Bakıda tanınmış idmançı faciəvi şəkildə öldü - FotoAzərbaycanlı idmançı Anar Bağışov dənizdə boğulub.

Avrasiya.net Oxu.az-a istinadla xəbər verir ki, MMA ilə məşğul olan Anar Bağışov dünən Xəzər dənizinin Bilgəh qəsəbəsi hissəsində saat 13:00 radələrində batıb.

Ehtimal edilir ki, onda qıcolma faktı olub.

Qeyd edək ki, 21 yaşlı Anar Bağışov “Warriors” döyüş komandasında məşq keçib. Badamdar qəsəbəsində yaşayan gənc doğulduğu Masallı rayonunda dəfn olunub.

Nazirlik: 6000-dək saxta əlillik işləri ləğv edildiSosial müdafiə və sosial təminat xidmətlərinin, eləcə də əlilliyin təyinatı, ünvanlı sosial yardım və özünüməşğulluq proqramlarının genişləndirilməsi və ictimai açıqlığının təmin olunması sahəsində ardıcıl islahatlar davam etdirilir.

Avrasiya.net xəbər verir ki, bunu Əmək və Əhalinin Sosial Müdafiə Nazirliyinin ictimaiyyətlə əlaqələr və kommunikasiya şöbəsinin müdir Fazil Talıbov deyib.

Onun sözlərinə görə, pandemiya dövründə Əmək və Əhalinin Sosial Müdafiə Nazirliyinin vasitəsilə əhalinin 48%-nə, yəni 4,8 milyon şəxsə dəstək tədbirləri icra olunub, bu məqsədlər üçün 600 milyon manat vəsait ayrılıb. Xüsusilə vurğulanmalıdır ki, bu vəsaitin 250 milyon manatı Dövlət Sosial Müdafiə Fondunun və İşsizlikdən Sığorta Fondunun 2019-cu ildə formalaşmış qənaəti və ehtiyatı hesabına ödənilib, dövlət büdcəsinə bu çətin dövrdə əlavə maliyyə yükü yaradılmayıb:

“İcra edilən proqramların şəffaflığı və ictimai açıqlığı tam təmin edilib. Həm ünvanlı sosial yardım, həm özünüməşğulluq, həm də 190 manatlıq birdəfəlik ödəmə proqramları çərçivəsində ödəniş alan bütün şəxslərin adlı siyahısı Nazirliyin rəsmi saytında və e-sosial.az portalında yerləşdirilib, dövri olaraq ictimaiyyətə hesabatlar təqdim olunub.

Son il yarımda ünvanlı yardım proqramı 2 dəfə genişlənərək 350 min üzvü olan 83 min ailəni əhatə edib, özünüməşğulluq proqramı da 2 dəfə artırılaraq 11 min ailəyə biznes imkanı yaradılıb. Hər iki proqram çərçivəsində həyata keçirilən bütün satınalmalar qanunvericiliyə uyğun olaraq açıq tender vasitəsilə təmin edilib, nazirliyin hər hansı əməkdaşına hər hansı qohumluğu olan şəxslər bu tenderdə iştirak etməyib və bütün məlumatlar aidiyyəti dövlət orqanlarının informasiya resurslarında yerləşdirilib”.

F.Talıbov əlillik təyinatı sahəsində aparılan ciddi nəzarət tədbirləri və şəffaflıq nəticəsində 6000-dək saxta əlillik işlərinin ləğv edildiyini və illik 30 milyon manat dəyərində dövlət vəsaitinin saxta yollarla əlillik statusu əldə etmiş şəxslərə verilməsinin qarşısı alındığını bildirib.
Daha 438 nəfər koronaya yoluxdu, ölənlər varAzərbaycanda 438 yeni koronavirus infeksiyasına yoluxma faktı qeydə alınıb, 133 nəfər müalicə olunaraq sağalıb və evə buraxılıb.

Bu barədə Avrasiya.net-ə Nazirlər Kabineti yanında Operativ Qərargahdan bildirilib.

Qeyd olunub ki, COVİD-19 üçün götürülən analiz nümunələri müsbət çıxmış 4 nəfər vəfat edib.

İndiyədək ölkədə ümumilikdə 11 767 nəfərin koronavirus infeksiyasına yoluxması faktı müəyyən edilib, onlardan 6 325 nəfər müalicə olunaraq sağalıb, 143 nəfər vəfat edib, 5 299 nəfərin xüsusi rejimli xəstəxanalarda müalicəsi davam etdirilir.

Şura 216 QHT ilə SƏLİS müqavilə imzalayıbLayihələrin çoxu COVID-19 pandemiyası ilə bağlı məsələləri əhatə edir

"Dünyanın gündəmini və həyat ritimini qəfil dəyişən COVID-19 pandemiyasının ölkəmizin həyatında da nüfuz etmədiyi sahə yoxdur. Pandemiyaya qarşı mübarizə çərçivəsində tətbiq olunan karantin rejimi ilə əlaqədar insanların emosional durumu, psixoloji vəziyyətindən tutmuş dövlət qurumlarının iş rejiminə, qonşu ölkələrlə sərhəd-buraxılış postlarının fəaliyyətinə, ictimai nəqliyyatın çalışma qrafikinə qədər bütün sferalarda böyük dəyişikliklər müşahidə olunur.

Bu proses ölkənin vətəndaş cəmiyyəti institutlarının, o cümlədən qeyri-hökumət təşkilatlarının fəaliyyətindən də yan keçməyib. Ölkə QHT-ləri ötən 3 ayda koronavirusla mübarizə məqsədilə elan olunan karantin rejiminin imkanları çərçivəsində vətəndaşların gözlənilmədən həyatına daxil olan yeni şəraitlə bağlı maarifləndirilməsi, onlara sosial dəstəyin göstərilməsi, dövlətçiliyimizə qarşı qarayaxma kampanyasının növbəti mərhələsini başlamaq üçün cılız fürsət gözləyən anti-Azərbaycan dairələrə qarşı informasiya savaşının aparılması və digər sahələrdə fəal və çevik şəkildə fəaliyyət göstəriblər".

Bu barədə Prezident yanında Qeyri-Hökumət Təşkilatlarına Dövlət Dəstəyi Şurasının Mətbuat xidmətinin rəhbəri Elməddin Behbud bildirib.

"Bildiyimiz kimi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2019-cu ilin noyabırında 26 qurumla birgə qrant müsabiqəsi elan etmişdir. Bu qrant müsabiqəsinin nəticələri 2020-ci ilin mart ayında elan olundu. Müsabiqə qalibləri bəlli olduqdan az sonra isə Şura Katibliyi Novruz bayramı ilə bağlı qeyri-iş günlərinə görə işləmədi. Daha sonra isə Katiblik Nazirlər Kabinetinin qərarına uyğun olaraq karantin rejimi ilə əlaqədar məzuniyyətə çıxdı. Məzuniyyətdə olmasına baxmayaraq Şura Katibliyi davamlı fəaliyyət göstərmiş (qeyd olunan dövrdə Şuranın fəaliyyəti haqqında bu linkdəki məqalə vasitəsi ilə tanış ola bilərsiniz: https://azvision.az/…/-vetendas-cemiyyetinin-pandemiya-sina…; http://cssn.gov.az/news.php?id=3893&lang=az) və QHT-lərin prezident İlham Əliyevin rəhbərliyi ilə dövlətin koronavirusla mübarizə tədbirlərində yaxından iştirakı təmin olunmuşdur.

Təbii ki COVID-19 infeksiyası ilə bağlı Şura Katibliyi işə çıxmadığından müsabiqə qalibi olan QHT-lərlə müqavilələr imzalanmamışdı. Mayın 31-dən etibarən isə Şura Katibliyi fəaliyyətə başlamış və qrant müsabiqəsinin qalibi olan QHT-lərlə qrant müqavilələrinin imzalanması üçün zəruri hazırlığa başlanmışdır. İndiyədək 216 QHT ilə qrant müqaviləsi imzalanıb. Şura iyunun 2-dən başlayaraq QHT-lərlə qrant müqavilələrini heç bir canlı təmas olmadan elektron qaydada imzalayır. Məlumat üçün bildirək ki, SƏLİS müqavilə ölkəmizdə QHT-lərə xidmət sahəsində ilk dəfədir tətbiq olunur.

Hazırda QHT-lərlə SƏLİS müqavilələrin imzalanması prosesi davam etməkdədir. Bu proses yaxın vaxtlarda başa çatacaq və QHT-lər layihələrin icrasına başlayacaqlar.

Bildiyimiz kimi 21 iyun – 5 iyul 2020-ci il tarixlərində Bakı, Sumqayıt, Gəncə, Abşeron, Lənkəran, Yevlax, Cəlilabad və Masallıda ciddi karantin rejimi, xüsusi məhdudiyyətlər tətbiq olunacaq. Şura bununla əlaqədar bütün QHT-ləri vətəndaşlar arasında karantin rejiminin tələblərinə əməl edilməsinin vacibliyi ilə bağlı aktiv maarifləndirmə işini, həmçinin, sosial cəhətdən yardıma ehtiyacı olan vətəndaşlara yardım göstərilməsini davam etdirməyə çağırır",- E.Behbud əlavə edib.
SMS-icazə bərpa edildi - Qaydalar açıqlandıBaş Nazir Əli Əsədov "Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə" qərar imzalayıb.

Avrasiya.net xəbər verir ki, qərarın 1.5.1-ci və 1.5.2-ci yarımbəndlərində göstərilən şəxslər yaşayış yerini və olduğu yeri tərk etmək üçün icazə almaq məqsədilə 8103 nömrəsinə SMS - məlumat göndərməlidirlər (SMS – məlumatlar ödənişsizdir). SMS məlumatın mətnində aşağıdakı ikiindeksdən biri və şəxsiyyəti təsdiq edən məlumat qeyd edilməlidir:

1.6.1. 1 rəqəmi - təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini və olduğu yeri tərk etmək üçün (icazə rayon və şəhər daxilində 2 (iki) saat müddətinə verilir, rayonlar və şəhərlərarası hərəkət zərurəti yarandıqda olduğu ünvanla getməli olduğu ünvan arasında məsafə və müalicə prosedurunun müddəti nəzərə alınır, geri qayıtma müddəti həkim tərəfindən verilən arayışla müəyyən edilir və zərurət olduqda polis əməkdaşlarına təqdim edilir);

1.6.2. 2 rəqəmi - ərzaq və digər gündəlik tələbat mallarının, dərman vasitələrinin alınması, dövlət xidmətlərinin, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti, həmçinin açıq havada vaxtın keçirilməsi ilə əlaqədar yaşayış yerini və olduğu yeri tərk etmək üçün (icazə 2 (iki) saat müddətinə gündə 1 dəfə verilir, dövlət xidmətlərindən istifadə edilməsi zərurəti ilə əlaqədar yaşayış yerini və olduğu yeri tərk edən şəxslər üçün geri qayıtma müddəti müvafiq dövlət qurumu tərəfindən verilən arayışla müəyyən edilir).

1.7. Şəxsiyyəti təsdiq edən məlumatlar aşağıdakılardır:

1.7.1. Azərbaycan Respublikasının vətəndaşları üçün - şəxsiyyət vəsiqəsinin seriya və nömrəsi (məsələn, AZE 11111111);

1.7.2. Azərbaycan Respublikasında müvəqqəti və ya daimi yaşayan əcnəbilər və ya vətəndaşlığı olmayan şəxslər üçün - Azərbaycan Respublikasının ərazisində müvəqqəti və ya daimi yaşamaq üçün icazə vəsiqəsinin seriyası və nömrəsi (MYİ (DYİ) 1111111);

1.7.3. Azərbaycan Respublikasının ərazisində müvəqqəti olma müddəti uzadılmış əcnəbilər və ya vətəndaşlığı olmayan şəxslər üçün - müvəqqəti olma müddətinin uzadılması barədə qərarın seriyası və nömrəsi (MOM 1111111); nümunə: ərzaq və digər gündəlik tələbat mallarının, habelə dərman vasitələrinin alınması, bank və poçt xidmətlərindən istifadə edilməsi zərurəti ilə əlaqədar yaşayış yerini və olduğu yeri tərk etmək üçün 2 AZE 1111111 məzmunlu SMS - məlumatı göndərilməlidir.

1.8. Elektron Hökumət informasiya sistemindən gələn cavab SMS - məlumatda icazənin qüvvədə olduğu müddət göstərilir. Şəxs yaşayış yerini və olduğu yeri yalnız müsbət cavab aldıqdan sonra tərk edə bilər.
Bu şəxslər SMS-lə icazə almadan evi tərk edə bilərBaş nazir Əli Əsədov "Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə" qərar imzalayıb.

Avrasiya.net xəbər verir ki, qərara əsasən, həyat və sağlamlığa bilavasitə təhlükəli vəziyyət yarandıqda yaşayış yerini və olduğu yeri tərk etmək üçün SMS - məlumatın göndərilməsi tələb olunmur. Həmçinin şəxslər məhkəməyə və ya hüquq-mühafizə orqanlarına çağırıldıqda SMS - məlumat göndərilmədən yaşayış yerini və olduğu yeri tərk edirlər. Bu halda onlar məhkəməyə və ya hüquq-mühafizə orqanına çağırılmalarına dair sənədi polis əməkdaşlarının tələbi ilə onlara təqdim etməlidirlər.

SMS - icazə sistemindən istifadə qaydaları və SMS göndərilməsi ilə bağlı yaranan çətinliklərlə əlaqədar Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN Xidmətin) 9108 Çağrı Mərkəzinə müraciət edilə bilər.
"Məsuliyyətsizliyimiz yoluxma və ölüm sayının artmasına gətirib çıxara bilər"Azərbaycanda xüsusi karantin rejiminin uzadılması, iki həftəlik ciddi karantin rejiminin tətbiq edilməsi koronavirusun hələ də qalma təhlükəsindən xəbər verir.

Bunu "Xalq Cəbhəsi"nə açıqlamasında politoloq Ramiz Alıyev bildirib.

Xatırladaq ki, ciddi karantin rejimi Bakı, Gəncə, Sumqayıt, Lənkəran, Yevlax, Cəlilabad, Masallı şəhərlərində və Abşeron rayonunda 21 iyun saat 00.00-dan 5 iyul saat 06.00-dək tətbiq ediləcək. Azərbaycanda koronavirusa ilk yoluxma halı fevralın 28-də qeydə alınıb. Hazırda yoluxanların sayı 11 mini, ölənlərin sayı isə 130-u keçib.

R.Alıyev qeyd edib ki, vətəndaşlarımız koronavirus pandemiyasının mövcudluğunu şübhə altına almamalıdırlar, virusun hər gün dünyadan yüzlərlə insanın həyatına son qoyması faktını ciddi qəbul etməlidirlər: "Dünyanı ağuşuna alan və insanların kabusuna çevrilən bir pandemiya ilə mübarizənin intensivləşdiyi, sürətləndiyi dönəmdə bu prosesə laqeyid yanaşmağımız sonda ölümlə nəticələnə bilər. Hökumətin koronavirusla mübarizə ilə bağlı həyata keçirdiyi tədbirlərə, tətbiq etdiyi qadağalara riayət etməklə həyatımızı qoruya bilərik. Bizdən yalnız məsuliyyət tələb olunur, mübarizəni birgə aparmaılıq".

Ekspert onu da bildirib ki, karantin rejiminin tələblərinə riayət etməklə təkcə özümüzü yox, yaxınlarımızı və ətrafımızı, bütünlükdə cəmiyyətimnizi qorumuş olarıq: "Həyat bizi imtahana çəkib. Azərbaycan digər ölkələrlə müqayisədə virusla mübarizə sahəsində əhəmiyyət kəsb edən nəticələr əldə edib. Bunu qoruyub saxlamalıyıq. Məsuliyyətsizliyimiz yoluxma və ölüm sayının artmasına gətirib çıxara bilər".
Azərbaycanda giriş-çıxış qadağası UZADILDIAzərbaycan Respublikasının dövlət sərhədində giriş-çıxışa tətbiq olunan məhdudiyyət 1 avqust 2020-ci il tarixinədək uzadılır.

Nazirlər Kabineti yanında Operativ Qərargahdan Avrasiya.net-ə verilən xəbərə görə, yeni növ koronavirus (COVID-19) infeksiyasının geniş yayılmasının qarşısının alınması üzrə həyata keçirilən tədbirlər çərçivəsində dövlət sərhədində giriş-çıxışa müvəqqəti olaraq tətbiq edilən məhdudiyyətin və beynəlxalq uçuşların təxirə salınma müddəti artırılıb.

COVID-19 pandemiyası ilə bağlı dünyadakı vəziyyət təhlil edilərək yükdaşımaları, çarter reysləri və xüsusi reyslər istisna olmaqla, Azərbaycan Respublikası ərazisinə yerüstü və hava yolu ilə giriş-çıxışa tətbiq olunan məhdudiyyət 1 avqust 2020-ci il tarixədək uzadılıb.

Kamil Zeynallı sürücü ilə dava edibDaxili İşlər Nazirliyi (DİN) social şəbəkələrdə idmançı Kamil Zeynallının avtomobil yolunda polisin yanında digər sürücü ilə davam etməsi ilə bağlı yayılan görüntülərinə münasibət bildirib.

DİN-in Mətbuat Xidmətinin rəisi Ehsan Zahidov bildirib ki, hadisə Bakı-Şamaxı yolununda yerləşən karantin postunda qeydə alınıb.

“Hadisə zamanı Kamil Zeynallı digər sürücü ilə yol üstündə bir-biri ilə dava ediblər. Ərazidə olan polis əməkdaşları da onları saxlayaraq, aidiyyəti üzə Polis Bölməsinə gətiriblər. Polis Bölməsində də həmin şəxslərin izahatları alınaraq, sərbəst buraxılıb. Buna baxmayaraq, araşdırmalar araşdırmalar davam etdirilir. Nəticəsindən aslı olaraq məsələyə hüquqi qiymət veriləcək”, - E.Zahidov bildirib.

Qeyd edək ki, sosial şəbəkələrdə K.Zeynallının avtomobil yolunda digər sürücü ilə polisin yanında dava etdiyi barədə görüntülər yayılıb.
Azərbaycanda ilk dəfə xanımlar rayon prokuroru təyin olunduMüstəqil Azərbaycan Prokurorluğunun tarixində ilk dəfə olaraq xanım prokurorluq əməkdaşları vəzifədə irəli çəkilərək müstəqil rayon prokuroru vəzifələrinə təyinatlar alıblar.

Baş Prokurorluğun Mətbuat xidmətindən Avrasiya.net-ə verilən məlumata görə, Baş prokurorun imzaladığı müvafiq əmrlərlə Bakı şəhəri Nizami rayon prokurorunun köməkçisi Səadət Rüstəmova tutduğu vəzifədən azad edilərək Qobustan rayon prokuroru, Baş Prokurorluğun Ədliyyə, gömrük və vergi orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin böyük prokuror – metodisti Lalə Hüseynova isə tutduğu vəzifədən azad edilərək Zəngilan rayon prokuroru vəzifələrinə təyin ediliblər