“Heç bir sosial layihəni dayandırmayacağıq” - Prezident açıqladı
Prezident İlham Əliyev Abşeron rayonunun ərazisində Xızı rayonunun Ağdərə kəndindən Sumqayıt şəhərinə çəkilən magistral qaz kəmərinin açılışında neftin qiymətinin düşməsindən danışıb.

Avrasiya.net xəbər verir ki, dövlət başçısı neftin ucuzlaşması səbəbindən Azərbaycanda heç bir sosial layihənin dayandırılmayacağını deyib:

“Baxmayaraq ki, dünya iqtisadiyyatı böhran içindədir, Azərbaycan iqtisadiyyatına da bu, mənfi təsir göstərir. Neftin qiyməti üç dəfə aşağı düşüb. Amma mən demişəm, bir daha demək istəyirəm və bütün vətəndaşlar bunu bilsinlər, biz heç bir sosial layihəni dayandırmayacağıq, heç bir sosial proqramı ixtisar etməyəcəyik. Azərbaycan sosial dövlətdir və siyasətimizin mərkəzində Azərbaycan vətəndaşıdır”.
Mənsimovun həbsindən öncə son tapşırığı
Mübariz Mənsimovun doğma Miyənkü kəndinin (Masallı rayonunda yerləşir – red.) gəncləri kəndə gələn yolun işıqlandırılması ilə bağlı müraciət ediblər. Onlar bildiriblər ki, bir çox kəndlərin yolları işıqlandırıldığı üçün bu kəndə gələn yolun da işıqlandırılması insanların rahatlığını artırardı.

Axar.az xəbər verir ki, bu məlumatı Palmali Şirkətlər Qrupunun mətbuat katibi Fidan Quliyeva qeyd edib. O bildirib ki, Mənsimov düşünmədən bu iş üçün büdcə ayırıb:

“Onun növbəti təlimatı da bu yola işıq çəkilməsi ilə bağlı idi. Həbs edilməzdən bir az əvvəl göstərişlərini vermişdi. Hazırda vəsait ayrılıb, dirəklər qoyulub. Mənsimovun həbsi bu yol üçün çalışanları ruhdan salsa da, onlar gələn həftə artıq kabelçəkmə işlərinə başlayacaqlarını deyiblər. Çox qısa zamanda kəndə gedən yol işıqlandırılacaq. Ümid edirik ki, çox qısa bir zamanda hər şey yoluna qoyulacaq, Mübariz bəyin düşdüyü qaranlıq yol da aydınlaşacaq”.

Qeyd edək ki, Palmali Şirkətlər Qrupunun rəhbəri, azərbaycanlı iş adamı Mübariz Mənsimov FETÖ ilə əlaqədə suçlu bilinərək, martın 15-də saxlanılıb, 17 martda isə barəsində istintaq müddətində həbs qərarı verilib.
Azərbaycanda 300 tibb işçisi koronavirusa yoluxub - Operativ qərargah
“300-ə yaxın tibb işçisi koronavirus yoluxub”.

Avrasiya.net-in məlumatına görə, bunu Səhiyyə nazirinin müavini Viktor Qasımov Nazirlər Kabineti yanında Operativ Qərargahın mətbuat konfrasında bildirib.

V.Qasımov qeyd edib ki, onların hamısı iş prosesində virusa yoluxmayıb:

“Onların arasında ailə üzvlərindən yoluxanlar da var. Koronavirusa yoluxmuş xəstələrin 60-70 faizi sağalıb”.
Azərbaycan "Yeni dünya"ya tam hazırdır! COVİD-19 ilə mübarizənin Azərbaycan modeliEmin Əliyev
Ekoloji təmiz məhsul istehsalçıları və ixracatçıları İctimai Birliyinin sədri


Bütün dünya ötən ilin dekabr ayından etibarən COVİD-19-la savaş içərisindədir. Son statistikaya görə 210 dövlətdə 3 milyon insan bu virusa yoluxmuş, 200 minədək insan dünyasını dəyişmişdir. Cəmi beş ay ərzində belə bir faciəvi rəqəmlər ortalığa çıxmışdır.

Bu pandemiya bütün dünyanı test etdi. Güclü kimi görünən dövlətlər zəif, zəif kimi görünənlər isə güclü tərəfləri ilə yaddaşlarda qaldı. Hətta Hollivud filmlərində süpergüc kimi göstərilən, dünyanı bütün bəla və faciələlərdən xilas edən ABŞ belə bu virusun qarşısında aciz qaldı. Demək olar ki, dünya tamam “müharibəsizləşdi”, heç bir yerdə terror olmadı, cinayətlər azaldı Dünyada min illərlə davam edən miqrasiya prosesi dayandı. Dünya səhiyyəsi ən ağır xəstəliklərin müalicəsini edə biləcəyi ilə qürurlandığı halda bir virusun qarşısında acizliyini elan etdi. Meqapolislər tamamilə boşaldı, küçələrdə hətta vəhşi heyvanlar görsənməyə başladı! Dünya dövlətlərinin liderləri millətə ürək-dirək vermək əvəzinə qorxunc senarilər barədə bəyanatlar verərək xalqı kütləvi ölümlərə hazır olmağa səslədi. Strateji müttəfiq, qardaş dövlətlər belə öz qapılarını bir-birilərinin üzlərinə bağladı. İnsanlar öz valideynlərini, əzizlərini, hətta öz övladlarını görməkdən məhrum oldu! Beyin mərkəzlərinin belə izah etməkdə çətinlik çəkdiyi iqtisadi münasibətlər alt-üst oldu, neftin qiyməti sürətlə düşməyə başladı. Dünya 5G sürətli internetə keçidi illərlə arzuladığı halda bir anda pandemiyanın əsas səbəblərindən biri hesab edildi və bundan imtina edilməsi üçün “hərəkat”lar başladı. Bir sözlə hər kəs çaş-baş qaldı. Bu siyahını uzatmaq və daha da detallı misallar qeyd etmək olar.
Azərbaycan "Yeni dünya"ya tam hazırdır! COVİD-19 ilə mübarizənin Azərbaycan modeli
Lakin əsas məsələ bu deyil! Əsas məsələ dünyada insanların bu bəladan tez bir zamanda xilas olması, dövlətlərin qısa bir zamanda ayağa qalxması və “yeni dünya”nın insanlarımız üçün xoşbəxt məkana çevrilməsidir.
Dünyada 232 dövlət və buna bərabər inzibati vahidlər vardır. Dünyanın ümumi əhalisi isə cəmi 7,8 milyard nəfərdir. Bu 232 dövlət və 7,8 milyar insan COVİD-19 ilə mübarizədə özünü müxtəlif formada göstərdi. Mən görülmüş qabaqlayıcı tədbirlər nəticəsində pandemiyadan ən az zərər görmüş üç ölkədən biri olan Azərbaycanın təcrübəsindən yazmaq istərdim! Azərbaycanda COVİD-19-a ilk yoluxma halı 28 fevralda qeydə alınmışdır. Bu gün ölkəmizdə 1600-dək yoluxma və 21 ölüm halı baş vermişdir. Ən əsası odur ki, sağalananların sayı 1013 nəfər, aktiv xəstələr isə 558 nəfərdir.

Azərbaycan şərqdən Xəzər dənizinin sahilində, şimaldan Rusiya Federasiyası, cənubdan İran İslam Respublikası, qərbdən Türkiyə, Gürcüstan və Ermənistan Respublikaları ilə həmsərhəd olaraq Qafqaz sıra dağlarının cənub hissəsində yerləşən, ərazisi 86,6 min km2, əhalisi 10,1 milyon nəfər olan bir ölkədir. 1988-ci ildən Ermənistan Respublikası ilə müharibə şəraitindədir və ərazisinin 20%-i bu dövlət tərəfindən işğal edilib, əhalisinin 1 milyondan çoxu qaçqın və məcburi köçkündür.
Azərbaycan "Yeni dünya"ya tam hazırdır! COVİD-19 ilə mübarizənin Azərbaycan modeli
Qeyd edim ki, Azərbaycan dünyanın böyük əksəriyyəti ilə ticarət əlaqələri olan və COVİD-19-a ilk yoluxma halının qeydə alındığı Çin ilə sıx iqtisadi əlaqələri mövcuddur. Bundan başqa Azərbaycan virusa ən çox yoluxma və ölüm halları baş verən İranla həmsərhəddir və hər gün minlərlə insan sərhədi o tay-bu taya keçir. Azərbaycan vətəndaşları vizasız olaraq İrana, iranlılar isə olduqca sadə viza rejimi ilə Azərbaycana səyahət edə bilir. Eyni zamanda İranın əsas ticarət partnyoru olan Rusiya ilə quru əlaqələri əsasən Azərbaycan üzərindəndir. COVİD-19 ilə ən çox yoluxma və ölüm halları baş verən digər dövlət olan İtaliya isə Azərbaycanın ən böyük ticarət partnyorudur. Türkiyə isə azərbaycanlıların ikinci vətəni sayılır.

Azərbaycan elə bir strateji mövqedə yerləşmişdir ki, şərqdən qərbə, şimaldan cənuba bir çox yollar məhz Azərbaycanda kəsişir. Bütün bu faktlar göstərir ki, Azərbaycan riskli bölgədə yerləşmişdir. Burada düzgün mübarizə sisteminin qurulmayacağı təqdirdə ciddi fəsadların, fəlakətlərin baş verməsi qaçılmaz idi. Ölkə rəhbərliyinin müəyyən etdiyi qabaqlayıcı və operativ tədbirlər nəticəsində Azərbaycan bu bəladan üzüağ çıxdı. Azərbaycan ilk əvvəl sərhədləri bağladı, aviauçuşlar öncə məhdudlaşdırıldı, daha sonra isə tamam dayandırıldı. Xarici ölkələrdə səfərdə olan vətəndaşlarımızın geri qaytarılması üçün çarter reysləri açıldı və Azərbaycan vətəndaşları vətənə gətirildi. Vətənə qaytarılmış insanlarımız xüsusi avadanlıqlar və tibbi personal ilə təchiz edilmiş xəstəxanalarda karantinə alındı. Mərhələli şəkildə karantin rejimi, 5 apreldən 20 aprelədək xüsusi karantin rejimi tətbiq edildi, daha sonra isə 4 mayadək uzadıldı.
Ölkə üzrə aptek və ərzaq mağazaları istisna edilməklə bütün obyektlər fəaliyyətlərini dayandırdı. Bütün dövlət və qeyri-dövlət təşkilatlarının əməkdaşları ödənişli məzuniyyətə buraxıldı. Ölkə əhalisinə evdə qalmaq üçün çağırışlar edildi, əhali bu virusla mübarizədə dövlətin yanında olmaq üçün evlərində qaldı!
Azərbaycan "Yeni dünya"ya tam hazırdır! COVİD-19 ilə mübarizənin Azərbaycan modeli
Həkimlər bu müddət ərzində demək olar ki, evə getməyərək xəstəxanalarda virusla mübarizə apardılar. Onların bu xidmətlərini Azərbaycan xalqı yüksək qiymətləndirir və yəqin ki, heç bir zaman unutmayacaq.

Polis əməkdaşları gücləndirilmiş iş rejimində 24 saat fasiləsiz xidmətdə oldular. Təmkinlə, səbrlə, nəzakətlə əhaliyə xidmət etdilər.

Azərbaycanın aqrar sahədə fəaliyyət göstərən iş adamları, fermerləri daha çox fəallıq göstərərək pandemiya dövründə məhsuldarlığın öncəki dövrlərdən daha artıq olmasına çalışdılar. Dövlət də öz növbəsində aqrar sahənin daha da inkişaf etdirilməsi üçün dövlət büdcəsindən 30 milyon manat vəsait ayrılaraq fermerlərə güzəştli şərtlərlə kreditlər verildi.

Bütün ölkə əhalisi bu pandemiya ilə mübarizə üçün səfərbər oldu. İmkanlı şəxslər ayrı-ayrı xeyriyyə qruplarında birləşərək qocalara, xəstələrə, imkansız ailələrə ərzaq və tibbi ləvazimat yardımları etdilər. Tələbələr də dövlət dəstəyindən kənarda qalmadı. Ödənişli əsaslarla təhsil alan aztəminatlı ailələrin övladlarının təhsil haqları dövlət büdcəsindən ödənildi.
Azərbaycan "Yeni dünya"ya tam hazırdır! COVİD-19 ilə mübarizənin Azərbaycan modeli
Ölkə rəhbərliyi prosesi düzgün qiymətləndirərək qabaqlayıcı tədbirlərlə bağlı qərarlar verdi. İlk iş olaraq bu mübarizənin bir mərkəzdən idarə olunmasını təmin etmək məqsədi ilə dövlət başçısının tapşırığı ilə Baş nazirin rəhbərlik etdiyi Operativ Qərargah yaradıldı və bu mərkəz vasitəsilə proses nəzarətdə saxlanıldı. Büdcədən 2,5 milyard manat vəsait ayrılaraq həm aztəminatlı əhalinin, həm də pandemiyadan zərər görmüş biznes sahələrinə dövlət dəstəyi göstərildi. Tibb sahəsində və sosial xidmət sahəsində çalışan bütün işçilərin əmək haqları pandemiya dövrü üçün 2-5 dəfə artırıldı. Bundan əlavə ölkə başçısının qərarı ilə Koronavirusla Mübarizəyə Dəstək Fondu yaradıldı. Prezident və Birinci vitse-prezident özlərinin bir illik əmək haqlarını bu fonda yatırdılar. Bundan sonra isə bütün kateqoriyadan olan ölkə əhalisi könüllü olaraq fonda müxtəlif məbləğlərdə ianələr köçürdü.

Qısa bir zamanda 120 milyon manatdan çox məbləğ yığıldı. Çevik qərarlar verilərək ölkəyə bir gecədə 200 süni nəfəs aparatları gətirildi və bu sahədə çatışmazlıq tamam aradan qaldırıldı.

Ölkədə qısa müddətdə tibbi maska fabriki quruldu və dərhal istehsalata başlayaraq ölkə əhalisini tibbi maska ilə tam təmin etməyə nail olundu. Daha sonra alkoqol içkilər istehsal edən zavodlar ölkə başçısının çağırışlarına uyğun olaraq antiseptik məhlul istehsalına başladı və bu çatışmazlıq da qısa zamanda aradan qaldırıldı.
600 nəfərlik böyük bir xəstəxananın açılışı oldu və bu xəstəxana tamamilə COVİD-19-la mübarizə üçün istiqamətləndirildi və bu virusa yoluxmuş şəxslər bu ultralyuks xəstəxanada müalicə olunmağa başladı. Bununla bərabər daha 6 ədəd modul tipli xəstəxananın tikilməsi ilə bağlı qərar verildi.

Bütün bu maliyyə dəstək proqramları ilə yanaşı sosial dəstək tədbirləri də həyata keçirildi. Belə ki, həbsxanalarda cəza çəkən məhbusların 65 yaşdan yuxarı olanları Prezidentin əfv fərmanı ilə azadlığa buraxıldılar.
Azərbaycan sadəcə daxildə bu virusla mübarizə aparmaqla məhdudlaşmadı. Bir neçə xarici dövlətə tibbi ləvazimatlar, ərzaq məhsulları və digər zəruri mallar göndərdi. Pandemiya ilə mübarizədə dünya dövlətləri ilə həmrəylik nümayiş etdirmək məqsədilə Bakının, eyni zamanda dünyanın ən gözəl memarlıq abidələrindən biri sayılan Heydər Əliyev Mərkəzi pandemiyadan ən çox əziyyət çəkmiş ölkələrin bayraqları ilə işıqlandırıldı.
Azərbaycan riskli coğrafi bölgədə yerləşməsinə, pandemiyadan ən çox əziyyət çəkən dövlətlərlə sıx münasibətlərinin olmasına və digər bu qəbildən olan risklərə baxmayaraq vaxtında görülmüş tədbirlər nəticəsində pandemiyadan nisbətən az zərərlə çıxmağa nail oldu.

Artıq bəllidir ki, dünyanın pandemiyadan öncəki vəziyyətə qayıtması mümkün olmayacaq. Dünya “yeni dünya” olacaq və biz bundan sonra bu dünyada yaşayacayıq. Azərbaycan “yeni dünya”ya tam hazırdır! Yeni dünyada görüşənədək!
Prezidentdən xalqı ümidləndirən çıxış : “Bütün planlarımız yerindədir”
Koronavirusla mübarizədə Azərbaycan xalqı bir daha gördü ki, sözümüzlə əməlimiz arasında fərq yoxdur.

Avrasiya.net-in məlumatına görə, bunu Prezident İlham Əliyev aprelin 24-də Abşeron rayonunun ərazisində Xızı rayonunun Ağdərə kəndindən Sumqayıt şəhərinə çəkilən magistral qaz kəmərinin açılışından sonra şəhər ictimaiyyətinin bir qrup nümayəndəsi ilə görüşündə çıxışı zamanı deyib.

Prezident İlham Əliyev bildirib:

"Bu gün Sumqayıt şəhərinin dayanıqlı qaz təchizatı işində çox əlamətdar bir gündür. Biz Sumqayıt şəhərinə yeni alternativ qaz xəttinin çəkilişini qeyd edirik. Bu münasibətlə bütün sumqayıtlıları təbrik etmək istəyirəm. Çünki bu, şəhəri dayanıqlı qazla təmin etmək üçün imkanlar yaradır və eyni zamanda, şəhərin gələcək potensialını da nəzərə alır. Bu vaxta qədər Sumqayıt bir xətt üzərində qazla təmin edilirdi. Əlbəttə ki, Sumqayıtda son illərdə yaradılmış sənaye müəssisələri, sənaye klasterləri əlavə həcm tələb edirdi. Bunu nəzərə alaraq yeni qaz kəmərinin tikintisi zəruri idi. Qaz kəmərinin uzunluğu 60 kilometrdir. Bu, böyük bir inşaat layihəsi olubdur. Qısa müddət ərzində bu kəmər istifadəyə verilir və bu gün artıq fəaliyyətə başlayır.

Bu, birinci növbədə əhalini təbii qazla təmin etmək işində önəmli addımdır. Sumqayıtda qazlaşdırmanın səviyyəsi 100 faizdir. Əlbəttə ki, şəhərin bir xəttin üzərində qidalanması müəyyən problemlər yarada bilərdi, qəza nəticəsində müəyyən problemlər yarana bilərdi. İndi isə bu ikinci xətt həm artan tələbatı ödəyəcək, eyni zamanda, ikinci sığorta layihə kimi sumqayıtlıları təmin edəcəkdir.

O ki qaldı, şəhərin sənaye potensialına, son illərdə Sumqayıt sənaye baxımından çox uğurla inkişaf edir. Burada bir çox önəmli layihələr icra edilibdir. Sumqayıt Texnologiyalar Parkı uzun illərdir ki, fəaliyyət göstərir. Burada 10-dan çox zavod fəaliyyət göstərir. Ondan sonra Sumqayıt Kimya Sənaye Parkı yaradılmışdır. Yüzlərlə hektar torpağı əhatə edən bu böyük ərazidə bütün infrastruktur layihələri, təmizləmə işləri dövlət xətti ilə aparılmışdır və sonra dövlət və özəl sektor orada investisiya qoymağa başlamışlar. Hazırda Sumqayıt Kimya Sənaye Parkında bir neçə müəssisənin tikintisi davam edir. Onların arasında əyirici boya fabrikinin tikintisini xüsusi qeyd etməliyəm. Çünki bu, bizim xalçaçılıq sənayemizin inkişafı üçün çox önəmli layihədir. Eyni zamanda, şüşə zavodu da inşa edilir. Biz şüşələri xaricdən idxal edirik və bu zavod işə düşəndən sonra artıq idxaldan asılılığı aradan götürəcəyik.

Sumqayıtda Azərbaycan sənayesinin flaqmanları sayılan iki nəhəng sənaye müəssisəsi inşa edilib - polimer və karbamid zavodları. Bu müəssisələr həm daxili tələbatı tam ödəyəcək, eyni zamanda, böyük ixrac imkanları yaranıb. Bu ixracın əhəmiyyəti ondadır ki, bu, qeyri-neft ixracıdır. Bizim də əsas məqsədimiz qeyri-neft sənayesini inkişaf etdirmək və qeyri-neft ixracını artırmaqdır. Bildirməliyəm ki, indi dünyada böhranlı vəziyyətdir, demək olar, ölkələr arasındakı iqtisadi əlaqələr müəyyən dərəcədə zədələnib və iqtisadi fəallıq bütün dünyada aşağı düşüb. Buna baxmayaraq, üç ayda Azərbaycanda qeyri-neft sənaye sahəsində artım 23 faizdir. Bunun böyük hissəsi yeni yaradılmış sənaye müəssisələrinin hesabınadır. Beləliklə, biz bu müəssisələri yaratmaqla həm daxili tələbatı ödəyirik, idxaldan asılılığı aradan götürürük, həm də vətəndaşları işlə təmin edirik. Artıq Sumqayıtda minlərlə yeni iş yeri yaradılıb. Son illər ərzində Sumqayıtda bütün sənaye və infrastruktur obyektlərinin açılışlarında mən şəxsən iştirak etmişəm. Son 16 il ərzində bəlkə də 30 dəfəyə yaxın Sumqayıtda olmuşam və şəhərin inkişafı ilə bağlı şəxsən maraqlanıram, bütün məsələləri nəzarətdə saxlayıram.

Bu gün Sumqayıt nəinki Azərbaycanın, Cənubi Qafqazın ikinci böyük sənaye şəhəridir və müasir sənaye şəhəridir. Vaxtilə Sumqayıt yaradılanda Sovet İttifaqının kimya sənayesinin mərkəzi kimi nəzərdə tutulurdu və bu funksiyanı yerinə yetirirdi. Ancaq sumqayıtlılar yaxşı bilirlər ki, ekoloji vəziyyətə çox böyük zərbə vurulmuşdu. Sumqayıt ekoloji fəlakət zonası idi və Sovet İttifaqı məkanında bəlkə də ekoloji baxımdan ən çirklənmiş şəhərlərindən biri idi. Bu gün isə Sumqayıt Azərbaycanın ekoloji baxımdan ən təmiz şəhərlərindən biridir. Çünki burada yaradılmış bütün yeni müəssisələr ekoloji normalara tam cavab verir. Köhnə müəssisələr artıq bağlanıb, onların əraziləri yeni sənaye parklarının sərəncamına verilib. Bu gün Sumqayıtda təmiz hava artıq adi hala çevrilib. Halbuki Sumqayıtda yaşayan insanlar, xüsusilə yaşlı nəsil yaxşı xatırlayır ki, burada ekoloji vəziyyət çox ağır idi. Sumqayıtın yanından maşınla keçənlər də pəncərəni bağlayırdılar ki, o iylər onlara təsir etməsin. Biz şəhərin inkişafına kompleks şəkildə yanaşırıq və sənaye potensialının artırılması bundan sonra da davam edəcək. Ona görə ikinci qaz xəttinin istifadəyə verilməsi həm bu günün tələbatını ödəyir, həm də bundan sonra inşa ediləcək, yaradılacaq müəssisələrin potensialını nəzərdə tutur.

Bizim planlarımız böyükdür. Sumqayıt inkişaf edir, əhali artır, sənaye potensialı möhkəmlənir. Sumqayıt doğrudan da bu bölgənin, regionun çox müasir sənaye şəhərlərindən biridir. Eyni zamanda, əlbəttə, şəhərin infrastrukturu yenilənir, şəhər abadlaşır, insanlar üçün gözəl imkanlar yaradılır. Təkcə Sumqayıt Bulvarını qeyd etmək kifayətdir, qısa müddət ərzində gözəl bir istirahət zonası yaradılmışdır. Bu gün Sumqayıt parklar, bağlar şəhəridir. Eyni zamanda, burada məskunlaşmış köçkünlər üçün də yeni layihələr icra edilir. Hazırda burada - yaxınlıqda məcburi köçkünlər üçün yeni şəhərcik salınır və orada üç mindən çox köçkün ailəsi yerləşdiriləcək. Beləliklə, Sumqayıt şəhərinin köçkün problemi böyük dərəcədə öz həllini tapacaq. Bu gün hələ də ağır vəziyyətdə yaşayan köçkünlər bilməlidirlər ki, növbə onlara da çatacaq. Biz hər bir köçkünü yerləşdirəcəyik, onlar üçün ən müasir şərait yaradılır. Baxmayaraq ki, dünya iqtisadiyyatı böhran içindədir, Azərbaycan iqtisadiyyatına da bu, mənfi təsir göstərir.

Neftin qiyməti üç dəfə aşağı düşüb. Amma mən demişəm, bir daha demək istəyirəm və bütün vətəndaşlar bunu bilsinlər, biz heç bir sosial layihəni dayandırmayacağıq, heç bir sosial proqramı ixtisar etməyəcəyik. Azərbaycan sosial dövlətdir və siyasətimizin mərkəzində Azərbaycan vətəndaşıdır. Bu gün koronavirus dövründə bizim əsas amalımız Azərbaycan xalqını bu bəladan qorumaqdır. Bizim qəbul etdiyimiz qərarlar, atdığımız addımlar həm ölkə əhalisi tərəfindən yüksək qiymətləndirilir, - mənə minlərlə təşəkkür məktubları gəlir, - həm də beynəlxalq təşkilatlar Azərbaycanı bu sahədə nümunəvi ölkə kimi göstərir. Ümumdünya Səhiyyə Təşkilatı bizim gördüyümüz işləri təqdir edir və açıq bəyan edir ki, Azərbaycan nümunəvi ölkədir. Biz dünya miqyasında birinci ölkə olmuşuq ki, koronavirusla mübarizə ilə əlaqədar tərəfdaş ölkələrlə zirvə görüşü keçirdik. Türkdilli Dövlətlərin Əməkdaşlıq Şurasının videokonfrans şəklində zirvə görüşü bizim təşəbbüsümüzlə keçirilmişdir. Koronavirusla mübarizədə Azərbaycan xalqı bir daha gördü ki, sözümüzlə əməlimiz arasında fərq yoxdur. Vətəndaşların sağlamlığı, onların həyatı birinci dərəcəli məsələdir.

Əlbəttə ki, bugünkü tədbirlər, - bu gün mən köçkünlər üçün tikilən şəhərciyə də baş çəkəcəyəm, - göstərir ki, bütün planlarımız yerindədir. Biz bu ili də planlaşdırdığımız kimi başa vuracağıq. Bütün aidiyyəti qurumlara göstərişlər verildi və bundan sonra xərclərimizi prioritet əsasında planlaşdıracağıq. Ancaq sosial məsələlərin həlli daim birinci yerdə olacaqdır.

Biz karantin rejimini nəzərə alaraq, bu günü Sumqayıt şəhərinin məhdud sayda nümayəndələri ilə qeyd edirik. Mən əminəm ki, biz şəhəri bundan sonra da birgə səylərlə inkişaf etdirəcəyik və daha da gözəl şərait yaradacağıq. Sizi və bütün sumqayıtlıları təbrik edirəm".
Tramp bu dəfə də erməniləri xəyal qırıqlığına uğratdı
ABŞ prezidenti Donald Tramp 1915-ci ildə Osmanlı Türkiyəsində baş verən hadisələri haqda danışarkən bu dəfə də “soyqırımı” ifadəsi işlətməyib.

Modern.az xəbər verir ki, Ağ Evin rəsmi saytında Donald Trampın 1915-ci il hadisələri barədə danışarkən “böyük fəlakət” ifadəsindən istifadə etdiyi bildirilib

Xatırladaq ki, dünya erməniləri 24 aprel tarixini qondarma soyqırımı günü kimi qeyd edirlər.
Şura ictimai sektorun ümummilli bəlaya qarşı səfərbər olunmasında həlledici rol oynadıÜlvi Allahverdi
Azərbaycan Respublikasının Prezidenti yanında
QHT-lərə Dövlət Dəstəyi Şurasının məsləhətçisi

Tarix indiyədək sayı bilinməyəcək qədər dəhşətli fəlakət və təlatümlərə şahidlik edib. Dünya o sınaqlardan bəzən üzü ağ çıxıb, bəzən də böyük sayda qurbanlar verməklə acizliyini göstərib. Təkcə ötən XX əsrdə on milyonlarla insanın həlak olduğu iki dünya müharibəsi baş verib. XXI əsr başlayar - başlamaz dünyanın nəbzinin vurduğu ölkənin qoşa qüllələrinə edilən 11 sentyabr hücumu ilə yeni geosiyasi vəziyyət yarandı. 2001-ci ildən sonra da dünya tarixinə düşən çox sayda sosial, siyasi və hərbi hadisələr baş verdi. Ancaq hazırkı koronavirus (COVİD-19) pandemiyasının dünyanın iqtisadi və siyasi konfiqurasiyasına edəcəyi dəyişikliklər görünür ki, müqayisəyə gəlməz ölçüdə böyük olacaq. Dünyanın qarşılaşdığı bu yeni sınaq bütün ölkələri lərzəyə salaraq dövlətləri, xalqları birləşməyə vadar elədi. Bəli, dünya ölkələri hazırda amansız düşmənlə müharibə aparır. Ancaq heç kim bu dəfə düşmənini görə bilmədiyi üçün ona qarşı hücuma keçə bilmir. İndiki vəziyyətdə ən yaxşı strategiya hücum etmədən yaxşı müdafiə səddi qurub qorunmaqdır. Dövlətlər müdafiə olunaraq həm itkilərin qarşısını ala bilir, həm də düşmənə qarşı əks-kəşfiyyat aparmaq üçün zaman qazanır.

Hər kəsə məlumdur ki, koronavirus ilk dəfə Çində meydana gəldi və oradan digər ölkələrə sıçradı. COVİD-19 pandemiyası cənub qonşumuz İrana çatanda təhlükə bizi daha ciddi şəkildə narahat etdi. Azərbaycan dövləti dərhal cənab prezident İlham Əliyev və Birinci vitse-prezident Mehriban Əliyevanın rəhbərliyi ilə mühüm qərarlar qəbul edərək gecikmədən qabaqlayıcı tədbirlərə başladı. Koronavirus pandemiyasına yoluxmuş ölkələrin mübarizə metodları araşdırıldı, Dünya Səhiyyə Təşkilatı ilə bu sahədə sıx əməkdaşlığa başlanıldı. Nazirlər Kabineti yanında Operativ Qərargah yaradılaraq prosesə professional münasibət ortaya qoyuldu və bu qlobal bəladan maksimum az itki ilə çıxmaq üçün yol xəritəsi hazırlandı. Zəruri tibbi ləvazimatlar, avadanlıqlar alınaraq xüsusi ayrılmış xəstəxanalara paylanıldı. Yeni modul tipli xəstəxanaların tikintisinə başlanıldı. Koronavirusa yoluxmuş bütün xəstələr karantinə alındı və onların yüksək səviyyədə müalicəsi təmin edildi. Mərhələli şəkildə dövlət sərhədləri bağlanıldı. Kütləvi toplaşmaların qarşısını almaq üçün qadağalar tətbiq olundu. İctimai nəqliyyatın fəaliyyəti karantin rejiminə keçirildi. Təhsil müəssisələri bağlanıldı. Məhdudiyyət və qadağa qərarlarının tədricən, mərhələli şəkildə həyata keçirilməsi cəmiyyətdə hər hansı anlaşılmazlığın, gərginliyin yaranmasına imkan vermədi. Əksər dövlət qurumlarının əməkdaşları məzuniyyətə göndərildi, çox zəruri olan gündəlik təlabat malları satanlar istisna olmaqla iaşə və ticarət obyektlərinin fəaliyyəti mərhələli şəkildə tam məhdudlaşdırıldı. Dövlət sərt addımlar ataraq karantin rejimi elan edərək vətəndaşların məcburiyyət olmadan çölə çıxmasını qadağan etdi. İnzibati məhdudiyyətlərlə yanaşı koronavirus infeksiyası ilə bağlı QHT-lər və media qurumlarının yaxından iştirakı ilə geniş maarifləndirmə kampaniyaları həyata keçirilməyə başlanıldı.

Azərbaycan Respublikasının Prezidenti yanında QHT-lərə Dövlət Dəstəyi Şurası ictimai sektorun ümummilli bəlaya qarşı səfərbər olunmasında həlledici rol oynadı. QHT-lər çətin vəziyyətdə olan ailələrə sovqat paylanmasından dövlətimizə qarşı düşmən mövqedə olan xəyanətkar marginal siyasi qruplara qarşı sosial şəbəkələrdə aktiv mübarizə aparılmasınadək ən ön mövqelərdə yer aldı. Bu çətin günlərdə dövlət sosial cəhətdən dəstəyə ehtiyacı olan vətəndaşlarını da unutmadı. Dövlət başçısının tapşırığı ilə onlara iki ay 190 manat həcmində birdəfəlik müavinət ayrıldı. Çətin dönəmdə dövlət bir daha öz vətəndaşlarının yanında olduğunu göstərdi. Vətəndaşlara göstərilən elektrik xidmətinin qiymətində güzəştlər edildi. Heydər Əliyev Fondu "biz birlikdə güclüyük" devizi ilə həssas təbəqədən olan vətəndaşlarımıza yardımlar paylamağa start verdi. Bu kampaniya çərçivəsində 100.000 sovqatın vətəndaşlara çatdırılması planlaşdırılır. Leyla Əliyevanın təşəbbüsü ilə xəstələr üçün geniş qanvermə kampaniyası təşkil olundu. Azərbaycan dövləti eyni zamanda indiki həssas məqamda ölkədən xaricdə olan vətəndaşlarına da sahib çıxdı.

İnkişaf etmiş əksər Avropa dövlətləri COVİD-19 infeksiyası ilə mübarizədə çarəsiz qaldığı, minlərlə insan itkisi ilə üzləşdiyi bir zamanda Azərbaycan qəbul etdiyi mühüm qərarlar və seçdiyi effektiv mexanizmlərlə öz standartlarını yaratdı. Koronavirus pandemiyasıyla mübarizədə digər ölkələrə nümunə göstəriləcək dövlətə çevrildi. Prezident İlham Əliyevin vaxtında qəbul etdiyi çevik və strateji qərarlar, dövlətimizin hər bir vətəndaşının sağlığını başlıca vəzifəsi sayması, Azərbaycanın son 17 ildə dinamik inkişaf nəticəsində əldə etdiyi nailyyətlər belə dəhşətli təhlükədən az itki ilə çıxacağımızı göstərir. Bu mübarizədə xalqın öz prezidentinə dərin inamı, güclü xalq-hakimiyyət birliyinin mövcudluğu həlledici rol oynadı. Əlbəttə ki, koronavirus pandemiyası qlobal təhlükə kimi hələ də aradan qalxmayıb. Azərbaycan da bu sahədə mübarizəsini davam etdirir. Ancaq cənab prezidentin rəhbərliyi ilə qüdrətli dövlətimizin həyata keçirdiyi siyasət bizə Azərbaycanın bu sınaqdan da uğurla çıxacağını deməyə əsas verir. Tanrı dövlətimizi, xalqımızı qorusun.

Ekspert fərdi sahibkarlar üçün sosial ayırmalar üzrə olacaq güzəştləri şərh edib
Koronavirus pandemiyasının mənfi təsirinə məruz qalmış sahələrdə çalışan bir sıra sahibkarlıq subyektlərinin sosial sığorta yükü də azaldıla bilər. Bununla bağlı müzakirəyə çıxarılmış güzəştlər geniş spektri əhatə edir.

Avrasiya.net xəbər verir ki, bu barədə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin məsləhətçisi Toğrul Turabov öz facebook səhifəsində açıqlama verib.

"Ölkə başçısının apardığı sosial islahatlar çərçivəsində minimum aylıq əməkhaqqının məbləği 2019-cu ilin sentyabr ayından etibarən 250 manat məbləğində müəyyən edilib. Bu sosial xarakterli mühüm dəyişiklik qeyri-muzdlu gəlirlər üzrə minimum aylıq əməkhaqqının müəyyən faizi üzrə hesablanan məcburi dövlət sosial sığorta haqları məbləğinin də artımına səbəb olub. Hal-hazırda digər sahələrdə (xidmət, istehsal və s.) fəaliyyət göstərən vergi ödəyiciləri aylıq olaraq minimum əmək haqqının 25 %-i yəni 62,50 (250 manat x 25 %) manat məbləğində məcburi dövlət sosial sığorta ayırmaları hesablayırlar. Bunu nəzərə alaraq, sosial sığorta yükünün azaldılması məqsədilə muzdlu işə aid olmayan fəaliyyətdən gəlir əldə edən sığortaolunanlar üzrə məcburi dövlət sosial sığorta haqqı dərəcələrinin dəyişdirilməsi təklif edilib. Təklif qəbul edildikdən sonra, digər sahələrdə (xidmət, istehsal və s.) fəaliyyət göstərən vergi ödəyiciləri 37,50 manat sosial sığorta ayırması həyata keçirəcək ki, bu da bütövlükdə 40 % azalma deməkdir.

Məcburi dövlət sosial sığorta haqqının 1 aprel 2020-ci il tarixdən 1 yanvar 2021-ci il tarixədək sahibkarlıq fəaliyyəti üzrə – minimum aylıq əməkhaqqının tikinti və ticarət sahələrində 25 faizi, digər sahələrdə 15 faizi miqdarında olmaqla hesablanması və regionlar üzrə diferensial faiz əmsallarının tətbiq edilməsi.

Məcburi dövlət sosial sığorta haqqının 2021-ci il yanvarın 1-dən 2026-cı il yanvarın 1-dək minimum aylıq əməkhaqqının tikinti sahəsində 50 faizi, digər sahələrdə 25 faizi miqdarında olmaqla hesablanması və regionlar üzrə diferensial faiz əmsallarının tətbiqi".

Toğrul Turabov qeyd edib ki, təklif qəbul edildikdən sonra, Digər sahələrdə sahibkarlıq fəaliyyəti ilə məşğul olanlar (ekspert, təlimçi, hüquqşünas, sorğuçu, ekoloq və s. xidmətləri göstərən şəxslər) isə Bakıda 37,50 manat (250 manat (minimum əmək haqqı) x 15 faiz), Sumqayıt və Gəncədə 33,75 manat, digər şəhərlərdə 30,0 manat, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 22,50 manat, kənd yerlərində isə 18,75 manat ödəyəcəklər
"Ermənilər həqiqətlərin ortaya çıxmasından qorxduqları üçün arxivlərini açmırlar"“Tarixləri qara ləkələrlə dolu olan və Xocalıda bir gecədə 613 azərbaycanlı qardaşımızı məhv edən ermənilərin havadarları də bilir ki, Türkiyə keçmişində ləkə olmayan bir ölkədir”.

Avrasiya.net xəbər verir ki, bu barədə Türkiyənin Azərbaycandakı səfirliyinin mətbuat müşaviri Hüseyn Altınalan danışıb. O qeyd edib ki, sözügedən iddialar tamamilə siyasi xarakter daşıyır:

“Məqsədləri həqiqətə nail olmaq deyil. Türkiyənin bu məsələdə ən kiçik bir narahatlığı belə olmadığı üçün bütün arxivlərini açıb. Ancaq ermənilər arxivlərini açmırlar. Ermənilər həqiqətlərin ortaya çıxmasından qorxduqları üçün arxivlərini açmırlar. Həqiqətlər ortaya çıxdığı təqdirdə, yalanları ilə beynəlxalq ictimaiyyəti aldada bilməyəcəklər.

Qorxurlar, çünki arxivlərdə iddia etdiklərinin əksinə, hadisələrin necə meydana gəldiyini, məcburi köçə nə üçün məruz qaldıqlarını, belə bir vəziyyətdə hər bir ölkənin məcburi köç qərarı alacağı həqiqətinin ortaya çıxmasını istəmirlər.

Onlar da bilir ki, tarixi faktlara görə, 1914-cü ildə erməni komitələrinin Türkiyədəki şöbələrinə rus ordusu sərhəd boyunca irəliləməyə başladığında üsyan çıxarmaq, türk ordusunu iki od arasında qoymaq, dövlet binalarını bombalamaq və ərzaq anbarlarına təxribatlar təşkil etmək təlimatı verilib. Həmçinin türk ordusu hücuma keçdiyində erməni əsgərlərinə birliklərindən qaçaraq rus ordusuna qoşulmaq, türk birliklərinin arxa cəbhələrinə zərər vermək və ölkə içində müxtəlif iğtişaşlar törətmək üçün dəstələr qurmaq təlimatı verilib.

Müharibə başlayan kimi şərq cəbhəsində hadisələr qeyd edildiyi kimi baş vermiş, səfərbərliyin elan edildiyi 1914-cü ilin avqust ayının 3-dən etibarən ermənilər ordudan qaçmağa başlamış, türk əsgərlərinə qarşı silahlı hücumlar təşkil etmiş və Rusiyaya köç edərək dəstələrə qoşulmuşlar. 1914-cü ilin noyabr ayının 1-də rus ordusunun şərq vilayətlərimizə etdiyi hücumdan sonra bir çox şəhərdə üsyanlar başlayıb.

Osmanlı hökuməti xüsusilə də Van üsyanı başlayanadək bəzi kiçik tədbirlər almaqla erməni dəstələrinin fəaliyyətinin qarşısını almağa çalışıb. Osmanlı hökumətinin xoş niyyətlə və kiçik tədbirlərlə məsələni həll etməyə cəhd etməsinin bir faydası olmamış, üsyanın və ermənilərin qəsəbə və kəndlərdə uşaq, qadın, yaşlı demədən mülki əhalini öldürməsinin qarşısını ala bilməməsi nəticəsində köç qərarı qəbul edilib”.

H.Altınalanın fikrincə, həmin dövrdəki köç qərarı düzgün verilmiş bir qərardır:

“Bu gün olsa yenə eyni qərar verilər və tətbiq olunar. Erməni dəstələri bir çox bölgədə üsyan qaldırmış, terror hadisələri, qırğınlar törətmiş, Osmanlı hökuməti isə sakit münasibətini qoruyub.

Bu da bir gerçəkdir ki, ermənilərin yerlərini dəyişdirmək onları məhv etmək deyil, dövlətin təhlükəsizliyini qorumaq məqsədi daşıyıb.

Məqsədi insan hüquqları və ya həqiqət olan hər bir ölkə keçmişi qurdalayıb yalanlarla bir şey əldə etməyi bir kənara qoyub günümüzdə belə Azərbaycan torpaqlarının 20 faizini işğal altında tutan ermənilərdən həm bu işğalın, həm də Xocalıda həyata keçirdikləri vəhşiliklərlə dolu soyqırımın hesabını soruşmalıdır. Bunları gündəmə gətirməlidir”.
SMS icazəsinin müddəti artırıldı - RƏSMİ27 aprel 2020-ci il saat 00:00-dan etibarən yaşayış yerini tərk etmək üçün 8103 nömrəsinə SMS məlumat göndərilərkən gələn icazələrin müddəti 2 saatdan 3 saatadək artırılır.

Nazirlər Kabineti yanında Operativ Qərargahdan Avrasiya.net-ə verilən məlumata görə, qeyd edilən tarixdən etibarən bəzi fəaliyyət sahələrinə dair məhdudiyyətlər aradan qaldırıldığından 8103 nömrəsinə icazə almaq üçün aşağıdakı hallarda müraciət olunacaqdır:

1 rəqəmi - təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini tərk etmək üçün (icazə rayon və şəhər daxilində 3 saat müddətinə verilir, rayonlar və şəhərlərarası hərəkət zərurəti yarandıqda olduğu ünvanla getməli olduğu ünvan arasında məsafə və müalicə prosedurunun müddəti nəzərə alınır, geri qayıtma müddəti həkim tərəfindən verilən arayışla müəyyən edilir və zərurət olduqda polis əməkdaşlarına təqdim edilir);

2 rəqəmi - hazırda fəaliyyətinə icazə verilən sahələr üzrə xidmətlərdən istifadə edilməsi zərurəti ilə əlaqədar yaşayış yerini tərk etmək üçün (icazə 3 saat müddətinə gündə 1 dəfə verilir);

3 rəqəmi - yaxın qohumunun dəfnində iştirakla əlaqədar yaşayış yerini tərk etmək üçün verilir.