ABŞ Prezidentinin Qarabağ danışıqlarında iştirak etdiyi AÇIQLANDIABŞ Prezidenti Donald Tramp Dağlıq Qarabağla bağlı danışıqlarda iştirak etdiyini açıqlayıb.

Avrasiya.net “RİA Novosti”yə istinadla xəbər verir ki, bu barədə prezidentin fəaliyyətini işıqlandıran jurnalistlər bildirib.

ABŞ Prezidenti Azərbaycan və Ermənistan arasında vasitəçilikdə iştirak etdiyini qeyd edib, lakin ölkə liderləri ilə danışıb-danışmadığını bildirməyib.

Xatırladaq ki, Azərbaycan və Ermənistan Xarici İşlər nazirləri hazırda Vaşinqtonda səfərdədir. Burada XİN rəhbərlərinin ABŞ Dövlət katibi Mayk Pompeo ilə görüşləri keçirilib.
Bu ərazilər azad olundu - TəciliMüzəffər Azərbaycan Ordusu Xocavənd rayonunun Dolanar, Bünyadlı kəndlərini, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndlərini, Qubadlı rayonunun Zilanlı, Kürd Mahrızlı, Muğanlı və Alaqurşaq kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!

Avrasiya.net xəbər verir ki, bu barədə Azərbaycan Prezidenti İlham Əliyev Tvitterdə yazıb.
Ermənistan İFŞA OLUNDU: Kəlbəcər və Laçın onlara verilib - VİDEOVideo əlavə olunub.

xxx

PKK terror təşkilatı Dağlıq Qarabağ bölgəsində 7 düşərgə qurub.

Publika.az xəbər verir ki, düşərgələrdə PKK və təşkilatın Suriyadakı qoluna daxil olan “Nubar Ozaryan Taboru” terrorçularının qaldığı bildirilir.

Düşərgələrin koordinatı Ermənistan ilə Dağlıq Qarabağ arasındakı logistika koridoru olan Laçın-Kəlbəcər xəttində yerləşir. Qarabağın ən məhsuldar su qaynaqlarının yerləşdiyi bölgədə həm də yeraltı sərvətlər mövcuddur. Qızıl və bürünc başda olmaqla, 155 müxtəlif mədən yatağı beynəlxalq qurumlar tərəfindən işlədilir. Təşkilat Suriyada olduğu kimi burada da bu qaynaqlara nəzarət edir.

Mövcudluqları gizlədilmir

PKK-çıların Laçındakı yerlərinin biri düşərgədən başqa, mərkəz kimi fəaliyyət göstərir. Burada silah anbarları, xüsusi təlim üçün meşəlik ərazi və mərkəzi qərargah var. Adını 2017-ci ildə Rakkada öldürülən TİKKO-nun liderindən alan “Nubar Ozaryan” Taborunun terrorçularının əsas mərkəzi Kəlbəcərdir. Terror təşkilarının yayım orqanları PKK-nın bölgədəki mövcudluğunu gizlətmir.

Düşərgələrdəki terrorçuların şəxsiyyətləri Azərbaycan kəşfiyyatı tərəfindən müəyyənləşdirilir.

13 ildir Qarabağa sızırlar

Ermənistan 2008-ci ildən bəri Şimali İraqdan qaçan terrorçuları Qarabağa yerləşdirir. 1992-ci ildən bəri işğal altında olan Kəlbəcər və Laçın Ermənistanla bölgənin əlaqəsi baxımından kritik əhəmiyyətə sahibdir.

Dünyanın hər tərəfindən terrorçular var

Qarabağda Azərbaycan Ordusuna qarşı döyüşən “Nubar Ozanyan” Taborunda dünyanın hər tərəfindən terrorçular gəlir. Bir yunan media qurumuna açıqlama verən taborun komandanı Nubar Melkonyan qrupun Hələb, İngiltərə, Fransa və ABŞ-dan gələn erməni könüllülərdən ibarət olduğunu söyləyib. Melkonyan gələn könüllülərin erməni dili və mədəniyyəti haqqında bilgisiz olduğunu, taborda bu şəxslərə təlimlər keçirildiyini qeyd edib. Başqa bir müsahibəsində isə erməni muzdlularının Rasulayn, Təl-Təmr və Əbdüləziz dağı da daxil olmaqla, Haseki bölgəsində döyüşdüyünü söyləyib.
Arutyunyan Putinə yalvarır: Döyüşləri dayandırınİşğal olunmuş Dağlıq Qarabağda yaradılmış qondarma rejimin “lideri” Araik Arutyunyan Rusiya Prezidenti Vladimir Putinə müraciət edərək Dağlıq Qarabağda döyüş əməliyyatlarının dayandırılması üçün mümkün olan hər şeyi etməyi xahiş edib.

Avrasiya.net xəbər verir ki, bu barədə A.Arutyunyanın Rusiya prezidentinə ünvanladığı məktubda deyilir.

Separatçı "lider" məktubda V.Putini dünyada və regionda böyük şəxsi nüfuza sahib olan şəxsiyyət və rəhbər adlandırıb:

“Sizdən Dağlıq Qarabağ münaqişə zonasında döyüş əməliyyatlarının dayandırılması və siyasi proseslərin bərpası üçün mümkün olan hər şeyi etməyinizi xahiş edirəm”.
Nazir İran səfiri ilə Ağbəndi müzakirə etdiNəqliyyat, Rabitə və Yüksək Texnologiyalar naziri Ramin Quluzadə ilə İranın ölkəmizdəki səfiri Seyid Abbas Musəvi arasında görüş keçirilib.

Avrasiya.net-ə daxil olan məlumata görə, nazir ölkəmizdə diplomatik fəaliyyətə başlaması münasibətilə səfiri təbrik edib, ona fəaliyyətində uğurlar arzulayıb.

Görüş zamanı Ramin Quluzadə 22 oktyabr tarixində Zəngilan rayonunun Ağbənd qəsəbəsi və Ağbənd sərhəd zastavasının işğaldan azad edilməsi ilə Azərbaycan və İran dövlət sərhədinin tam nəzarətə götürülməsini diqqətə çatdırıb. Bu münasibətlə İran dövlətini və xalqını təbrik edib. Öz növbəsində səfir Seyid Abbas Musəvi də Azərbaycan xalqına təbriklərini çatdırıb.

Nazir, həmçinin səfirə Ermənistanın ölkəmizə qarşı son hərbi təxribatları, təcavüzkar siyasəti, mülki əhaliyə və mülki obyektlərə raket zərbələri endirərək törətdiyi hərbi və müharibə cinayətləri barədə məlumat verib.

Görüşdə iki ölkə arasında nəqliyyat, İKT və poçt sahələrində əməkdaşlığın hazırkı vəziyyəti və inkişaf perspektivlərinə dair fikir mübadiləsi aparılıb.
“İran-Azərbaycan sərhədi iki qonşu xalq üçün dostluq, sülh və təhlükəsizlik sərhədi olaraq qalacaq” “Cənab Prezident, bədxahların mövcudluğu və müdaxiləsi olmadan İran və Azərbaycan arasındakı 760 km-lik dövlət sərhədi iki qonşu xalq üçün dostluq, sülh və təhlükəsizlik sərhədi olaraq qalacaq”.

Bunu İranın Azərbaycandakı səfiri Seyid Abbas Musəvi “Twitter” hesabında yazıb.

“İranlılar Azərbaycandakı müsəlman qardaş və bacılarının xoşbəxtliyinə sevinir”, - deyə İran səfiri vurğulayıb.

Qeyd edək ki, ötən gün Zəngilanın Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olunub. Bu münasibətlə Azərbaycan Respublikasının Prezidenti İlham Əliyev Azərbaycan və İran xalqını təbrik edib.
"Hindistan Azərbaycanla həmrəydir" Hindistanın hakim Bharatiya Canata Partiyasının rəhbər üzvü, İCAP Daimi Komitəsinin üzvü doktor Vicay Colli Baş nazirin müavini, YAP-ın Sədr müavini – İcra katibi Əli Əhmədova, işğal altında olan torpaqlarımızın azad edilməsi uğrunda Azərbaycanın apardığı mübarizə ilə həmrəy olduğu barədə məktub göndərib.

Avrasiya.net xəbər verir ki, məktubda qeyd olunur: "Sizin İCAPP Daimi Komitəsinin üzvü kimi mənə yolladığınız və Ermənistanın siyasi və hərbi rəhbərliyinin dinc vətəndaşlarınıza qarşı insanlıq əleyhinə cinayətləri barədə məlumatlandıran məktubunuzu almışıq.

Doktor Vicay Colli məktubda bildirir: “Məktəblilər də daxil olmaqla 60 mülki şəxsin ölümünə, 250-dən artıq insanın yaralanmasına, 2000-dən artıq evin dağıdılmasına səbəb olan cinayətkar hücumlar qəzəb doğurur və qeyri-insanidir.

Bu cür qəddar əməllər insanlığa qarşı cinayətdir. Razılaşırıq ki, bu əməllər beynəlxalq hüququn bütün norma və prinsiplərini, 1949-cu il Cenevrə Konvensiyalarını və Əlavə Protokollarını, həmçinin, 10 oktyabr 2020-ci ildə qüvvəyə minən humanitar atəşkəsin prinsiplərini pozur.

Biz Ermənistan hərbçiləri tərəfindən mülki əhaliyə qarşı bu cür terrorçu hücumları pisləyirik. Yeni Azərbaycan Partiyası ilə həmrəyliyimizi ifadə edirik”.

Qeyd edək ki, doktor Vicay Colli Hindistanın hakim Bharatiya Canata Partiyasının Tripura ştatı departamentinin rəhbəri, sonra isəBJP-nin xarici əlaqələr üzrə məsul şəxsi olmuşdur. O hal-hazırda partiyada rəhbər şəxs, eyni zamanda BJP-nin təmsilçisi kimi İCAPP Daimi Komitəsinin üzvüdür.
"Minsk qrupu məsuliyyətdən qaça bilməz" Əlisahib Hüseynov
Milli Həmrəylik Partiyasının (MHP) sədri

Rəsmi Bakının bu gün Vaşinqtondakı görüşlərdən hər hansı bir irəliləyiş, nəticə gözləməməsini tamamilə təbii hesab edirik. Çünki Minsk Qrupunun digər həmsədrləri kimi ABŞ-ın da problemin sülh yolu ilə həll edilməsi üçün göstərdiyi səylər indiyə qədər heç bir səmərə verməyib. Ümumiyyətlə, həmsədrlərin fəaliyyəti turistik səfərlər çərçivəsi ilə kifayətlənib. Onlar problemin həllinə yox, işğalın, status-kvo vəziyyətinin işğalçı Ermənistanın xeyrinə davam etməsinə dəstək veriblər.

30 il də danışıq olar? Xalqımız düz 30 il bu həmsədrlərdən ədalətli mövqe gözləyib. Azərbaycan diplomatiyası 30 ildir müzakirələr aparır ki, problem çözülsün, torpaqlarımız işğaldan azad edilsin. Lakin Minsk Qrupunun vasitəçiləri daim buna mane olublar. Odur ki, indiyə qədər aparılan danışıqların heç bir nəticə verməməsinin və bu qədər qan tökülməsinin məsuliyyəti həmçinin Minsk Qrupu həmsədrlərinin üzərinə düşür.

Onlar bu məsuliyyətdən qaça bilməzlər və nəticəsiz danışıqları bundan sonra da davam etdirməklə bizim haqq işimizə mane olmağa, Azərbaycan Ordusunun torpaqlarımızın işğaldan azad edilməsi uğrunda apardığı mücadiləni dayandırmağa ixtiyarları yoxdur. Həmsədrlərin "sülhpərvər"liyi tələdən başqa bir şey deyil.

“İşğala məruz qalan hər iki ölkənin münasibətlərində heç vaxt soyuqluq yarana bilməz”Avrasiya.net xəbər verir ki, bunu “Xalq Cəbhəsi”nə Gürcüstan Azərbaycanlıları Konqresinin sədri Hüseyn Yusubov Azərbaycan Respublikasının Prezidenti İlham Əliyev oktyabrın 21-də Yaponiyanın “Nikkei” qəzetinə verdiyi müsahibədə Azərbaycanla Gürcüstan arasında əməkdaşlıq səviyyəsi ilə bağlı fikirlərinə münasibətində deyib.

Xatırladaq ki, Prezident İlham Əliyev müsahibəsində hər iki ölkə arasında əməkdaşlıq səviyyəsinin çox yüksək olduğunu deyib. Prezident qeyd edib ki, biz strateji tərəfdaşıq və bizim Gürcüstanın hazırkı hökuməti ilə mükəmməl əlaqələrimiz var. Biz bir-birimizi dəstəkləyirik, biz yaxşı qonşu və dostuq: “Baxın, biz birlikdə nə qədər layihə icra etmişik, neftin nəqli, qazın nəqli, elektrik enerjisinin nəqli, dəmir yolu bağlantısı, Bakı-Tbilisi-Qars, Bakı-Tbilisi Ceyhan, Bakı-Tbilisi-Ərzurum, TANAP və bir çox başqa layihələr. Azərbaycan, zənnimcə, Gürcüstanda Türkiyə ilə birlikdə birinci və ya ikinci ən böyük investordur. Birinci və ya ikinci ən böyük vergi ödəyicisidir”.

H.Yusubov onu da deyib ki, Gürcüstan və Azərbaycan bir-biri ilə strateji tərəfdaşdırlar. Bəzi məsələlərdə onların taleyi oxşardır, tutaq ki, Rusiya tərəfindən torpaq itkisinə məruz qalmaq kimi. Gürcüstan həm də Borçalıda 600 min nəfərə yaxın azərbaycanlının yaşaması baxımından da bizim üçün vacib ölkədir. Bir sözlə, bizim ortaqlıq və tərəfdaşlığımız vazkeçilməzdir: “Azərbaycan-Gürcüstan münasibətləri hər iki ölkə üçün daima strateji əhəmiyyət daşıyıb. Bu münasibətləri hər iki xalqın milli maraqları şərtləndirir.Gürcüstanın hazırkı hakimiyyəti Azərbaycanla strateji tərəfdaşlıq, dostluq və qonşuluq münasibətlərinə böyük önəm verir və bu münasibətlərin inkişafına maneə törədənlərin qarşısındadır”.

GAK sədrinin sözlərinə görə, iki qonşu dövlət arasında olan strateji əhəmiyyətli siyasi münasibətlər həm də çoxsaylı iqtisadi layihələrlə dəstəklənir. Bu gün Gürcüstan regionda Azərbaycanın ən yaxın müttəfiqlərindən biridir. Gürcüstanla Azərbaycanı hər şeydən əvvəl Bakı-Supsa, Bakı-Tbilisi-Ceyhan, Bakı-Tbilisi-Ərzurum və TRASEKA kimi qlobal enerji, nəqliyyat-kommunikasiya layihələri birləşdirir. Bununla paralel olaraq, GUAM, Qara Dəniz İqtisadi Əməkdaşlıq Təşkilatı və digər qurumlar daxilində əməkdaşlıq ikitərəfli strateji əlaqələri daha da möhkəmləndirib.

Ölkələrimiz arasında çox mühüm layihələrin hazırlanması və həyata keçirilməsi siyasi və təhlükəsizlik məsələləri üzrə daha geniş əməkdaşlığa, ən sonda isə strateji əməkdaşlığa gətirib çıxarıb. Azərbaycan və Gürcüstan güclü regional tərəfdaşlar kimi həm BMT, həm də Avropa İttifaqı və ATƏT kimi nüfuzlu beynəlxalq təşkilatların hər iki ölkənin təhlükəsizliyi və müstəqilliyi üçün böyük əhəmiyyətə malik çoxtərəfli çərçivələri daxilində birgə və sıx işləyiblər. Bu əməkdaşlıq Aİ, ABŞ, həmçinin Türkiyə tərəfindən fəal şəkildə dəstəklənib.

Azərbaycanın həyata keçirdiyi bütün enerji və nəqliyyat kommunikasiya layihələri Gürcüstan üzərindən realizə olunaraq Qərbə istiqamətlənir. Azərbaycan şirkətləri qonşu ölkəyə ciddi sərmayə yatıran şirkətlər sırasında olmaqla həm də bu ölkədə ən böyük vergi ödəyiciləridir. Gürcüstandan iki ixrac neft kəməri və iki ixrac qaz kəmərimiz keçir. Perspektivdə Şərqdən-Qərbə yükdaşımalarda Azərbaycanın əhəmiyyətli paya sahib olmasını təmin edəcək Bakı-Tbilisi-Qars dəmir yolu xətti qonşu ölkədən keçir.

H,Yusubov Dağlıq Qarabağ məsələsində Gürcüstanın tutduğu mövqeyə də toxunub. Bidirib ki, ortaya qoyulan mövqe budur ki, Qarabağ Azərbaycandır. Dünya türkləri üçün ilk cümlə budur ki, Qarabağ Azərbaycandır, Azərbaycan olaraq da qalacaqdır. Planetin adı dəyişənə qədər. Gürcüstanla bağlı olaraq, Şevardnadzenin vaxtında müharibənin getdiyi zamanlarda Gürcüstan hakimiyyətinin mövqeyi belə idi ki, “Bəli, Azərbaycan bizim qonşumuzdur, strateji tərəfdaşımızdır, amma ermənilər də din qardaşımızdır” və s. Müəyyən təəssübkeşlik var idi: “Bu gün maraqlısı budur ki, hakimiyyət nə isə demir, konkret addımlar atır. Nə hava, nə də quru yolu ilə Rusiyadan Ermənistana gedən silah-sursatı ərazisindən buraxır. Bundan başqa, Ermənistana neft və yanacaq məhsullarının ötürülməsi dayandırıldı. Axalkalakidə yaşayan ermənilər “humanitar yardım” adı ilə Qarabağa konteynerlərlə silah göndərmək istəyirdilər, Gürcüstan hakimiyyəti bunu blokladı. Müxtəlif şəhərlər, regionlar, kəndlərdə bizim yerli azərbaycanlılarımız kütləvi şəkildə Qarabağa dəstək aksiyaları keçirirlər. İnanın ki, bütün küçələr Gürcüstan, Azərbaycan, Türk bayraqları ilə bəzədilib və hakimiyyətdən buna heç bir əks təpki gəlmir. Əksinə onlar da insanlara qoşulub coşqu ilə bunu dəstəkləyirlər. Gürcüstan hakimiyyəti Azərbaycanın ərazi bütövlüyünü həmişə dəstəkləyib”.

Onu da qeyd edək ki, oktyabrın 31-də Gürcüstanda parlament seçkiləri olacaq. Seçkilərdə azərbaycanlı namizədlər də mandat uğrunda mübarizə aparacaqlar. GAK sədri bildirib ki, Azərbaycanın Qarabağ üçün apardığı haqq mübarizəsi də bir faktordur. Seçicilərin yüzdə 10-u azərbaycanlılardır: “Bundan başqa da ağıllı seçicilərin böyük əksəriyyəti bilir ki, Azərbaycan Gürcüstan üçün nə deməkdir. Məsələn, əgər Tovuz vurularsa, hansı ki, oradan Gürcüstan tarixinin ən böyük proyekti olan tranzit kəmərləri keçir. O kəmərlərə zərər verilməsi Gürcüstan iqtisadiyyatının çökməsi deməkdir. Ona görə də bizim gürcü qardaşlarımız da arzulamırlar ki, Tovuz vurulsun. Əksinə, böyük əksəriyyəti Azərbaycanın haqq işini dəstəkləyir. Onlar da istəyirlər ki, Azərbaycanın da torpaqları, onların öz torpaqları da işğaldan azad olunsun, ərazi bütövlüyü bərpa edilsin. Necə ki, Azərbaycanın ərazisnin 20%-i işğal altındadır, gürcülərin də 20% torpaqları işğal altındadır. Yəni ki, bunlar da bizim hərəkət istiqamətimiz üçün uyğun faktorlardır. İşğala məruz qalan hər iki ölkənin münasibətlərində heç vaxt soyuqluq yarana bilməz”.