Ramiz Alıyev: “Bu hal ölkə Prezidentinin qətiyyətini və Azərbaycan polisinin gücünü göstərdi"İnsan Alverinə Qarşı Mübarizə Təşkilatının sədri Ramiz Alıyev "News12.az" saytına açıqlamasında bildirib ki, vəzifəli şəxslər sadə vətəndaşlardan dəfələrlə artıq məsuliyyətli olmalı, qanunlarımıza əməl etməli, cənab Prezident İlham Əliyevin bütün çağırışlarına uyğun davranmalıdırlar: "Qanun hər kəsə şamil olunur! Kimsə qanundan üstün ola biıməz! Bunu hər kəs anlamalı və qanunlarımıza əməl etməlidir! Aylardır koronavirus pandemiyası ilə bağlı insanlarımız nə qədər əziyyət çəkir, dövlətimiz hər gün iqtisadi itkilərlə üzləşir. İnsan ölümləri var.

Cənab Prezident seçim qarşısında qaldıqda ölkə iqtisadiyyatını deyil, ölkə vətəndaşlarını seçdi və insanlarımızın sağlamlığının onun üçün nə qədər önəmli olduğunu göstərdi. Azərbaycan həkimləri və polisi istirahət etmədən pandemiya ilə ön cəbhədə mübarizə aparır, insanlarımızın sağlamlığı üçün döyüşürdülər və təəssüflər olsun ki, hələ də bu amansız müharibə davam etməkdədir. Bu müharibədə doğma vətəndaşlarımızla yanaşı, bir-birindən dəyərli həkimlərimizi, polislərimizi itirdik. Azərbaycan həkimləri günlərdir öz ailələrinin üzlərini belə, görmürdülər, eyni zamanda polislərimiz necə əziyyətlər çəkdilər. Bütün bunların hamısı onların vəzifə borcları olduğu kimi, həm də onların insanlıq borcu və dövlət başcısına olan sədaqətləri idi".

Ramiz Alıyev deyib ki, vəzifəli şəxslərin qəbul edilmiş qanunlarımızı qəsdən pozmasının bir məqsədi ola bilər, o da insanlarda qıcıq yaratmaq və onların dövlətimizə qarşı yönəlməsinə səbəb olmaq: "Bağında məclis edib karantin qaydalarını pazaraq qanunlarımızı tapdalamağa cəhd edən bu insanlar həmin əraziyə polis əməkdaşlarının daxil olmasına belə, imkan verməyiblər. Təşkilatçıların və ora dəvət alan məmurların, deputların şəxsi mühafizəçilərinin bu hərəkətləri tək polislərimizə qarşı deyil, həmçinin qanunlarımıza da qarşı hörmətsizlikdir.

Azərbaycan polisinin bu gün atmış olduğu belə addım, yəni təşkilatçıların həbs olunması ölkə Prezidentinin qətiyyətini, Azərbaycan polisinin gücünü göstərdi. Hər kəs bir daha anladı ki, Azərbaycan polis orqanları ölkə başcısının və dövlətimizin sədaqətlə xidmətində dayanan bir qurumdur və heç bir zaman imkan verməyəcək ki, kimsə özünü qanundan üstün bilsin, ölkə Prezidentinin tapşırığına laqeyd yanaşsın!

O ki, qaldı kiminsə bu dövlətə olan xidmətlərinə: hər kəs əmin olsun ki, kimin bu dövlətə xidməti olubsa, artıqlaması ilə həm özü, həm də doğmaları qarşılığını alıbdır. Kiminsə xidməti qarşılıqsız qalmayıb! Biz bu pandemiya dövründə cənab Prezident İlham Əliyevin, hörmətli vitse-prezident Mehriban xanım Əliyevanın və onların ailə üzvlərinin atdığı addımları diqqətlə izləməli və örnək götürməliyik! O addımlar bir nümunədir. Ona görə də Azərbaycan xalqının böyük əksəriyyəti öz liderinin vermiş olduğu tapşırıq və tövsiyələrə əməl edir, dəstəkləyir".
“Lotu Quli”nin nəzarət etdiyi sahələr belə paylaşıldıAntalyada qətlə yetirilən azərbaycanlı kriminal avtoritet Nadir Səlifovun ölümündən sonra onun nəzarət etdiyi sahələr artıq bölünməyə başlayıb.

Modern.az xəbər verir ki, bu barədə “Kommersant” öz mənbələrinə istinadən məlumat yayıb.

İddia olunur ki, “qanuni oğru” Vaqif Süleymanov (Diplomat) Gürcüstandan olan əslən azərbaycanlı biznesmenlərə nəzarət edəcək.

Kriminal avtoritet Cavid Məmmədovun (Dato Ağcabedinski) isə Qulinin idarə etdiyi taksi sürücülərini və pərakəndə satış nöqtələrini ələ keçirəcəyi güman olunur.

Sankt-Peterburqdakı “Sofiya” topdansatış bazasına isə Əli Heydərovun (Albert Rıjiy) nəzarət edəcəyi bildirilib.

Qulinin kriminal aləmdə yüksəlişinin başlandığı Yekaterinburqdakı meyvə-tərəvəz biznesinə isə artıq azərbaycanlı-talış avtoritetləri iddia edirlər. Eyni zamanda bildirilib ki, kriminal aləmin hələ ki, heç bir nümayəndəsi Nadir Səlifovun tutduğu "1 nömrəli qanuni oğru" tituluna iddia irəli sürməyib.

Nəşrdə Qulinin yalnız bir telefondan istifadə edərək Rusiyanın böyük şəhərlərində cinayətkar dəstələr təşkil etdiyi, onların isə Səlifovun əmri ilə əsasən meyvə-tərəvəz ticarəti ilə məşğul olan azərbaycanlı iş adamlarından xərac topladığı bildirilir. Qeyd olunur ki, Lotu Qulinin adamları təkcə biznesmenləri deyil, həm də bu şəhərlərə həyata keçirilən topdansatış ərzaq tədarükünün xeyli hissəsini nəzarətə götürüb.
Ramiz Mehdiyev və ətrafı dövlət içində dövlətdir?Elşad Musayev
Böyük Azərbaycan Partiyasının sədri


Ölkədə çox maraqlı və diqqət çəkən hadisələr baş verir. Nazirlər Kabineti yanında Operativ Qərərgahın təntənəli surətdə toy-nişan mərasimlərinin qadağan etməsinə baxmayaraq Prezident Adminstrasiyasının sabiq rəhbəri, AMEA-nın prezidenti Ramiz Mehdiyev öz nəvəsinə təntənəli toy məclisi təşkil etdirir və bir sıra yüksək vəzifəli şəxslər bu məclisdə iştirak edirlər.

Ramiz Mehdiyev və yaxınları, toyda qonaq qismində iştirak edən vəzifəli şəxslər mövcud karantin dövründə toy məclisi keçirməyə yasaq qoyulduğunu bilirdilər?- bilirdilər. Toyu 1-2 ay sonra keçirə bilərdilər?-bilərdilər. Toyu keçirmək və iştirak etməklə qanunları pozduqlarını, cəmiyyətə, dövlətə hörmətsizlik etdiklərini və hamıya meydan oxuduqlarını bilirdilər?-bilirdilər.

Bəs bu sabotajın, arxayınçılığın, toxunulmazlığa əminliyin, heç kəsi saymamazlığın səbəbi nədir? Yoxsa Ramiz Mehdiyev və ətrafı dövlət içində dövlətdir?
O çox yaxşı bilir ki, bu sadə xalq içində ciddi qıcıq və narazılıq, narahatçılıq yarada bilər, kütləvi etiraza, qarşıdurmaya şərait yarada bilər.

Kifayət qədər ehtiyatlı və qorxaq adam olan Ramiz Mehdiyevin qoca vaxtında bu cür nümayişkaranə surətdə güc göstərməyə çalışmasının arxasında çox gizli mətləblər durur. Adam açıq-qşkar özünü Azərbaycanın Fetosu və 5-ci kolonun rəisi timsalında təqdim edir və buynuz göstərir.
Hamının həssaslıqla hadisələrin gedişini gözlədiyi bir məqamda Ramiz Mehdiyevin "buynuz"u qırıldı, kürəkəni və kürəkənin qudası qandallanaraq məhkəməyə gətirildilər, 15 sutkalıq inzibati həbsə məhkum edildilər.

YAP Siyavuş Novruzova töhmət verdi. Abel Məhərrəmovun, Ombusmanın, toy mərasimində iştirak edən digər vəzifəlilərin də cazalandırılacaqları gözlənilir.
Ramiz Mehdiyev ətrafında yaradılmış "boz kardinal" mifi bircə anda darmadağın oldu. Açıq-aşkar hakimiyyətə qarşı çıxdığı duelin elə birinci raundunda ciddi zərbə aldı və ona olan güvəncin sabun köpüyü kimi dağıldığını göstərdi. Məlum oldu ki, onu "iri" göstərən sadəcə daşıdığı Adminstrasiya rəhbərliyi görəvi imiş.

Prosesin davamı gəlməli, illərlə millətə, dövlətə, demokratik düşüncəyə, aydın insanlara düşmən kəsilən, şər qüvvələrin təçmsilçisi kimi pozitiv hər şeyə mane olan bu adam AMEA kimi bir qurumun başında saxlana bilməz. Bu boyda hoqqadan sonra özünə hörmət edən adam tutduğu vəzifədən istefa verməlidir. Əks halda təcili görəvdən alınmalıdır.

Nəhayət, alimlərimiz, ziyalılarımız səslərini çıxartmalı, illərlə ölkənin siyasi sistemini intriqa yuvasına çevirmiş bir adamın indidə AMEA-da şər yuvası qurmalarına etiraz etməlidirlər.

Ölkənin demokratik qüvvələri də illərlə demokratikləşməyə, inkişafa, barışa, milli düşüncəyə mane olan, düşmənçilik edən Ramiz Mehdiyevin görəvdən alınması və indiyədək törətdiyi əməllər barədə hüquqi prosedurların görülməsi üçün təşəbbüsdə bulunmalı, hüquq mühafizə orqanları deyilənlərdən nəticə çıxarıb əməli tədbir görməlidir. Bu həm də xərçəng kimi hər yana yayılmış 5-ci kalon təmsilçilərini də əhatə etməli və onlara dərs olmalıdır...
Sosial şəbəkələrdə informasiya təhlükəsizliyi mövzusunda onlayn müzakirə keçirilib – FOTOLAR“Aktor” İctimai və Sosial Tədqiqatlar İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Sosial şəbəkələrdə informasiya təhlükəsizliyinin təmin olunmasında vətəndaş cəmiyyətinin rolunun artırılması ilə bağlı tədqiqatların aparılması” layihəsinin icrasına başlayıb.

Təşkilatdan verilən məlumata görə, İcra Planının şərtlərinə uyğun olaraq layihənin ilk onlayn ictimai müzakirəsi keçirilib.Onlarla şəxsin iştirakı ilə keçirilən tədbirdə mövzunun aktuallığı və vacibliyi qeyd olunub, diqqətə çatdırılıb ki, sözügedən məsələyə önəm verilməsi günümüzün tələbidir, belə görüşlər bu sahədə müəyyən irəliləyişlərə səbəb olacaq.

Tədbiri açıq elan edən “Aktor” İctimai və Sosial Tədqiqatlar İctimai Birliyinin sədr müavini Telman Məmmədov qonaqları salamlayaraq nəzərə çatdırıb ki, vətəndaş cəmiyyətinin üzvləri, əsasən də gənc nəsildə internet mediaya marağın artırılması və sosial şəbəkələrdən düzgün istifadənin istiqmətlərini aşılamaq olduqca əhəmiyyətlidir.O, əlavə edib ki, əsas hədəf sosial şəbəkələrdəki təhlükəli və təhlükəsiz xəbərlərin sərhədlərinin konturlarını vətəndaşlarımıza düzgün çatdırmaqdır.
Sosial şəbəkələrdə informasiya təhlükəsizliyi mövzusunda onlayn müzakirə keçirilib – FOTOLAR
Sədr müavini sonra sözü Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının nümayəndəsi, layihələr üzrə əlaqələndirici Ülvi Allahverdiliyə verib.O, təmsil etdiyi qurum barədə ətraflı məlumat verib və aktuallıq kəsb edən mövzular üzrə layihələrin icrasında Şuranın da maraqlı olduğunu diqqətə çatdırıb.İlk dəfə olaraq müxtəlif qurumlarla birgə keçirilən qrant müsabiqəsinin əhəmiyyətinə toxunan Ü.Allahverdili vurğulayıb ki, bu məsələdə əsas hədəf və məqsəd layihələrin daha peşəkar səviyyədə icrasıdır.

Azərbaycan Mətbuat Şurası İdarə Heyətinin üzvü, Mətbuat Şurası sədrinin müavini, Beynəlxalq Jurnalistlər Federasiyasının Azərbaycan üzrə təmsilçisi Müsfiq Ələsgərli isə beynəlxalq təcrübədən, sosial şəbəkələrdə yayılan xəbərlərin hüquqi tənzimlənməsindən, şəxsi həyatın toxunulmazlığından, təhqirlə tənqidin fərqindən, fərdi məlumatların yayılmasından, Azərbaycan seqmentində ciddi problemlərin olmasından, təmsil etdiyi qurum – Mətbuat Şurasının neqativ hallara qarşı atdığı addımlardan bəhs edib.
Sosial şəbəkələrdə informasiya təhlükəsizliyi mövzusunda onlayn müzakirə keçirilib – FOTOLAR
Professor, tibb elmləri doktoru, məhkəmə-tibbi ekspert, Azərbaycan Tibb Universitetinin (ATU) Məhkəmə Təbabəti kafedrasının professor,YUNESKO-nun Bioetika kafedrasının Azərbaycan bürosunun rəhbəri Vüqar Məmmədov pandemiya dövründə sosial şəbəkələrdən istifadənin daha da aktuallıq kəsb etdiyini xatırladaraq, COVİD-19 virusu ilə bağlı həm də psixoloji təsirlərdən, bəzən yanlış, düzgün analiz olunmamış xəbərlərin insanlara mənfi təsirlərindən danışıb.

İKT üzrə ekspert Əlimərdan Sultanov, Sosial Tədqiqatlar Mərkəzinin (STM) mətbuat xidmətinin rəhbəri Əziz Əlibəyli, APA TV-nin proqram direktoru Rauf Rəcəbov,Gürcüstan Azərbaycanlılarının İnteqrasiya Mərkəzinin keçmiş icraçı direktoru Aygül İsayeva və digər qonaqlar da mövzu ilə bağlı fikrilərini bölüşür, sosial şəbəkələrdə yayılan bəzi yalan xəbərlərin müəyyənləşdirilməsi, eləcə də sərhəddə erməni təxribatlarının əsl mahiyyətindən danışıblar.
Sosial şəbəkələrdə informasiya təhlükəsizliyi mövzusunda onlayn müzakirə keçirilib – FOTOLAR
Qeyd edək ki, onlayn müzakirədə Azərbaycan Texniki Universitetinin tələbələri, gənclər sahəsində fəaliyyət göstərən “İRƏLİ” İctimai Birliyinin üzvləri və digər şəxslər iştirak ediblər.

Onu da qeyd edək ki, “Aktor” İctimai və Sosial Tədqiqatlar İctimai Birliyi həmçinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyevin COVİD19 pandemiyası ilə əlaqədar aztəminatlı ailələrə ərzaq və tibbi ləvazimatın paylanması çağırışını müsbət qarşılayıb və könüllü olaraq bu kateqoriyadan olan şəxslərə dəstək göstərəcək.

Xatırladaq ki, layihənin icra müddəti üç aydır və bu dövr ərzində Bakı, Sumqayıt və Gəncə sakinləri ilə onlayn müzakirələr keçiriləcək, xüsusi kitabçalar hazırlanacaq, mövzu ilə əlaqədar sorğular təşkil olunacaq, nəticələri isə geniş ictimaiyyətə çatdırılacaq.
Şəhid generalımıza möhtəşəm mahnı həsr edildi - VideoErmənistanla sərhəddə, Tovuz istiqamətində baş verən döyüşlərdə şəhid olan general Polad Həşimova daha bir mahnı həsr olunub.

"Paşam, hey" adlı mahnının sözləri Faiq Şücəddinova, sözləri isə Musa Uruda məxsusdur. Mahnını məşhur hərbi mahnıların ifaçısı Şəmistan Əlizamanlı ifa edib.

Dövlət Təhlükəsizlik Xidməti Mədəniyyət Mərkəzinin hazırladığı videonu təqdim edirik:

İlham Əliyev Ərdoğanı təbrik etdiPrezident İlham Əliyev Türkiyə Respublikasının Prezidenti Rəcəb Tayyib Ərdoğanı təbrik edib.

Təbrikdə deyilir: "Hörmətli cənab Prezident, Əziz Qardaşım, Türkiyə tarixinin ən böyük təbii qaz yatağının kəşf olunması münasibətilə Sizi və qardaş Türkiyə xalqını öz adımdan və Azərbaycan xalqı adından ürəkdən təbrik edirəm.

Türkiyə enerji təhlükəsizliyi sahəsində növbəti önəmli addımını atmışdır. Qaz yatağının işlənməsi qardaş Türkiyə xalqına faydalar gətirəcəkdir. Bu yatağın kəşfi həm də Türkiyənin sənaye potensialının və artan gücünün təzahürüdür.

Azərbaycan və Türkiyə uzun illər ərzində nəhəng enerji və nəqliyyat layihələrini uğurla icra edirlər. Bakı-Tbilisi-Ceyhan, Bakı-Tbilisi-Ərzurum, TANAP, Bakı-Tbilisi-Qars layihələri ölkələrimiz və xalqlarımız üçün yeni imkanlar açır və Azərbaycan-Türkiyə tərəfdaşlığını daha da möhkəmləndirir.

Ümid edirəm ki, Türkiyənin hazırda apardığı digər kəşfiyyat layihələri də müvəffəqiyyətlə nəticələnəcəkdir. Qardaş Türkiyənin uğurlarına öz uğurlarımız qədər sevinirik. Əminəm ki, Azərbaycan-Türkiyə qardaşlığı və dostluğu bundan sonra da inkişaf edəcək və güclənəcəkdir.

Fürsətdən istifadə edərək Sizə möhkəm cansağlığı, işlərinizdə uğurlar, qardaş Türkiyə xalqına daim əmin-amanlıq və firavanlıq arzulayıram".
Ölkəmizdə yoluxma yenidən sağalmanı üstələdiAzərbaycanda koronavirus (COVİD-19) infeksiyasına 184 yeni yoluxma faktı qeydə alınıb, 160 nəfər müalicə olunaraq sağalıb və evə buraxılıb.

Bu barədə Avrasiya.net-ə Nazirlər Kabineti yanında Operativ Qərargahdan məlumat verilib.

Son sutkada koronavirusdan 3 nəfər vəfat edib.

İndiyədək ölkədə ümumilikdə 35 105 nəfərin koronavirus infeksiyasına yoluxması faktı müəyyən edilib, onlardan 32 842 nəfər müalicə olunaraq sağalıb, 515 nəfər vəfat edib, 1 748 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 6 557, bu günə qədər isə ümumilikdə 868 345 test icra olunub.
Buraxılan səhvlər cəzasız qalmır - Komitə sədri “Belələri unudurlar ki, Prezident İlham Əliyev dövlətimizi Heydər Əliyev ideyaları, humanizm və qətiyyətin vəhdəti əsasında idarə edir”.

Bunu Milli Məclisin komitə sədri, YAP-çı deputat Sadiq Qurbanov Ramiz Mehdiyevin karantin qadağaları altında öz nəvəsinə toy etməsi ətrafında baş qaldırmış qalmaqala münasibət bildirərkən deyib.

S.Qurbanov “AzPolitika.info”-nun sorğusuna cavab olaraq, deyib: “Dünəndən etibarən gündəmi zəbt etmiş bu hadisə, əlbəttə ki, yanlış hərəkətdir. Pandemiya dövründə toy və ya hər hansı digər kütləvi tədbirin keçirilməsi məsələsi Nazirlər Kabineti yanında yaradılmış Operativ Qərargah tərəfindən tənzimlənir. Əhalimizin sağlamlığı baxımından verilmiş qərarlara, karantin qaydalarına riayət etmək bütün vətəndaşların borcudur. Əslində yalnız karantinlə bağlı yox, ümumiyyətlə bütün qanunlara əməl etmək, sosial statusundan asılı olmayaraq, hər zaman vətəndaşların borcu olmalıdır”.

Deputat xatırladır ki, Azərbaycan Respublikası Konstitusiyasının 25-ci maddəsinə görə, hamı qanun və məhkəmə qarşısında bərabərdir. “Təəssüflər olsun ki, bəzi səlahiyyətli şəxslər cənab Prezidentin müasir dövrün tələbləri əsasında apardığı siyasətlə ayaqlaşa bilmir, özlərini qanunlardan üstün sayırlar. Bunun bir neçə səbəbi ola bilər. Məsələn, özünü inkişaf etdirmək qabiliyyətinin olmaması, hələ də imperiyanın tərkibində olduğumuz zamankı məfkurənin təsiri altında olmaq, bəzi hallarda isə bilərəkdən bugünədək görülən işlərə kölgə salmaq üçün. Amma unudurlar ki, Prezident İlham Əliyev dövlətimizi Heydər Əliyev ideyaları, humanizm və qətiyyətin vəhdəti əsasında idarə edir. Bu ideyalar yaşadığı müddətcə heç kim xalqdan üstün ola bilməz. Vəzifəli və səlahiyyətli şəxslər özlərini sadə xalqdan ayrı və üstün hesab edə bilməz. Çünki onlara bu səlahiyyət məhz xalqa xidmət etmək üçün verilmişdir. Əks halda onlar bilməlidirlər ki, buraxılan səhvlər cəzasız qalmır”.

Deputat hesab edir ki, R.Mehdiyevin kürəkəni, sabiq deputat İlham Əliyevin karantin qaydalarını pozmasına görə cəzalandırılması, bir daha heç kimin qanundan üstün olmadığına, Prezidentin xəbərdarlıqlarına məhəl qoymaq istəməyənlərin, kimliyindən asılı olmayaraq, cəzalandırılacağına çox yaxşı nümunə oldu. “Bir daha hər kəsi qanunlara layiqincə əməl etməyə çağırıram”.
BƏƏ koronavirusa qarşı uğurlu mübarizə aparırBirləşmiş Ərəb Əmirlikləri yeni koronavirus infeksiyasına 461 yoluxma faktı qeydə almış və ölkədə infeksiyanın ümumi sayının 65,802 -ə çatdığını və ümumilikdə avqustun 20-nə 58,153 nəfərin virusdan sağaldığını, ölüm saynın isə 369-a çatdığını bildirib.

BƏƏ-nin Azərbaycandakı səfirliyindən Avrasiya.net-ə verilən məlumata görə, ölkənin vitse-prezidenti və Baş naziri, Dubay əmiri Zati-aliləri Şeyx Məhəmməd Bin Raşid Al Maktum ölkənin keyfiyyətcə yüksək sıçrayışlı tərəqqisini hədəfləyən 50 illik iqtisadi planını nəzərdən keçirib.

Plan özündə 5 prinsipi ehtiva edir: vahid inteqrasiya olunmuş iqtisadiyyatın yaradılması, sahibkarlığın, o cümlədən kiçik və orta iqtisadiyyatın inkişaf etdirilməsi, turizm və birbaşa xarici investisiyanın qurulması, ixracın ikiqat artırılıması, istedad cəlbi və qorunması.

BƏƏ hava yollarında sərnişin tutumu hazırda 40-50 % və ya daha yüksəkdir, belə ki, avia şirkətlər öz şəbəkələrində daha çox uçuşları bərpa etmək istəyirlər. BƏƏ-nin ölkəyə qayıdan sakinlərdən Şəxsiyyət və Vətəndaşlıq Federal Təşkilatı tərəfindən təsdiqin daha tələb olunmadığını elan etməsindən sonra rezervasiya sorğuları kəskin şəkildə artdı. Üstəlik, 7 iyul tarixindən Dubay əcnəbi qonaqları qəbul etməyin üstünlüklərini də görməyə başlamışdır.
BƏƏ Emirati APEX Milli İnvestisiya şirkəti ilə İsrailin Tera Qrupu arasında koronavirus pandemiyası, o cümlədən sınaq cihazı ilə əlaqəli tədqiqat və inkişaf sahəsində əməkdaşlıq üçün "strateji ticarət müqaviləsi" nin imzalandığını açıqlamışdır.

BƏƏ tibb işçilərinə kömək etmək üçün 14 Sakit okean adası ölkələrinə, o cümlədən: Fici, Kiribati, Marshall adaları, Nauru, Papua Yeni Qvineya, Samoa, Solomon Adaları, Tonga, Tuvalu, Vanuatu, Mikroneziya Federativ Dövlətləri, Palau, Kuk Adaları və Niue –ya 13 metrik ton tibbi ləvazimat və sınaq dəstləri göndərib.

Zati-aliləri Al Maktum ölkənin COVID-19 pandemiyası ilə mübarizədəki səylərini dəstəkləmək üçün Sudana təcili humanitar yardım göndərilməsini əmr etmişdir: 14 ton tibbi ləvazimat və 20 ton qida təchizatı, Dubaydakı Beynəlxalq Humanitar şəhərindən göndərilmişdi.

BƏƏ Livana on milyonlarla dirhəm dəyərində yardım göndərdi: Prezident Şeyx Xəlifə Livana Covid-19-la mübarizə üçün 12 metrik ton qoruyucu vasitə bağışlamışdır. Bu avadanlıq Livandakı 10 mindən çox tibb işçisinə yardım edəcəkdir.
Məhkəmə bu suala çox ədalətli və obyektiv şəkildə cavab - Azay Quliyev AMEA-nın prezidenti Ramiz Mehdiyevin kürəkəni, sabiq deputat İlham Əliyevin karantin rejiminin tələblərini və qadağalarını kobud şəkildə pozaraq qızına toy etməsi, toy mərasimində bir sıra rəsmlərin, o cümlədən YAP-ın icra katibinin müavini və deputat Siyavuş Novruzovun iştirak etməsi və buna həm də haqq qazandırması ictimaiyyətdə və sosial şəbəkələrdə haqlı olaraq ciddi narazılığa və hiddətə səbəb oldu.

Avrasiya.net xəbər verir ki, bu fikirləri Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev sosial şəbəkə hesabında bildirib.

"Həqiqətən də belə bir mənzərənin şahidi olmaq həm təəccüblü oldu, həm də üzücü. Təəccüblü oldu ona görə ki, uzun müddət dövlət aparatında işləmiş, deputat olmuş şəxslərin belə bir qanun pozuntusuna yol verməsini açığı deyim, şəxsən mən gözləmirdim, üzücü oldu ona görə ki, özlərinin hərəkət və davranışları ilə cəmiyyətə nümunə olmağa borclu olanlar, o cümlədən hər gün hamının karantin rejiminin tələblərinə əməl etməyə səsləyənlər özləri qanunu heçə sayaraq, vətəndaşlara hörmətsizlik edərək belə bir mərasimi düzənlədilər və iştirak etdilər.

Ona görə də onların bu cür hərəkətlərinə ictimaiyyət haqlı olaraq çox kəskin və sərt reaksiya verdi və nəticədə çox məntiqi bir sual yarandı: qanun hamı üçün qanundur, yoxsa bu qayda və qadağaların bəzilərinə aidiyyatı yoxdur və onlar istədiyini edə bilərlər?

Bu gün Abşeron rayon məhkəməsi bu suala çox ədalətli və obyektiv şəkildə cavab verdi, qanunun tələblərini pozan sabiq deputat İlham Əliyevə və onun qudası Rövşən Mustafayevə 15 sutka həbs cəzası verməklə qanuna və dövlətə açıq meydan oxumağın bədəlinin nə olduğunu hamıya göstərdi. Siyavuş Novruzova isə YAP bu hərəkətinə görə töhmət verdi.

İctimaiyyət bir daha əmin oldu ki, dövlətin qanunlarına qarşı çıxanlar kimliyindən asılı olmayaraq bu cür sərt şəkildə cəzalanacaqlar! Qanunu pozanların bağışlanılmaması və dərhal cəzalandırılması sıravi vətəndaşlarda dövlətə olan inam və etimadı daha da artırdı, qanunun aliliyini və ədaləti bərqərar etdi.

Sonda isə onu da xüsusi olaraq vurğulamaq istərdim ki, Azərbaycan Respublikasının Prezidenti cənab İlham Əliyevin dövlətimizin və xalqımızın təhlükəsizliyi, sağlamlığının qorunması istiqamətində yorulmadan gördüyü işlərə, prinsipial mövqeyinə, atdığı addımlara heç kim kölgə sala bilməz, milli mənafeyə yönəlik ali iradəsinə qarşı keç kim çıxa bilməz. Xalqımız və ictimaiyyət dövlət başçısının, Birinci vitse-prezidentimiz hörmətli Mehriban xanım Əliyevanın pandemiya dövründə hər bir vətəndaşın qanuni maraqlarının və mənafelərinin qorumaq üçün etdikləri fədakarlığın tam fərqindədir və bunu yüksək qiymətləndirir.
Əminəm ki, bu hadisə hamı üçün sözün hər mənasında unudulmaz bir dərs olacaq."