Nazim İbrahimov bu vəzifəsini də itirdiDiasporla İş üzrə Dövlət Komitəsinin keçmiş sədri Nazim İbrahimov daha bir vəzifəsini itirib.

Avrasiya.net Sfera.az-a istinadən xəbər verir ki, o, Nizami Gəncəvi Beynəlxalq Mərkəzinin sədri vəzifəsindən azad edilib.

Keçmiş komitə sədrini həmin postda Birləşmiş Ərəb Əmirliyində Azərbaycan Ticarət Palatasının rəhbəri kimi fəaliyyət göstərən Elnur Əliyev əvəzləyib.

Xatırladaq ki, Nizami Gəncəvi Beynəlxalq Mərkəzi Azərbaycan Respublikası Prezidentinin 23 dekabr 2011-ci il sərəncamına əsasən dahi Azərbaycan şairi Nizami Gəncəvinin 870 illikyubiley tədbirlərinin keçirilməsi çərçivəsində 30 sentyabr 2012-ci il tarixində şairin vətəni Gəncə şəhərində keçirilmiş xüsusi toplantıda təsis edilib.
"Gözə görünməyən düşmənlə mübarizə gedirsə, həkimlərin tövsiyə və məsləhətlərinə qulaq asmalıyıq"Bunu xalqcebhesi.az-a Milli Dirçəliş Hərəkatı Partiyasının sədri, sabiq deputat Fərəc Quliyev pandemiya ilə mübarizədə insanların məsuliyyətsizliyi məsələsinə münasibətində bildirib.

Onun fikrincə, pandemiya bütün bəşəriyyəti təhdid edir, Azərbaycan da bu təhdidlə qarşı-qarşıyadır: “Təəssüflər olsun ki, son günlər Azərbaycanda vəziyyət pisləşməyə doğru getdi. Virusla mübarizənin birinci mərhələsində sözün əsl mənasında Azərbaycanda görülən tədbirlər dünyanı təəccübləndirdi. Virusla mübarizədə Azərbaycan hazırlıqlı idi. Görülən müxtəlif tədbirlər – istər modul tipli xəstəxanaların hazırlanması, laborator avadanlıqların, dərman vasitələrin gətirilməsi, qısa zaman ərzində maska sexinin fəaliyyətə başlaması, 600 min aztəminatlı ailələyə yardımın göstərilməsi, sahibkarla maddi yardımın edilməsi, səhiyyə və polis sistemində gücləndirilmiş iş rejiminin tətbiqi, Operativ Qərargahın operativliyi, səhiyyə sistemimizin ciddi şəkildə toparlanması, ASAN xidmətin işinin təşkili və s. əhalinin sağlamlığına, sosial təhlükəsizliyinə istiqamətləndi. Lakin ikinci mərhələdə insanların məsuliyyətsizliyi bu işlərə kölgə saldı, vəziyyət pisləşdi”.

F.Quliyevin sözlərinə görə, insanlar başa düşməlidirlər ki, təkcə özlərinin yox, bütünlükdə cəmiyyətin təhlükəsizliyi məsələsi öndədir: “Fikrimcə, bilərəkdən başqasının həyatını təhlükə ilə üz-üzə qoymaq cinayətdir. Məsuliyyətsizliyimiz virusa yoluxanların, ölüm hallarının çoxalması ilə yanaşı inzibatı tədbirlərin, cərimələrin artırlmasına səbəb oldu. Hər kəsin özünün məsələni dərk etməsi, hətta başqalarına nümunə olması mümkün deyilsə, o zaman ağır cərimələr tətbiq edilməlidir. Tədbirlərin effektiv olması üçün və yaranan ciddi riskli vəziyyətin aradan qaldırılması ücün prezidentin çağırışlarını nəzərə almaq lazımdır. İnsanlar bu məsələdə bir-birinə nəzarət etməyi bacarmalıdır. Bu işi təkcə səhiyyə və polisin üzərinə atmaq düzgün deyil”.

Partiya sədri koronavirusun mövcudluğuna inanmayanalra da səslənərək bildirib ki, bu, inanc məsəlsəi deyil. Hər kəs nəyəsə inana və ya inanmaya bilər: “Amma hər kəs pandemiyanı həkim qədər dərk edə bilməz. Bu hansısa hadisəyə mütəxəssis yanaşması deyil. Gözə görünməyən düşmənlə mübarizə gedirsə həkimlərin tövsiyə və məsləhətlərinə qulaq asmalıyıq. Hər gün həkimlər həyacan təbili çalır, TV-lərdə maarifləndirici təbliğatlar verilir. Reallıqdır ki, xəstəxanalar doludur, gündə insanlar bu virusun qurbanına çevrilir. Sən inanmaya bilərsən, amma sənin bu inanıb, inanmamağından asılı olmayaraq insanlar təhdid olunursa sən qanunlara əməl etməlisən.
Müvafiq dövlət strukturlarına müraciət edirəm ki, cərimələrlə yanaşı inzibati yollarla daha sərt tədbirlər görülməlidir, təbliğatla işi bitmiş hesab etmək olmaz”.
Fond bağlanan banklarla bağlı hüquq mühafizə orqanlarına müraciət edəcəkƏmanətlərin Sığortalanması Fondu (ADIF) bağlanan son dörd bankda aşkar olunan hüquqi pozuntularla bağlı hüquq mühafizə orqanlarına müraciət edəcək.

Avrasiya.net-in məlumatına görə, bunu ADIF-in icraçı direktoru Tural Piriyev deyib.

Onun sözlərinə görə, bəzi bankların kredit verilməsi və bank qaydalarına riayət edilməməsi ilə bağlı nöqsanlar aşkar olunub: “Məlum olduğu kimi, ləğv edici funksiyası olduğuna görə Fond təkcə kompensasiyalar vermir, həmçinin kredit yığımı ilə də məşğuldur. Belə hallar aşkar olunduqda hüquq mühafizə orqanlarına müraciət olunur”.

O həmçinin əlavə edib ki, bağlanan son dörd bankda depozit qəbulunda yol verilən nöqsanlarla bağlı hüquq mühafizə orqanlarına mütləq şəkildə müraciət olunacaq.

Hərəkat “Ordumuz qürurumuzdur” mövzusunda beynəlxalq konfrans keçiribAzərbaycan Vətəndaş Hərəkatının (AVH) təşkilatçılığı ilə 26 iyun Azərbaycan Silahlı Qüvvələri Günü münasibətilə "Ordumuz qürurumuzdur" başlıqlı onlayn formatda beynəlxalq videokonfrans keçirilib. Tədbirdə Azərbaycanla yanaşı, ABŞ, Ukrayna, Gürcüstandan da ehtiyatda olan azərbaycanlı hərbiçilər, alimlər, jurnalistlər, ictimai xadimlər, diaspor təşkilatı rəhbərləri, gənc fəallar və digər şəxslər iştirak etmişlər.

Tədbiri açıq elan edən AVH İdarə Heyətinin üzvü, AMEA Tarix İnstitutunun şöbə müdiri Hacı Həsənov giriş sözündə konfransın məqsədindən danışmış, Silahlı Qüvvələrimizin keçdiyi şərəfli tarixi inkişaf yolu ilə bağlı maraqlı fikirlərin səslənəcəyinə, ordumuzun daha güclü olması üçün dəyərli təkliflər eşidəcəyinə ümidvar olduğunu bildirmişdir.

Daha sonra tarix elmləri doktoru, hərb tarixinin araşdırıcısı Mehman Süleymanov maraqlı məruzə ilə çıxış edərək Azərbaycan Ordusunun yaranma və inkişaf tarixi barədə konfrans iştirakçılarını məlumatlandırmışdır. O, Azərbaycan Xalq Cümhuriyyəti (AXC) dövründəki ordu quruculuğundan, Qafqaz İslam Ordusundan bəhs etmiş, hazırda Azərbaycan Ordusunun Ali Baş komandan İlham Əliyevin rəhbərliyi altında daha da gücləndiyini xüsusi vurğulamışdır. Mehman Süleymanov Müdafiə naziri Zakir Həsənovun çıxışlarında səsləndirdiyi – “Ordumuz üzərinə düşən bütün vəzifələri ən yüksək səviyyədə yerinə yetirməyə hazırdır!” fikrinin həqiqət olduğunu bildirmişdir.

ADPU-nun müəllimi, tarix üzrə fəlsəfə doktoru Taleh Cəfərov məruzəsində Azərbaycan Respublikasının Prezidenti, Ali Baş Komandan İlham Əliyevin tapşırığına əsasən keçirilən iri miqyaslı təlim, yoxlama və digər tədbirlərdən bəhs etmişdir. O həm də ordumuzun müasir dövrün tələbinə uyğun ən mürəkkəb hərbi tapşırıqları müvəffəqiyyətlə yerinə yetirməyə hazır olduğunu bildirmişdir. T.Cəfərov çıxışında, bütün bunların ordumuzun döyüş qabiliyyətinin və peşəkarlığının, yeni silah sistemlərindən və döyüş texnikasından istifadə etmək bacarığının əhəmiyyətli dərəcədə artdığının göstəricisi olduğunu xüsusi vurğulamışdır.

Azərbaycan Hərb Tarixi Muzeyinin rəisi, istefada olan polkovnik Əzizağa Qənizadə ordumuzun kadr potensialından, kadr hazırlığından söz açmış, Respublikamızda bu işin yüksək peşəkarlıqla təşkil edildiyini söyləmişdir. Ordunun idarə edilməsi, əməliyyat hazırlığı məsələlərinə də toxunan polkovnik Ə.Qənizadə çıxışının sonunda xalqa səslənərək, müharibə başlayacağı təqdirdə ordumuzun qalib gələcəyinə qəti əmin olduğunu bildirmişdir.

Konfransa ABŞ-dan qoşulan tarixçi-alim, Azrəbaycanın ərazi bütövlüyü uğrunda döyüşlərdə iştirak etmiş Saleh Kazımov çıxışında Azərbaycan Ordusunun müstəqilliyimizin qarantı olduğunu xüsusi vurğulamış, hərbi qulluqçuların işinin çətin və şərəfli olduğunu, ordumuzla fəxr etdiyini söyləmişdir.

Heydər Əliyev adına Ali Hərbi Məktəbin müəllimi, ehtiyatda olan polkovnik-leytenant Vüqar Əliyev çıxış edərək ölkəmizdə hərbi təhsilin təşkilindən, milli zabit kadrlarımızın hərb elminə verdiyi töhfədən danışmış, Müdafiə naziri Zakir Həsənovun ordumuzun döyüş hazırlığı və ruhunun yüksək səviyyədə olması ilə bağlı fikirlərinə şərik olduğunu bildirmişdir.

Sosial Tədqiqatlar Mərkəzinin baş mütəxəssisi Əfqan Vəliyev öz çıxışında AXC dövründə ordu quruculuğun çətinliklərindən, gənc milli ordumuzun uğurlu əməliyyatlarından ətraflı bəhs etmiş, bu günkü Azərbaycan ordusunun babalarının şərəfli yolunu davam etdirdiyini bildirmişdir. Əfqan Vəliyev həm də müasir dövrdəki ordu quruculuğuna yüksək qiymət vermiş, çoxlu yeni hərbi marşların yazılmasını, işğal olunmuş torpaqlarla, şəhidlərimizlə bağlı mediada, orta və ali məktəblərdə geniş təbliğat işlərinin aparılmasını, sosial şəbəkələrdə videoroliklərin yayılmasını təklif etmişdir.

Qarabağ Azadlıq Təşkilatının sədri Akif Nağı 2016-cı ilin aprel döyüşlərinin əhəmiyyətindən, Azərbaycanın siyasi, hərbi, diplomatik və s. istiqamətlərdə qazandığı uğurlardan bəhs etmiş, ordumuzun işğal olunmuş Vətən torpaqlarını azad etməsinin vacibliyini xüsusi vurğulamış və bunun tezliklə baş tutacağına inandığını bildirmişdir.

Çıxışına "Mən Prezidentin əsgəriyəm!"- deyərək başlayan Qarabağ Qazisi Ədalət Məhərrəmov da silah-sursat, hərbi hazırlıq, mənəvi-psixoloji baxımından üstün olan Azərbaycan Ordusunun tezliklə torpaqlarımızı işğaldan azad etməsinin vacibliyini vurğulamışdır.

Azərbaycan Hərb Tarixi Muzeyinin şöbə müdiri, tarix üzrə fəlsəfə doktoru Gülşən Hüseynova çıxış edərək ordumuzun silah-sursat, maddi-texniki təminatının yüksək səviyədə olduğunu bildirmiş, cəbhə xəttində ordumuzun uğurlu əməliyyatlarından danışmışdır.

Çıxış üçün söz alan Milli QHT Forumunun prezidenti Rauf Zeyni rəhbərlik etdiyi qurumun orduyla bağlı həyata keçirdiyi tədbirlər haqda məlumat vermiş, burada irəli sürülən təklifləri dəstəklədiyini bildirmişdir.

Daha sonra Ukraynanın Krivoy-Roq şəhərindəki Azərbaycan disapor təşkilatının sədri Kəmaləddin Ağayev, Qazi İslam Əzimov, AVH-nin İdarə Heyətinin üzvləri Aydın Allahverdiyev, Mübariz Göyüşlü, Vüsal Hətəmov, Məclis üzvü Ceyhun Bayramlı, Qarabağ Qazisi, ehtiyatda olan zabit, Tarix Araşdırmaları Qurumunun həmtəsisçisi Bəşir Əliz, ekoloq-yazar Vüsal İbrahimli, AVH təmsilçiləri Asim Kazımlı, Anar Atakişiyev və başqaları mövzuyla bağlı çıxışlar etmiş, maraqlı təkliflər səsləndirmişlər.

Sonda konfrans iştirakçıları bu cür tədbirlərin müntəzəm keçirilməsinin, Orduya ictimai dəstəyin gücləndirilməsinin vacibliyini bir daha vurğulamışlar.

https://dialoq.info/herekat-ordumuz-qururumuzdur-movzusund…/
Daha bir məmur rüşvət alarkən həbs edildi – RəsmiAzərbaycan Respublikasının Dövlət Gömrük Komitəsinin Enerji resursları və Dəniz nəqliyyatında Baş Gömrük İdarəsinin Tranzit şöbəsinin rəisi vəzifəsində çalışan Ceyhun Babayevin qanunsuz hərəkətləri barədə Dövlət Gömrük Komitəsindən daxil olmuş müraciət Baş prokuror yanında Korrupsiyaya qarşı Mübarizə Baş İdarəsində araşdırılıb.

Bu barədə Azərbaycan Baş Prokurorluğu və Dövlət Gömrük Komitəsinin Mətbuat xidmətlərinin Avrasiya.net-ə daxil olan birgə məlumatında deyilir.

Bildirilib ki, Baş prokuror yanında Korrupsiyaya qarşı Mübarizə Baş İdarəsi və Dövlət Gömrük Komitəsi tərəfindən birgə keçirilən əməliyyat-axtarış tədbirləri nəticəsində Ceyhun Babayev daşıma fəaliyyəti ilə məşğul olan “Gate Est Group” MMC və “İnterlogistics” MMC-nin səlahiyyətli nümayəndəsindən MMC-lərə məxsus malların tranzit gömrük rəsmləşdirilməsinin tezləşdirilməsi müqabilində rüşvət kimi tələb etdiyi ümumilikdə 750 ABŞ dolları (1275 manat) məbləğində pulu 23 iyun 2020-ci il tarixdə alarkən cinayət başında yaxalanıb.

Faktla bağlı cinayət işi başlanılaraq Ceyhun Babayev tərəfindən qeyd edilən cinayət əməlinin törədilməsinə şübhələr üçün əsaslar müəyyən edildiyindən o, Cinayət Məcəlləsinin 311.1-ci (rüşvət alma) maddəsi ilə təqsirləndirilən şəxs qismində cəlb edilməklə barəsində Binəqədi rayon məhkəməsinin qərarı ilə 4 ay müddətə həbs qətimkan tədbiri seçilib.

Hazırda cinayət işi üzrə qeyd olunan qanunsuz halların tam, hərtərəfli yoxlanılmaqla təqsirli şəxslərin dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

Azərbaycan Respublikasının Baş Prokurorluğu bu qəbildən olan qanunazidd hallarla üzləşən vətəndaşlara Baş prokuror yanında Korrupsiyaya qarşı Mübarizə Baş İdarəsinin 161 saylı “Qaynar xətt” əlaqə mərkəzi və Baş Prokurorluğun 961 nömrəli “Çağrı Mərkəzi”nə məlumat verilməsini tövsiyyə edir.
Prezident general-polkovnik və general-mayor rütbəsi verdiAzərbaycan Respublikası Prezidenti İlham Əliyev Azərbaycan Respublikası Müdafiə Nazirliyinin hərbi qulluqçularına ali hərbi rütbələrin verilməsi haqqında sərəncam imzalayıb.

Avrasiya.net sərəncamın mətnini təqdim edir:

Azərbaycan Respublikası Müdafiə Nazirliyinin aşağıdakı hərbi qulluqçularına ali hərbi rütbələr verilsin:

“general-polkovnik” hərbi rütbəsi

general-leytenant Kərəm Nəriman oğlu Mustafayevə

“general-mayor” hərbi rütbəsi

polkovnik Nizami Ağoğlan oğlu Məmmədova

polkovnik Ramil Əlimran oğlu Əsgərova

“kontr-admiral” hərbi rütbəsi

1-ci dərəcəli kapitan Sübhan Kamal oğlu Bəkirova.

***

Azərbaycan Respublikası Prezidenti İlham Əliyev Azərbaycan Respublikası Müdafiə Nazirliyinin hərbi qulluqçularının və Azərbaycan Respublikasının ərazi bütövlüyünün qorunmasında xüsusi xidmətləri olmuş digər şəxslərin təltif edilməsi haqqında sərəncam imzalayıb.

Sərəncamda deyilir:

Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Müdafiə Nazirliyinin aşağıdakı hərbi qulluqçuları və Azərbaycan Respublikasının ərazi bütövlüyünün qorunmasında xüsusi xidmətləri olmuş aşağıdakı şəxslər təltif edilsinlər:

“Azərbaycan Bayrağı” ordeni ilə

Hüseynov Rövşən Səməd oğlu – istefada olan polkovnik-leytenant

Çaybasarlı Elçin Rəhman oğlu – istefada olan mayor

Həsənov Zahir Şamxal oğlu – istefada olan leytenant

3-cü dərəcəli “Vətənə xidmətə görə” ordeni ilə

Babayev Elşad Çingiz oğlu – general-leytenant

Ağalarov Fazil Köçəri oğlu – general-mayor

Eminov Məmməd Şəmil oğlu – general-mayor

Xəlilov Elçin Xəzənağa oğlu – general-mayor

Nəsibov Qədir Əşrəf oğlu – general-mayor

“Vətən uğrunda” medalı ilə

Əlibəyov Elxan Əlibəy oğlu – general-mayor

Əliverdiyev Vüqar Əfqan oğlu – general-mayor

Rzayev Mübariz Balağa oğlu – general-mayor

Əsgərov Vüqar Feyruz oğlu – polkovnik

Əzimzadə Emin Rauf oğlu – ədliyyə polkovniki

Hüseynov Anar Tofiq oğlu – polkovnik

İslamzadə Namiq Sərəfruz oğlu – polkovnik

Mirzəyev Fikrət Ərəstun oğlu – polkovnik

Ramazanov Nəsif Məmmədəli oğlu – polkovnik

Seyidov İlham İsrayıl oğlu – polkovnik

Şirvanov Mahir Məhərrəm oğlu – polkovnik

Əliyev Ramiq Sirac oğlu – polkovnik-leytenant

Həziyev İbrahim Əsəd oğlu – polkovnik-leytenant

Mirzəyev Anar Mehman oğlu – polkovnik-leytenant

Şıxalıyev Nəsimi Yarməmməd oğlu – polkovnik-leytenant

Zeynalov Zahir Səlamət oğlu – mayor

İsmayılov Ceyhun İsaxan oğlu – kapitan

“İgidliyə görə” medalı ilə

Həsənov Ayaz Binyat oğlu – general-leytenant

Cəfərov Zaur Hüseyn oğlu – polkovnik-leytenant

Əliyev Əli Mikayıl oğlu – polkovnik-leytenant

Əmirov Teymur Abbas oğlu – polkovnik-leytenant

Əfkərov Ramin Əhməd oğlu – mayor

Hümbətov Ramal Səlim oğlu – mayor

Mehdiyev Elmar Adil oğlu – mayor

Təhməzov Ceyhun Mirzəbaba oğlu – kapitan

Əliyev İlkin Məhəmməd oğlu – baş gizir

“Hərbi xidmətlərə görə” medalı ilə


Əliyev İkram Zülfü oğlu – general-mayor

İsmayılov Rauf Arif oğlu – general-mayor

Mahmudov Hüseyn Pənah oğlu – general-mayor

Babayev Aqşin Azad oğlu – polkovnik

Cəfərov Ceyhun Sədulla oğlu – polkovnik

Cəfərov Rövşən Məmmədcəfər oğlu – tibb xidməti polkovniki

Ərəblinski Şərif Ramazan oğlu – polkovnik

İsayev Vüqar İsa oğlu – ədliyyə polkovniki

Məmmədov İlqar Kazım oğlu – polkovnik

Şirinov Habil Sabir oğlu – istefada olan tibb xidməti polkovnik-leytenantı

Baxşəliyev Mehman Asdan oğlu – istefada olan mayor

İsayev Hənifə Hüseyn oğlu – istefada olan mayor

Sedov Sergey Yakovleviç – istefada olan mayor

Aslanov Ərşad Xasay oğlu – istefada olan baş leytenant

Bayramov Siyavuş Rəhim oğlu – ehtiyatda olan baş gizir

Rəhimova Gülnaz Xasay qızı – baş gizir

Mehdiyev İlqar Mirzə oğlu – istefada olan gizir

Müzəffərov Eynulla Feyzulla oğlu – ehtiyatda olan baş çavuş

Abbasov Basir Ağaəli oğlu – çavuş (ölümündən sonra)

Həsənov Aftandil Məmməd oğlu – ehtiyatda olan kiçik çavuş

Salmanov Məhərrəm Hüseyn oğlu – ehtiyatda olan kiçik çavuş

Həsənov Amil Vəli oğlu – ehtiyatda olan əsgər

Hüseynov Bilal Ətraf oğlu – ehtiyatda olan əsgər

Novruzov Eyvaz Əli oğlu – ehtiyatda olan əsgər

Rəhimov Xudaverən Yaqub oğlu – istefada olan əsgər.
Üç müxalif partiya Paşinyana qarşı birləşdiErmənistanın Daşnaksütyun, Çiçəklənən Ermənistan və Vətən partiyalarının liderləri İşxan Saqatelyan, Qagik Çarukyan və Artur Vanetsyan arasında görüş keçirilib.

Axar.az xəbər verir ki, bu məlumatı Daşnaksütyun Partiyası yayıb.

Partiya liderlərinin görüşdə ölkədəki konstitusion nizamın bərpasını müzakirə etdikləri bildirilib.

Tərəflər gələcək fəaliyyətlərin koordinasiya edilməsi üçün işçi qrup yaratmaq barədə razılaşıblar.
Həyata keçirilən qabaqlayıcı tədbirlər ölkəni böyük fəlakətdən qoruduBunu xalqcebhesi.az-a həkim-kardioloq Qalib Şəfahət Azərbaycan hökumətinin COVİD 19-la mübarizədə həyata keçirdiyi tədbirlərə münasibətində deyib.

Qeyd edək ki, son illər ərzində Azərbaycanın hər bir yerində, o cümlədən Bakı şəhərində müasir xəstəxanalar tikilməsəydi, bu gün koronavirusla mübarizədə çox böyük problemlərlə üz-üzə qala bilərdik. Ölkədə 700-dən artıq xəstəxanaların tikilib və ya yenidən qurululub. “Yeni klinika”, Azərbaycan Tibb Universitetinin Tədris-Terapevtik və Cərrahiyyə korpusları və digər tibb müəssisələri koronavirusa yoluxmuş vətəndaşların müalicəsində mühüm rol oynayırlar.

Həkimin fikrincə, Azərbaycanda yoluxanların sayı əhalinin ümumi sayı ilə müqayisədə çox aşağıdır. İnfeksiyaya yoluxanların böyük əksəriyyəti sağalıb və xəstəxanalardan çıxıb: “Hökumət tərəfindən həyata keçirilən qabaqlayıcı və məhdudlaşdırıcı tədbirlərin çox böyük faydası olub. Bu gün hökumət tərəfindən tədbirlərin sərtləşdirilməsindən narazı qalan insanlar bilməlidirlər ki, əsas məqsədi yoluxmanın sürətini azaltmaqdır. Hökumət bütün vasitələrdən istifadə edir ki, əhali sağlam qalsın. Amma son müddətin dinamikası göstərir ki, bütün tələblərə baxmayaraq, bəzi insanlar məsuliyyətsizlik göstərərək elementar qaydalara əməl etmirlər”.

Həkim qeyd edib ki, maska taxmaq, sosial məsafə saxlamaqq və dezinfeksiya işləri bizi virusdan qoruyan vasitələrdir: “Əgər bu üç amilə əməl olunarsa, onda yoluxmanın sayı kəskin azalacaq. Adi elementar qaydalara əməl etməliyik. Bizdən yalnız bunlar tələb olunur. Əhalimiz mütləq maariflənməlidir. Yaxşı haldır ki, bütün vətəndaş cəmiyyəti institutları, KİV, Tv-lərimiz bu istiqamətdə intensiv iş aparır. Amma ictimai qınaq da vacibdir. Bu kimi məsələlərdə biz bir-birimizə dəstək olmalıyıq”.
Təhlükə hələ də mövcuddurHökumət vaxtında qabaqlayıcı tədbirlər həyata keçirməsəydi, daha böyük təhlükələrlə üzləşə bilərdik.

Bunu Xalq Cəbhəsi.az-a Azərbaycan Liberal Demokrat Partiyasının (ALDP) sədri Fuad Əliyev 1 saylı Gəncə Şəhər Xəstəxanasının modul tipli infeksion xəstəliklər korpusunun açılışında Azərbaycan Prezidenti İlham Əliyevin pandemiya ilə mübarizədə hökumətin gördüyü tədbirlərlə bağlı fikirlərinə münasibətində deyib.

F.Əliyev bildirib ki, Azərbaycan hökuməti COVİD 19-la mübarizədə effektli üsullardan istifadə edib. Əhalinin sağlamlığının qorunması istiqamətində hökumətin gördüyü tədbirlər müsbət nəticələrini verib: “Lakin karantin rejiminin yumşaldılması əhalinin arxayınlığına səbəb olduğundan və etiraf edək ki, məsuliyyətsizliyimiz üzündən virusa yoluxanların və ölüm sayının artması təhlükənin hələ də üzərimizdə qalması deməkdir. Hökumət təhlükəsizliyimizin qorunması istiqamətində bütün vasitələrdən istifadə edib, amma çoxunun məsuliyyətsizliyi ağır nəticələr verib. Bu da bizim hələ də maariflənməyə böyük ehtiyacımızın olduğunu göstərir”.

ALDP sədri deyib ki, ölkədə modul tipli xəstəxanaların qurulması koronavirusla mübarizə sahəsində effektli qabaqlayıcı tədbirlərin bariz nümunəsidir. İstifadəyə verilən modul tipli xəstəxanalar 200 çarpayılıq, müasir texnologiyalar əsasında quraşdırılan xəstəxanalarıdr: “Artıq ikisi Bakıda, ikisi Sumqayıt və Gəncə şəhərlərində, biri isə Abşeron rayonunda olmaqla 5 xəstəxana istifadəyə verilib. Yaxın həftələrdə digər şəhərlərdə də bu tipli xəstəxanalar istifadəyə veriləcək və onların sayı 10-a çatdırılacaq. Bu xəstəxanaların tikintisi ilə əlaqədar qərarın hələ xəstələrin sayının az olduğu aprel ayında qəbul edilməsi onun nə qədər düzgün olduğunu aydın şəkildə göstərir. Bu da o deməkdir ki, hökumət hələ iki, üç ay öncə bu prosesə hazırlaşıb, qabaqlayıcı tədbirlər görüb. Bunları düzgün qiymətləndirməyimiz vacibdir”

Partiya sədri onu da vurğulayıb ki, ölkədə müasir tələblərə cavab verən xəstəxanalar tikilməsəydi daha böyük təhlükələrlə üzləşə bilərdik: “Bizdən yalnız virusla mübarizədə qəbul edilən qaydalara riayət etməyimiz və həyatımızı qorumaq qalır. Çox təəssüflər olsun ki, çoxumuz buna dərindən əhəmiyyət vermirik. Amma fakt odur ki, təhlükə hələ də mövcuddur, evimizin içindədir, ondan qorunmaq lazımdır. Əhalimiz maariflənməlidir”.
İlham Əliyev yeni hərbi hissənin açılşındaAzərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 25-də Müdafiə Nazirliyinin "N" saylı hərbi hissəsinin açılışında iştirak edib.

Avrasiya.net xəbər verir ki, Müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkov və Müdafiə nazirinin müavini - Hərbi Hava Qüvvələrinin Komandanı general-leytenant Ramiz Tahirov dövlətimizin başçısı, Ali Baş Komandan İlham Əliyevə raport veriblər.

Hərbi hissədə yaradılan şəraitlə tanış olduqdan sonra Prezident İlham Əliyev hərbi hissənin komanda heyəti ilə görüşdü.

Dövlət başçısı görüşdə çıxış edib.