Ermənistan ordusunda koronavirus yayıldı
Ermənistanı bürümüş COVİD-19 virusu işğalçı ölkənin ordusunda da yayılıb.

Avrasiya.net Musavat.com-a istinadən xəbər verir ki, hərbçilərdən birinin ailəsində təhlükəli virusa yoluxma halı qeydə alınıb. Bundan sonra onlarla əlaqədə olmuş hər kəs nəzarətə götürülüb.

Erməni mənbələri bildirir ki, artıq üç erməni hərbçi də nəzarət altındadır, onlar koronavirusla bağlı testdən keçirilib. Bu barədə məlumatı Ermənistan Müdafiə Nazirliyinin mətbuat katibi Şuşan Stepanyan təsdiqləyib.

Ş.Stepanyan bildirib ki, hərbçi ailəsində koronavirusa yoluxma faktı aşkarlandıqdan sonra müqaviləli xidmət keçən həmin hərbçi ilə kontaktda olmuş daha üç hərbi qulluqçu nəzarətə götürülüb. Bundan əlavə, onların xidmət keçdiyi bölük heyət də nəzarətə alınıb və özünütəcrid qərarı verilib. Ermənistan Müdafiə Nazirliyi iddia edir ki, hərbçilər eyni hərbi hissədə və qeyri-döyüş şəraitində xidmət keçirlər.

Son məlumata görə, Ermənistanda 265 koronavirusa yoluxma halı qeydə alınıb.

İtaliyada daha 683 nəfər koronavirusdan öldü
İtaliyada koronavirusun fəsadları günbəgün artmaqdadır.

Publika.az xəbər verir ki, son sutka ərzində daha 683 nəfər virus səbəbindən ölüb. Ümumilikdə isə ölənlərin sayı 7503 nəfərə çatıb.

Ağır vəziyyət İtaliyanın şimal bölgələrində həyatı tamamilə iflic edib.

Qeyd edək ki, İtaliya koronavirusun yayılma nisbəti və ölənlərin sayına görə dünyada birinci yerdədir.
Evdə qalmaq bu səbəbdən vacibdir – Rəşad Mahmudov açıqlayır
"Hökumətin məcburiyyəti olmadan insanlar koronavirus təhlükəsini dərk edib, evdə qalmalıdırlar".

Avrasiya.net xəbər verir ki, bunu Azərbaycan Televiziyasının (AzTV) “#Evdəqal” verilişində tanınmış ürək-damar cərrahı, millət vəkili Rəşad Mahmudov deyib.

R.Mahmudov evdə qalmağın niyə vacib olduğunu açıqlayaraq bildirib ki, insanların bəzi həqiqətləri bilmələri lazımdır: "Şükürlər olsun ki, İran istisna olmaqla, hələlik Azərbaycana qonşu ölkələrdə koronavirus kütləvi yayılmayıb. Amma vətəndaşlarımız əmin olsunlar ki, bundan heç kəs sığortalanmayıb. Bu gün asimptomatik dediyimiz, heç bir şikayət etmədən, amma bədənində minlərlə virusu daşıyan insan ola bilər ki, onlar ilk günlərdə təhlükə yaratmayacaqlar.

Mən davamlı şəkildə "Seattle" Universitetinin Xəstəlikləri Modelləşdirmə İnistitutunun tədqiqatlarını izləyirəm. Nəticə belədir ki, xəstəliyi olmayan, amma bu virusu üzərində daşıyan 100 nəfərin 75 faizi evdə oturmaqla yoluxma sayını azalda bilir. Əksinə, həmin 100 nəfər evdə oturmasa, 2 həftə ərzində 25 min insanın infeksiyaya yoluxmasına, 25 mindən 500 nəfərinin həyatının itirilməsinə, 1500-2000 nəfərin də reanimasiyaya düşməsinə səbəb ola bilər. Bu, 100 nəfərin 2 həftə ərzində yaradacağı mənfi vəziyyətdir. İnsanlar düşünməsin ki, cavandır, gəncdir, immun sistemi yüksəkdir, virusu yüngül şəkildə keçirəcək.

Elə deyil. Bu sonda hamımıza ziyan edəcək, ölkənin səhiyyəsinə mənfi təsir edəcək, digər xəstəlikdən əziyyət çəkənlərin müalicəsinin aparılmasına əngəl yaradacaq. Koronavirus xəstələri sayəsində həkimlərimiz xəstələnərək normal əməliyyatları uzun müddət apara bilməyəcəklər. Bunlar əhali olaraq həssaslıq göstərməli olduğumuz məqamlardır. Bunu pessimist düşüncə kimi qəbul etməsinlər.

Riyazi hesablamalara görə, həmin 100 virus daşıyıcısı evdə oturduqda, 2 həftə sonra xəstələnənlərin sayı 500-ə düşür, həyatını itirənlərin sayı isə 4-ə düşür. 100 nəfərin evdə qalması ilə yaranan fərqi görürsünüzmü?! Bunları nəzərə alaraq insanlara çağırış edirəm ki, evdə qalsınlar. Hər birimizin gələcəyi üçün, dünyamız üçün qaydalara riayət etmək lazımdır".
Prezidentin çağırışına sənətimlə kömək etmək istəyirəm - Həkim-kardioloqQalib Şəfahət
Həkim-kardioloq, AYB-nin üzvü, keçmiş hərbi qulluqçu

10 il həqiqi mənada ürəklə hərbi hissədə xidmət eləmişəm. Ən ağır infeksiyaları görmüşəm. Tulyaremiya, Taun, suçəyi , pinemaniya, qlamurulanefrit, infarktı demirəm bu mənim ixtisasima uyğun xəstəlikdir. Mən həkim kimi, romançı kimi bunu bacarıram.

Rüşvətxorluğa görə hər şeydən uzaq; sanatoriyada gedib kardioloq kimi faliyyət göstərdim. Bu çətin vəziyyətdə xalqımın yanında olmaq istəyirəm. Düzdü, pulum yoxdur, amma həkim kimi, bir insan kimi xalqımın yanında olmaq istəyirəm.

Hökümət mənə imkan versin, mən xalqıma kömək edə bilim. Mən TƏBİB-in müdüri Ramin Bayramlını tanıyıram. O da məni tanıyır. Amma imkan verin, xalqımın bu çətin vəziyyətində mən ona kömək ola bilim.

Mən xalqımın yolunda hər şeydən, canımdan da keçməyə hazıram. Bircə imkan verin...
Naxçıvanla sərhəddə bir şəxs xəstəxanadan qaçdı və...
Türkiyənin Azərbaycanla sərhədində yerləşən İqdır vilayətində Murad A. adlı bir şəxs karantinə aparılarkən xəstəxanadan qaçıb.

Axar.az xəbər verir ki, gün ərzində Türkiyə jandarma qüvvələri tərəfindən axtarılan Murad A. tapılaraq karantinə yerləşdirilib.

Onun bir qədər əvvəl xarici ölkələrdən birindən gəldiyi, koronavirus daşıyıcısı olduğu ehtimal edilir.
Karantin rejiminə əməl etməyən şəxslərə xəbərdarlıq edildi - FOTOMingəçevir şəhər İcra Hakimiyyəti və Polis Şöbəsinin əməkdaşları tərəfindən xüsusi karantin rejiminə əməl etməyən, yaşı 65-dən yuxarı olan şəxslərlə profilaktik söhbətlər aparılıb.

Daxili İşlər Nazirliyindən Avrasiya.net-ə verilən məlumata görə, koronavirus infeksiyasının qarşısının alınması məqsədilə ölkədə həyata keçirilən sosial izolyasiya tədbirləri barədə ətraflı məlumat verilib, eləcə də karantin rejiminin elan edilməsi bir daha həmin şəxslərin diqqətinə çatdırılıb.

Bu müddət ərzində evdə qalmalarının özləri və digərlərinin sağlamlığı üçün mühüm əhəmiyyət kəsb etdiyi vurğulanıb. Onlarla maarifləndirici söhbətlər aparıldıqdan sonra xəbərdarlıq edilib və yaşadıqları ünvanlara göndəriliblər
Novruz tətilinin müddəti bu tarixə qədər uzadıldı
Azərbaycan Respublikasının ərazisində xüsusi əmək rejimi olaraq beşgünlük iş həftəsində çalışanlar üçün 2020-ci il 29 mart - 3 aprel tarixləri, altıgünlük iş həftəsində çalışanlar üçün 26 - 28 mart və 30 mart - 4 aprel tarixləri qeyri-iş günləri müəyyən edilib.

Bu barədə Nazirlər Kabineti qərar verib.

Müəyyən edilib ki, bu qərar dövlət əhəmiyyətli, həyat təminatlı obyektlərə, həmçinin banklara, supermarketlərə, ərzaq mağazalarına, əczaçılıq müəssisələrinə, apteklərə, yeyinti məhsulları istehsalı müəssisələrinə və bu Qərarın əlavəsində nəzərdə tutulan dövlət orqanlarının və qurumlarının rəhbər şəxslərinə və zəruri halda onların işə cəlb etdikləri işçilərə şamil edilmir.
3 koronavirus xəstəsinin vəziyyəti ağırdır - Daha bir nəfər ölüb
Azərbaycan Respublikasında 6 yeni koronavirus (COVID-19) infeksiyasına yoluxma faktı aşkarlanıb.

Bu barədə Nazirlər Kabineti yanında Operativ Qərargahdan məlumat verilib.

"Qeyd olunan şəxslərdən 1 nəfər Azərbaycan Respublikası vətəndaşı yüksək bədən hərarəti və nəfəs darlığı şikayətləri ilə xəstəxanaya müraciət edib. Eyni zamanda şəkərli diabet və ürəyin işemik xəstəliyi olan pasiyentdən COVID-19 üçün götürülən analiz nümunələri müsbət çıxıb. Həkimlərin səyinə baxmayaraq, xəstənin vəziyyətinin kəskinləşməsi səbəbindən onun həyatını xilas etmək mümkün olmamış və pasiyent xəstəxanaya daxil olduğu gün vəfat edib. Xəstənin ailə üzvləri və ünsiyyətdə olduğu digər şəxslər müəyyən edilmiş və karantinə götürülüb.

Hazırda Azərbaycanda xüsusi rejimli xəstəxanalara yerləşdirilən 81 nəfər aktiv koronavirus xəstəsi həkim nəzarəti altındadır, onlardan 3 nəfərin vəziyyəti ağır, 5 nəfərin vəziyyəti isə orta ağır qiymətləndirilir, digərlərinin səhhəti stabildir. Həmin şəxslərin müalicəsi ilə bağlı zəruri tədbirlər davam etdirilir.

Ölkədə infeksiyaya yoluxma hallarının müəyyənləşdirilməsi məqsədilə müxtəlif karantin zonalarına yerləşdirilən 2914 nəfərin müayinəsi ilə bağlı müvafiq tədbirlər davam edir", - deyə Operativ Qərargahın məlumatında bildirilir.

Xatırladaq ki, koronavirus infeksiyasının yayılmasının, onun törədə biləcəyi fəsadların qarşısının alınması məqsədilə martın 24-dən aprelin 20-dək Azərbaycanda xüsusi karantin rejimi elan olunmuşdur. Xüsusi rejim qaydalarına əsasən, 65 yaşdan yuxarı insanlara evdən çıxmaq qadağan olunmuş, bu kateqoriyadan olan tənha yaşayan şəxslərə qanunvericiliyə əsasən sosial xidmətlərin göstərilməsi təmin edilir. Xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla, Bakı şəhəri, Sumqayıt şəhəri və Abşeron rayonuna giriş və çıxış məhdudlaşdırılmış, ictimai yerlərdə, o cümlədən küçələrdə, bulvarlarda, parklarda və digər yerlərdə vətəndaşların 10 nəfərdən artıq qruplarda cəmləşməsi qadağan edilmişdir.

Hazırda koronavirusa yoluxma halları həm Azərbaycana xaricdən gələn şəxslər sırasında, həm də ölkə daxilində insanların bir-birini yoluxdurması faktları üzrə aşkarlanır. Bu səbəbdən vətəndaşlarımızı bir daha gigiyena qaydalarına, Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

Vətəndaşlardan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək tələb olunur.
Dağ Yəhudiləri Dini İcması Fonda on min manat köçürüb
Hazırda planetimiz yeni növ koronavirus təhlükəsinin yayılması ilə üz-üzə qalıb. Bütün dünyada olduğu kimi Azərbaycanda da hökumətimiz tərəfindən ciddi və təxirəsalınmaz tədbirlər həyata keçirilir.

Bu prosesin birbaşa Azərbaycan Prezidenti cənab İlham Əliyevin nəzarəti altında olması və dövlət başçısının fövqəladə hallarda ölkə vətəndaşlarının yanında yer alması xalqımız tərəfindən böyük rəğbətlə qarşılanır. Bu gün Azərbaycan dövləti vətəndaşlarının təhlükəsizliyinin təmin olunması üçün bütün imkanlarını səfərbər edib.

Dağ Yəhudiləri Dini İcması koronavirus infeksiyasının ölkəmizdə yayılmasının qarşısının alınması məqsədilə Prezident İlham Əliyevin tapşırığı əsasında hökumətin həyata keçirdiyi tədbirləri çox yüksək qiymətləndirir.
Martın 25-də Dağ Yəhudiləri Dini İcması 10000 (on min) manat həcmində vəsaiti Koronavirusla Mübarizəyə Dəstək Fonduna köçürüb.