ALDP Avropa Parlamentinin birgə qəbul etdiyi bəyanatı alqışlayır - SənədAzərbaycan Liberal Demokrat Partiyası (ALDP) Avropa Parlamentinin Azərbaycan üzrə məruzəçisi Jelena Zavko, Ermənistan üzrə məruzəçisi Traian Basesku və AP-nin Azərbaycan, Gürcüstan və Ermənistan üzrə Parlament Əməkdaşlıq Komitəsinin həmsədri Mariya Kalyurandın birgə qəbul etdiyi bəyanatı alqışlayır.

Bu, Ermənistan tərəfindən Azərbaycanın işğal edilmiş ərazilərindəki qanunsuz fəaliyyətlə bağlı Avropa Parlamentinin rəsmiləri tərəfindən ilk dəfə qəbul olunan birgə sənəddir. Bu sənəddə münaqişənin məhz Azərbaycanın beynəlxalq hüquq çərçivəsində həllinə çağırış əks olunub.

ALDP hesab edir ki, BMT-nin məlum 4 qətnaməsi, Avropa Parlamentinib bəyanatı işğalda olan torpaqların azad olunması üçün hüquqi əsas verir.

ALDP ümid edir ki, yaxın zamanda torpaqlarımız işğaldan azad olunacaq.
ALDP Avropa Parlamentinin birgə qəbul etdiyi bəyanatı alqışlayır - Sənəd
“İntermed” fəaliyyətini dayandırdıBakıda fəaliyyət göstərən tanınmış sağlamlıq mərkəzi “İntermed” MMC ləğv olunub.

Avrasiya.net xəbər verir ki, bu barədə İqtisadiyyat Nazirliyi yanında Dövlət Vergi Xidməti məlumat yayıb.

Məlumata görə, kreditorlar iki ay ərzində tələblərini Bakı şəhəri, Nizami rayonu, Heydər Əliyev prospekti, ev 115 ünvanına bildirə bilərlər.

Xatırladaq ki, “İntermed” MMC 2002-ci ildə dövlət qeydiyyatına alınıb. Onun nizamnamə kapitalı 101,2 min manatdır.


Nazir yeni rəis təyin etdiDaxili işlər orqanlarında yeni kadr təyinatı olub.

Avrasiya.net Report-a istinadən xəbər verir ki, bununla bağlı Daxili İşlər naziri general-polkovnik Vilayət Eyvazov müvafiq əmr imzalayıb.

Əmrə əsasən, Vüqar Xəlilov Ağstafa rayon Polis Şöbəsinə rəis təyin olunub.

O, bundan öncə Gəncə şəhər Kəpəz rayon Polis İdarəsinin rəisi vəzifəsində çalışıb.
Braziliyada bir gündə 33100 yoluxma, 1300 ölümBraziliyada ötən gün daha 33 100 nəfər koronavirusa (COVID-19) yoluxub, 1300 nəfər pandemiyanın qurbanı olub.

Avrasiya.net xəbər verir ki, bununla da ölkədə infeksiyaya yoluxanların ümumi sayı 775 184-ə, ölənlərin sayı isə 39 797-yə yüksəlib.

Qeyd edək ki, Braziliya koronavirusa yoluxma sayına görə dünya ölkələri arasında ikinci pillədə qərarlaşıb.
Çin alimlərinin koronavirusa qarşı hazırladıqları peyvənd nəticə verdiÇin alimləri tərəfindən COVID-19-a qarşı hazırlanan yeni peyvənd meymunlar üzərində sınaqdan keçirilib.

Modern.az xarici mətbuata istinadən xəbər verir ki, nəticələr ümidverici olub.

Tədqiqatçıların oxşar sınaqları bir müddət əvvəl siçanlar, siçovullar, qvineya donuzları, dovşan və digər heyvanlar üzərində aparsalar da, bu qədər müsbət nəticənin əldə olunmadığı bildirilib.

Reuters-in məlumatına görə, hazırda Çin mütəxəssisləri COVID-19-a qarşı 5 növ peyvəndi sınaqdan keçirir.

Xatırladaq ki, dünyada koronavirusa qarşı 100-dən çox mümkün vaksin hazırlanıb. Ən perspektivlilər sırasında əczaçılıq nəhənglərindən olan “AstraZeneca” şirkəti ilə Oxford Universitetinin birgə hazırladığı, o cümlədən Çin şirkəti “CanSino Biologics”in və ABŞ-ın dərman firması “Moderna”nın peyvəndləridir.
Qaxda məcburi köçkünlərin evlərini zəhərli ilanlar basıb - FOTOQax rayonunda sürünənlər məcburi köçkün ailələrini qorxuya salıb.

"Report"un Şimal-qərb bürosunun məlumatına görə, rayonun Əmircan kəndində, beş məcburi köçkün ailəsinin məskunlaşdığı köhnə ferma ərazisində ilanların əlindən rahat hərəkət etmək, hətta evdə dincəlmək belə, mümkün deyil.

Məcburi köçkünlər bildirirlər ki, ilanlar bir neçə gündür evlərin ətrafında, hətta otaqlarda görünməyə başlayıb. Ötən il də eyni aqibəti yaşayan sakinlər hər gün bir neçə ilanı öldürdüklərini söyləyirlər.

Laçın rayonundan məcburi köçkün Rəfael Ağalarovun sözlərinə görə, evin çöl divarından girən ilanlar otaqlara daxil olur. Ailə üzvləri dünən səhər də eyni halla qarşılaşıblar. Belə ki, gürzə evin çöl divarından evə daxil olmaq istəyib. Lakin ailə üzvləri onu öldürə biliblər.

Sakinlər artıq aidiyyəti qurumlara müraciət ediblər. Ərazi icra nümayəndəliyinə edilən müraciətə cavab olaraq onlara bildirilib ki, əraziyə baxış keçiriləcək və ilanların olduğu yerlər dərmanlanacaq.

Terrorçunun ailəsini ziyarət etmək istəyən PKK-ya şokSuriyanın şimal-şərqində yerləşən Amudə bölgəsində 2 il öncə aldadılaraq PKK sıralarına cəlb edilən Elçi İbrahim öldürülüb.

Axar.az xəbər verir ki, 23 yaşlı E.İbrahimin ölümündən sonra PKK/YPG terrorçuları onun ailəsinə başsağlığı verməyə gedib. Öldürülən PKK-çının ailəsi isə terrorçuları qapıdan qovaraq geri qaytarıb.

Sonradan məlum olub ki, E.İbrahim 1 il öncə ölüb, ancaq ötən gün terrorçular onun ailəsinə baş çəkməyə cəhd edib. Həmçinin, ailə Abdullah Öcalanın posterlərini də cıraraq ayaqlar altına atıb.
Ermənilər daha iki kəndi yandırdıDüşmən işğal altında olan ərazilərdə yanğın törətməkdə davam edir.

Avrasiya.net Cəbhə.info-ya istinadən xəbər verir ki, hazirda növbəti yanğın Ağdam rayonun işğal altında olan Gülçülük adlanan ərazisində və Cəvahirli kəndi ətrafında başlayıb.

Yanğının miqyası sürətlə genişlənərək neytral ərazilərə tərəf istiqamət alıb.

Hazırda davam edən yanğın cəbhəyanı yaşayış məntəqələrindən müşahidə olunur.
“Azqranata”nın rəhbəri istefa verdi“Azqranata” və “Modern” Şirkətlər Qurpunun direktoru (CEO) Anar Bayramov istefa qərarını açıqlayıb.

Axar.az xəbər verir ki, o, bu barədə öz açıqlamasında deyib.

“Çox fikirləşdikdən sonra Azqranata-dan ayrılmaq qərarına gəldim. Artıq qərarımı elan etmişəm, ayın sonuna kimi işləri təhvil verəcəyəm”, - deyə Bayramov açıqlayır.

A.Bayramov qeyd edib ki, 8 ildir karyerası əsasən “Azqranata” və “Modern Group” ilə bağlı olub:

“Hər zaman təsisçilərin etimadını gördüm, əlimdən gələni etdim ki, etimadı doğruldum komandamızla birlikdə”.
Moskvada azərbaycanlıların kafesi yandıRusiyanın paytaxtı Moskvada “Tonqal” kafesinin zirzəmisində yanğın baş verib.

Axar.az xəbər verir ki, bu barədə Moskvanın Fövqəladə Hallar İdarəsi məlumat yayıb.

Kafedə olan insanlar dərhal yanğınsöndürənlər tərəfindən təxliyə edilib.

Məlumata görə, yanğın 20 kvadrat/metri əhatə edib. Xəsarət alanlarla bağlı məlumat yoxdur.

Kafenin azərbaycanlılara məxsus olduğu bildirilir.