ABŞ məşhur güləşçiyə görə İrana sanksiya tətbiq edəcəkABŞ yaxın vaxtlarda 27 yaşlı güləşçi Navid Əfkarinin edamı ilə bağlı bəzi İran rəsmilərinə qarşı sanksiyalar tətbiq edəcək.

Axar.az xəbər verir ki, bunu ABŞ-ın İran və Venesuela üzrə xüsusi nümayəndəsi Elliot Abrams deyib.

“ABŞ Navid Əfkarini edam cəzasına məhkum edən hakim də daxil olmaqla bir neçə İran rəsmisinə qarşı sanksiyalar elan edəcək. Güləşçinin edamında günahkar olanlar məsuliyyət daşımalıdırlar”, - Abrams bildirib.
Şərtləri lavrovlar, paşinyanlar yox, yalnız İlham Əliyev diktə edə bilər - MHP sədriƏlisahib Hüseynov
Milli Həmrəylik Partiyasının (MHP) sədri

Rusiyanın Xarici İşlər naziri Sergey Lavrovun Milli Məclisin sədri Sahibə Qafarovanın başçılıq etdiyi nümayəndə heyəti ilə Moskvada görüş zamanı Azərbaycanın işğal altındakı 5 rayonunun qaytarılmasını, kommunikasiya xətlərinin açılmasını və bölgəyə sülhməramlı qüvvələrin yerləşdirilməsini qeyd etməsinin istər cəmiyyətimiz tərəfindən, istərsə də siyasilər tərəfindən birmənalı qarşılanmaması anlaşılandır.

Bildiyiniz kimi əksər insanlarımızın bu bəyanata münasibəti mənfidir. Çünki insanlarımız haqlı olaraq narahatlıq hissi keçirirlər ki, bu plana əsasən, 5 rayonun qaytarılmasının müqabilində Rusiya "sülhməramlılar" adıyla öz qoşun kontingentini bölgəyə yerləşdirə və üstəgəl, Ermənistanla sərhədlərin açılmasını tələb edə bilər. Şübhəsiz ki, bu şərtlər Azərbaycan tərəfindən qəti şəkildə qəbuledilməzdir. Çünki bu şərtlərin arxasında çox uzağa gedən hədəflər, niyyətlər gizlənir.

Biz dırnaqarası "sülhməramlı" qüvvələrin bölgəyə yerləşdirilməsi ilə bütövlükdə Dağlıq Qarabağı itirmək təhlükəsi ilə üzləşə bilərik. Bu yolla Dağlıq Qarabağ Azərbaycandan həmişəlik alına, qoparıla bilər. Nəticədə isə ölkəmiz öz ərazi bütövlüyünü hərbi yolla təmin etmək imkanından məhrum olunacaq. Biz bunu Rusiyanın indiyə qədər müxtəlif münaqişə bölgələrində sərgilədiyi "sülhyaratma" təcrübəsindən görmüşük, bilirik. Odur ki, bu cür hiylə və məkrlə yoğrulmuş şərtlərdən birmənalı şəkildə imtina etməliyik.

Şərtləri lavrovlar, paşinyanlar yox, yalnız İlham Əliyev diktə edə bilər. İlham Əliyev də şərtini artıq bəyan edib. Azərbaycan Prezidentinin də qeyd etdiyi kimi bizim bir şərtimiz var - işğalçı qoşunlar bizim torpaqlarımızdan qeyd-şərtsiz və tam çıxmalıdırlar!
Sabiq prokurorun qaynı amansızlıqla öldürüldüBakıda qətl hadisəsi baş verib.

Avrasiya.net-in məlumatına görə, hadisə paytaxtın Nərimanov rayonu, İbrahimpaşa Dadaşov küçəsi ev 57a ünvanında qeydə alınıb.

Həmin ünvanda yaşayan 1948-ci il təvəllüdlü Tağıyev Tahir Abbas oğlu yaşadığı evdə naməlum şəxs tərəfindən xüsusi amansızlıqla qətlə yetirilib. T. Tağıyevə çoxsaylı bıçaq zərbələri endirilib.

Hadisə yerinə hüquq-mühafizə orqanları əməkdaşları cəlb edilib. Hazırda qatilin tapılması istiqamətində əməliyyat-istintaq tədbirləri davam etdirilir.

Faktla bağlı araşdırma aparılır.

Məlumata görə, qətlə yetirilən T. Tağıyev Xətai rayonunun sabiq prokuroru Yusif İldırımzadənin qaynıdır.
Bakıda dəhşət: Nənəsini və bibisini qətlə yetirdiBakıda dəhşətli qətl hadisəsi baş verib.

Avrasiya.net xəbər verir ki, hadisə Bakının Suraxanı rayonu, Yeni Günəşli qəsəbəsində baş verib.

Qətlə yetirilənlərdən biri qatilin bibisi, 1959-cu il təvəllüdlü Cavadova Tamilla, digəri isə nənəsi Esmira adlı qadın olub.

İlkin məlumatlara görə, onlar həmin ünvanda birlikdə yaşayıblar.

Kişi qurbanlarına çoxsaylı bıçaq zərbələri vuraraq, hadisə yerindən qaçıb.

Onun axtarışları aparılır.


Adil Əliyev: "Allahdan qorxuram" Xaricdə yaşayan bloger Həbib Müntəzir Milli Məclisin vitse-spikeri Adil Əliyevin oğlu Əli Əliyevin maşın kolleksiyasının olduğu haqda məlumat yayıb.

Onun iddiasına görə, 23 yaşlı Ə.Əliyev 99 HA 999 dövlət nömrə nişanlı bir neçə maşına sahibdir:

“Bildiklərim bunlardır: BMV-X5 M, “Porşe Panamera GTS” və Jiquli VAZ-2107 (avtoşluq üçün). Dövlət nişanlı 10 KO 555 nömrə ilə isə “Kadillak Esklad” sürür. Bəzən nömrəni BMV-X5 M ilə dəyişərək də qanunsuz olaraq istifadə edir”.

Avrasiya.net xəbər verir ki, Həbib Müntəzirin iddialarına cavab verən Adil Əliyev bu xəbəri təkzib edib:

“Almaniyada yaşayan Həbib Müntəzirə yazdığım cavabı təqdim edirəm. Mənə qarşı küləyin hansı istiqamətdən əsdiyinə özünüz qərar verin.

Həbib Müntəzir, əvvəla, avtomobil istifadə etmək nə vaxtdan qanunsuzluq olub?

O ki qaldı nömrəyə, bəli, nömrə mövcuddur. Ancaq avtomobil kolleksiyası mövcud deyil. Mən çox heyifslənirəm ki, kütlə psixologiyası ilə idarə olunan bəzi həmyerlilərimiz var. Təsəvvür edə bilmirəm ki, bir nömrəni necə bir neçə avtomobilə vurmaq olar? Bir az ağıllı düşünmək lazımdır. Başınız ilə fikirləşsəydiniz, başa düşərdiniz ki, nömrə əvvəl bir avtomobildə olub, sonra o avtomobil satılıb, başqa avtomobil alınıb və nömrə də üstünə vurulub.

Cəmi iki köhnə avtomobil. Bu qədər bəsit. Bu gün Azərbaycanda kiçik bizneslə məşğul olan insanların da BMV-si var. Küçələr doludur köhnə, işlənmiş avtomobillərlə. Hamısı da kreditə verilir, buyurun, ağlınız və imkanınız varsa, siz də alıb sürə bilərsiniz.

Heç olmasa, məlumatı verən adamlardan soruşardınız. Hə, əgər bu avtomobillər dövlətdən və xalqdan oğurlanan pullarla alınıbsa, onda mən sizinlə razıyam. Yazmağa və işıqlandırmağa haqqınız var. Əks təqdirdə belə yalan məlumatlarla camaata özünü ağıllı göstərirsənsə, böyük səhv edirsən.

Mən və ailəm heç vaxt büdcə təşkilatında işləməmişəm ki, əlimdən hər hansı maliyyə keçsin, mən də əliəyrilik edim. Bu günə qədər maliyyə ilə bağlı, hər hansı tenderdə, alğı-satqıda, təmir-tikintidə iştirak etməmişik.

Ona görə də bu yazını sifariş verənlər, öz çirkin əməllərini sizin vasitənizlə ört-basdır edirlər. Siz də bu yalanların alətinə çevrilirsiniz. Mən öz əməllərimə görə hər yerdə və hər zaman cavab verməyə hazıram. Ancaq yalan üzərində qurduğunuz oyunlar cinayətdən başqa bir şey deyil.

Bir də burada kütlə təfəkkürü ilə yaşayanlara demək istəyirəm ki, yazdığınız şər və böhtana görə mütləq Allah qarşısında cavab verəcəksiniz. Bir tək Allah şahidimdir ki, mən çox rahatam, çünki sizdən yox, Allahdan qorxuram”.
 Daha 19 şagird koronavirusa yoluxduTəhsil Nazirliyi orta məktəblərdə koronavirusa yoluxma halları ilə bağlı son vəziyyəti açıqlayıb.

Nazirlikdən Avrasiya.net-ə bildirilib ki, sentyabrın 24-də 94 şagird və 2 işçinin hərarəti 37 dərəcədən yuxarı olub.

Daha 19 şagird və 3 işçidə koronavirus aşkarlanıb.
Çap medianın problemlərinə həsr edilmiş beynəlxalq konfrans keçirilibBeynəlxalq Jurnalistlər Federasiyasının (İFJ) və Qlobal Həmkarlar İttifaqları Koalisiyasının (UNI Global Union) birgə təşəbbüsü ilə çap medianın problemlərinə həsr edilmiş beynəlxalq onlayn konfrans keçirilib. "Çap medianı qoru, peşəkar jurnalistlərin iş yerlərini qoru, keyfiyyətli xəbəri qoru, demokratiyanı qoru!" devizi ilə onlayn keçirilən konfransa dünyanın 95 ölkəsindən 100-ə qədər nümayəndə qatılıb. Beynəlxalq Jurnalistlər Federasiyasının (BJF) üzvü və Azərbaycan üzrə təmsilçisi olan Jurnalistlərin Həmkarlar İttifaqının (JuHİ) sədri Müşfiq Ələsgərli konfransda iştirak edib.

Milli.Az xəbər verir ki, Müşfiq Ələsgərli bildirib ki, konfransda ənənəvi medianın problemləri sadalanıb, çıxış yolları üçün təkliflər səsləndirilib. Qeyd edilib ki, COVID-19 pandemiyasının şərtləri altında reklam gəlirlərinin kəskin azalması, maliyyə problemlərinin artmas ənənəvi medinı çıxılmaz duruma salıb. Qlobal səviyyədə ənənəvi media qurumlarının təqribən 25%-i bağlanmaq məcburiyyətində qalıb, hər 3 jurnalistdən 2-si əmək haqqının azaldılması, iş yeri ixtisarı və ya iş şəraitinin pisləşməsi ilə üzləşib. Pandemiya dövründə "saxta xəbərlərin qarşısını almaq", sosial şəbəkələrin fəaliyyətini tənzimləmək adı altında KİV haqqında qanunlara əlavələr edilib ki, bunların əksəriyyətində hökumətlərin sui-istifadə halları aşkar görünür, media azadlığının çərçivəsi kəskin şəkildə daraldılır...

Yaranmış durum digər peşəkar media qurumlarına nisbətən çap medianın (gündəlik qəzet və jurnal sektoru) durumuna daha kəskin şəkildə təsir edib, çap medianın həm də yayım problemi ortaya çıxıb, insanların "evə kilidlənməsi" qəzet yayımını minimuma endirib, oxucu sayını azaldıb.

Amma bütün bunlar mövcud problemlərin yalnız bir qismidir. Peşəkar medianın əsas problemi pandemiyadan daha öncə, təqribən 20 il əvvəldən başlayıb. Pandemiya peşəkar medianın son 20 il müddətində üzləşdiyi narahatedici tendensiyaları, sadəcə olaraq, daha da sürətləndirib. Peşəkar medianın, xüsusilə çap medianın əsas problemi onun resurslarının rəqəmsal media tərəfindən ələ keçirməsiylə bağlıdır. Ortada "haqsız, ədalətsiz rəqabət" mühiti yaranıb ki, qarşısı alınmasa, peşəkar media qurumlarının sıradan çıxarılması davam edəcək, "ələbaxan KİV-lər" meydan sulayacaq, "xəbər məkanını öz keyfiyyətsiz məhsulları ilə dolduran" sosial medianın imkanları genişlənəcək.

Sadalanan problemlərin aradan qaldırılması, peşəkar medianın müdafiə olunması üçün "Keyfiyyət Jurnalistika uğrunda Qlobal Platforma" rəsmən təqdim edilib və fəaliyyət istiqamətləri açıqlanıb. Platforma adından elan edilib ki, artıq sosial şəbəkələrlə, məxsusi olaraq informasiya texnologiyaları nəhəngləri ilə münasibətlərin aydınlaşdırılmasının zamanı çatıb: "GAFAM-a (Google, Apple, Facebook, Amazon, Microsoft) daxil olan şirkətlər (informasiya texnologiyaları nəhəngləri) özlərinin ümumilikdə 900 milyard dollar dəyərində olan gəlirlərini media auditoriyası üzərində əldə ediblər. Təkcə Google bir il müddətində-2018-ci ildə xəbərlərin dövriyyəsindən 4.7 milyard dollar qazanıb, amma bunun heç 1%-ni də həmin xəbərlərləri istehsal edən media qurumları ilə, jurnalistlərlə paylaşmayıb.

GAFAM üzvləri ölkələrin əksəriyyətində vergi ödəmirlər. Konfrans adından dünya dövlətlərinə və beynəlxalq dövlətlərarası təşkilatlara müraciət edilib: "GAFAM şirkətlərinin 900 milyard dollar dəyərində olan gəlirləri üzərinə 6% səviyyəsində vergi tətbiq edilsin. Əldə edilən gəliri peşəkar jurnalistikanın inkişafına yönəltməklə, jurnalistikaya 54 milyard dollar qazandımaq mümkündür ki, bu da peşəkar medianın xilası üçün mühüm mənbədir".

Suriyadan erməni batalyonu da Qarabağa göndərildiSuriyanın şimalında 2 il əvvəl yaradılan və YPG/PYD tərəfindən təlim keçilən erməni batalyonu da Azərbaycana qarşı döyüşlərdə iştirak etmək üçün Qarabağa göndərilib.

Virtualaz.org xəbər verir ki, bu haqda Türkiyə mətbuatı yazır.

Haber7.com yazarı Taha Tağlının məqaləsində bildirilir ki, Suriyanın şimalında, YPG-nin nəzarətində olan bölgələrdə erməni briqadası ötən ilin mayında qurulmuşdu. Üç batalyondan (təxminən 750 nəfər) ibarət olan “Nubar Ozanyan” briqadasının sıralarına erməni əsilli suriyalılar daxil idi. İndi həmin briqadanın bir batalyonu-250 döyüşçüsü Ermənistanın Azərbaycana qarşı hücumlarında iştirak etmək üçün regiona göndərilib.

Qeyd edək ki, Nubar Ozanyan 2017-ci ildə Türkiyə təhlükəsizlik qüvvələri tərəfindən zərərsizləşdirilən və YPG-nin sıralarında döyüşən erməni terrorçusu olub. Onun adını daşıyan briqada 2019-cu ilin aprelində, qondarma “soyqırım” ildönümü ərəfəsində yaradılıb və YPG-nin düşərgəsində təlim keçib. Daha sonra həmin erməni briqadası Türkiyə ordusunun Suriyanın şimalında həyata keçirdiyi hərbi əməliyyatlar zamanı YPG-nin tərəfində döyüşmüşdü.

Xatırladaq ki, bundan əvvəl Türkiyə və Misir mənbələri Suriya və İraqdan minlərlə PKK terrorçusunun Ermənistan ordusunun tərəfində döyüşmək üçün İran üzərindən Qarabağa daşındığı haqda detalları açıqlayıb.