə dəyər gətirən fəaliyyətlər də həyata keçirilib.Hesab olunub ki, icra olunan layihə vətəndaş cəmiyyəti üzvlərinin sosial şəbəkələrdən daha uğurlu istifadəsinə təkan verəcək.

Qeyd edək ki, layihə Sosial Tədqiqatlar Mərkəzi (STM) ilə birgə keçirildiyindən icra dövründə təşkilatla sıx əməkdaşlıq edilib.

Putin yenə Qarabağ münaqişəsindən DANIŞDI: “5+2 rayon qaytarılmalı, sonra...”Rusiya Putin Qarabağ münaqişəsi barədə fikirlərini bildirib.

Modern.az Rusiya KİV-nə istinadən xəbər verir ki, o, münaqişənin nizamlanmasının çətinliklərindən danışıb.

“Hər iki tərəfin öz həqiqətləri var. Asan həll yoxdur, düyün çox dolaşıqdır. Bizim mövqeyimiz aydındır, Azərbaycana 5 və sonra 2 rayon qaytarılmalı, Qarabağda müəyyən rejimli zonalar yaradılmalıdır" - deyə cavab verib.

Putinin fikrincə, tərəflərin maraqlar balansı bərabərləşsə, münaqişəni həll etmək mümkün olacaq. Prezidentin fikrincə, 80-ci illərin sonunda münaqişə alovlanmağa başlayanda Sovet rəhbərliyi münaqişənin qarşısını almaq üçün kifayət qədər tədbir görməyib.

Xatırladaq ki, Putin “İrəli, Rusiya” forumunda çıxışı zamanı məsələyə toxunub.
Ermənistan Goranboyu vurdu: Dinc sakin həlak olduGoranboyun Tap kəndində Ermənistan silahlı qüvvələri tərəfindən daha bir dinc sakin qətlə yetirilib. Raket onların evinin damına düşüb.

Avrasiya.net xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Tvitterdə yazıb.

“Ermənistanın hərbi cinayətləri davam edir”, - o əlavə edib.
Düşmənin bu alayı Qarabağa getməkdən imtina etdiErmənistan silahlı qüvvələrinin 543-cü alayının hərbi qulluqçuları kütləvi şəkildə Dağlıq Qarabağa getməkdən imtina edib.

Avrasiya.net xəbər verir ki, bu barədə Müdafiə Nazirliyi məlumat yayıb.

Məlumatda qeyd olunub ki, təcili olaraq hərbi hissəyə gələn hərbi prokurorluq əməkdaşları döyüşə getməkdən imtina edən hərbiçiləri həbslə hədələyərək onları istənilən döyüş tapşırığını yerinə yetirmələri barədə iltizam imzalamağa məcbur ediblər.

Oxşar hadisə Ermənistanın Koti yaşayış məntəqəsində dislokasiya edilən hərbi hissədə də baş verib. Burada xidmət edən hərbi qulluqçular döyüşə getməkdən imtina etdiklərinə görə hərbi polis tərəfindən həbs edilib.

Görülən bütün cəza tədbirlərinə baxmayaraq Ermənistan Müdafiə Nazirliyinin rəhbərliyi Dağlıq Qarabağa getməkdən imtina edənlərin qarşısını almaqda acizdir.

Erməni hərbi qulluqçularının döyüşdən kütləvi şəkildə imtina etməsinə səbəb Azərbaycan Ordusunun döyüş meydanında qələbələri və düşmənə endirdiyi dəqiq atəş zərbələri nəticəsində çoxlu sayda döyüş texnikasının və canlı qüvvəsinin məhv edilməsi ilə bağlı təqdim edilən video-görüntülərdir.
"Qafqazda sadəcə Rusiyanın deyil, bir çox başqa dövlətlərin də maraqları vardır"QHT sədri, ictimai fəal Emin Əliyev Azərbaycan Ordusunun işğalçı Ermənistan ordusu üzərində ardıcıl qələbələri, haqq işi uğrunda apardığı döyüş, region ölkələrin Azərbaycana münasibəti və digər məsələlərlə bağlı sualları cavablandırıb.

Avrasiya.net həmin müsahibəni təqdim edir.

- Emin müəllim, işğaldan azad edilən kəndlərin xəritədəki yerlərinə fikir vermisinizmi? Xırda istisnaları saymasaq, elə əsasən bizə verilməsi planlaşdırılan 5 rayon istiqamətində gedirik. Buna görə də insanlarımızda haqlı olaraq belə bir qorxu yaranır ki, bu rayonları alandan sonra hər şey bitəcək və yenə ardı-arası kəsilməyən danışıqlar müddəti başlayacaq. Bu barədə nə düşünürsünüz?

- İlk baxışdan qeyd olunan amil gözə çarpsa da, burada bəzi məqamlara diqqət yetirmək lazımdır. Ölkə başçısı xarici mətbuata verdiyi müsahibələrin birində açıq şəkildə dedi ki, Şuşa azad edilməsə işimiz yarımçıq qalacaq. Şuşa isə qeyd olunan 5 rayona daxil deyil. Bu 5 rayona daxil olmayan digər rayonumuz isə Laçındır, hansı ki, hətta ermənilərin özləri də etiraf edir ki, Laçınətrafı kəndlərdə gərgin döyüşlər gedir. Daha sonra bu siyahıya Xocavəndi də əlavə etmək olar. Belə ki, Ermənistanın hələ də onlarda olduğuna “inandığı” Hadrut qəsəbəsi də qondarma “respublika”nın sərhədləri daxilindədir. Bundan başqa 27 il ərzində danışıqlar prosesində dəfələrlə səsləndirilən və Dağlıq Qarabağ ətrafı rayonların geri qaytarılması qarşılığında şərt kimi irəli sürülən qondarma rejimin müstəqil dövlət kimi tanınmasını yolunda referendum məsələsi də artıq tarixin “zibil qutusu”na atılmışdır. Dağlıq Qarabağ ətrafındakı 7 rayon işğaldan azad edildikdən sonra danışıqlara başlanılsa belə bu uzun sürməyəcək. Lakin proseslərin sürəti, ölkə başçısının qətiyyətli, cəsarətli, sərt, kəskin çıxışları bu münaqişəyə birdəfəlik son qoyulmağa çalışıldığını göstərir. Ölkə başıçı açıq bəyan edərək bildirib ki, bu ərazilərdə heç bir referendum keçirilməyəcək. Referendum yoxdursa, demək ki, bu bölgə üçün heç bir status da yoxdur. Demək ki, bu bölgənin statusunu Azərbaycan Respublikasının Konstitusiyası müəyyən edəcək.

- Murov zirvəsini azad etmək daha çətin idi, nəinki ondan o tərəfə irəliləmək. Biz isə Murovu aldıq və o cəbhədə işləri dayandırdıq. Niyə Kəlbəcər istiqamətində əməliyyatlarımız davam etmədi?

- Hesab etmirəm ki, bu istiqamətdə əməliyyatlar başa çatdı və hesab etmirəm ki, əməliyyatın ən çətin hissəsi Murovdağ zirvəsinin azad edilməsi idi. Ümumiyyətlə hərbi ekspertlər torpaqlarımızın azad edilməsi istiqamətində mümkün olacaq hərbi əməliyyatlarla bağlı proqnozlar verərkən böyük əksəriyyət hallarda əməliyyatın yalnız təmas xəttinin cənub-şərq istiqamətində baş verəcəyini deyirdilər. Ordumuzun 27 sentyabr tarixində başlatdığı əks-hücum əməliyyatları isə bütün cəbhə xətti və bütün Ermənistan-Azərbaycan sərhəd xətti üzrə əməliyyat şəraitinə tam nəzarət etmək prinsipi üzərində qurulumuşdur. Ordumuz Naxçıvan Muxtar Respublikası və ölkəmizin Ermənistanla həmsərhəd olduğu şimal-qərb sərhədlərimiz boyu düşmənin döyüş əməliyyatları istiqamətində qüvvələrin toplanmasının qarşısının alınması üçün daim onları gərginlikdə saxlayaraq manevrlər edir. Bu tədbirlər eyni zamanda düşmənin qəfil olaraq sərhəd xəttimizin pozulması istiqamətində təxribatlarının da qarşısını almağa xidmət edir. Çünki uzun illər əldə etdiyimiz acı təcrübə düşmənin heç bir beynəlxalq hüquq normalarına əhəmiyyət vermədiyini bizə öyrətmişdir. Bundan başqa təmas xəttinin bütün istiqamətləri üzrə hücuma keçilməsi, Murovdağ zirvəsinin, Talış və Suqovuşan kəndlərinin, Xocavənd istiqamətindən Hadrut qəsəbəsinin, Füzuli istiqamətində baş tutmuş əks-hücum əməliyyatları düşməni çaş-baş saldı və bundan sonra onu bütün cəbhə boyu gərgilikdə saxlayaraq bir istiqamətdə qüvvələrini dislokasiya edilməsinin qarşısını aldı. Murovdağ zirvəsi istiqamətində ordumuzun hərəkətinin dayanması məsələsinə gəlincə deyə bilərəm ki, bu yüksəklikdən düşmənin qondarma “respublika”ya gedən üç əsas yoldan biri məhz Vardenis-Kəlbəcər yoludur ki, bu yol əks-hücum əməliyyatları başlayan ilk günlərdən nəzarətə götürüldü. Bu əməliyyatın əsas mahiyyəti məhz bu idi. Kəlbəcər rayonu üzərinə əsas və son hücum cənub istiqamətindən, yəni Laçın rayonu azad edildikdən sonra ediləcəkdir. Bu zaman Kəlbəcərdəki düşmən qüvvələri iki cəbhədə: şimal və cənub istiqamətində vuruşmalı olacaqdır və burada onların ciddi müqavimət göstərməsi mümkünsüzdür.

- Rusiya bilir ki, Azərbaycan heç vaxt tam rusiyayönümlü olmayacaq. Qarabağı "itirməklə" Ermənistan da Rusiyadan uzaqlaşacaq. Gürcüstan da məlumdur. Rusiya bütün Cənubi Qafqazda nüfuzunu itirməkdən qorxmurmu sizcə? Qorxursa niyə susur bu proseslərə?

- Qafqazda sadəcə Rusiyanın deyil, bir çox başqa dövlətlərin də maraqları vardır. Bunlardan ABŞ, Fransa, Birləşmiş Krallıq, İran İslam Respublikası və Türkiyəni xüsusi qeyd etmək olar. Lakin Rusiyanın bu regiona yaxın olması, Sovet imperiyasından qalmış nüfuzu onu digərlərinə nisbətən daha avantajlı edir. Rusiya hər zaman öz xarici siyasətini “hard power” üzərindən formalaşdırmışdır və Cənubi Qafqaz dövlətləri arasında Rusiya ilə bu siyasi münasibətlər üzərində rəqabət aparacaq dövlət yoxdur. Bu ilkin mənzərədir. Ermənistanda Paşinyan hakimiyyəti qurulduqdan sonra onun antirusiya siyasəti Putin hakimiyyətinin xoşuna gəlmədi. 2008-ci ildə Gürcüstanın da aqibəti göz qabağında idi. Azərbaycan isə Rusiyaya qarşı ən cəsarətli mövqeyi məhz bu əks-hücum əməliyyatlarından bir qədər öncə iki ölkə liderlərinin telefon danışıqlarında ortaya qoydu. Rusiya bölgədə nüfuz sahibi olmağa davam edəcək. Lakin onun “hard power”inin qarşısında dayana biləcək alternativ bir “power” olmalıdır ki, o burada istədiyi kimi sərhədsiz imkanların sahibi olmasın. Bizim marağımızdadır ki, bu regionda Türkiyənin nüfuzu güclənərək digər dövlətlərinkini zəiflətsin və ya tamamilə sıradan çıxarsın. Müstəqillik əldə etdikdən bu günədək regionda olan digər yuxarıda adı çəkilən dövlətlərin maraqları təmin edilsə də zərurət yarandıqda onlar bölgədən çox uzaqda olduqlarını əsas gətirərək heç bir dövlətə dəstək verməmişdirlər. Nümunə olaraq 2000-ci ildə İran İslam Respublikasının silahlı qüvvələri tərəfindən Xəzər dənizində Azərbaycan gəmisinin atəşə tutulması və 2008-ci ildə Rusiya ilə Gürcüstan arasındakı bir neçə günlük müharibəni göstərmək olar. Xəzərdə neft maraqları olan Birləşmiş Krallıq və ABŞ, Gürcüstanda strateji maraqları olan Avropa İttifaqı və ABŞ “dişsiz” bəyanatlar verərək işlərini tamamlanmış hesab etdilər. Hər iki halda Türkiyə regionda sülhün təşkilatçısı rolunu oynamağa əməli cəhd göstərmişdir. Rusiya bölgədəki nüfuz dairələrini bir neçə dövlətlə paylaşmaqdansa Suriya, İraq, Liviyada artıq bir neçə ildir ki, tərəfdaşlıq etdiyi və “dil tapdığı” Türkiyə ilə bərabər bölgəni nüfuz dairələrinə bölməyi üstün tutduğunu nümayiş etdirir. Bölgədə nüfuzunu itirən dövlətlər isə “cığallıq” edərək hay-küy salsalar da yəqin ki, nəticəsi olmayacaqdır. Bu məsələ “win-win” prinsipinə uyğundur.

- Bir qisim insanda belə bir fikir formalaşıb ki, Paşinyan Qarabağı qəsdən verir ki, Ermənistan Rusiyanın orbitindən tamamilə qopa bilsin. Buna ehtimal verirsinizmi?

- Mən də bu cür təhlillərlə tanışam və hətta mövcud vəziyyətlə bağlı ehtimal olunan variantlar barədə düşünəndə zəif ehtimal olaraq bu fikir mənim də ağlımdan keçmişdir. Lakin nəzərə alsaq ki, Ermənistanın əsas strateji sahələri Rusiya Federasiyasının mülkiyyətidir. Buna dəmir yolları nəqliyyatı, elektrik xətləri və enerji istehsalı və satışı tamamilə Rusiyanın nəzarətindədir. Bundan başqa Ermənistanın Türkiyə və İranla sərhəd xətti məhz Rusiya sərhədçiləri tərəfindən mühafizə olunur. Daha sonra Gümrüdəki 102 saylı hərbi baza Rusiyanın Ermənistanda hərbi varlığının təminatçısıdır. Bundan başqa, təxminən 2,5 milyon ermənin Rusiyada işləməsi və ölkəsinə pul göndərməsi də əlavə bir təzyiq vasitəsi kimi qeyd edilə bilər. Ermənistanda hər zaman qərbyönümlü hərəkat olmuşdur, var və bundan sonra da olacaqdır. Cənubi Qafqaz ölkələri içərisində Ermənistan kimi Rusiya tərəfindən əhatələnmiş ikinci bir dövlət yoxdur. Bütün bu səbəblər onu göstərir ki, Paşinyan hakimiyyəti ürəkdən arzu etsələr də Ermənistanın Rusiyadan canını qurtarması yaxın onilliklərdə mümkün olmayacaqdır. Eyni zamanda 27 sentyabrda başlamış əks-hücum əməliyyatları gedişatında Ermənistanın uğursuzluğa düşərək Rusiyanın ayaqlarına düşməsi onu göstərir ki, Ermənistanın Rusiyadan qopmaq “arzuları”nın yerinə yetməsi hələ ki, mümkünsüzdür.

- Rusiya bizi çaşdırmaq üçün, diqqətimizi fərqli yönlərə çəkmək üçün ölkəyə dini radikalları salmış ola bilərmi?

- Btün Şimali Qafqaz ərazisi Rusiyanın təhlükəsizlik baxımından ən problemli bölgəsidir. Coğrafi şəraiti, etnik və dini müxtəlifliyi regionda təhlükəsizlik məsələlərini tam nəzarətdə saxlamaq üçün ciddi çətinliklər yaradır. Buradan ölkəmizə əvvəllər də terror-təxribat qrupları keçərək müxtəlif həcmli cinayətlər həyata keçirməyə nail olublar. Lakin indiki məqamda bu halların baş verməsinə ehtimal vermirəm. Düzdür, Rusiya yaxın keçmişimizdə dəfələrlə azərbaycanlılara qarşı səhvlər buraxaraq əlaqələrimizin pozulma həddinə çatmasına “nail olub”. Təkcə 1990-cı ilin 20 yanvar hadisələri xalqımızın anti-Rusiya meyillərini xeyli gücləndirmiş və əlaqələrimizi ciddi şəkildə zədələmişdir. Bundan sonrakı illərdə də Rusiyanın münasibətlərimizin pozulmasına xidmət edən “cəhdləri” az olmayıb. Bu isə Rusiyanın “hard power” siyasi xəttinin komponentlərindəndir. Və ən böyük problem də bu idi ki, əvvəllər Azərbaycan üçün alternativ yox idi. Bizə xoş görünməyə cəhd edən Qərb bizdən çox uzaq və soyuqqanlı, bizə yaxın və isti olan Türkiyə isə zəif və Rusiyaya müqavimət göstərə bilməyəcək səviyyədə NATO və qərbdən asılı idi. Bu gün isə siyasi şərait çox dəyişib. Rusiya Azərbaycana qarşı hər hansı bir terror-təxribat fəaliyyəti və ya hər hansı hərbi müdaxilə həyata keçirmiş olarsa bu onun Azərbaycanla münasibətlərinin nəinki siyasi, hətta milli səviyyədə qırılmasına gətirib çıxarar və ona qarşı Azərbaycan əhalisinin dərin nifrətinə səbəb olar. Bu isə Rusiya üçün ən pis ssenaridir.

- Bəs İranın belə bir şey etmək ehtimalı varmı sizcə?

- İran İslam Respublikası çox sağ olsun. Bizə hərbi, siyasi, mədəni, milli, dini dostlarımızın kimlər olduğunu göstərdi. Əməliyyatlar başlayan kimi əməliyyatların dayandırılması ilə bağlı çağırış etdi. Bu çağırış ilk baxışdan humanitar və neytral bir çağırış kimi görünsə də əsl verdiyi mesaj bu idi: “Azərbaycanın öz torpaqlarını işğaldan azad etmə əməliyyatlarını dayandırsın.” Daha sonra İran gördü ki, Azərbaycanda anti-İran meyilləri güclənir, bundan başqa İranda yaşayan Azərbaycan türkləri artıq hökumətə qarşı çıxışlar edir və bu çıxışlar daha sonra yüz minlik bir etiraz aksiyasına çevrilir, məcbur ritorikasını dəyişərək Azərbaycana “qardaşlıq” mesajları ilə dolu namələr göndərdi. Lakin 10 oktyabr tarixində Moskvada baş tutmuş görüş və 4 maddəlik atəşkəs bəyanatından dərhal sonra İran prezidentinin Rusiya prezidentinə zəng etməsi onların nə dərəcədə “səmimi” olduqlarını nümayiş etdirdi. Hesab edirəm ki, Həsən Ruhani heç kəsə yox, əvvəl məhz, İlham Əliyevə zəng etməli idi. Daha sonra isə Azərbaycanın haqq mübarizəsində onu istisnasız və tərəddüdsüz dəstəkləyən Rəcəb Tayyib Ərdoğana zəng etməli idi. Onu da demək lazımdır ki, xalqımız bəlkə də dünya tarixində ilk dəfə olaraq müharibənin dayandırılmasını deyil, tam sürətlə davam etməsini tələb edirdi və 10 oktyabrda verilmiş bəyanatın şərtlərinə Ermənistan tərəfindən riayət edilməyəcəyini müdrikcəsinə anlayaraq bu münaqişənin hərb variantına üstünlük verdiyini açıq şəkildə bildirirdi. Belə də oldu. 10 oktyabr atəşkəs qərarından sonra daha iki atəşkəs qərarına Ermənistan tərəfindən riayət edilmədi. Bundan başqa İranın işğal edilmiş rayonlarımızla həmsərhəd rayonlarından Ermənistan silahlı qüvvələrinə silah-sursatın daşınması ilə bağlı xeyli sayda foto-video faktların olması onların bizə o məşhur “dostluq və qardaşlığı”nı çox aydın şəkildə nümayiş etdirdi. Bu məqamda ölkə başçısının çox maraqlı bir fikrini qeyd etmək istərdim. O bildirdi ki, artıq bu bölgədə yeni bir münasibətlər sistemi yaranır və heç bir şey əvvəlki kimi olmayacaq. Bu münasibətlər sistemində İrana rol verilməsi üçün o, gərək çox əziyyət çəksin. İranın ölkəmizdə ən çox istifadə etdiyi “kart” “siyasi məzhəbçilik” kartıdır. Bu alətdən İran Azərbaycan müstəqillik qazandıqdan sonra dəfələrlə istifadə etmişdir və bu bizim yaddaşımızdan heç bir zaman çıxmayacaq.

- Ümumiyyətlə bu qarışıq məqamda sizcə kənar ölkələrdən kömək istəməliyikmi?

- Azərbaycanın kəşfiyyat, əks-kəşfiyyat və əməliyyat-axtarış sahəsində fəaliyyət göstərən mərkəzi icra hakimiyyəti orqanları son illər olduqca peşəkarlaşıblar. Məhz bu peşəkarlığın nəticəsidir ki, Bakı dünyanın on ən təhlükəsiz şəhərlərinin sırasına daxil olub. Ölkəmizin hüquq-mühafizə orqanları xarici ölkələrin təcrübəsini öyrənməyə və tətbiq etməyə daim açıq olub. Kəşfiyyat və əks-kəşfiyyat sahəsində məlumat mübadiləsi sahəsində Azərbaycan Rusiya, Gürcüstan, Türkiyə, İran və digər dövlətlərlə qarşılıqlı əməkdaşlıqlar edir. Bu siyahıya İsraili də əlavə etmək olar. İkinci Qarabağ müharibəsində İsrailin ölkəmizə verdiyi müstəsna dəstək xalqımızı dərindən məmnun etmişdir. Düşünürəm ki, İsrail Dövlətinin Azərbaycana verdiyi dəstək sadəcə siyasi bəyanatlar və hərbi texnikanın satışı ilə məhdudlaşmır. Böyük ehtimal ki, hərbi-siyasi, kəşfiyyat məlumatları mübadiləsi davamlı olaraq həyata keçirilir. Bu da təbiidir.

- Türkiyə MİT-i necə, kömək edə bilərmi? Ümumiyyətlə sizcə köməyə ehtiyac duyulurmu?

- Türkiyənin Milli İstihbarat Təşkilatı (Milli Kəşfiyyat Təşkilatı) son illər ərazində sürətlə güclənərək regionda ciddi nüfuz qazanıb. Uzun illər öncə MİT ən yaxşı halda Türkiyə hüdudları daxilində əməliyyatlar keçirə bilirdisə, son 4-5 ildir ki, artıq ölkə hüdudlarından uzaqlarda əməliyyatlar keçirmə gücünə sahibdir. Bu sevindirici haldır. Lakin birmənalı olaraq deyə bilərəm ki, Azərbaycanda heç bir xarici ölkənin, o cümlədən, qardaş Türkiyənin istər silahlı qüvvələri, istərsə hüquq mühafizə orqanları əməkdaşları müharibəyə cəlb edilməyib. Buna heç bir ehtiyac da yoxdur. İstər MİT ilə, istərsə digər xüsusi xidmət orqanları ilə münasibətlər yalnız məlumat mübadiləsi sahəsində ola bilər və bu münasibətləri dünyanın bütün dövlətlərində müşahidə edirik. Azərbaycan öz torpaqlarını özünün hərbi qüvvələri, xüsusi xidmət orqanları, siyasi rəhbərliyi və xalqı ilə birlikdə tamamilə işğaldan azad etməyə tam qadirdir və biz bunu sübut edirik.