"Bütün bu məsələlərdə məsuliyyəti işğalçı Ermənistan daşıyır"Müsəlmanlar Azərbaycanın Dağlıq Qarabağının işğaldan azad edilməsini dəstəkləməlidirlər.

Avrasiya.net Trend-ə istinadla xəbər verir ki, bu, iranlı din xadimi Ayətullah Nasir Məkarim Şirazinin bəyanatında qeyd olunub.

N.Məkarim Şirazinin sözlərinə görə, din xadimləri də Qarabağın işğaldan azad edilməsinə dəstəyə təkid edirlər.

Nasir Məkarim Şirazi bildirib ki, Dağlıq Qarabağın illərlə işğal altında qalmasından sonra, son vaxtlar bu bölgədə müharibə yenidən alovlanıb və müsəlmanların qanı axıdılır:

“Bütün bu məsələlərdə məsuliyyəti işğalçı Ermənistan daşıyır. İstənilən vasitəçilik, müzakirə və yaxud qərar Azərbaycanın ərazilərinin tam şəkildə işğaldan azad olunması ilə nəticələnməlidir.

Səmavi dinlərə əsasən, bütün peyğəmbərlər, xüsusilə Həzrət İsa zülmdən uzaq olmuşdu. Buna əsasən bütün xristianlar Ermənistan hökumətinə öz vəzifəsini yerinə yetirməsi, işğalçılığa son qoyması, zülmlər etməkdən çəkinməsi üçün tövsiyələr etməlidirlər”.
Erməni əsirləri Azərbaycandakı şəraitdən razıdır - FotoƏsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi İsmayıl Axundov Ermənistan silahlı qüvvələrinin cari il sentyabrın 27-də atəşkəs rejimini kobud şəkildə pozaraq Azərbaycan Respublikasına qarşı başladığı hərbi əməliyyatlar zamanı yaralı vəziyyətdə əsir düşmüş Ermənistan hərbçiləri - 13.11.2001-ci il təvəllüdlü Sarqsyan Areq Siraki, 23.05.2001-ci il təvəllüdlü Amircanyan Narek Qariki və 07.09.2001-ci il təvəllüdlü Mikayelyan Albert Yervandi müalicə aldıqları hospitalda baş çəkib.

Avrasiya.net xəbər verir ki, başçəkmə zamanı Komissiya katibi yaralı Ermənistan hərbçilərinin vəziyyəti, onlarla davranış, müalicələri və saxlanma şəraitləri ilə maraqlanıb.

Ermənistan hərbçiləri Azərbaycanda onlara göstərilən münasibətdən və davranışdan razı qaldıqlarını, müalicələrinin normal aparıldığını bildirmiş, minnətdarlıq ifadə ediblər.

Beynəlxalq humanitar hüquq normalarının müvafiq müddəaları rəhbər tutularaq, başcəkmə zamanı yaralı Ermənistan hərbçilərindən ikisinin ailələri ilə telefon əlaqəsi saxlamaları təmin edilib. Ailə üzvlərinin telefon nömrələrini xatırlamadığını bildirən Albert Mikaelyana isə videomüraciətlə yaxınlarına onunla davranış və müalicəsi barədə məlumat verilməsi üçün şərait yaradılıb.

Ermənistan hərbçiləri başçəkməyə, xüsusilə də ailə üzvləri ilə yaradılmış telefon əlaqəsinə görə minnətdarlıqlarını bildiriblər.


"ABŞ, Fransa və Rusiya Ermənistanı silahla təmin edir"Ermənistanı silahla təmin edən Minsk Qrupunun 3 həmsədr ölkəsi - ABŞ, Fransa və Rusiyadır.

Publika.az xəbər verir ki, bu sözləri Türkiyə prezidenti Rəcəb Tayyib Ərdoğan Ədalət və İnkişaf Partiyasının Şırnakdakı 7-ci qurultayında çıxışı zamanı deyib.

Ərdoğan qeyd edib ki, bütün bunların qarşılığında Azərbaycan ermənilərə qarşı çox ciddi bir mübarizə aparır: “Bu mübarizə Azərbaycanın öz torpaqlarını işğalçılardan xilas etmək üçündür. Bundan böyük haqq ola bilməz. 30 il ərzində Minsk Qrupu ölkələri bu torpaqları Azərbaycana vermədilər. İndi də Azərbaycan xalqı özləri bu torpaqları işğaldan azad edir. Allah yardımçıları olsun. İnanırıq ki, bu iş böyük qələbə ilə bitəcək. Bu gecə atəşkəs elan edildi, lakin Ermənistan yenidən hücuma keçdi. Bütün bu faktlar açıq şəkildə ortada olsa da, Qərb susur. Türkiyə səsini çıxaranda, “Türkiyə heç susmur” deyirlər. Durmayacağıq!”

Bakı açıqladı: Meyitlərin bir hissəsini verməyə hazırıqAzərbaycan birtərəfli qaydada erməni hərbçilərinin meyitlərinin bir hissəsini verməyə hazırdır.

Avrasiya.net xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyasından məlumat verilib.

“Əsir və itkin düşmüş, girov götürülmüş vətəndaşlarla əlaqədar Dövlət Komissiyası Beynəlxalq Qızıl Xaç Komitəsinin (BQXK) Azərbaycan Nümayəndəliyi ilə keçirilmiş görüşlərdə Azərbaycan Respublikası və Ermənistan Respublikası arasında elan edilmiş müvəqqəti humanitar atəskəsin ruhuna uyğun olaraq, Azərbaycanın birtərəfli qaydada hazırda Azərbaycan tərəfində olan erməni hərbçilərinin meyitlərinin bir hissəsini iki ölkənin dövlət sərhədinin Tovuz rayonu istiqamətində əvvəlcədən razılaşdırılmış dəhlizdə BQXK-nın vasitəçiliyi ilə Ermənistana verməyə hazır olduğunu diqqətə çatdırmışdır.

Bu barədə qarşı tərəfə bildirilməsi xahiş olunmuşdur”.
647 yoluxma, 3 ölümAzərbaycan Respublikasında koronavirus (COVID-19) infeksiyasına 647 yeni yoluxma faktı qeydə alınıb, 134 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Avrasiya.net-ə verilən məlumata görə, bu gün COVID-19-dan 3 ölüm faktı qeydə alınıb.

Hazırkı dövrədək ölkəmizdə 44 min 964 nəfərin koronavirus infeksiyasına yoluxması faktı müəyyən edilib. Onlardan 40 min 037 nəfər müalicə olunaraq sağalıb, 626 nəfər vəfat edib. Aktiv xəstə sayı 4 301 nəfərdir.

Ötən müddət ərzində 1 milyon 228 min 024 test aparılıb. Bugünkü test sayı isə 9 089-dür.
Daha bir erməni polkovnik məhv edildiErmənistan hərbi hava qüvvələrinin polkovnik-leytenantı Vyaçeslav Vaskovski məhv edilib.

Avrasiya.net Report-a istinadla xəbər verir ki, 45 yaşlı hərbçinin adı Ermənistan Müdafiə Nazirliyinin açıqladığı itkilər siyahısında olub.

Qeyd edək ki, Ermənistan KİV-də gedən məlumata görə, V.Vaskovski aviasiya qoşunu hissəsinin komandir müavini olub.

Xatırladaq ki, bu gün Azərbaycan Müdafiə Nazirliyi Ermənistan silahlı qüvvələrinə məxsus Su-25 təyyarəsinin vurulduğunu açıqlamışdı.

"Rəşadətli Azərbaycan Ordusu günbəgün zəfərə, qələbəyə yaxınlaşmaqdadır"Əlisahib Hüseynov
Milli Həmrəylik Partiyasının (MHP) sədri


Təcavüzkar və işğalçı Ermənistan hər dəfə döyüş meydanlarında məğlubiyyətinin acısını çıxmaq üçün xain təxribata əl atır. Bu dəfə də hədəf mülki insanlar - qadın və uşaqlar oldu. Adi dillə desək,
Ermənistanın gücü ancaq qadın və uşaqlara çatır. Qarabağda rəşadətli əsgərlərimizin qabağından qorxaqcasına qaçan erməni dığalarının hərbi-siyasi rəhbərliyi növbəti dəfə terror əməli törətdi.

Oktyabrın 17-də düşmən gecə saatlarında Gəncə şəhərinə raket zərbələri endirdi. Bu xain terror hücumu nəticəsində yenə günahsız dinc sakinlərimiz arasında çoxlu sayda ölən və yaralananlar vardır. Onların əksəriyyəti uşaqlar və qadınlardır. Bu Ermənistan tərəfindən beynəlxalq konvensiyaların kobudcasına pozulması deməkdir. Bu hərbi cinayətdir. Dünya birliyi Ermənistanın həyata keçirdiyi bu hərbi cinayətə laqeyd qalmamalıdır.Heç kim Ermənistanın törətdiyi bu vəhşiliyə, bu vandal aktına biganə qalmamalı, insanlıq suçunu görməzlikdən gəlməməlidir.

Aydın məsələdir ki, düşmən öz acizliyini ört-basdır etmək üçün, öz məğlubiyyətlərini pərdələmək üçünAzərbaycanın mülki şəxslərini hədəfə alır. Ermənistandan fərqli olaraq Azərbaycan isə heç vaxt mülki şəxsləri hədəf seçmir. Bu həqiqəti cənab Ali Baş Komandanımız İlham Əliyev də dəfələrlə vurğulayıb.

Ancaq beynəlxalq ictimaiyyət Ermənistanın bu aqressiyasına, vəhşiliklərinə adekvat reaksiya vermədiyinə görə, biz özümüz öz gücümüzlə təcavüzkarı ram etməyə, ağıllandırmağa çalışırıq. 30 ilə yaxındır ki, sülh danışıqlarından səmərəli nəticələr gözləyən, lakin bütün gözləntiləri puça çıxan Azərbaycan xalqı indi işğal altında olan öz ərazilərini azad etməkdədir.

Bir daha qeyd edirəm ki, işğalçı Ermənistandan fərqli olaraq biz öz gücümüzü erməni şəhərlərinə raket atmaqla, erməni qadınlarını, uşaqlarını gecə yatdıqları yerdə bombalamaqla göstərmirik. Biz öz
gücümüzü və nəyə qadir olduğumuzu real döyüş meydanlarında göstəririk. Fərqimiz də bax bundadır. Azərbaycanın döyüş meydanlarında əldə etdiyi uğurları, həyata keçirdiyi uğurlu döyüş taktikaları, Azərbaycan Orusunun güc və qüdrətini təkcə Ermənistan deyil, bütün dünya gördü. Və hər kəsə aydın oldu ki, bu gün Azərbaycan yenilməzdir, onun güclü Ordusu var, onun səriştəli və mübariz Ali Baş Komandanı var. Odur ki, düşmənin mülki sakinlərimizə atəş açması kimi bu çirkin və iyrənc davranışı
Azərbaycan xalqını əsla sarsıda biməyəcək, Azərbaycan xalqının iradəsini qıra bilməyəcək və bizi bu haqq yolumuzdan döndərə bilməyəcəkdir. Azərbaycanın şanlı Ordusu işğal altında qalan ərazılərimizi erməni vandallarının əsarətindən qurtaracaq və üçrəngli bayrağımız həmin ərazilərdə dalğalanacadır!

Biz düşmənin “atəşkəs” tələsini, hiyləsini də yaxşı başa düşürük. Ermənistanın hərbi-siyasi rəhbərliyi Azərbaycan Ordusunun əks-hücümları qarşısında duruş gətirə biməyəcəklərini elə ilk günlərdən
anlayaraq atəşkəsə nail olmaq üçün hər kəsə yalvarmağa başladı. Lakin düşmən tərəf öz xislətinə sadiq qalaraq rəsmi Moskvanın vasitəçiliyi ilə humanitar atəşkəs elan olunmasının səhərisi günü Gəncə və Mingəçevir şəhərlərinə raket və ağır artilleriya atəşi açdı. Onlar bununla da bir daha sübut etdilər ki, Ermənistan tərəfi heç bir beynəlxalq qanun və prinsipləri tanımır, hətta öz xahiş və yalvarışları hesabınaəldə olunan humanitar atəşkəsə belə əməl etməyə siyasi iradələri çatmır. Budur erməni xisləti.

Ermənistan beynəlxalq təxribatlara əl atmaqda davam edir. Xarici ölkələrdən muzdlu döyüşçüləri, terrorçu qatilləri, qanunsuz silahlı qruplaşmaları gətizdirərək, Azərbaycana qarşı hərbi əməliyyatlara cəlbedirlər. “Atəşkəs” oyunu da Ermənistana bütün bu murdar əməllərini ört-basdır etmək üçün lazım idi.

Çox maraqlıdır ki, bəzi dünya ölkələri Ermənistanın törətdiyi bu terror aktlarına, həyata keçirdikləri bumüharibə cinayətlərinə heyrətamiz dərəcədə soyuqqanlı münasibət göstərir, seyrçi qalırlar. Onlar sanki
heç bu bəşəri cinayətləri görmürlər. Hələ bunlar azmış kimi bəzi iri dövlətlər işğalçı və terrorist Ermənistan dövlətini bu və ya digər vasitələrlə müdafiə edir, hətta ona gizli və ya açıq şəkildə silah-sursat yardımı da göstərirlər. Əgər bu belə olmasa idi, oyuncaq Ermənistan dövləti artıq çoxdan süqut etmişdi. Lakin biz bir daha Ermənistana və onun havadarlarına bəyan edirik ki, bu haqq savaşında Azərbaycanın mövqeyi güclüdür.

Bu gün bütün Azərbaycan xalqı ayaqdadır. Hər bir kəs bir əsgər kimi torpaqlarımızın bütövlüyü uğrunda döyüşməyə, bu yolda canından belə keçməyə hazırdır. Mənfur Ermənistan Azərbaycanın bu milli
həmrəyliyinin qarşısında heç bir vəchlə duruş gətirə bilməz. Rəşadətli Azərbaycan Ordusu günbəgün zəfərə, qələbəyə yaxınlaşmaqdadır. Hər gün torpaqlarımızın bir hissəsi düşmən tapdağından azad olunur. Kəndbəkənd, rayonbarayon, qarış-qarış ərazilərimiz işğaldan azad olunur. Qəhrəman əsgərlərimiz qarşısında tab gətirə bilməyən erməni cəlladları döyüş texnikalarını, silahlarını, həta bayraqlarını da qoyub rəzilcə qaçırlar. Üstəgəl, biz bu haqq davamızda tək deyilik. Bizim qardaş Türkiyə kimi, Pakistan
kimi, Ukrayna kimi sadiq dostlarımız və mütəfiqlərimiz var. Bütün sülhsevər qüvvələr və dövlətlər bizim yanımızdadır.

Odur ki, biz nəyin bahasına olursa-olsun, torpaqlarımızı tamamilə işğaldan azad edəcəyik. Düşmən tərəf də bunu yaxşı bilir. Elə ona görə də hər cür təxribata, terrora əl atır. Ötən gecə Gəncədə törədilən soyqırım aktı da düşmən tərəfin acizliyindən doğan növbəti vəhşilikdir. Lakin Ermənistan bununla heç nəyə nail ola bilməyəcək. Azərbaycan Ordusunun da, Azərbaycan xalqının da, Ali Baş Komandanımızın da yenilməz əzmi, döyüş ruhu ortadadır. Bu ruhu heç nə ilə sarsıtmaq mümkün deyil. Çünki Ali Baş Komandanımızın da qeyd etdiyi kimi biz Vətən müharibəsi aparırıq, Ermənistan tərəfi isə ədalətsiz müharibə aparır. Bu müharibə bizim üçün müqəddəsdir. Müqəddəs müharibə aparan, öz torpaqlarını azad etməyə qalxan toplumlar həmişə məğlubedilməz olur. Bunu dünyanın hərb tarixi də sübut edir. Bu gün hər bir azərbaycanlı bilir və əmindir ki, Qələbə bizimlədir! Çünki Qarabağ bizimdir!
Düşmənin alay komandiri, polkovnik məhv edilibDüşmənin alay komandiri məhv edilib.

Trend erməni KİV-lərinə istinadən xəbər verir ki, Ermənistanın "Martuni" alayının komandiri, polkovnik Gegam Qabrielyan məhv edilib.

Qeyd edək ki, erməni KİV-lərində və sosial şəbəkələrdə yayılan məlumatlara əsasən Ermənistan ordusunda komanda əlaqə sistemi itib və orduda ciddi fərarilik başlayıb. Könüllü orduya cəlb olunanlar cəbhəyə getməkdən imtina edir.


Müdafiə Nazirliyi: Ermənistanın növbəti Su-25 təyyarəsi vurulduOktyabrın 18-də saat 12.30-da cəbhənin Cəbrayıl istiqamətində Azərbaycan Ordusunun mövqelərinə aviazərbələr endirməyə cəhd göstərən Ermənistan silahlı qüvvələrinin növbəti Su-25 hücum təyyarəsi Azərbaycan Hava Hücumundan Müdafiə bölmələri tərəfindən məhv edilib.

Avrasiya.net-in xəbərinə görə, bu barədə Müdafiə Nazirliyindən bildirilib.