Trampdan şok: Ukrayna təyyarəsini İran vurub
İran təyyarəni yalnışlıqla vura bilər.

Axar.az xəbər verir ki, bu sözləri ABŞ Prezidenti Donald Tramp İranda Ukraynaya aid sərnişin təyyarəsinin qəzaya uğraması ilə bağlı açıqlamasında deyib.

“Təyyarə qəzaya uğradı, amma heç bir fakt təqdim edilmədi. Bu məsələ ilə bağlı pis hissiyatım var. Kimlərsə səhv etmiş ola bilər”, - deyə Ağ Ev rəhbəri bildirib.
176 nəfərin öldüyü Ukrayna təyyarəsi raketlə vurulub - İDDİA
İranda qəzaya uğrayan Ukrayna təyyarəsinin raketlə vurulduğu müəyyənləşib.

Modern.az xəbər verir ki, bu barədə yayılan məlumata görə, ABŞ kəşfiyyatı hadisədən qısa müddət öncə 2 raketin buraxıldığını qeydə alıb. Raketlər "Tor" zenit-raket kompleksindən buraxılıb. İraq kəşfiyyatındakı mənbə də bunu təsdiqləyib.

Güman olunur ki, İran HHM qüvvələri bu təyyarəni ABŞ hərbi təyyarəsi zənn ediblər.

Lakin İran bu xəbərlərə dair təkziblə çıxış edib.

Xatırladaq ki, hadisədə 176 nəfər, o cümlədən 82 iranlı ölüb.

Adı qalmaqalda hallanan DYP polkovniki işdən çıxarıldıBakı Şəhər Dövlət Yol Polisinin Alay komandiri polkovnik Rəşadət Babayev işdən azad edilib.

Avrasiya.net BakuPost-a istinadən xəbər verir ki, Bakı Şəhər Dövlət Yol Polisinin Alay komandiri vəzifəsinə polkovnik-leytenant Malik İbrahimov təyin edilib.

Xatırladak ki, dünən mediada yayılan məlumatda Bakı Şəhər Dövlət Yol Polisinin Alay komandiri Rəşadət Babayevin adı rüşvət qalmaqalında hallanırdı.

Qeyd edək ki, dünən Daxili İşlər nazirinin əmri ilə Bakı Şəhər Dövlət Yol Polisinin rəisi Nuşirəvan Səfərov təqaüdə göndərilib. Onu hələlik rəis müavini, Qarabağ qazisi Rəşad Piriyev əvəz edir.
Vahid Ələkbərovun zavodunda partlayış -VİDEORusiyanın Uxta şəhərində neft emalı zavodunda partlayış baş verib.

Partlayışın dalğaları şəhər küçələrində də hiss olunub. Hadisə şahidlərinin sözlərinə görə, əvvəlcə səmada narıncı işıq görünüb, daha sonra partlayış səsi eşidilib.

Məlumata görə, partlayış dizel yanacağının emalı üzrə təsisatda texnoloji prosesin pozulması nəticəsində baş verib. Hazırda yanğının lokallaşdırılması istiqamətində işlər görülür. Bunun üçün 48 nəfər yanğınsöndürən, 15 texniki vasitə cəlb olunub. Yanğın sahəsi 1000 kvadrat metr ərazini əhatə edir. Bir nəfərin xəsarət aldığı bildirilir.

Qeyd edək ki, partlayış baş verən zavod azərbaycanlı iş adamı Vahid Ələkbərovun “Lukoyl” şirkətinə aiddir.(“Qafqazinfo”)
Süleymaninin pərəstişkarları tanınmış hüquq müdafiəçisinə qoyun başı atdılar - FOTOTanınmış hüquq müdafiəçisi, Azərbaycan Uşaqları Birliyinin sədri Kəmalə Ağazadəyə qoyun başı atıblar.

Avrasiya.net xəbər verir ki, bu barədə Oxu.az-a K.Ağazadənin özü məlumat verib.

Onun dediyinə görə, hadisə yanvarın 5-də “Instagram”da status paylaşdıqdan dərhal sonra baş verib.

Statusda o, general Qasım Süleymaninin öldürülməsinə görə iranlıların halına acıyan və buna görə sosial şəbəkələrdə İrandakı vəziyyəti fəal şəkildə müzakirə edən azərbaycanlıların bir hissəsinin davranışına münasibət bildirib.

Q.Süleymani yanvarın 3-nə keçən gecə ABŞ-ın Bağdad Beynəlxalq Hava Limanında iki avtomobilə edilən hücumu nəticəsində öldürülüb.

“Bu ölkədə nə qədər “general” var? Şəhidimizi də belə sevdinizmi? Əsirlikdə olanlarımız üçün də belə ağladınızmı?”, - K.Ağazadə yazıb.

Heyvanın kəsilmiş başı K.Ağazadənin evinin qapısına doğru atılıb.

“Bunu Qasım Süleymaninin pərəstişkarlarının etdiyinə şübhə edirəm. Çünki sosial şəbəkədəki bu statusla bağlı məni İmam Hüseynin davamçısını təhqir etməkdə ittiham etdilər. Mən Q.Süleymani ilə İmam Hüseynin azərbaycanlı davamçıları arasında nə əlaqə olduğunu başa düşmürəm.

Vətəndaşlarımızın dini hisslərini təhqir etməyi ağlıma belə gətirmədiyim halda bu təhqirləri özlərinə götürdülər. İranlı generalın öldürülməsindən çox Azərbaycan üçün daha vacib olan məsələlərdə vətəndaş fəallığının olmaması haqqında danışmışam”, - deyə K.Ağazadə bildirib.

Hadisə ilə əlaqədar, hüquq müdafiəçisi şərhlərdə açıq təhdid və təhqirə keçən 300-ə yaxın istifadəçi üçün sosial şəbəkədəki səhifəsinə girişi bloklamalı olub. Bütün bunlar irançı tərəfdarların K.Ağazadəni qorxutmaq istədiyinə inanmağa əsas verir.

İndiyə qədər hüquq müdafiəçisi kömək üçün polisə müraciət etməyib. Lakin vəziyyət pisləşsə, o hüquq-mühafizə orqanlarına müraciət edəcək.
Bakıda özünü öldürən gəncin sensasion intihar səbəbi – “R” hərfi deyə bilmirdiBu gün səhər saatlarında Bakıda intihar hadisəsi baş verib.

1996-cı il təvəllüdlü Səxavət Paşazadə yaşadığı evin qarşısında özünü asıb. Bu barədə məlumat yayan dostu Tacəddin Qara intiharın səbəbini də açıqlayıb.

Dostunun sözlərinə görə, Səxavət Paşazadə iş tapa bilmədiyinə görə intihar edib. “16 illik dostum bu gün səhər saatlarında həyətlərində özünü asaraq intihar edib. Özünü asmasının səbəbi isə bir ilə yaxındır ki, iş tapa bilməməsidir. Boylu-buxunlu biri sadəcə “r” hərfini deyə bilmədiyinə görə il ərzində CV göndərdiyi, müraciət etdiyi dövlət və özəl qurumlar onu işə götürmürdü.

Heç bir problemi, borcu olmayan insan işsizlikdən bezib. “Hamı nitqində problemin var” deyib işə qəbul etmirdi. Bu nə dərəcədə düzgündür axı ay iş adamları, ay “Azpetrol”, ay cənab nazir?! Əsgərliyə aparanda problem olmur, amma MAXE düzələndə “məruzə edə bilməzsən” deyib işə götürmürlər. Nəticədə 23 yaşlı boylu-buxunlu bir insan ondan 2 manat yol pulu, bundan 2 manat siqaret pulu almaqdan bezib”, - deyə mərhumun dostu bildirib.
yeni sabah
Prezident Nərminlə bağlı cinayət işini nəzarətə GÖTÜRÜBYanvarın 9-da Baş Prokurorluqda 2019-cu ildə prokurorluq orqanları tərəfindən görülmüş işlərin və qarşıda duran vəzifələrin müzakirəsinə həsr olunmuş əməliyyat müşavirəsi keçirilib.

Avrasiya.net-in məlumatına görə, müşavirədə çıxış edən Baş prokuror Zakir Qaralov bildirib ki, Tovuz rayonunun Dondar Quşçu kəndində baş verən cinayət dövlət başçısının nəzarətindədir:

“Dövlət başçısının xüsusi nəzarətində olan və ictimaiyyəti narahat edən Tovuz rayonunun Dondar Quşçu kənd sakini azyaşlı Nərmin Quliyevanın qəsdən öldürülməsi faktı ilə bağlı başlanmış cinayət işi üzrə Daxili İşlər Nazirliyi və Dövlət Təhlükəsizliyi Xidməti ilə birgə həyata keçirilən intensiv istintaq hərəkətləri və əməliyyat-axtarış tədbirlərinin gücləndirilərək qısa vaxt ərzində cinayəti törətmiş şəxs və ya şəxslərin müəyyənləşdirilməklə məsuliyyətə cəlb edilmələri ilə bağlı konkret tapşırıqlar verilib”.
Qaralov yeni prokuror təyin etdiBərdə rayonuna yeni prokuror təyin edilib.

Report-un məlumatına görə, Baş prokuror Zakir Qaralov müvafiq əmr imzalayıb.

Əmrə əsasən, Tərtər rayon prokuroru vəzifəsini icra edən Şıxəli Alməmmədov Bərdə rayon prokuroru təyin edilib.

Xatırladaq ki, Bərdə rayon prokuroru Fəxrəddin Şamil oğlu Məmmədov və onun köməkçisi Babək Paşayev bir müddət əvvəl işlərində yol verdiyi nöqsanlara görə vəzifəsindən azad edilib.
Məzahir Pənahovdan vəzifəli şəxslərə XƏBƏRDARLIQ - “Onlar imzatoplamada iştirak edə bilməz”Deputatlığa namizədlər imzatoplama zamanı diqqətli olmalı və imzaları qanunvericiliyin tələbinə uyğun toplamalıdır.

Avrasiya.net-in məlumatına görə, bunu Mərkəzi Seçki Komissiyasının (MSK) sədri Məzahir Pənahov komissiyanın bu gün keçirilən iclasında deyib.

M.Pənahov bildirib ki, vəzifəli şəxslər, o cümlədən bələdiyyə üzvləri namizəd üçün imzatoplamada iştirak edə bilməz: “Bu cür məsələlərdə namizədlər diqqətli olmalıdır. Biz çalışırıq ki, məsələləri namizədin xeyrinə həll edək, lakin bu cür məsələlər olduğu halda biz namizədə kömək edə bilmirik”.
Nərminin ölümünə görə generallar Tovuza ezam olundu“Tovuzdakı cinayət birbaşa Daxili İşlər naziri Vilayət Eyvazov və Baş Prokuror Zakir Qaralovun nəzarətindədir”.

Avrasiya.net xəbər verir ki, bunu Modern.az-a Daxili İşlər Nazirliyinin mətbuat xidmətinin rəisi, polkovnik Ehsan Zahidov bildirib.

O, qeyd edib ki, hər iki qurumun vəzifəli şəxsləri 10 yaşlı Nərminin meytinin aşkar edildiyi zamandan hadisə yerinə ezam ediliblər:

“Daxili İşlər Nazirliyinin Baş Cinayət Axtarış İdarəsinin rəisi, general-mayor Arzu Daşdəmirov və Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi, general Kamal Qılıcov Əməliyyat istintaq qrupunun rəhbəri kimi həmin gündən rayona ezam olunublar. Onlar əməliyyat-istintaq tədbirlərinə nəzarət edirlər”.

Tovuzda qətlə yetirilərək yandırılan Nərmin Quliyevanın atası Şərif Quliyev isə Modern.az-a cinayətkarın yaxud cinayətkarların tez bir zamanda müəyyən ediləcəyinə inandığını bildirib:

“Hazırda hüquq-mühafizə orqanları, Baş Prokuorluğun, Daxili İşlər Nazirliyinin yüksək rütbəli şəxsləri kənddədirlər və araşdırma aparırlar”.

Qeyd edək ki, Baş Prokurorluğun yaydığı məlumata görə, Tovuz rayonunun Dondar Quşçu kəndində anadan olmuş 2010-cu il təvəllüdlü Quliyeva Nərmin Şərif qızının 21 noyabr 2019-cu il tarixdə itkin düşməsi ilə əlaqədar aparılmış araşdırmalarla onun qəsdən öldürülməsinə kifayət qədər əsaslar müəyyən edildiyindən Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanıb.