Goranboyda üç uşaq anası özünü asdıGoranboy rayonunda intihar hadisəsi baş verib.

Avqustun 11-də rayonun Yolqulular kənd sakini, 3 uşaq anası özünü öldürüb.

Kənd sakini, 1979-cu il təvəllüdlü Əliyeva Məxmər Məhəmməd qızı yaşadığı evin qarajında özünü iplə asaraq intihar edib.

Faktla bağlı araşdırma aparılır. (Qafqazinfo)
“15 yaşlı qızı hamilə buraxan müəllimə 1 il iş kəsildi”Lerikdə 15 yaşlı qıza qarşı seksual xarakterli hərəkətlər edərək, onun hamilə qalmasına səbəb olan məktəb müəllimi, 60 yaşlı Məmmədov Şəfahətə 1 il həbs cəzası verilib.

Avrasiya.net xəbər verir ki, bu barədə “Təmiz Dünya” Qadınlara Yardım İctimai Birliyinin sədri Mehriban Zeynalova məlumat paylaşıb.

"15 yaşında düşüncəsi zəif olan uşağı məktəb müəllimi, 60 yaşlı Məmmədov Şəfahət münasibətə girərək hamilə qoyub. Müəllimə bu gün Lerik Rayon Məhkəməsində hakim Atabəy Kiçikbəyov tərəfindən cəmi 1 il iş kəsilib. Bu uşaq aylardır gözümüzün önündədir, hamilə olduğunu belə dərk etmir. Sual veririk, bu nə qərardır, bu nə ədalətsizlikdir?! Bəs, bu uşağın gələcəyi necə olacaq?! O, özü anlamır heç nəyi, bəs bizdəmi başa düşmürük ya bizim qız övladlarımız yoxdurmu?!

Tək sözlə bunu deyirik, sonu nə olur olsun, bu uşağı müdafiə edəcəyik və bu haqsız qərarla bağı bütün qurumları tək-tək məlumatlandırıb ciddi ölçü götürülməsini tələb edəcəyik!", - deyə M.Zeynalova statusunda qeyd edib.

Qeyd edək ki, Ş.Məmmədov rayonun Kirəvud kəndində rus dili müəllimi işləyib. Zərərçəkmiş isə həmin məktəbdə təhsil alıb.
QAT Azər Süleymanovun namizədliyini müdafiə edirGürcüstanın ictimai-siyasi xadimi, bu ölkənin parlamentinin deputatı, dəyərli soydaşımız Azər Süleymanov parlament seçkilərinə yenidən namizədliyini irəli sürüb. Azər bəy həmişə obyektiv mövqeyi, haqqın tərəfində olmağı, çəkinmədən həqiqəti ortaya gətirməyi, qətiyyəti, cəsarəti, mübarizliyi ilə seçilib. Gürcüstandakı soydaşlarımızın, haqqı pozulan hər hansı Gürcüstan vətəndaşının yanında olub, dəstəyini verib. Yaşadığı ölkənin bütün problemlərinə ürəkdən yanaşıb.

Azər Süleymanov 2008-ci ilin avqustunda Rusiyanın Gürcüstana təcavüzü zamanı vətəndaşlıq borcunu yerinə yetirərək əlinə silah alıb könüllü olaraq cəbhəyə gedib. Xüsusi olaraq qeyd etməliyik ki, Azərbaycana qarşı Ermənistanın təcavüzü nəticəsində yaranmış Dağlıq Qarabağ məsələsi ilə bağlı həmişə prinsipial, qətiyyətli mövqe tutub, erməni yalanlarını cəsarətlə ifşa edib. Gürcüstan parlamentində və ölkə boyunca istənilən erməni təxribatlarının qarşısının alınmasında fədakarlıqla çalışıb, dəfələrlə Azərbaycanın ərazi bütövlüyünün bərpa olunması üçün əsgər kimi savaşmağa hazır olduğunu bildirib, Azərbaycanla Gürcüstanmın dost münasibətlərinin inkişafına yorulmadan öz töhfəsini verib.

İnanırıq ki, Azər Süleymanov bundan sonra da əzmkar fəaliyyətini davam etdirəcək, qədim Borçalı elini Gürcüstan parlamentində ləyaqətlə təmsil edəcəkdir. Dəyərli soydaşlarımızı düzgün seçim etməyə, ağıllı, cəsarətli, mərd, sözü-əməli bir olan namzədə -mojaritar qaydada namizədliyini irəli sürmüş Azər Süleymanova səs verməyə çağırırıq!

Akif Nağı
Qarabağ Azadlıq Təşkilatının sədri
Məktəbli qız qonşuları tərəfindən döyülüb? - İttihamYeni Ramana qəsəbəsində yaşayan Səbuhə Səfərova Avrasiya.net-ə yazaraq qonşu qadınlar tərəfindən döyüldüyünü bildirib.

S.Səfərovanın saytımıza göndərdiyi məktubu olduğu kimi təqdim edirik:

Mən Səfərova Səbuhə Valeh qızı 2004-cü ildə anadan olmuşam. Hal-hazırda 16 yaşım var və Yeni Ramana 90№-li orta məktəbin 10-cu sinif şagirdiyəm.

28 iyulda qonşuluqda yaşayan Günel Əsgərovanın evindən həddindən artıq səs-küy gəlirdi. Bu hallar tez-tez baş verirdi. Bu dəfə mən bu səs-küyə dözə bilməyib 13 yaşlı qızı Leylanı pəncərəyə çağıraraq iradımı bildirdim. Bu zaman anası Günel və Günelin bibisi Tünzalə məni küçə söyüşləri ilə təhqir etdi. Mən də ona təhqirləri qarşısında anqırma dedim. O anda qapıma gəlib qapını açmağa məni məcbur etdilər.

Mən qapını açan zaman içəri daxil olub Tünzalə mənim saçımdan tutub yolmağa başladı və Günel ona müdaxilə edərək məni döyməyə başladılar. Səs-küyə gələn qonşu Aygün və Nigar bizi ayırmağa çalışdılar. Onların bizi ayırmağına baxmayaraq Tünzalə və Günel məni vurmağa davam etdilər. Aygün və Nigar məni güclə də olsa əllərindən alıb evə saldılar və qapını bağladılar. Mən də atama zəng edib hadisəni danışdım və atam işdən evə gəldi.

Atam evə gəldi və mən məsələni daha aydın danışırdım ki, Tünzalə, Günel və Günelin anası içəri daxil oldular. Atam məni vurmaqlarının səbəbini soruşdu və Tünzalə atamın qarşısına keçib mən vurmuşam dedi. Atam onlara 102-ə şikayıət edəcəyini bildirdi. Tünzalə qollarını atama gösstərib “bax mən dəliyəm heç kim mənə heçnə edə bilməz” dedi.

Atam da qollarındakı lezva izlərini gördü. Atam susdu və sakitcə hamısını çölə çıxartdı. Sonra 102 xidmətinə şikayət etdi. 102 bizi Sabunçu rayonu 12 nömrəli polis bölməsinə dəvət etdilər. İzahatımı alıb ekspertizaya göndərdilər. Bizə deyildi ki, “gedin ekspert rəyi çıxdıqdan sonra sizə məlumat verəcəyik”. 04.08.2020-ci ildə 12 nömrəli bölmədən atam xəbər veribdi ki, “ekspertin rəyi çıxdı”.

Həmin gün sahə müvəkkili Xəyal atama zəng edərək ünvanı soruşdu. Atam ünvanı dedikdən sonra sahə müvəkkili qonşuya onlar barəsində şikayət olunduqlarını bildirdi və 12 nömrəli polis bölməsinə dəvət etdi. Sahə müvəkkili getdikdən sora Günel və Tünzalə hay-küy qaldıraraq təhqiredici sözlərlə təhqir etdilər. Sonra 103 xidmətini çağıraraq özlərini xəstə vəziyyətinə qoydular.

07.08.2020-ci il ildə 12 saylı polis bölməsinə çağırıldıq. Polis bizə bildirdi ki, Günel izahatında mənim onu döydüyünü yazıb. Lakin mənim onu elə vuracaq qədər gücüm yetməzdi.

Sizdən xahişim belə qadınlar uşaq qatili adı verəsiniz. Qonşum Aygün və Nigar olmasaydı onlar məni öldürə bilərdilər.
Məktəbli qız qonşuları tərəfindən döyülüb? - İttiham
Məktəbli qız qonşuları tərəfindən döyülüb? - İttiham
Qarşı tərəfin də mövqeyini dərc etməyə hazırıq.
“Xalq Cəbhəsi” Media Qrupunun YouTube kanalı yayıma başladıXəbər verdiyimiz kimi "Xalq Cəbhəsi" Media Qrupunun eyni adlı YouTube kanalı fəaliyyətə başlayıb. Xalq Cəbhəsi TV-nin redaktoru tanınmış jurnalist və aparıcı Eldəniz Vəliyevdir.

"Xalq Cəbhəsi" ilk buraxılışında erməniləri qorxuya salan İrəvan Türk Cümhuriyyətindən danışılıb. Məlum olduğu kimi, bir neçə gün əvvəl Türkiyədə elan olunan İrəvan Türk Cümhuriyyəti ermənilərin yuxusuna ciddi şəkildə təsir edib. Mühacir cümhuriyyətin məhz Türkiyədə yaradılması erməniləri daha çox narahat edir.

Tarixi Azərbaycan torpaqlarının qaytarılması fikrini əsas tutan İrəvan Türk cümhuriyyəti hələ ki, təşkilatlanma mərhələsindədir. Məqsəd elan olunan zaman, müəyyən səviyyələrdə etirazlar səslənsə də, ümumilikdə, bu cümhiriyyət ideyası əksəriyyət tərəfindən dəstəkləndi. Bu fikrə, məqsədə qarşı çıxanların arqumentləri hardan qaynaqlanırdı, mühacir cümhuriyyət məqsədinə nail ola biləcəkmi, Azərbaycan hakimiyyəti ilə koordinasiya mümkün olacaqmı, kənar qüvvələrin təzyiqlərinə dözmək immuniteti nə qədərdir?

Bütün sualların cavabı -VİDEODA
MN-dən Nəcməddin Sadıqovla bağlı açıqlamaXaricdə məskunlaşaraq ölkəmizə düşmən mövqedə olan mənbələr, eləcə də Ermənistanın xüsusi xidmət orqanları tərəfindən maliyyələşdirilən, onlardan təlimat alan bəzi üzdəniraq şəxslər Azərbaycan Ordusunda uzun illər xidmət edən Müdafiə nazirinin birinci müavini – Silahlı Qüvvələrin Baş Qərargah rəisi general-polkovnik Nəcməddin Sadıqova, eləcə də digər yüksək rütbəli zabitlərə qarşı qarayaxma kampaniyasının önündə gedirlər. Bu şəxslərin əsas məqsədləri Azərbaycan Ordusunun yüksələn imicinə xələl gətirməyə yönələn yalanlar uydurmaqdır.

Avrasiya.net-in xəbərinə görə, bu barədə Müdafiə Nazirliyinin yaydığı açıqlamada bildirilib.

"Onların bu yaxınlarda keçirilən əməliyyat müşavirəsində guya “Baş Qərargah rəisinin türkiyəli hərbi qulluqçuların birgə təlimlərə gəlməsi ilə bağlı təhqiramiz ifadələr işlətməsi” barədə iddiaları yalandır, növbəti iftiradır, heç bir həqiqətə uyğun deyil. Həmin müşavirədə qeyd olunan iddialarla bağlı heç bir fikir səsləndirilməyib, yalnız xidməti məsələlər müzakirə edilib.

Bu cür çirkin üsullarla Azərbaycan Ordusuna və hərbi qulluqçularımıza qarşı addımlar atan, qərəzli yazılar dərc edənlərin başlıca niyyətləri işğalçı Ermənistanın maraqlarına xidmət etməkdir. Amma həmin məkrli dairələr və onların ortaya atdığı ünsürlər bilsinlər ki, heç zaman çirkin niyyətlərinə nail ola bilməyəcəklər.

Biz həmin şəxslər tərəfindən səsləndirilən qərəzli fikirləri qəti surətdə rədd edirik. Bildiririk ki, belə dezinformasiya xarakterli məlumatların məhz bu gün - Azərbaycan-Türkiyə birgə taktiki təlimlərinin keçirildiyi ərəfədə yayılması Ermənistanın xüsusi xidmət orqanları tərəfindən ölkəmizə qarşı həyata keçirilən növbəti təxribatın tərkib hissəsidir", - nazirliyin açıqlamasında qeyd olunub.
“Bandotdel”də insanlara işgəncə verilib? - DİN-dən AÇIQLAMADaxili İşlər Nazirliyi sosial şəbəkələrdə yayılan və “Bandotdel”in istintaqında insanlara işgəncə verilməsini əks etdirdiyi iddia olunan fotolara münasibət bildirib.

Avrasiya.net "Qafqazinfo"ya istinadən xəbər verir ki, DİN-dən verilən açıqlamada həmin görüntülərin Baş Mütəşəkkil Cinayətkarlıqla Mübarizə İdarəsində çəkilmədiyi bildirilib:

“Bu görüntülər tərəfimizdən diqqətlə araşdırılıb. Fotolarda əks olunan şəxslərin heç biri Azərbaycan vətəndaşı deyil. Şəkillərin çəkildiyi yer də Azərbaycan deyil. O ki qaldı fotoların birində Azərbaycan bayrağının görünməsinə, Azərbaycan bayrağını dünyanın istənilən bir yerində harasa qoyub onun şəklini çəkmək mümkündür”.
Deputatın 300 min xərclədiyi universitet necə təhsil verir?Dubayda Amerika Universiteti elmi-texniki tərəqqiləri ilə yox, daha çox orada təhsil alan tələbələrin lüks avtomobillərilə gündəmdə olub.

Bunu Axar.az-a açıqlamasında təhsil eksperti Kamran Əsədov deyib. O bildirib ki, sözügedən universitetin illik təhsil haqqı 55 min dollara qədərdir:

“Varlı tələbələrə məxsus bahalı avtomobillər bu universitetin qarşısını lüks maşınlar sərgisinə çevirib. Birləşmiş Ərəb Əmirliklərində çox sayda ali təhsil müəssisəsi fəaliyyət göstərir ki, onlara lisenziyanı BƏƏ Ali Təhsil və Elmi Tədqiqat Nazirliyinin tabeliyində olan Akademik Akkreditasiya Komissiyası verir. Ali məktəblərin tədris proqramlarının akkreditasiyasını da bu qurum həyata keçirir.

Bu ölkənin vətəndaşları dövlət ali təhsil müəssisələrində pulsuz oxuya bilərlər.

Dubayda Amerika Universiteti məzunları daha çox özəl sektorda rəhbər vəzifələrdə çalışanlardır. Bu ali məktəb dünyanın reytinqli universitetləri arasında 3400-cü yerdən sonra gəlir. Azərbaycanda ondan daha reytinqli universitetlər var. Siyahıda ilk minliyə daxil olan universitetlər reytinqli sayılır. Bu universitetin tək üstünlüyü biznes sahəsi və tədrisin ingilis dilində olmasıdır. Hazırda bu universitetdə ixtisaslara görə təhsil haqqı 35.000-55.000 dollar arası dəyişir”.

Kamran Əsədov onu da bildirib ki, universitet özəl müəssisə olduğu üçün orada təhsil alan azərbaycanlıların sayı barədə məlumat vermir.

Ekspert, həmçinin sözügedən universitetdə aşağıdakı ixtisaslar üzrə kadr hazırlığı həyata keçirildiyini bildirib:

“Rabitə və informasiya tədqiqatları, bakalavr;

İnşaat mühəndisliyi elmləri üzrə bakalavr;

Kompüter mühəndisliyi elmləri üzrə bakalavr;

Elektrik mühəndisliyi elmləri üzrə bakalavr;

Mexanika mühəndisliyi elmləri üzrə bakalavr;

Vizual ünsiyyət üzrə bakalavr - rəqəmsal media)”.

Qeyd edək ki, millət vəkili Rüfət Quliyevin Dubayda Amerika Universitetində övladlarının təhsili üçün 300 min dollar xərcləməsi barədə məlumat yayılıb.
Hüquq ictimaiyyətinə ağır itki Təcürbəli vəkil, fəxri hüquq doktoru Həsən Vəkilov (Sultanov) dünyasını dəyişib.

Vəkilov (Sultanov) Həsən Əli bəy oğlu 01.01.1936-cı il tarixdə Naxçıvan MR-nın Şərur Rayonu, Danzik kəndində anadan olub.

Həsən Vəkilov represiyya dönmələrində Vəkilovlar nəslinə qarşı aparılan ağır represiya vaxtı babası Sultan bəy Vəkilovun adını özünə soyad kimi götürərək Sultanov soyadı götürmüşdür.

Həsən Vəkilov (Sultanov) İbtidai təhsilini Danzik kənd Orta məktəbində alıb.1943/1945-ci illərdə Ordubad pedeqoji Texnikomunu bitimişdir. Bundan sonra Şərur Rayonu Danzik kəndində orta məktəbdə ibtidai sinif müəllimi kimi 4 il çalışıb.

12 iyul 1963-cü il tarixdə Lenin adına Pedeqoji İnstitutunu, 1968-ci ildə isə Bakı Dövlət Universitetinin hüquq fakultəsini Qırmızı diplomla bitimişdir.

16 fevral 1972-ci il tarixdə Azərbaycan SSR-nin Baş Prokurluğunun əmri (№37) ilə prokurorluğ orqanına xidmətə qəbul edilmişdir.

Azərbaycan SSR-nin Baş Prokurluğunun 28.07.1972-ci il tarixli əmri (№230) ilə Naxçıvan MSSR-in Baş Prokurorluğunun baş müstəntiqi vəzifəsinə qəbul edilmişdir.

Təltifləri

1)27.01.1974-cü il tarixdəAzərbaycan SSR Baş Prokuroru Abbas Zamanovun (№131) əmri ilə nümunəvi xidmətinə görə Qızıl Qol saatı ilə təltif edilib.

2) 15 may 1996-cı il tarixdə Azərbaycan Respublikası Vəkillər Kollegiyasının Reyasət Heyətinin qərarı (Qərar №4) ilə Azərbaycan Vəkilliyinin 78-ci ildönümü ilə bağlı “İnsan hüquqlarının müdafiəsindəki xidmətlərinə görə” fəxri hüquq doktoru adı verilmişdir.

14.09.1976-cı il tarixdən Azərbaycan SSR-nin Vəkillər Kollegiyasının Reyasət Heyətinin üzvlüyə qəbul olmuşdur. 1977-ci il tarixdən vəkkilik fəaliyyətinə Saaatlı Rayon Hüquq Məsləhətxanasının (əmr №5) müdiri vəzifəsinə təyin edilib. 06 may 1983-cü il tarixdən Bakı Şəhəri 3 saylı Hüquq Məsləhətxanasının müdiri vəzifəsinə təyin edilmişdir. 2004/2011-ci illərdə isə 13saylı Hüquq Məsləhətxanasının müdiri vəzifəsində çalışmışdır.

Atası vəkilovlar nəslinin məhək daşlarından biri Vəkilov Əli bəy Sultan bəy oğlu 1937-ci ildə bəy nəsli olduğu üçün Qazaxıstana sürgün edilmək adı ilə aparılaraq Ermənistan SSR ərazisində gülələnmişdir.

Həsən Vəkilovun 4 övladı var Zülfüqar, Sevda, Sultan, Nisə.
Vəkilov (Sultanov)Həsən Əli bəy oğlu 27 iyun 2020-ci il tarixdə dünyasını dəyişmişdir.

Müvəkkil Hüquq Mərkəzinin mətbuat xidməti.