Bakıda 4-cü sinif şagirdi intihara cəhd etdi: Çantasını məktəbdə qoyaraq... - TƏFƏRRÜAT
Orta məktəb şagirdi intihara təşəbbüs edib.

Söhbət Xəzər rayonu Mərdəkan qəsəbəsində yerləşən Laçın rayon 32 nömrəli tam orta məktəbin 4-cü sinif şagirdi Elnurə Ağayevadan (ad şərtidir-müəll.) gedir.

Cebhe.info əməkdaşının verdiyi xəbərə görə, hadisə axşam saatlarında baş verib.

İkinci növbədə oxuyan Elnurənin bu addımı atmasına ailədaxili münaqişənin səbəb olduğu deyilir. Azyaşlının sözlərinə görə, atası ilə anası ayrılıb. Məhkəmənin qərarına əsasən, o, atası ilə, digər bacısı və qardaşı anası ilə birgə yaşayır. Qızın verdiyi məlumata görə, atası hər gün evə içkili vəziyyətdə gəlir və onu təhdid edir. Dərsdən çıxandan sonra evə qayıtmamaq qərarı alan şagird çarəni özünü öldürməkdə görüb. Çantasını məktəbin həyətinə ataraq küçəyə çıxan Elnurə özünü avtomobilin altına atmağa cəhd edib. Hadisə yerində olan valideynlər və məktəb şagirdləri bunu kənardan görərək vəziyyətə müdaxilə ediblər.

Hadisədən xəbər tutan məktəb direktoru Elnurəni yanına çağırtdıraraq onunla ətraflı söhbət edib. Söhbətdə məktəbin psixoloqu və eləcə də sinif rəhbəri iştirak edib. Azyaşlı təkidlə evə getmək istəmədiyini bildirərək müəllimlərdən kömək istəyib.

Direktor hadisə barədə ərazi üzrə polis bölməsinə məlumat verib. Polis əməkdaşları hər iki valideyini məktəbə çağırtdırıb. Uzun gözləntidən sonra Elnurənin atası içkili vəziyyətdə, anası isə ağlaya-ağlaya məktəbə gəlib. Polis əməkdaşlarına təzyiq göstərən atanı bölməyə aparıblar. Azyaşlı isə müvəqqəti olaraq anaya verilib.
Rövşən Lənkəranskinin qardaşına yeni vəzifə verilir? - Namiq Canıyev “iz”ləri itirir
2016-cı ili ilin avqustunda İstanbulda qətlə yetirilmiş kriminal avtoritet Rövşən Lənkəranskinin qardaşı, gömrük orqanlarında yüksək vəzifə tutmuş polkovnik Namiq Canıyev yenidən fəallaşıb.

Namiq Canıyev yerli saytlarda özü barəsində olan bütün materialları tez-tələsik sildirməyə başlayıb.

Qeyd edək ki, Rövşən Lənkəranskinin sağlığında ara-sıra medianın diqqətinə tuş gələn Namiq Canıyev qardaşının qətlindən sonra mətbuatda daha tez-tez görünürdü.

Gömrük polkovniki ilə bağlı ən səs-küylü olay isə onun 2017-ci ilin noyabrında İstanbulda kriminal avtoritet Nadir Səlifova (Lotu Quli) qarşı 11 nəfərlik qrupla sui-qəsd təşkil etməsi oldu.

Səlifovun öldürülməsinə uğursuz cəhd nəticəsində həbs olunan Canıyev təqribən 2 ay İstanbul həbsxanasında saxlanıldıqdan sonra tanınmış iş adamı, “Palmali” Şirkətlər Qrupunun rəhbəri Mübariz Mənsimovun köməyi ilə 2018-ci il yanvarın 9-da azadlığa buraxılmışdı.

Son iki ildə ortalıqda görünməyən Namiq Canıyevin yenidən özünü xatırlatması, bu çərçivədə mediada barəsində yayımlanmış materialları sildirməyə başlaması onun hansısa ciddi hazırlıq ərəfəsində olduğunu söyləməyə əsas verir.

Bu xüsusda ən real ehtimal isə onun keçmişinə dair neqativ “iz”ləri belə sürətlə sildirməsinin arxasında yüksək vəzifəyə təyinat gözləntisinin dayanması ilə bağlıdır. /Yenicag.az
İranın vurduğu təyyarədə 4 azərbaycanlı olub - Şok detal
Ötən günlərdə Tehranda SEPAH tərəfindən raketlə vurulan Ukraynaya məxsus “Boinq 737-800” tipli sərnişin təyyarəsində həlak olanlardan 4-ü Güney Azərbaycanın Xoy şəhərindən olub.

Avrasiya.net Günaz Tv-yə istinadən xəbər verir ki, Xoy əhalisi sosial şəbəkələrdə çağırış mətni yayaraq günahsız yerlilərinin təyyarədə həlak olması ilə bağlı etiraz yığıncağı keçirəcəklərini bildiriblər.

Mətndə bildirilir:

“Boinq sərnişin təyyarəsinin SEPAH-ın özbaşına əməkdaşları tərəfindən birbaşa vurulması faciəsində dörd yerlimiz həlak olub. Bunun üçün bazar ertəsi günü yerli vaxtla saat 17:00-da Xoy şəhərinin mərkəzinə toplaşaraq dinc etiraz aksiyası keçirərək faciəni yaradanlar və yalançı şəxslərin məhkəmə qarşısına çıxarılmasını tələb edəcəyik. Bundan əlavə təyyarə faciəsi qurbanlarının xatirəsinə şamlar yandırılacaq.”

Xatırladaq ki, yanvarın 8-də Tehranın Xomeyni Beynəlxalq Hava Limanından qalxaraq Kiyev şəhərinə istiqamət götürən “Ukrayna Beynəlxalq Hava Yolları”na məxsus “Boinq 737-800” tipli sərnişin təyyarəsi İslam İnqilabı Keşikçiləri Korpusu tərəfindən vurulub. Nəticədə təyyarədə olan 9 nəfər heyət üzvü və əksəriyyəti İran və Kanada vətəndaşlarından ibarət 167 sərnişin həlak olub. Bu faciə İran və Güney Azərbaycan şəhərlərində geniş etiraz aksiyalarına yol açıb.
ADAU ilklərə imza atmaqla tarix yazırTəhsil Nazirliyi yanında fəaliyyət göstərən İctimai Şuranın yeni tədris ilində ilk səfəri Gəncədə baş tutub.

Avrasiya.net xəbər verir ki, şuranın məsul katibi İlqar Orucov öz təəssüratlarını AzEdu.az-la bölüşüb:

“İctimai Şura olaraq Azərbaycan Dövlət Aqrar Universitetinə (ADAU) olan səfərimiz payız semestr imtahanlarının başlaması ilə əlaqəli idi. Səfər çox müsbət təəssüratlarla yaddımda qalıb. Hesab edirəm ki, biz bu təəssüratları paylaşmaqla ali təhsil müəssisənin fəaliyyəti barədə ictimaiyyəti məlumatlandıra, digər tərəfdən də universitetlərimizin hamısı üçün bir nümunə göstərə bilərik. İctima Şuranın da əsas vəzifəsi müsbət cəhətləri təbliğ etmək, mənfi halları, çatışmazlığı aşkarlamaq və digər məsələlərlə bağlı mövqe bildirməkdən ibarətdir.

ADAU müxtəlif adlarla da olsa, artıq 100 illik tarixi bir yol keçib. Bu il universitetin 100 illik yubileyi qeyd olunacaq. Əvvəllər “Gəncə Kənd Təəssərüfatı İnstitutu ” adı ilə çox mənfi imic qazanmış, neqativ işlərlə yadda qalmış bir institut indi müasir bir universitete çevrilib.

Təbii ki, universitetin bu dərəcədə dəyişməsində ölkə başçısının, Kənd Təsərrüfatı Nazirliyinin və universitetin rektoru, AMEA-nın müxbir üzvü, professor İbrahim Cəfərov böyük əmək, əziyyət və səy nümayiş etdirib. Universitetin yenilənməsi təkcə maddi texniki-bazası ilə kifayətlənilməyib, eyni zamanda müəllim kollektivi də yenilənib. 100 nəfərdən çox gənc müəllim burda işə qəbul olunub. Həmin müəllimlər beynəlxalq dilləri bilir, dünyada gedən elm və təhsillə bağlı yeniliklərdən xəbərdar və birbaşa əlaqədə olan insanlardır. Bununla da universitetin bütövlükdə siması dəyişib”.

Şura üzvü son illərdə universitetdə görülən işləri də diqqətə çatdırıb:

“Universitetin kitabxanası da xeyli zənginləşib. Xatırlayırsınızsa, Lənkəran Dövlət Universitetində dərsliklərlə bağlı ciddi narahatlıqlar mövcud idi. Lakin ADAU-da xeyli sayda müasir dərsliklər yazılıb və həmin dərsliklər tələbələrə pulsuz verilib. Kitabxanalar da həmin lazımı vəsaitlərlə təmin olunub. Onu da qeyd edim ki, universitetdə dünyanın nüfuzlu aqrar sahə üzrə olan təhsil müəssisələri ilə əməkdaşlıq müqavilələri, referandumlar imzalanıb, proqramlar yenilənib, Türkiyənin və Avropanın bir neçə universitetləri ilə ikili diplom proqramları həyata keçirilib. Universitetin kollektivi Azərbaycanın elmi ictimaiyyətinin bəhrələnə bilmədiyi Avropa Birliyinin müəllimlər üçün mübadilə proqramlarına qoşulmaqda israrlıdır və bunun üçün çalışırlar. Azərbaycan, ingilis, rus bölmələri üzrə tədris aparılır və ingilis sektorunda dili kifayət qədər yaxşı bilən müəllimlər fəaliyyət göstərir”.

O bildirib ki, imtahanlar da 3 cür-yazılı, şifahi və test üsulu ilə keçirilir. Lakin məqsəd tələbədən yazılı və şifahi imtahan götürən obyektiv müəllimlərin formalaşdırılmasıdır.

“Rektor mənə danışırdı ki, universitetdə elə müəllim var ki, elmi dərəcəsinə görə professordur, amma ona imtahan etibar etmək olmaz. Çünki həmin professor nüfuzunu itirib və ya imtahan götürərsə neqativ hallara yol verə bilər. Tədricən belə müəllimlərin yerini etibarlı gənc kadrlar tutur. Artıq 20% tələbə yazılı və şifahi imtahan verir ki, onlar bilavasitə tədris aparan müəllimlə ünsiyyətdə olur. Burada müəllim tələbəyə, tələbə də müəllimə inanır. Bundan əlavə imtahan otaqları kamera nəzarətindədir. Digər xoşagəlməz halların baş verməsinin ehtimalı belə yoxdur”.

İ.Oruclu ADAU-da reallaşdırılan çox müsbət təcrübəni də vurğulayaraq qeyd edir ki, görülən işlər nəticəsində artıq universitet özəl sektordan xeyli gəlir əldə edir.
“Bildiyiniz kimi aqrar sahə Azərbaycan üçün çox əhəmiyyətlidir. Universitetin 5000 tələbəsinin 70 % dövlət sifarişi əsasında təhsil alır. Yəni digər universitetlərlə müqayisədə burada ödənişli təhsil daha azdır. Bu o deməkdir ki, universitet təkcə tələbələrin təhsil haqqı vəsaiti ilə pul qazanmır, burada təşkil olunmuş laboratoriyalar universitetə gəlir gətirir. Bu da yeni bir təcrübədir. Çünki biz hər zaman bununla bağlı narahatlığımızı dilə gətiririk ki, Azərbaycan ali təhsil müəssisələri pul qazana bilmirlər. Yalnız dövlət vəsaiti hesabına onların büdcəsi formalaşır. Amma Aqrar Universitet özəl sektordan böyük sifarişlər alır, laboratoriya şəbəkələri, təcrübə bazalarında saxlanılan heyvanların kəsimi və satışından pul qazanılır. Eyni zamanda üniversitetin əkin sahələrində, istixanalarda yetişdirilən məhsulları satışa çıxarılır. Düzü, mən bu təcrübəni Bolqarıstanda, Macarıstanda görmüşdüm. Bu təcrübəni Azərbaycanda görmək çox müsbət bir tendensiyadır ki, universitetlər profillərinə, ixtisaslarına uyğun olaraq gəlir əldə edirlər. Təbii ki, bütün sadaladığımız təcrübə sahələrində çalışanlar tələbələrdir. Ən müasir texnikalar istifadə edilir. Biz universitetin rektoru ilə söhbət edəndə o bu texnikaların tələbələrin istifadə etməsində maraqlı olduğunu bildirdi. O deyirdi ki, tələbənin onu xarab etməyi, istismar etməyi problem deyil, təki texnikanı öyrənsin”.

O həmçinin universitetdə tələbə-müəllim, rəhbərlik-tələbə arasında olan dostluq münasibətinlərini, rəhbərlik tərəfindən təflik olunan maraqlı bir elanı da vurğulayıb.

“Ən xoşuma gələn məqam universitet rəhbərliyi ilə tələbələr arasında olan dostluq münasibətidir. Biz tələbə şəhərciyində gəzərkən onlar yüksək əhval-ruhiyyədə dostları ilə görüşürmüş kimi rektorla salamlaşıb-sağollaşır, söhbət edirlər. Onların arasında heç bir baryer yoxdur. Çox təəssüflər olsun ki, biz universitetlərimizin əksəriyyətində bu cür münasibətlə qarşılaşmırıq. Amma hər kəs bilməlidir ki, universitet tələbə üçündür. Tələbə olmasa universitet də yoxdur. Təssəvvür edin ki, 5000 min tələbənin az qala hamısını rektor adları ilə çağırır, tanıyır. Çox müsbət haldır ki, universitet yaxşı oxuyan, fərqlənən tələbələrə 200 manat, orta qiymətlərlə oxuyan tələbərə isə 100 manat təqaüd verir. Universitet bu ildən maraqlı bir elan verib. Bu il 700 bal toplayan qız abituriyentlər bu universiteti seçərsə, onlara 15 min manat, oğlanlara isə “Niva” markalı avtomobil hədiyyə olunacaqdır. Belə təcrübələr xaricdə var. Bunu Azərbaycandan görmək çox sevindirici haldır”.

Şura üzvü bildirib ki, universitetdə yenidənqurma işləri hələ də davam etdirilir. Yeni korpuslar, yataqxana, kollec və peşə məktəbləri açılıb yaxud fəaliyyəti nəzərdə tutulur.

“5000 tələbəsi olan universitet ən müasir standartlara uyğun yataqxana kompleksi inşa edib. Təxminən 4 ulduzlu oteller səviyyəsində olan yataqxanalardır. Yeməkxanalarda güzəştlər edilir, yeməklər simvolik qiymətlərlə satılır. Təsəvvür edin ki, tələbənin burada bir günlük yaşamı 1 manata başa gəlir. İllik 300 manata tələbə burada yaşayır. Bununla yanaşı, universitetin yeni tədris binaları inşa edilir, həmçinin universitetin nəzdində aqrar kollec yaradılır və peşə məktəbinin fəaliyyəti üçün işlər görülür. Bütün bunlar çox vacibdir və universitetin maddi-texniki bazası bütün bu işləri görməyə imkan verir. Yəqin ki, gələcək ildə həm peşə məktəbinin, həm də kollecin açılışını görəcəyik”.

O, universitetin daha bir vacib işini də diqqətə çatdırıb. Belə ki, ADAU məzunların elektron izləməsini həyata keçirir. Tələbə universiteti bitirdikdən sonra onun fəaliyyətinin necə olması ilə maraqlanırlar.

“Bu təcrübə Azərbaycanda ilkdir. Biz hər zaman universittelərə tövsiyə edirdik ki, məzunlarımızın elektron izlənməsini həyata keçirək. Diplom verdiyiniz gənclərin sonraki abiqəti necə olacaq? Bununla maraqlanmaq lazımdır. Məzunların iş tapmasında köməklik göstərilməsi, əmək bazarında özünə iş tapa bilən gənclər yetişdirilməsi məsələlərini Aqrar universiteti həyata keçirir.Ölkədə aqrar məhsullar istehsal edən “Gilan” holdinq kimi böyük şirkətlərlə əməkdaşlıq edirlər”.

“Biz İctimai Şura olaraq may ayında Gəncədə “Tədqiqat universiteti necə olmalıdır?” mövzusunda konfrans təşkil etməyi planlaşdırırıq. Digər ali təhsil müəssisələrini də həmin konfransa cəlb etməyi düşünürük. Eyni zamanda, mayda nəzərdə tutulan səfərdə Gəncədə olan bütün ali təhsil müəssiələrinə və məktəblərinə gedəcəyik. Əminəm ki, bizim gələcək illərdə aqrar sahədə olan kadrlarımız lazımı səviyyədə olacaqlar”- deyə məsul katib İ. Oruclu sözlərinə əlavə edib.
ABŞ ən böyük iki düşməninin adını açıqladı: Siyahıda İran yoxdur
ABŞ üçün əsas təhlükə Çin və Rusiyadır. Bu barədə ABŞ prezidentinin milli təhlükəsizlik məsələləri üzrə müşaviri Robert Obrayn “Axios” portalına müsahibəsində bəyan edib.

“Milli müdafiə strategiyasına uyğun olaraq Amerikaya qarşı ən böyük iki təhlükə özünə bərabər rəqiblər - Çin və Rusiyadan gəlir”, - deyə Obrayn bildirib.

O, əlavə edib ki, ABŞ heç vaxt Çin kimi qüvvələri bərabər rəqiblə qarşılaşmayıb.

Obrayn öz nəticəsini Çinin siyasi sistemi, əhalisi, qlobal ambisiyaları, həmçinin dünya ticarəti və iqtisadiyyatına hakim olmaq hədəfi ilə əsaslandırıb. Onun sözlərinə görə, Çin çox ciddi qəbul edilməlidir.

“Çin də daxil olmaqla, heç kimin hərbi baxımdan bizə etiraza cəsarət etməməsi üçün kifayət qədər güclü olmalıyıq”, - deyə müşavir vurğulayıb
Bakı metrosunda gənc oğlan özünü qatar yoluna atdı4
Bu gün saat 14: 12 radələrində metronun “20 Yanvar” stansiyasında bir nəfər özünü qatar yoluna atıb.

Azvision.az -ın məlumatına görə, maşinist dərhal qatarı dayandırıb. Kimliyi məlum olmayan gənc oğlan qatar yolundan çıxarılaraq, hüquq mühafizə orqanlarının əməkdaşlarına təhvil verilib.

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov sayta açıqlamasında faktı təsdiqləyib. O bildirib ki, hadisə zamanı həmin şəxs xəsarət almayıb. Onun intihar məqsədilə özünü qatar yoluna atdığı dəqiq bilinmir.

Hazırda faktla bağlı araşdırma aparılır.
Vilayət Eyvazov müavininin qardaşını işdən çıxardı
Baş Dövlət Yol Polisi İdarəsində (BDYPİ) kadrlar şöbəsinin rəisi, polkovnik-leytenant Fail Quliyev vəzifəsindən azad olunub.

Unikal.org-un əldə etdiyi məlumata görə, Daxili İşlər naziri, general-polkovnik Vilayət Eyvazov bununla bağlı əmr imzalayıb.

Qeyd edək ki, polkovnik-leytenant Fail Quliyev Azərbaycan Respublikasının daxili işlər nazirinin müavini - Baş Təşkilat-İnspeksiya İdarəsinin rəisi, polis general-leytenantı Fazil Quliyevin qardaşıdır.
İranlılar Süleymaninin qisasını çobanlardan aldıİran yaraqlıları Suriyada dəhşətli qətliam törədibkər.

Virtualaz.org xarici KİV-lərə istinadən xəbər verir ki, suriyalı fəallar Raqqa və Deyr-əz-Zor vilayətləri arasında yerləşən Maadan rayonunda 21 çobanın öldürüldüyünü bildirir. Qətliam İran İnqilab Keşikçiləri Korpusunun “Əl-Qüds” qüvvələrinin komandiri, general Qasım Süleymaninin ABŞ tərəfindən öldürülməsindən iki gün sonra törədilib.

Hadisənin baş verdiyi rayon Suriya rejiminin nəzarətindədir. Suriya mənbələri və bir çox xəbər saytları çobanların iranlı yaraqlılar tərəfindən öldürüldüyünü yazır. Yerli sakinlər deyiblər ki, qətliam Süleymaninin öldürülməsinin qisası olaraq törədilib.

General Süleymani Suriya münaqişəsinin “arxitektoru” hesab edilir, məhz onun aparıcı rolu sayəsində şiə yaraqlıları Əsəd rejiminin müdafiəsinə qalxıb. Və generalın ölümü rejim tərəfdaşlarının sıralarında qəzəb yaradıb. Suriya İnsan Haqları Şəbəkəsi bildirir ki, öldürülənlər arasında üç uşaq da olub.

Suriya üzrə tədqiqatçı Navvar Saban Al-Quds Al-Arabi qəzetinə deyib ki, qətliama görə iranlı yaraqlılar günahkardır. Onun bildirdiyinə görə, iranlı yaraqlılar Maadanda rejimin nəzarətində olan rayonlarla kürdlərdən ibarət Suriya Demokratik Qüvvələri alyansının nəzarətində olan rayonlar arasında nəzarət-buraxılış məntəqələrindən istifadə ediblər. Və nəzarət-buraxılış məntəqəsi bağlandıqdan sonra həmin rayonda qalıbar.

Qeyd edək ki, Suriya Demokratik Qüvvələri ABŞ tərəfindən dəstəklənir.
Nazir jurnalistlə görüşdü və ona telefon nömrələri verdi ki...
Daxili İşlər naziri, general-polkovnik Vilayət Eyvazov Criminal.az saytının baş redaktoru, jurnalist Anar Məmmədovu qəbul edib.

Avrasiya.net xəbər verir ki, bu barədə Anar Məmmədov özü məlumat yayıb. O bildirib ki, nazir son günlər sosial şəbəkələrdə guya naməlum şəxslər tərəfindən “vəhşicəsinə döyülməsi” barədə yayılmış məlumatlarla bağlı dinləyib:

“Nazirə barəmdə sosial şəbəkədə yayılmış yalan məlumatlar, eyni zamanda bu qəbildən olan olan məlumatları yaymaqda şübhəli hesab etdiyim şəxslərlə bağlı məlumat verdim... Bütün hallarda baş verənlərin peşə fəaliyyətimlə bağlı olduğunu Vilayət Eyvazovun diqqətinə çatdırdım. Məni diqqətlə dinlədi. Bildirdi ki, ona ünvanladığım açıq məktubda ifadə edilən məqamları nəzərə alıb, dərhal şəxsi nəzarətə götürüb. Vurğuladı ki, müraciətimlə bağlı zəruri araşdırma aparılacaq. Nazir əlavə etdi ki, bunun üçün kifayət qədər texniki imkanlara malikdirlər. Daxili İşlər Nazirliyi MDB məkanında ən yüksək səviyyətə texniki təchizata malikdir. Bütün vətəndaşlar, o cümlədən jurnalistlərin təhlükəsizliyi bizim üçün önəmlidir. Heç kəsə imkan vermərik ki, kimisə təhdid etsin”.

A.Məmmədov əlavə edib ki, görüşdən sonra ona bir neçə telefon nömrəsi də verilib, hər hansı təhlükə və təhdid olarsa, təcili olaraq həmin nömrələrlə əlaqə saxlaması tapşırılıb.
Sığortalanmayan evlərə görə cərimə olmayacaq - ŞAD XƏBƏR
İcbari Sığorta Bürosunun icraçı direktoru Rəşad Əhmədov daşınmaz əmlakın icbari sığortası ilə bağlı suallara aydınlıq gətirib.

Avrasiya.net xəbər verir ki, "İTV xəbər-Yekun"da məsələyə münasibət bildirən R.Əhmədov bildirib ki, dövlət qeydiyyatında olan evlərin siyahısının Dövlət Əmlak Komitəsindən İcbari Sığorta Bürosuna ötürülməsi üçün zəruri qanunvericilik aktı yoxdur:

“Qanunvericilik əmlak məsələləri üzrə komitənin bizə məlumatı ötürməsini nəzərdə tutmayıb. Bu səbəbə görə də biz hələ ki, inteqrasiyanı həyata keçirə bilməmişik. Qanunvericiliyə müvafiq dəyişiklik edildikdən sonra inteqrasiyanın həyata keçirilməsi mümkün olacaq. Sığorta şəhadətnamələri elektron olacaq və elektron sistemlərdə hansı ünvanda sığortanın olub-olmaması müəyyən ediləcək”.

Məsələyə münasibət bildirən iqitisadçı Samir Əliyev Modern.az-a deyib ki, Rəşad Əhmədovun bu açıqlaması ilə icbari sığorta məsələsinə xeyli aydınlıq gətirilib:

“İcbari Sığorta Bürosunun (İSB) rəhbərinin açıqlaması ajiotaja bir müddət nöqtə qoydu. Söhbət ondan gedir ki, dövlət qeydiyyatında olan (kupçalı) evlərin siyahısının İSB-nin Dövlət Əmlak Komitəsindən (DƏK) alması üçün zəruri qanunvericilk aktı yoxdur. Yəni, bu qayda olmayınca, DƏK qeydiyyatlı evərin siyahısını İSB-yə ötürə bilməz. Bu məlumat ötürülmədiyi üçün kimin evinin sığortalı, kiminkinin isə sığortasız olduğunu müəyyənləşdirmək mümkün olmayacaq və deməli, cərimə də olmayacaq. Ona görə də Nazirlər Kabinetinin müvafiq qərarı olmadan kiminsə cərimələnməsi real deyil. Əslində ajiotaja səbəb Nazirlər Kabinetinin 21 may 2019-cu il tarixli 354s nömrəli Sərəncamı ilə tədiq edilmiş “Sığorta sektorunun inkişaf etdirilməsi üçün görülməli işlərlə bağlı Tədbirlər Planı” olub. Sığorta şirkətləri də vəziyyətdən istifadə ediblər”.

S.Əliyev qeyd edib ki, əmlakın sığortasının icbariliyi aradan qaldırılmalı, könüllü mexanizmə keçilməlidir.



“Əgər dövlət icbarilikdə qərarlıdırsa, hansı ki bunun qəti əleyhinəyəm, bu halda heç olmazsa, 3 ili öz büdcəsi hesabına ödəməlidir. Bu il isə icbari sığorta tətili olmalıdır, yəni cərimə məsələsi gələn ildən başlamalıdır”, - deyə iqtisadçı bildirib.