ABŞ və Rusiyanın döyüş gəmiləri üz-üzə gəldiOman dənizində ABŞ və Rusiyanın hərbi gəmiləri arasında təhlükəli anlar yaşanıb.

Publika.az xarici KİV-lərə istinadən xəbər verir ki, Rusiyanın hərbi gəmisi ABŞ donanmasına məxsus “USS Farragut” adlı döyüş gəmisinə təhlükəli şəkildə yaxınlaşıb. Xəbərdarlıqlara baxmayaraq, Rusiya gəmisi hərəkətini davam etdirib. Lakin son anda gəmilər manevr edərək toqquşmadan yayınıblar.

Rusiya və ABŞ tərəfi hələlik məsələyə rəsmi münasibət bildirməyib.
Nərminin saxlanıldığı yerin görüntüləri yayıldı - Video
Xəbər verdiyimiz kimi, 10 yaşlı Nərmin Quliyevanı öldürməkdə şübhəli bilinən Dondar Quşçu kənd sakini, 1973-cü il təvəllüdlü Süleymanov İlkin tutularaq istintaqa cəlb edilib.

Avrasiya.net unikal.org-a istinadən xəbər verir ki, İ.Süleymanov şübhəli şəxs qismində müdafiəçinin iştirakı ilə dindirilərkən törətdiyi əməli tam etiraf edib.

Rəsmi məlumata görə, onun yaşadığı evin həyətinə giriş qapısının və həyətə döşənmiş süni daş örtüyünün üzərindən, N.Quliyevanın saxlanıldığı otaqda olan çarpayının örtüyü və pərdənin üzərindən qanabənzər ləkələr, eləcə də iş üçün əhəmiyyət kəsb edən digər əşyalar maddi sübut kimi götürülüb.

İ.Süleymanovun evindən görüntüləri təqdim edirik:
Nərminin qatili ilə bağlı yeni FAKT - Televiziyada çalışıb
10 yaşlı Nərmin Quliyevanın öldürülərək yandırılmasında təqsirli bilinən 1973-cü il təvəllüdlü İlkin Süleymanov barəsində yeni faktlar aşkarlanıb.

Avrasiya.net xəbər verir ki, BAKU.WS-in bölgə müxbirinin əldə etdiyi məlumata görə, İlkin Süleymanov 2000-ci ildə "Simurq M" televizyasında işləyib. O, 7 ay qeyd olunan televizyanın xəbərlər deportamentində çalışıb.

Vaxtı ilə sevdiyi qızla evlənə bilmədiyinə görə, ailə qurmayıb.

Elman Rüstəmov manatın 2020-ci il məzənnəsi haqda danışıb
2020-ci ildə manatın məzənnəsi öz dinamikasını qoruyacaq.

Virtualaz.org bildirir ki, bunu Mərkəzi Bankın sədri Elman Rüstəmov Azərbaycan Sahibkarlar (İşəgötürənlər) Təşkilatları Milli Konfederasiyasının nümayəndələri, sahibkarlar və bank rəhbərləri ilə görüşündə deyib. Onun sözlərinə görə, manatın məzənnəsinin dinamikası bu il də aşağı inflyasiyanın vacib şərtlərindən biri olacaq.

E.Rüstəmov, həmçinin qeyd edib ki, hazırda Azərbaycan Mərkəzi Bankının valyuta ehtiyatları 51 milyard dolları keçib: "Bu göstərici ölkənin xarici borcundan 5 dəfə çoxdur və ümumi daxili məhsul səviyyəsindədir".
ABŞ İraqdan çıxmaq istəmir “ABŞ adminstrasiyasının gündəmində İraqdan çəkilmək mövzusu yoxdur”.

Publika.az xəbər verir ki, ABŞ-ın Dövlət Departamentindən belə açıqlama verilib. Bildirilib ki, Vaşinqton hazırda prosesi həyata keçirməyə hazır deyil.

Xatırladaq ki, İraqın Baş naziri Adil Əbdülmehdi amerikalı əsgərlərin ölkədən çəkilməsi üçün Vaşinqtondan addımlar atmağı, Bağdada nümayəndə heyəti göndərməyi tələb edib
Bu şirkətlər İrana uçuşları dayandırdı
Almaniyanın “Lufthansa” aviakompaniyası təhlükəsizlik səbəbindən yanvarın 20-dək Tehrana uçuşları dayandırmaq qərarına gəlib.

Axar.az xəbər verir ki, bu barədə kompaniyanın yanvarın 10-da yayılmış bəyanatında bildirilir.

“Lufthansa” Tehrana uçuşları Frankfurt-Mayn şəhərindən həyata keçirirdi. Kompaniya Ukrayna təyyarəsinin qəzaya uğraması barədə xəbərdən sonra İranın paytaxtına uçan təyyarəsini geri çağırıb.

“Austrian Airlines” aviakompaniyası da Vyanadan Tehrana uçuşları yanvarın 20-nə qədər ləğv etdiyini bildirib.

Avstriyanın Xarici İşlər Nazirliyi yanvarın 6-da Bağdaddakı səfirliyini bağlamış, vətəndaşlarına İraqa getməməyi tövsiyə etmiş, yanvarın 8-də isə vacib olmadığı təqdirdə İrana səfər etməməyə çağırmışdı.

Regionda vəziyyət yanvarın 3-də Amerikanın İraq ərazisinə endirdiyi raket zərbələrindən sonra gərginləşib. Yanvarın 8-də gecə saatlarında İran ABŞ-ın İraqdakı hərbi bazalarını atəşə tutub. Həmin gün səhər isə Tehran-Kiyev reysini həyata keçirən “Boinq-737” təyyarəsi havaya qalxdıqdan az sonra qəzaya uğrayıb. Qəza zamanı Ukraynaya məxsus təyyarənin göyərtəsindəki 176 nəfərin hamısı həlak olub. Təhqiqatın nəzərdən keçirdiyi versiyalar arasında təyyarənin səhvən İranın “yer-hava” tipli raketi ilə vurulması ehtimalı da var.
Nərminin qətli ilə bağlı dəhşətli detallar - Qatil onu çardağa gətirib...
İstintaq 10 yaşlı Nərmin Quliyevanın vəhşicəsinə qətlə yetirilməsinin bütün detallarını müəyyən edib. Faktla bağlı saxlanılan Quliyevlərin 47 yaşlı qonşusu İlkin Süleymanov etiraf xarakterli ifadə verib.

Avrasiya.net bildirir ki, Oxu.az-ın hüquq-mühafizə orqanlarından əldə etdiyi məlumatlara əsasən, Nərmin Quliyevanın əmisinin həyətindən çıxmasından sonra küçədə İ.Süleymanovla qarşılaşıb.

O, qızı aldadaraq evinə aparıb. Qatil qıza öz qızı kimi qulluq edəcəyini söyləyərək, onu çardağa gətirib. Nərmin evə qayıtmaq istədikdə isə Süleymanov onun əlini və qolunu bağlayıb, ağzına yapışqan lent vurub.

Qatil uşağı qaçmağa və ya kömək çağırmağa çalışacağı halda cəzalandırmaqla hədələyib.

Məlumdur ki, saxlanılan şəxsin qurbanı saxladığı ev boş olub. İ.Süleymanovun valideynləri bu evin yanındakı kiçik xidməti evdə yaşayıblar. Onlar ifadə verən zaman oğullarının tez-tez həmin evə girdiyini gördüklərini, lakin onun orada Nərmini saxladığını ağıllarına belə gətirmədiklərini qeyd ediblər.

Valideynlərin sözlərinə görə, onlar oğullarının çardaqda meyvə qurutduğunu düşünüblər. Ən azından o özü tez-tez dama çıxmasını bununla izah edib. Uşağın təcavüzə uğraması faktı hələlik təsdiqlənməyib, çünki məhkəmə-tibbi ekspertizası hələlik müvafiq rəy açıqlamayıb, İ.Süleymanov isə bununla bağlı etiraf etməyib.

Saxlanılan şəxsin sözlərinə görə, polislər daim hadisə yerində olub, qohumları və qonşuları dindiriblər və o da bütün bunları görüb. O, başa düşüb ki, əgər qızı dərhal öldürsə, cəsəd çürüməyə başlayacaq və üfunət dərhal polisləri onun yanına gətirəcək.

Vacib detalı qeyd edək ki, bütün bu vaxt ərzində qızı qaçıran şəxs “Səni axtarıram” verilişinə baxıb və Nərminin qohumlarının onun yoxa çıxmasında bir-birini necə ittiham etməsini görüb.

Bu yolla istintaqın gedişini izləyib və əmin olub ki, cinayətdə onun iştirakından heç kim şübhələnmir. Qatilin nəyə görə qızın cəsədindən valideynlərinin evi yaxınlığında yaxa qurtarması bununla izah olunur.

O, istintaqı çaşdırmaq və şübhələri qurbanın qohumlarının üzərinə çəkmək istəyib. Öldürdükdən sonra qatil Nərminin cəsədini tikinti arabasına qoyub, tapıldığı yerə gətirib və yandırıb. Arabanı gizlətdikdən sonra polisə zəng vurub və uşağın cəsədini alovlar içində gördüyünü bildirib.

İstintaq tədbirləri davam etdirilir.














Haqqımızda
Bizimlə əlaqə
Saytda reklam
Yuxarı
© Publika.Az 2020Bakı şəhəri, Binəqədi rayonu,
S.S.Axundov küçəsi 31/23
(+994 12) 464-6174,464-61-75, 464-61-76
Haftar Türkiyəyə görə limanları blokladı
Liviya Milli Ordusunun rəhbəri Xəlifə Haftar Milli Razılıq Hökumətinin nəzarətində olan Misrata və Xüms limanlarına gəmilərin girişini qapadıb.

Axar.az xəbər verir ki, bu məlumatı “Skay Nyus Arabia” televiziyası yayıb. Girişin təkcə Milli Razılıq Hökumətinin gəmilərinə yox, bütün gəmilərə qadağan etdiyi bildirilib.

Qeyd edək ki, bundan öncə Türkiyənin Liviya Milli Razılıq Hökumətinə dəstək üçün bölgəyə öz hərbçilərini və gəmilərini göndərəcəyi bildirilmişdi. Üstəlik, Haftarın Rusiya və Türkiyənin sülh planını qəbul etmədiyi haqqında məlumat yayılmışdı.
Cinayəti etiraf etdi: Nərminin qətilndə şübhəli bilinən şəxsin fotosu yayıldı – Foto
Tovuzda azyaşlı Nərmini qətlə yetirərək evlərinin yaxınlığında yandıran şəxsin fotosu əldə edilib.

Avropa.info News24.az-ın əldə etdiyi fotonu təqdim edir.

Xatırladaq ki, Tovuz rayonunun Dondar Quşçu kəndində anadan olmuş 2010-cu il təvəllüdlü Quliyeva Nərmin Şərif qızının 21 noyabr 2019-cu il tarixdə itkin düşməsi ilə əlaqədar aparılmış araşdırmalarla onun qəsdən öldürülməsinə kifayət qədər əsaslar müəyyən edildiyindən Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanıb.

Yanvarın 6-da azyaşlının Dondar Quşçu kəndi ərazisində yanmış meyitinin aşkar olunması ilə əlaqədar dərhal Daxili İşlər Nazirliyinin, Baş Prokurorluğun, Ədliyyə Nazirliyinin Məhkəmə Ekspertizası Mərkəzinin və Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin təcrübəli əməkdaşları Tovuz rayonuna ezam olunublar.

Tovuz rayonunun hüquq-mühafizə orqanlarının əməkdaşları 10 yaşlı Nərmin Quliyevanın qətlində şübhəli bilinən 47 yaşlı İlkin Süleymanovun cinayəti törətdiyini müəyyənləşdirib.

Qeyd edək ki, İ.Suleymanov subaydır və ali təhsillidir. O, 3 dil (Azərbaycan, rus və ingilis) bilir. İlkin Rusiyada oxuyub və işləyib. Son illərdə valideynləri ilə yaşayırdı.

İ.Suleymanov Şərif Quliyevin (Nərminin atası) evindən 500 metr məsafədə yaşayırmış.

Bildirilir ki, bütün bu vaxt ərzində İlkin Nərmini kəndin ərazisində ailəsinə məxsus evdə gizlədirdi. İlkin törətdiyi əməllərin hamısını polisə detalları ilə nümayiş etdirib.
Nərminin qatili tək o deyil – Əmisi yeni faktlar açıqladı
Nərmini qətlə yetirən İlkin Süleymanova başqaları da kömək edib.

Bu sözləri Axar.az-a açıqlamasında Nərminin əmisi Lətif Quliyev deyib. O bildirib ki, hadisənin təfərrüatı barədə onlara tam məlumat verilməyib:

“İlkin Süleymanova başqaları da kömək edib. Sabah və yaxud biri gün daha geniş məlumat açıqlanacaq. Bizdə Nərminin dəqiq nə zaman və nə səbəbə öldürülüməsi, niyə yandırılması barədə məlumat yoxdur. Ancaq bildiriblər ki, İ.Süleymanovdan başqa şübhəlilər də var. Hazırda istintaq o istiqamətdə gedir”.

Qeyd edək ki, az öncə Baş Prokurorluq və DİN birgə bəyanat yayaraq, Nərmin Quliyevanın qətlində şübhəli bilinən qonşusu İlkin Süleymanovun saxlanıldığını və onun qətli etiraf etdiyini açıqlayıb.

İ.Süleymanovun yaşadığı evin həyətinə giriş qapısının və həyətə döşənmiş süni daş örtüyünün üzərindən, N.Quliyevanın saxlanıldığı otaqda olan çarpayının örtüyü və pərdənin üzərindən qanabənzər ləkələr, eləcə də iş üçün əhəmiyyət kəsb edən digər əşyalar maddi sübut kimi götürülüb.