Azərbaycandakı 900-ə yaxın QHT birgə MÜRACİƏT yaydıAvrasiya.net Azərbaycan QHT-lərinin müraciətini tqədim edir:

“Azərbaycanın QHT sektoru olaraq son günlər bir neçə ölkədə azərbaycanlıların dinc etiraz nümayişlərinin erməni millətçiləri və diaspor üzvləri tərəfindən hədəfə alınmasından və onlara qarşı fiziki zor tətbiq olunmasından bir daha narahatlığımızı ifadə edirik.

Məlumdur ki, Ermənistan 30 ildir Azərbaycanın 20 faiz ərazisini işğal altında saxlamaqda, qaçqın və məcburi köçkün vəziyyətinə salınmış bir milyon insanın hüquqlarını kobud şəkildə pozmaqda, işğal olunmuş ərazilərdə qanunsuz iqtisadi fəaliyyət həyata keçirməkdə və tarixi abidələrimizi dağıtmaqda davam edir. Ermənistanın BMT Təhlükəsizlik Şurasının və digər beynəlxalq təşkilatların qəbul etdiyi qətnamə və qərarlara məhəl qoymaması və bunun müqabilində işğalçı ölkənin cəzasız qalması və sülh danışıqlarının heç bir nəticə verməməsi artıq münaqişəni dialoq müstəvisindən müharibə həddinə çatdırmışdır.

12-17 iyul 2020-ci il tarixlərində isə Ermənistan işöal olunmuş Dağlıq Qarabağ cəbhə xəttindən tamam uzaq, bir çox beynəlxalq iqtisadi və enerji layihələrin keçdiyi Azərbaycan-Ermənistan sərhədinin Tovuz rayonu istiqamətində atəşkəsi pozaraq Azərbaycan postlarına hücum etmiş və yüksək rütbəli zabit və əsgərlərimizi, o cümlədən dinc sakinimizi qətlə yetirmişdir. Ermənistanın koronavirus pandemiyası dövründə ölkəmizə qarşı etdiyi hərbi təcavüz xaricdə yaşayan soydaşlarımızın haqlı etirazlarına səbəb oldu və bundan irəli gələrək onlar vətəndaşı olduqları ölkələrdə bu təcavüzə qarşı öz etirazlarını bildirirlər.

Təəssüf ki, yaşadıqları ölkələrin qanunlarına uyğun olaraq dinc nümayişlər keçirən azərbaycanlıların sivil dünyaya öz haqq səslərini çatdırmaq təşəbbüsü Ermənistan rəhbərliyi ilə sıx təmasda olan erməni diaspora nümayəndələri tərəfindən mənəvi və fiziki terrorla qarşılandı.

İyul ayının 21-dən başlayaraq ABŞ-nın Los-Anceles şəhərində, Belçikanın paytaxtı Brüsseldə, Parisdə, Moldovada, Ukraynada, Rusiyada və digər ölkələrdə dinc aksiya keçirən soydaşlarımıza ermənilər olan şəxslər tərəfinfən hücumlar təşkil olunur, azərbaycanlılar həmin şəhərlərdə erməni millətçiləri tərəfindən izlənilir və onlara ciddi xəsarət yetirilir. Bütün bu hücumlar sosial şəbəkələrdə azərbaycanlılara qarşı terrora başlamaq çağırışı və bununla da vəziyyəti gərginləşdirmək, dünya ictimaiyyətinin diqqətini Ermənistanın Tovuza hücumundan yayındırmaq məqsədi daşıyır.

Erməni milliyətindən olan şəxslər yaşadıqları ölkələrin qanunlarını kobud şəkildə pozaraq təşkilatlanmış qaydada Azərbaycanın xarici ölkələrdəki səfirliklərinə və diplomatik nümayəndəliklərinə basqın etmiş və səfirliklərin binalarına və əməkdaşlarına ciddi xəsarət yetirmişlər. Bir çox aksiyalarda ASALA terror təşkilatının emblemi və hərbi geyim forması geyinmiş erməni gənclərinin fotoları qeydə alınıb.

Dünyanın gözü qarşısında baş verən, foto və videolarla sübut olunan bu vəhşiliyə, vandalizmə və insan hüquq və azadlıqlarının kobud şəkildə pozulmasına beynəlxalq təşkilatlar, xüsusilə sizi kimi insan haqlarının müdafiəsi istiqamətində ixtisaslaşmış beynəlxalq QHT-lər laqeyd qalmaqda davam edir.

Sizin bu səssizliyiniz və laqeydliyiniz Azərbaycan QHT sektoru arasında təkcə heyrətlə qarşılannmır, həmçinin ciddi narazılıq və suallar doğurur. Necə ola bilər ki, sizin rəhbərlik etdiyiniz qurumlar ölkədə baş verən ən xırda qanun pozuntusuna dərhal reaksiya verir və bununla bağlı beynəlxalq həmrəylik nümayiş etdirirsiniz, ancaq gözünüzün qabağında və ofisinizin qarşısında azərbaycanlılara qarşı ermənilər tərəfindən törədilmiş bu qədər açıq zorakılıq və cinayət hadisələrinə göz yumursunuz?

Azərbaycanlıların yerli qanunvericliyə uyğun olaraq razılaşdırlmış nümayişlər və etiraz aksiyalarına edilən hücumlar nəticəsində xəsarət alan vətəndaşların pozulmuş hüquları sizləri heçmi maraqlandırmır? Sizin susqunluğunuz erməni millətçiləri tərəfindən açıq şəkildə yol verilən nifrət cinayətinin coğrafiyasının genişlənməsinə və nəticələrinin daha ağır olmasına gətirib çıxardır.

Bütün bunları nəzərə alaraq, Azərbaycanın QHT sektoru adından sizlərə müraciət edir, yuxarıda adları qeyd olunan ölkələrdə dinc azərbaycanlılara qarşı erməni milltəçiləri tərəfindən törədilən fiziki terroru, zorakılığını, nifrət cinayətlərini pisləməyə çağırırıq.

Ümid edirik ki, sizlər bizim bu müraciətimizə laqeyd qalmayacaq, ikili satandarlardan və selektiv yanaşmalardan uzaq olduğunuzu sübut etmək üçün bu hadisələrə obyektiv və ədalətli qiymət vermək imkanını qaçırmayacaqsınız”.

Bu müraciət Azərbaycanda fəaliyyət göstərən 876 QHT tətəfindən qəbul olunub.
Azərbaycan türklərində nə çatışmırHəmişə millətimə hörmətim olub və olacaqdır. Çünki mənim millətim türkdür və türk olaraq qalacağam. Kökünə xain çıxan gövdəsiz qalar.

Həmişə fikirləşmişəm, bizdə çatışmayan nədir? Hər bir orqanizm kimi, bütöv bir xalq, bütöv bir millət, bir orqanizmdir. Kütlə bir nəfər tərəfindən idarə oluna bilər. Amma təəssüf ki, bu idarəçilik bizdə hələ yoxdur. İnsanın istər xəstəliyə, istərsə də düşmənə müvaqiməti olmalıdır. Bu müqavimət nədir? Birlikdə idarə olunmaq, birlikdə təsir göstərmək.

Həkim kimi deyim, hesab edin ürək işləyir, ağciyər işləyir, böyrək işləmir, fəlakət olacaq yoxsa yox? Əlbət də olacaq! Bəs bununu tənzim mexanizmi varmı? Var! Baxır hardan idarə olunur! Elə bir mərkəzdən idarə olunmalıdır ki, hər şeyə nəzarət edə bilsin. Bir şeyə nəzarət pozulursa nəticə sıfıra bərabər olacaq.

Nəyə görə dedim?

Bir professor dostum var idi. Fizika-riyaziyyat elmlər doktoru, professor olduğunu dedi. Kvant nərəzəriyyəsi üzrə alim olduğunu bildim. O, öz nəzəriyyəsinə uyğun olaraq bildirdi ki, su 50 -100 metrlik ağacın ən yüksək nöqtəsinə qədər qalxır və axrıncı yarpağı necə su ilə təchiz etdiyini dedi. Mən bir sual verdim. Su əvəzinə neft töksək həmin budağın yarpağına çata bilərmi? Əlbət də çatmaz! Çünki, osmotik təzyiq lazımdır.

Hə, bizdə nə çatışmır. Osmotik təzyiq.Niyə? – deyə bilərsiniz. – Millətin əhval-ruhiyyəsi ölüb, və ya öldürülüb fərqi yoxdur! –onu deyə bilmərəm. –Hansı səbəbdəndir özünüz yaxşı bilirsiniz.

Hesab edin ki, odununuz var, neftiniz də var, amma alışdırmaq üçün alışqan yoxdur. Neyləməlisiniz? Ya alışqan tapmalısınız, tapmadınızsa od üçün topladığınız odunu aparıb zibilliyə atmalısınız, atmayıb neyləyəcəksiniz? Qapıda zibiləmi çevirəcəksiniz? Yox, çevirməyəcəksiniz, məcbursunuz aparıb zibilliyə atasınız, nefti də evdə bir küncə qoymalısınız ki, bəlkə gələcəkdə lazım oldu.

Yaxud, başqa misal deyim; hesab edin, evə gəlirsiniz, əlinizdə də ev üçün müəyyən aldığınız qida məhsulu var. Evə çathaçatsınız. Qəflətən bir it sizə hücüm edir. Siz məcbursunuz itdən qurtulmağa! Nə etməlisiniz? Əlinizdəki yükü tullamalısınız, evin qapısını açmaq mümkün olmadıqda darvazadan aşıb canınızı qurturmalısıniz. Hesab edin darvazanı aşıb qurtuldunuz. Sonra fikirləşirsiniz. Mən necə oldu bu darvazanı aşıb keçə bildim? Başqa vaxt aşa bilməzdim?!

Hə, səbəb budur. Insanda və ya xalqda özünü müdafiə refleksi var. İnsan və ya xalq həyəcanlanır. Həyəcanlandıqdan sonra, onda adernalın adlanan ferment ifraz olunur. Bu ferment insanın və ya xalqın, millətin gücünü artırır. Bu fermentin hesabına kimsə özünü qoruya bilir və ya qurtulur.

Deyə bilərsiniz bəs, “bir millət kimi bizdə nə çatışmır”? Deyimki, “özünü müdafiə refleksi”. O bizdə məhv edilib. Onun yaranma səbəbi ya yüksək həyəcandan, yaxud yüksək əhval-ruhiyyədən aslıdır. Bu milli özünü dərkdən keçir. Hamıya deyirəm, iqtidara da, müxalifətə də, gəlin özümüzü sevək, özümüzü müdafiə edək, yoxsa məhv ola bilərik...

Qalib Şəfahət
Bizim dost, qardaş itirən vaxtımız deyil...Elşad Musayev
Böyük Azərbaycan Partiyasının sədri

Türk əsgərinin Azərbaycana gəlişini insanlarımız böyük coşqu ilə qarşıladı. Bu gəliş həm düşmənlərə göz dağı verdi, həm də Azərbaycanın çətin günlərində təkbaşına qalmayacağına işarə oldu.

Belə bir zamanda Ayasofiya məsələsi ətrafında yalançı demokrat kəndirbazlığı ilə məşğul olmaq, fürsət düşən kimi Ərdoğana hücum etmək qətiyyən ölkəmizin maraqlarına uyğun deyil. Nəzərə alaq ki, Türkiyənin cumhurbaşqanı Ərdoğandır və məhz onun iradəsi altında bu gün Türk ordusu Azərbaycandadır və məhz onun iradəsilə son hadisələrdə Türkiyə Azərbaycana açıq dəstək verdi. Azərbaycanda xırda vəzifə daşıyana belə söz deməyə qorxanların qardaş Türkiyə rəhbərlərinə hücum etmələri bizə yalnız ziyan gətirə bilər.

Türkiyədə problemlər varmı? - Var. Çoxdurmu?-Bəli.Bu barədə Türkiyəli qardaşlarımız danışsın. Rəhbərlərini qoy onlar tənqid, tərif etsinlər.

Bizim dost, qardaş itirən vaxtımız deyil...
Federasiya prezidentinə nazirlikdə vəzifə verildiMüdafiə Sənayesi Nazirliyinə məxsus Xaçmaz Kondensator Zavodu MMC-nin direktoru Telman Məlikov vəzifəsindən azad edilib.

Avrasiya.net Report-a istinadən xəbər verir ki, müəssisəyə rəhbərlik Maarif Bağırova həvalə olunub.

O, bundan əvvəl Azərbaycan Dövlət Neft Şirkətinin (SOCAR) əməkdaşlarını qida ilə təchiz edən “Xəzər İaşə” MMC-nin ümumi məsələlər üzrə direktor müavini işləyib. Yeni direktor paralel olaraq Azərbaycan Karate Federasiyasının prezidenti kimi fəaliyyət göstərir.
Azərbaycanda daha 412 yoluxma, 631 sağalma, 7 ölümAzərbaycanda koronavirus infeksiyasına 412 yeni yoluxma faktı qeydə alınıb, 631 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan Avrasiya.net-ə verilən məlumatda bildirilib.

COVID-19 üçün götürülən analiz nümunələri müsbət çıxmış 7 nəfər vəfat edib.

İndiyədək ölkədə ümumilikdə 30 858 nəfərin koronavirus infeksiyasına yoluxması faktı müəyyən edilib. Onlardan 23 873 nəfər müalicə olunaraq sağalıb, 430 nəfər vəfat edib, 6555 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 8429, ötən müddət ərzində isə ümumilikdə 698 815 test aparılıb.

Rusiya İranda terror təcrübəsi keçmiş şəxsi Azərbaycana verdiRusiya İranda qanunsuz silahlı dəstələrdə iştirak etməkdə təqsirləndirilən şəxsi Azərbaycana təhvil verib.

Virtualaz.org bildirir ki, bu barədə Rusiya Federasiyası Baş Prokurorluğunun mətbuat xidmətinə istinadən TASS məlumat yayıb.

"Azərbaycan tərəfinin tələbi ilə Rusiya Federasiyasının Baş Prokurorluğu Mehdi Şükürovu cinayət təqibi üçün təhvil verdi" deyə qurumun nəzarət idarəsindən bildirilib. O, Azərbaycan Respublikası CM-nin 12.3-cü, 214-3.1-ci ("terrorizm məqsədi ilə təlimlərin keçirilməsi") və 12.1-ci, 279.1-ci ("qanunsuz silahlı birləşmənin fəaliyyətində iştirak") maddələri ilə ittiham olunur.

İstintaqın versiyasına görə, M.Şükürov 2016-cı ilin mart ayında Azərbaycanın "Biləsuvar" gömrük buraxılış məntəqəsindən İran ərazisinə keçib və orada qanunsuz silahlı birləşmələrə qoşulub. O, terror cinayətləri törətmək üçün odlu silahdan, partlayıcı maddələrdən və digər texniki vasitələrdən istifadə etmək üçün təlim keçib. Onun Rusiya ərazisində olduğu müəyyən ediləndən sonra Azərbaycanın Baş Prokurorluğu tərəfindən təqsirləndirilən şəxsin verilməsi barədə sorğu göndərilmişdi. Həmin sorğu 2020-ci ilin martında təmin edilmişdi.
Putinlə danışıqlar nəticə verdi – Türkiyədən Qarabağ mesajıİşğalçı Ermənistandır. Bizim hörmətli Prezidentimiz dünən bunu açıq şəkildə hörmətli Putinə izah edib.

Axar.az xəbər verir ki, bunu “CNN Türk”ə müsahibəsi zamanı Türkiyə Prezidentinin mətbuat katibi İbrahim Qalın deyib.

“Biz Azərbaycanın yanındayıq. Bizim Prezidentin münasibəti belədir, buna bir damcı da şübhə yoxdur. Azərbaycana təhdidin haradan gəlməsindən asılı olmayaraq, Türkiyə Azərbaycanın yanında yer alacaq. Bu, diplomatik kanalların bağlanması demək deyil. Deyə bilərəm ki, Putinlə telefon danışığı çox yaxşı nəticələrə gətirib çıxardı”, – deyə o bildirib.
Bu il Azərbaycanda bayram namazı qılınmayacaqKoronavirus pandemiyasına görə bu il Azərbaycanın məscidlərində Qurban bayramı namazı qılınmayacaq.

Avrasiya.net Report-a istinadən xəbər verir ki, Qafqaz Müsəlmanları İdarəsi bayram namazının evdə qılınmasını tövsiyə edib.

Eyni zamanda vətəndaşlara qurbanlıqları onlayn qaydada sifariş etməkləri məsləhət görülür.

Xatırladaq ki, Azərbaycanda 31 iyul və 1 avqustda Qurban bayramı qeyd ediləcək. Bayramın ikinci günü həftənin şənbə gününə düşür. Beləliklə bayram günü ilə istirahət günü üst-üstə düşdüyündən beşgünlük iş həftəsində çalışanlar üçün avqustun 4-ü, altıgünlük iş həftəsində çalışanlar üçün isə avqustun 3-ü ilk iş günü olacaq.
Çoxdan gözlədiyimiz o mübarək gün gəlib çatdıƏlisahib Hüseynov
Demokratik Azərbaycan Dünyası Partiyasının (DADP) sədri

Bu gün Azərbaycan Respublikası ilə Türkiyə Cümhuriyyəti arasında hərbi əməkdaşlıq haqqında sazişə əsasən, illik plana uyğun olaraq ölkəmizdə hər iki ölkənin quru qoşunları və hərbi hava qüvvələrinin iştirakı ilə iyulun 29-dan avqustun 10-dək keçiriləcək birgə genişmiqyaslı döyüş atışlı taktiki və taktiki-uçuş təlimlərində iştirak edəcək Türkiyə Silahlı Qüvvələrinin şəxsi heyəti və hərbi texnikaları Bakıya və Naxçıvana gəldi. Təlimlərə hazırlıq çərçivəsində iki qardaş ölkənin Dövlət Bayraqlarının dəyişmə mərasimi keçirilib.

Qardaş ölkənin əsgər və zabitlərinə "Xoş gəlmisiniz" deyirik. Birgə təlimlər günü-gündən inkişaf edən Türkiyə-Azərbaycan qardaşlıq münasibətlərinin və hərbi-texniki əməkdaşlığının təsdiqi və təntənəsidir. Keçirilən hər yeni təlim qardaşlıq əlaqələrimizi daha da möhkəmləndirir. Türkiyə və Azərbaycan ordularının növbəti hərbi təlimlərinin başlaması bir daha qardaş Türkiyənin hər zaman Azərbaycanın yanında olacağının mesajıdır. Odur ki, Tovuz döyüşlərindən sonra Türkiyənin qətiyyətli mövqeyindən qorxuya düşən ermənilərin bu təlimlərə necə reaksiya vermələri, Ermənistan KİV-lərinin və ekspertlərinin bu gün başlayan hərbi təlimləri fərqli mövqedən şərh etməyə çalışmaları və xüsusən də Tovuz hadisələri fonunda bunu özlərinə qarşı təhdid adlandırmaları bizi əsla qayğılandırmamalıdır. Tovuz döyüşləri bitər-bitməz, Rusiya və Ermənistan birgə hərbi təlimlərə başladılarsa, Azərbaycan və Türkiyənin də birgə təlimlərə başlaması tamamilə anlaşılandır və bu iki qardaş ölkənin təbii haqqıdır. Biz birgə təlimlər keçirmək üçün üçüncü ölkələrdən icazə almalı deyilik.

Azərbaycan Respublikası ilə Türkiyə Cümhuriyyəti arasında hərbi əməkdaşlıq haqqında saziş mövcuddur. Bu təlimlər də həmin sazişə əsasən vaxtaşırı keçirilir. İşğalçı Ermənistan bundan təşvişə düşürsə, qoy düşsün.
Azərbaycan-İndoneziya İş Adamları Assosiasiyası (AZİNBA) təsis olunub23 iyul 2020-ci il tarixində Azərbaycan və İndoneziya işadamlarının qarşılıqlı işbirliklərinin daha da səmərəliləşdirilməsi, stimullaşdırılması, iki ölkə arasında iqtisadi-ticarət əlaqələrinin daha genişləndirilməsi istiqamətində fəaliyyət göstərəcək yeni bir ictimai birlik təsis edildi. Azərbaycan-İndoneziya İş Adamları (Biznesmenləri) Assosiasiyası (AZİNBA) adlandırılan ictimai birliyin təsisçiləri sahibkar, ictimai fəal Emin Əliyev və sosiologiya araşdırmaçısı və ictimai fəal Yusif Nəbiyevdir.

Emin Əliyev eyni zamanda İctimai Birliyin sədridir.

Azərbaycan və İndoneziya xalqlarının dostluq əlaqələrinin çox dərin tarixi köklərinin olduğunu deyən Emin Əliyev bildirdi ki, İndoneziya dünyanın sürətlə inkişaf edən ölkələrindən biridir. İqtisadi artım tempinə görə hal-hazırda dünyada üçüncü yerdə olan İndoneziya ölkəmizin haqq səsinin daha böyük areala çatdırılması üçün hər zaman öz dəstəyini göstərmişdir.

2017-ci ildə İndoneziyaya işgüzar bir səfərimiz oldu. Burada bir neçə ixtisaslaşmış biznes assosiasiyaları ilə danışıqlar apardıq. Xeyli görüşlər keçirdik, Azərbaycanla bağlı təqdimatlar etdik. Bundan başqa Azərbaycanı özünün ikinci vətəni sayan İndoneziyanın ölkəmizdəki fövqəladə və səlahiyyətli səfiri cənab Husnan Bey Fananienin təşəbbüsü ilə ölkəmizə indoneziyalı iş adamlarının səfərləri zamanı müxtəlif tədbir və görüşlərdə iştirak etdik.
Azərbaycan-İndoneziya İş Adamları Assosiasiyası (AZİNBA) təsis olunub
Apardığımız təhlillər nəticəsində iki ölkə arasında biznes əlaqələrinin inkişaf perspektivlərinin böyük olduğunu müəyyən edərək bu qərara gəldik ki, belə bir ictimai birliyin təsis edilməsinin tam zamanıdır. Onu da qeyd edək ki, eyni formatlı təşkilat İndoneziyada da təsis ediləcəkdir və bu təşkilatlar iki ölkə arasında əlaqələrin inkişafına xidmət edəcəkdir. İndoneziya tərəfdən bu təşkilatın idarəçilyini məhz Husnan Bey Fananie öz üzərinə götürmüşdür. Belə ki, o qısa bir müddətdən sonra ölkəmizdəki diplomatik missiyasını başa vuracaq, ölkələrimiz arasında əlaqələrin bundan sonra da inkişafı üçün fəaliyyət göstərmək üçün AZİNBA-nın İndoneziya tərəfdən koordinasiyasını təşkil edəcəkdir.

Qeyd edək ki, İctimai Birlik artıq dövlət qeydiyyatına alınmaq üçün qanunvericiliklə tələb edilən sənədləri toplayaraq Azərbaycan Respublikasının Ədliyyə Nazirliyinin müvafiq bölmələrinə təqdim etmişdir.