"Bu sözlər etibarlı siyasətin əxlaq fəlsəfəsini özündə əks etdirir"“Türkiyə Azərbaycana hərbi dəstəyini davam etdirməkdə qərarlıdır...“Bizi birləşdirən təkcə dövlətlərimizin maraqları deyil, həm də sadiqlik, etibar və qarşılıqlı dəstəkdir”

“Cənab Prezident Yunanıstanın səfirini qəbul etdiyi zaman istifadə etdiyi ritorika yalnız güclü dövlət başçılarına xasdır”


Azərbaycanla Türkiyənin hərbi-siyasi əməkdaşlığı, Tovuz hadisələri fonunda bu əməkdaşlığın daha da aktuallaşması və ümumilikdə münaqişə zonasında bir növ yeni situasiyanın yaranması ölkəmiz üçün əsas gündəm mövzusudur.

“AzPolitika.info” bu mövzuyla bağlı Milli Məclisin deputatı Sadiq Qurbanovun fikirlərini öyrənib:

-Ermənistanın Tovuzda törətdiyi hərbi təxribatdan sonra Türkiyənin Azərbaycana ən yüksək səviyyədə dəstək göstərməsinin şahidi olduq. Sizcə, ölkələrimiz arasındakı xüsusilə hərbi sahədəki əməkdaşlığın genişlənməsi və son birgə təlimlər nədən xəbər verir?

-Məlum olduğu kimi, Azərbaycan Respublikası ilə Türkiyə Respublikası arasında hərbi əməkdaşlıq haqqında sazişə əsasən, illik plana uyğun olaraq iyulun 29-dan avqustun 10-dək ölkəmizdə hər iki ölkənin quru qoşunları və hərbi hava qüvvələrinin iştirakı ilə birgə genişmiqyaslı döyüş atışlı taktiki və taktiki-uçuş təlimləri keçirilib. Birgə təlimlərə iki ölkənin ordularının şəxsi heyəti, zirehli texnikası, artilleriya qurğuları və minaatanları, həmçinin hərbi aviasiya və hava hücumundan müdafiə vasitələri cəlb edilib. Plana əsasən təlimlər avqustun 1-dən 5-dək quru qoşunlarının da cəlb edilməsi ilə Bakıda və Naxçıvanda, hərbi aviasiya vasitələrinin iştirakı ilə isə iyulun 29-dan avqustun 10-dək Bakı, Naxçıvan, Gəncə, Kürdəmir və Yevlax şəhərlərində keçirilib.

Bilirik ki, Türkiyə Azərbaycan müstəqillik qazandıqdan sonra onun Silahlı Qüvvələrinin formalaşmasına yardım göstərib. O zaman orduda kadr çatışmazlığı var idi. Sonrakı dövrdə də iki ölkə arasında hərbi-texniki əməkdaşlıq inkişaf etdi. Türkiyə Azərbaycanda kadrların hazırlanması, hərbi məktəblərin proqramlarının formalaşmasında böyük rol oynayıb. Hər il Azərbaycan və Türkiyə silahlı qüvvələri birgə hərbi təlimlər keçirirlər. Prezidenti İlham Əliyev avqustun 13-də Türkiyə Respublikasının Milli Müdafiə naziri Hulusi Akarın başçılıq etdiyi nümayəndə heyətini qəbul edərkən bildirib ki, hərbi əməkdaşlıq baxımından bu təlimlərin çox böyük önəmi var, eyni zamanda, insanlar arasındakı əlaqələrin, xalqlar arasındakı qardaşlığın gücləndirilməsi üçün təlimlərin çox böyük əhəmiyyəti və faydası var. Prezident bununla bağlı deyib: “Bu, bir ənənədir. Bildiyiniz kimi, hər il həm Azərbaycanda, həm də Türkiyədə 10-dan çox birgə təlim keçirilir. Ona görə bu təlimlərin keçirilməsi adi haldır. Burada hansısa bir fövqəladə hal axtarmaq lüzumsuzdur. Biz də müşahidə edirik ki, bu təlimlər bəzi ölkələrdə narahatlıq doğurur. Ancaq buna heç bir əsas yoxdur. Bu, Türkiyə-Azərbaycan birliyinin, qardaşlığının növbəti təzahürüdür”;

-Sizcə, bu əməkdaşlığın əsas məqsədi və istiqamətləri nədən ibarətdir?

- Məlumat üçün deyim ki, “Azərbaycan Respublikası Hökuməti ilə Türkiyə Respublikası Hökuməti arasında hərbi maliyyə əməkdaşlığı haqqında” 2020-ci il fevralın 25-də Bakı şəhərində imzalanmış Saziş cari ilin iyulun 2-də qüvvəyə minib. Bu saziş olduqca önəmlidir və ölkələrimiz arasındakı hərbi əməkdaşlığın yüksək səviyyəsini təsdiqləyən növbəti sənəddir.

Bununla yanaşı, iki ölkə arasında hərbi əməkdaşlığın bugünkü vəziyyətini 3 vacib məsələ müəyyənləşdirir. Bunlardan birincisi, NATO ilə əməkdaşlıq sənədləridir - bu çərçivədə NATO-nun aparıcı ölkələrindən olan Türkiyə Azərbaycan Silahlı Qüvvələrinin modernləşdirilməsinə kömək göstərir. İkincisi, Azərbaycanın təhlükəsizlik sənədləri və iki ölkə arasında imzalanmış strateji müqavilələrdir. Üçüncüsü məsələ isə Türkiyənin milli regional maraqları və həmçinin, qardaş ölkənin milli təhlükəsizlik sənədləri ilə bağlıdır. Qeyd edim ki, 2009-cu ildən etibarən Türkiyənin milli təhlükəsizlik sənədlərində dəyişiklik prosesi başlayıb.

İki ölkə arasında hərbi əməkdaşlıq baxımından perspektiv planlar da mövcuddur. Buraya hərbi kadrların hazırlanması, maddi-texniki təchizat məsələlərindən tutmuş, müdafiə sənayesi sahəsində yeni birgə əməkdaşlığa qədər məsələlər daxildir. Perspektivdə iki ölkə arasında hərtərəfli hərbi əməkdaşlığın gücləndirilməsi istiqamətində yeni imkanlar mövcuddur. Artıq hər kəsə məlumdur ki, Türkiyə Azərbaycana taktiki və strateji dövrdə hərbi dəstəyini davam etdirməkdə qərarlıdır.

Onu da qeyd edim ki, Ermənistanın işğalı nəticəsində nəzarətdən kənar qalmış Azərbaycan sərhədlərindən qeyri-qanuni məqsədlərlə istifadə məsələsi də Türkiyə-Azərbaycan hərbi əməkdaşlığı üçün mühüm istiqamətlərdən hesab olunur. İki ölkə terrorizmdən əziyyət çəkməklə bu istiqamətdə ayrı-ayrılıqda və birgə mübarizənin bu günü və perspektivlərini həmişə diqqət mərkəzində saxlayır. Həmçinin, iki ölkə arasında hərbi təhsil, kadrların hazırlanması sahəsində əməkdaşlığın inkişafı prioritet sahələrdən biridir. Bu istiqamətdə ciddi planların olduğu məlumdur.

-Ermənistanın ayrı-ayrı ölkələrlə hərbi əməkdaşlığının Azərbaycana yaratdığı potensial təhlükə kifayət qədər ciddidir. Bunu Tovuzdakı təxribat da bir daha təsdiqlədi. Sizcə, son zamanlar bu mövzunun ölkə rəhbərliyi səviyyəsində qaldırılması və prezidentin Yunanıstan səfirilə görüşü zamanı bu əməkdaşlığa cəlb olunan ölkələrə açıq mesajlar verməsi nəyə hesablanıb?

- Təbii ki, Azərbaycan haqlı olaraq, Ermənistan, Yunanıstan və Kipr arasındakı hərbi əməkdaşlıqdan narahatdır. Çünki Ermənistan ərazilərimizi işğal etmiş ölkədir. Xocalıda soyqırımı aktı törədib, bir milyon azərbaycanlını evlərindən didərgin salıb, tarixi, mədəni, dini abidələrimizi dağıdıb, işğal edilmiş ərazilərdə etnik təmizləmə siyasəti həyata keçirib, beynəlxalq hüququ pozur, BMT Təhlükəsizlik Şurasının və başqa təşkilatların qətnamələrinə əməl etmir.

Ermənistan aqressiv davranır. Dövlət sərhədində son gərginliklər Ermənistanın təxribatıdır, terror aktı törətmək üçün sonuncu cəhd zamanı təmas xəttini keçmək istəyərkən erməni zabiti saxlanılıb və o, artıq etiraf edib ki, onun qrupu bizim hərbçilərimizə və mülki şəxslərə hücum etmək məqsədi güdüb. Sirr deyil ki, Ermənistan Azərbaycana düşmən mövqedədir və bu onların qərarı olub.

Sözsüz ki, Ermənistanın istənilən ölkə ilə sıx hərbi əməkdaşlığı narahatlıq doğurur. Ermənistanın təxribatından dərhal sonra Azərbaycan Rusiyadan Ermənistana intensiv silah təchizatına reaksiya göstərib. Aktiv toqquşmalar iyulun 16-da dayandırılıb və iyulun 17-dən başlayaraq 2 sentyabra qədər Rusiyadan Ermənistana Xəzəryanı dövlətlərin hava məkanı vasitəsilə çoxsaylı yük reysləri həyata keçirilib. Ermənistanla hərbi əməkdaşlıq bizi narahat edən məsələdir. Çünki bu, Azərbaycan üçün mühüm təhdid törədir. Ermənilər bu silahlardan istifadə edərək bizim hərbçilərimizi, mülki şəxsləri öldürürlər.

-Son zamanlar Türkiyənin Azərbaycana göstərdiyi dəstəyə paralel olaraq, Azərbaycan rəhbərliyi də Türkiyəyə qarşı ayrı-ayrı ölkələrin apardığı aqressiv siyasətlə bağlı ortaya açıq mövqe qoyur, qardaş ölkəni dəstəkləyir. Sizcə, bu dəstək ölkələrimizin gələcək birgə fəaliyyətində hansı rola malikdir və bu əməkdaşlığın hansı perspektivləri var?

- Türkiyə və Yunanıstan arasında Şərqi Aralıq dənizi regionunda bu yaxınlarda baş verən gərginlikdə Azərbaycan Türkiyəni dəstəklədi və dəstəkləyir. Biz eyni dəstəyi türk qardaşlarımızdan da görürük. Beynəlxalq ictimaiyyət növbəti dəfə Azərbaycan-Türkiyə münasibətlərinin qardaşlıq səviyyəsində olmasına şahidlik etdi. Bizi birləşdirən təkcə dövlətlərimizin maraqları deyil, bizi birləşdirən sadiqlik, etibar və qarşılıqlı dəstəkdir. Beynəlxalq tədbirlər zamanı dəfələrlə bu qarşılıqlı dəstəyin şahidi olmuşuq.

Yunanıstanın Azərbaycandakı səfirini qəbul edərkən ölkə başçısı tərəfindən səsləndirilmiş sözlər həmin dəstəyin və əməkdaşlığın bariz sübutudur: “Türkiyə təkcə bizim dost və tərəfdaşımız yox, bizim üçün qardaş ölkədir. Biz heç bir tərəddüd etmədən Türkiyəni dəstəkləyirik və bütün hallarda dəstəkləyəcəyik”.

Bu, sadəcə siyasi mesaj kimi qəbul olunmamalıdır. Bu sözlər etibarlı siyasətin əxlaq fəlsəfəsini özündə əks etdirir. Mövcud yanaşma isə yalnız özünə inanan və potensialına güvənən siyasi liderlərə məxsus olan keyfiyyətdir. Cənab Prezident Yunanıstanın səfirini qəbul etdiyi zaman istifadə etdiyi ritorika da yalnız güclü dövlət başçılarına xasdır. Prezidentin “mən istəyirəm ki, siz bizim mövqeyimizi biləsiniz” ifadəsi Azərbaycanın açıq diplomatiyasına işarə edir. Dövlət başçısı tərəfindən həmin görüşdə səsləndirilmiş sözlər ümumən Azərbaycanın mövqeyini, gücünü və beynəlxalq münasibətlər sistemində yerini nümayiş etdirir.
Azər Süleymanovdan sərt sözlər - "Gürcüstanda ermənipərəst nazirlər var"3 sentyabr tarixində Birləşmiş Millətlər Təşkilatının (BMT) Baş Assambleyasının Nyu-Yorkda keçirilən 74-cü sessiyasında Gürcüstanın Abxaziya və Tsxinval bölgəsi/Cənubi Osetiyadan olan məcburi köçkün və qaçqınların statusu barədə qətnamədə səssiz qalan Ermənistana, Gürcüstan parlamentinin üzvü Azər Süleymanov sərt münasibət bildirib.

Aktual.ge xəbər portalı ilə söhbəti zamanı millət vəkili deyib: "Ermənistan yenə də səs vermədi. Bu onun birinci dəfəsi deyil. Ermənistan Gürcüstana qarşı apardığı siyasətdə o iclasların heç birində Gürcüstanın tərəfini tutmayıb. Bu gün Gürcüsran torpaqlarının 20%-i işğal altındadır və təəssüflər olsun ki, hazırki hakimiyyət Ermənistanın bu hərəkətinə heçbir fikir bildirmir. Gürcüstan hakimiyyətində çox sayda ermənipərəst rəhbərlər var və bunlar hər zaman ermənilərin tərəfini tuturlar və bu məsələlərdən çox kənar gəzirlər, gündəmə gətirmirlər. Son zamanlarda cərəyan edən proseslər barədə rəsmi açıqlama verilməsə də Gürcüstan üzərindən keçən silahlar sübut olundu. Bəzi qeyri hökumət təşkilatları və bəzi cəmiyyətlər bu məsələ ilə bağlı işğalçı Rusiyaya fikir bildirmək əvəzinə Azərbaycana qarşı xoşagəlməz ifadələrə yer verdilər. Bütün bunların səbəbi isə mövcud Gürcüstan hakimiyyətinin susqunluğundan ibarətdir. Bu isə erməni lobbisinin Gürcüstandan daha güclü olduğunu göstərir".

Millət vəkili sözlərinə belə davam edib:

"Bu gün Gürcüstanda kifayət qədər ermənipərəst nazirlər və millət vəkilləri var. Bu həm də İvanişvilinin apardığı siyasətin nəticəsidir ki, o, ermənilərə daha üstünlük verir. Xatırladım ki, Azərbaycanın ən faciəli günü olan 20 yanvar tarixində “Avakiyan”ın heykəlinin açılması, Salome Zurabişvilinin yeni seçilən zaman 'Saakaşvili türklərə çox üstünlük verirdi, mən bu oyunları dəyişəcəm. Ermənilər bizim üçün çox dəyərlidirlər' çıxışından açıq aydın görünür. Mövcud hakimiyyət üçün nə dövlət, nə Gürcüstan, nə də ki, Gürcüstan torpağı maraqlı deyil. Bunlar üçün maraqlı olan tək şey var bu da onların cibləri və “patronları” olan Rusiyaya xidmət etməkdir".

Məlumat üçün xatırladaq ki, Gürcüstanın Abxaziya və Tsxinval bölgəsi/Cənubi Osetiyadan olan məcburi köçkün və qaçqınların statusu barədə qətnaməni 84 ölkə dəstəkləyib. Sənədin əleyhinə 13 ölkə çıxıb, 78 ölkə isə səsvermədən imtina edib. Azərbaycan və Türkiyə ötən il də olduğu kimi Gürcüstanın təqdim etdiyi qətnaməni dəstəkləyən ölkələrin sırasında yer alıb. Ermənistan isə ənənəsinə sadiq qalaraq səsvermədə iştirak etməyib.
Azərbaycan Pakistanla birgə hərbi təlim keçə bilərMoskvada işgüzar səfərdə olan Azərbaycan Respublikasının Müdafiə naziri general-polkovnik Zakir Həsənov sentyabrın 5-də Pakistan İslam Respublikasının Birləşmiş Qərargah Rəisləri Komitəsinin sədri general Nadim Raza ilə görüşüb.

Müdafiə Nazirliyindən Avrasiya.net-ə verilən məlumata görə, görüşdə xalqlarımız arasında ənənəvi dostluq və qarşılıqlı etimadın, eləcə də Azərbaycan-Pakistan əlaqələrinin yüksələn xətlə inkişaf etməsindən və strateji tərəfdaşlığın səviyyəsindən məmnunluq ifadə olunub.

Regiondakı hərbi-siyasi vəziyyətə toxunan Müdafiə naziri Ermənistan-Azərbaycan münaqişəsi barədə danışıb, bu problemin həllində Pakistanının Azərbaycanın ədalətli mövqeyini beynəlxalq təşkilatlarda da dəstəkləməsinə görə minnətdarlığını bildirib.

Görüşdə Azərbaycan ilə Pakistan arasında təhlükəsizlik, hərbi, hərbi-texniki və hərbi təhsil sahələrində, terrorizmə qarşı mübarizədə əməkdaşlığın, Hərbi Hava və Hərbi Dəniz qüvvələri arasında əlaqələrin genişləndirilməsi, eləcə də birgə hərbi təlimlərin keçirilməsi məsələləri müzakirə olunub.
Tramp ABŞ-ı NATO-dan çıxaracaq Donald Tramp yenidən prezident seçilərsə, ABŞ-ı NATO-dan çıxaracaq.

Axar.az xəbər verir ki, bu barədə “Nyu York Tayms” qəzeti iddia edib.

“Tramp illərdir bağlı qapılar arxasında bu niyyətini dilə gətirir. Əgər seçkilərdə qalib gələrsə, bu məsələni gündəmə çıxara bilər”, - qəzet yazıb.

Qeyd edək ki, ABŞ lideri ölkəsinin Alyansdan çıxması ilə bağlı mövqeyini sonuncu dəfə 2018-ci ildə NATO iclasında dilə gətirsə də, məsələnin onun üçün hələ də aktual olduğu iddia edilir.
Millət vəkili beynəlxalq onlayn konfransda iştirak edib Bu gün qardaş Özbəkistanın paytaxtı Daşkənddə fəaliyyət göstərən Heydər Əliyev adına Mədəniyyət Mərkəzinin təşkilatçılığı ilə baş tutan beynəlxalq onlayn konfransda iştirak və çıxış etdim.

Avrasiya.net xəbər verir ki, bunu Milli Məclisin deputatı Elnur Allahverdiyev sosial səhifəsində yazıb.

Deputat qeyd edib ki, həmkarları Qənirə Paşayeva, Soltan Məmmədov və Məşhur Məmmədov, habelə Özbəkistanda faəliyyət göstərən ictimai qurumların liderləri, diaspora fəalları və elm adamlarının da qatıldığı tədbirdə əsas müzakirə mövzumuz Ermənistan tərəfindən Azərbaycan torpaqlarının işğalı, aparılan qanunsuz məskunlaşdırma, məhv edilən maddi-mənəvi irsimiz idi. Eyni zamanda, Qənirə xanımın özbək dilində nəşr olunmuş "İtirdiyim xoşbəxtlik" (Qarabağ hekayələri) kitabının təqdimatı da oldu:
Millət vəkili beynəlxalq onlayn konfransda iştirak edib
"Heydər Əliyev adına Mədəniyyət Mərkəzi Özbəkistanda yaşayan azərbaycanlıların həyatında faəl rol oynayır. 2010-cu il sentyabrın 27-də Daşkənddə Azərbaycanın Özbəkistandakı səfirliyinin nəzdində Heydər Əliyev adına Mədəniyyət Mərkəzinin binasının əsaslı təmir və bərpadan sonra açılışı olub. Açılış mərasimində Azərbaycan Respublikasının Prezidenti İlham Əliyev və Özbəkistanın o vaxtkı Baş naziri Şavkat Mirziyayev iştirak ediblər. Mərkəz Daşkənd şəhərinin Mirabad rayonunun mərkəzindəki Heydər Əliyev küçəsi 9 ünvanında yerləşir. Mərkəzdə Heydər Əliyev muzeyi, Azərbaycanın dövlətçilik və tarixi muzeyi, Azərbaycan və Özbəkistan Dostluq muzeyi fəaliyyət göstərirlər".
Millət vəkili beynəlxalq onlayn konfransda iştirak edib
E.Allahverdiyev onu da qeyd edib ki, Mərkəzin nəzdində yaradılmış kitabxana xalqlarımız arasında tarixi bağların yeni nəsilə ötürülməsi baxımından çox önəmlidir. Kitabxana həm mərkəzdə fəaliyyət göstərən dərnək və kursların iştirakçılarına, həm də Daşkənddəki azərbaycanlı və özbək oxucularına xidmət göstərir. Kitabxananın çox zəngin Azərbaycan, rus və özbək dillərində fondu var. Fond əsasən Azərbaycandan alınan kitablarla zənginləşdirilir. Bundan başqa, Azərbaycan Səfirliyinə, Mədəniyyət Mərkəzinə hədiyyə olunan kitablar da kitabxananın fonduna daxil edilir. Kitabxananın ümumi kitab fondu 4 min nüsxədən artıqdır. Artıq kitabxanada Azərbaycan bədii filmlərinin tam kolleksiyası, ölkəmizin tarixi, iqtisadiyyatı, mədəniyyəti, turizmi, adət və ənənələrinə dair sənədli filmlərdən ibarət Mediateka fondu da yaradılıb:

"Qardaş Özbəkistan Türk dünyasının böyük və nüfuzlu dövlətlərindən biridir. Rəsmi Daşkənd hər zaman Azərbaycanın maraqlarına cavab verən siyasəti ilə həm dövlətimizin, həm də sıravi azərbaycanlının rəğbətini qazanıb. Eyni soykökünə, dinə, dilə malik olan xalqlarımız daima bir-birilərinin yanında olmalıdırlar!"

#Azərbaycan #Özbəkistan #Deputat #QənirəPaşayeva #SoltanMəmmədov #MəşhurMəmmədov #ElnurAllahverdiyev
Ramiz Mehdiyev və Əli Həsənovun Qurban Məmmədova bağışladığı bina sökülürBakının Nərimanov rayonunda yerləşən qanunsuz tikilinin söküntüsünə başlanılıb.

Avrasiya.net xəbər verir ki, Murtuza Nağıyev küçəsi 4-6 ünvanındakı tikilinin söküntüsü ilə bağlı qərarı məhkəmə verib.

Müxtəlif obyekt və yaşayış evlərindən ibarət olan binanın içərisindəki bütün əşyalar çıxarılıb. Hazırda söküntü işləri davam etdirilir.

Qeyd edək ki, tikili hazırda Londonda yaşayan hüquqşünas Qurban Məmmədova məxsusdur.

Mətbuatda yer alan məlumatlara görə sözügedən bina Q.Məmmədova Prezident Administrasiyasının sabiq rəhbəri Ramiz Mehdiyev və keçmiş şöbə müdiri Əli Həsənovun istəyi ilə Nərimanov Rayon İcra hakimiyyətinin başçısı Abdin Fərzəliyev tərəfindən verilib.(Report)
Deputatın şirkəti cərimə olundu“Azərmed” Məhdud Məsuliyyətli Cəmiyyət karantin rejimi qaydalarını pozduğu üçün cərimə olunub.

Avrasiya.net Demokrat.az-a istinadən xəbər verir ki, MMC-nin barəsində İnzibati Xətalar Məcəlləsinin 211.2-ci maddəsi ilə protokol tərtib olunub və cəza tədbiri görülməsi üçün iş baxılması üçün Binəqədi rayon Məhkəməsinə göndərilib.

Hakim Günay Cavadovanın sədrliyi ilə baş tutan iclasda MMC-nin xüsusi karantin rehimi qaydasını pozması müəyyən olunub və cərimə olunması barədə qətnamə qəbul edilib.

İddia olunur ki, Azərmed MMC deputat Kamaləddin Qafarovun ailəsinə məxsusdur.