Bakıdakı qəzadan DƏHŞƏTLİ GÖRÜNTÜLƏR: Maşın ortadan bölündü, 4 nəfər öldü - FOTO/VİDEO (18+)Bakıda ağır yol qəzası baş verib.

Avrasiya.net "Report"-a istinadən xəbər verir ki, hadisə Xətai rayonu ərazisində, Nobel prospektində qeydə alınıb.

Belə ki, "Hyundai Elantra" markalı minik avtomobili yol kənarındakı elektrik dirəyinə çırpılıb. Nəticədə 4 nəfər hadisə yerində ölüb. Fövqəladə Hallar Nazirliyinin (FHN) Xüsusi Riskli Xilasetmə Xidmətinin müvafiq xilasetmə qüvvələri meyitləri deformasiyaya uğramış avtomobildən çıxararaq aidiyyəti üzrə təhvil veriblər.

Ölənlərdən üçünün şəxsiyyətini dəqiqləşdirmək mümkün olub". Bunu Bakı şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov bildirib.

Onun sözlərinə görə, hazırda faktla bağlı Xətai rayon Polis idarəsində araşdırma başlanılıb: "Ölənlərdən birinin meyiti tanınmaz halda olduğundan onun şəxsiyyətini dəqiqləşdirmək mümkün olmayıb. Hadisənin hansı səbəbdən baş verdiyi araşdırılır".
Ordumuz sərhəddə erməniləri darmadağın etdi, “Putin NATO-su” İrəvana...Kollektiv Təhlükəsizlik Müqaviləsi Təşkilatının (KTMT) Birləşmiş Qərargah rəisi Anatoli Sidorov Ermənistan-Azərbaycan sərhədində baş verən toqquşmaya münasibət bildirib.

Publika.az xəbər verir ki, Sidorov Ermənistan-Azərbaycan sərhədində sülhün davam edəcəyinə ümid bəslədiyini bildirib.

"Ümid edirik ki, tərəflər öz aralarında anlaşacaq və sülh təmin olunacaq. Hadisə ilə bağlı Ermənistan tərəfindən KTMT-yə heç bir müraciət edilməyib, buna görə də biz məsələyə müdaxilə etmirik”, - deyən Sidorov bununla Ermənistanın KTMT-yə bel bağlaması ümidlərini puça çıxarıb.

Qeyd edək ki, bir neçə gün öncə erməni hərbi birləşmələri sərhəddə təxribat hücumuna cəhd edib. Azərbaycan Ordusunun cavab atəşi nəticəsində düşmənə ağır zərbə endirilib. Ermənistanda KTMT-nin məsələyə müdaxilə etməsi haqqında tələblər səsləndirilsə də, İrəvanın təşkilata müraciət etmədiyi deyilir. Ermənistan KTMT-nin üzvü olduğu üçün, nizamnaməyə görə təşkilat Qarabağ cəbhəsindən kənarda, sərhəddə baş verə biləcək toqquşmada İrəvanı müdafiə etməlidir. Lakin bu məsələnin kağız üzərində olduğu və KTMT daxilində daha çox Azərbaycana dəstək verildiyi də məlumdur.
Hizbullahdan şok: İsraili məhv edəcək silah əlimizdədirİsrail özünün məhvi üçün istifadə ediləcək silahın Hizbullahın əlinə keçməsinə mane ola bilməyib.

Axar.az xəbər verir ki, bunu Hizbullah lideri Həsən Nəsrullah deyib. Onun sözlərinə görə, artıq Livan və İsrail qüvvələrinin balansı dəyişib:

“Hizbullahın yüksək dəqiqliyə malik silah ələ keçirməsinə qarşı, İsrailin bütün cəhdləri boşa sərf edilib. Əgər hərbi fəaliyyətlər başlasa, İsrail artıq onu nəyin gözlədiyini təsəvvür belə edə bilməz”.
"Əsrin müqaviləsi Azərbaycanın neft sənayesi tarixində misilsiz bir hadisədir" - Pirallahıda tədbir
20 sentyabr 2018-ci il tarixində 20 sentyabr-Azərbaycan neftçilərinin peşə bayramı münasibətilə Yeni Azərbaycan Partiyası Pirallahı rayon təşkilatı "Abşeronneft" NQÇİ ərazi ilk partiya təşkilatında "Əsrin müqaviləsi Azərbaycanın neft sənayesi tarixində misilsiz bir hadisədir" adlı tədbir keçirildi.
"Əsrin müqaviləsi Azərbaycanın neft sənayesi tarixində misilsiz bir hadisədir" - Pirallahıda tədbir
Tədbiri giriş sözü ilə açan "Abşeronneft" NQÇİ-nin rəisi, YAP Pirallahı rayon təşkilatı İdarə Heyətinin üzvü Şahmar Hüseynov bildirib ki, 20 sentyabr Azərbaycan neftçilərinin peşə bayramıdır. Bu bayramı Azərbaycan neftçisinə ulu öndər Heydər Əliyev bəxş edib, bu gün hər il təntənə ilə qeyd edilir. 1994-cü ilin 20 sentyabr tarixində Xəzərin Azərbaycan bölməsindəki "Azəri-Çıraq-Günəşli" yataqlarının xarici şirkətlərlə birlikdə tammiqyaslı işlənməsi müqaviləsinin imzalanması ümummilli liderin gərgin mübarizəsi və sonsuz qətiyyəti sayəsində mümkün olub. Məhz həmin günün neftçilərin bayramı kimi qeyd olunmasının özü də qanunauyğun bir haldır. Çünki "Əsrin müqaviləsi" Azərbaycanın neft sənayesi tarixində misilsiz bir hadisədir. Bu, neftimizin və neftçilərimizin çatdığı zirvə, qazandığı qələbə idi. Ən başlıcası, ulu öndərin uzaqgörən siyasətinin daha bir nəticəsi, Azərbaycanın dövlət müstəqilliyinin bəhrəsi idi.

Daha sonra tədbirdə çıxış edən "Abşeronneft " NQÇİ ərazi ilk partiya təşkilatının sədri Şamil Kazımov, təqaüdçü neftçilər Mahmud Əhmədli və Səhriyar Kazımov çıxış edərək bildirdilər ki, Azərbaycanın neft sənayesinin inkişafının bir sıra mühüm mərhələləri ulu öndər Heydər Əliyevin adı ilə bağlıdır. Hələ 1969-cu ildən, respublikaya rəhbərlik etdiyi ilk dövrlərdən ulu öndər bu sahəyə xüsusi diqqət və qayğı göstərmişdir. Nəticədə Azərbaycanın neft infrastrukturu yeniləşdirilmiş, təzə yataqların axtarış-kəşfiyyat işlərinin bünövrəsi qoyulmuş, neft emalı sənayesinin bazası ən müasir texnologiyalarla zənginləşdirilmişdir.

Çıxışların sonunda bir qrup şəxs YAP Pirallahı rayon təşkilatının, "Abşeronneft" NQÇİ İdarə Rəhbərliyi və Həmkarlar Komitəsinin fəxri fərmanları ilə təltif olunub.
"Əsrin müqaviləsi Azərbaycanın neft sənayesi tarixində misilsiz bir hadisədir" - Pirallahıda tədbir
Eldar Əzizov 4 məmuru işdən azad etdiİcra Hakimiyyəti başçısının müavini Eldar Əzizov yeni təyinatlar edib

Bakı şəhər İcra Hakimiyyəti başçısının müavini Eldar Əzizov yeni təyinatlar edib.

Avrasiya.net-in məlumatıpna görə, onun əmri ilə İH-nin Aparat rəhbəri Rаsim Vаqif оğlu Quliyеv vəzifəsindən azad edilib və onun yerinə Elgün Həbibullayev təyin olunub.

E.Əzizov BŞİH-nin Ərazi idarəetmə və yerli özünüidaretmə orqanları ilə iş şöbəsinin müdiri Əli Əliyevin də vəzifəsindən azad olunması haqda əmr imzalayıb. Onun yerinə Coşqun Cəbrayılov bu vəzifəyə təyin olunub.

İcra Hakimiyyətinin Xarici Əlaqələr və İnvestisiya Proqramları Departamentinin rəhbəri Vahid İsmayılov vəzifəsindən azad edilib və onun yerinə Aparat rəhbəri vəzifəsindən azad edilən Rasim Quliyev təyin olunub. V.İsmayılov isə R. Quliyevə müavin təyin edilib.

Bundan başqa BŞİH-nin ümumi şöbəsində də dəyişiklik edilib. Belə ki, Sənədlərlə və vətəndaşların müraciətləri ilə iş şöbəsinin müdiri Namiq Məmmədov vəzifəsindən azad edilib və onun yerinə Ayaz İmaməliyev təyin olunub.
Bakıda iki uşaq atası arvadını öldürüb – Mesajlarına baxıb və…Arvadını qisqanclıq zəminində öldürməkdə təqsirləndirilən şəxs hakim qarşısına çıxarılıb.

Minval.info xəbər verir ki, Bakı Ağır Cinayətlər Məhkəməsinə qətl törətməkdə təqsirləndirilən Elvin Qəhrəmanlının cinayət işi üzrə məhkəmə iclası başlayıb.

Hakim İradə Həsənzadənin sədrliyi ilə məhkəmənin hazırlıq iclası keçirilib.

Anket məlumatları dəqiqləşdirilərkən məlum olub ki, 1993-cü il təvəllüdlü Elvin Qəhrəmanlının qətlə yetirdiyi arvadından iki övladı var. Uşaqların birinin 7, digərinin isə 5 yaşı var.

Daha əvvəl məhkumluq həyatı yaşandığını, cinayət törətmədiyini deyən Elvin tikintilərdə fəhləlik etdiyini söyləyib.

Məhkəmənin baxış iclası sentyabrın 24-ə təyin edilib.

Hadisə bu il yanvarın 22-də Bakının Qaradağ rayonunda baş verib. Rayonun Lökbatan qəsəbəsində Cəlilabad rayon sakini E.Qəhrəmanlı həyat yoldaşı Günel Qəhrəmanlını boğaraq öldürüb.

Qətlin qisqanclıq zəminində törədildiyi bildirilir. Məlumata görə, E.Qəhrəmanlı xanımının başqa şəxslə telefonla danışdığını görüb. Daha sonra onlar arasındakı mesajları oxuyub. Bundan sonra arvadını boğaraq qətlə yetirib.

10-cu polis bölməsi əməkdaşlarının keçirdiyi əməliyyat nəticəsində cinayəti törədən E.Qəhrəmanlı həbs edilib. E.Qəhrəmanlı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
Dəmirov İsmayılovu niyə öldürüb? - Şok açıqlamaGözəl Dəmirov Etimad İsmayılovu “Glock” markalı tapança ilə qətlə yetirib.

Axar.az xəbər verir ki, bu barədə məlumatı “Hürriyyət” qəzeti yayıb. Qəzet Dəmirovun polislər tərəfindən sürücüsünün telefonunun izlənilməsi sayəsində ələ keçdiyini bildirib. Nəticədə Dəmirovla bərabər sürücüsü Barış A.-da polislər tərəfindən saxlanılıb. Məhz burada Barış A.-nın avtomobilində cinayətdə istifadə edilən “Glock” markalı tapança aşkar edilib.

Polisdəki ifadəsi zamanı Dəmirovun İsmayılovla birgə ticarət mərkəzi işlətdikləri, eləcə də qida və elektronika ticarəti sahəsində ortaq çalışdıqları bəlli olub. Dəmirov İsmayılova birgə çalışdıqları şirkətin 2%-ni verəcəyini bildirsə də, sonradan bəzi problemlər ucbatından bunu həyata keçirə bilməyib. Bundan sonra İsmayılov Dəmirovu təhdid edərək, gecikmə ucbatından zərər görəcəyini bildirib. Bundan sonra Dəmirov özü və ya övladlarına hansısa zərərin gələcəyini düşünərək, İsmayılovun ofisinə gedib və atəş açaraq onu öldürüb.

Dəmirov polisə ifadəsində bildirib ki, İsmayılovu öldürməsəydi, bu addımı İsmayılov atacaqdı.
Sabiq baş nazir İsmayılovun cənazə namazı qatılıb - VideoDünən gecə saatlarında İstanbulda qətlə yetirilən azərbaycanlı iş adamı Etimad İsmayılovun Floryadakı məsciddə cənazə namazı qılınacaq.

Axar.az-ın Türkiyədəki əməkdaşının verdiyi məlumata görə, mərasim Bakı vaxtı ilə saat 17:20-də baş tutacaq.

Etimad İsmayilovun ailə üzvləri, dostları, iş yoldaşları mərasimdə iştirak edir. Tanınmış müğənni Azərin də təziyyədə iştirak edənlər arasındadır.

***

Türkiyənin keçmiş baş naziri Əhməd Davudoğlu da Etimad İsmayılovun cənazə namazına qatılıb.

Əraziyə həmçinin çoxlu sayda polislərin də göndərildiyi bildirilir.

Qeyd edək ki, Etimad İsmayılovun həyat yoldaşı, tanınmış jurnalist Sevil Nuriyeva mərhumun nəşinin bu gecə Bakıya gətiriləcəyini və sabah saat 13:00-da Nardaranda dəfn olunacağını bildirmişdi.
İlham Əliyev bir sıra ölkələrin parlament rəhbərlərini qəbul edibSentyabrın 20-də Azərbaycan Respublikasının Prezidenti İlham Əliyev Azərbaycan parlamentinin 100 illiyi münasibətilə keçiriləcək təntənəli iclasda iştirak etmək üçün ölkəmizə səfərə gələn Cibuti Milli Assambleyasının sədri Məhəmməd Əli Humədi, Oman Sultanlığı Dövlət Şurasının sədri Yahya bin Məhfuz Əl-Munzirini, Küveyt Millət Məclisinin sədri Mərzuq Əli əl-Ğanimi, Pakistan Senatının sədri Məhəmməd Sadiq Səncarini, Bolqarıstan Milli Assambleyasının sədri xanım Tsveta Karayançevanı, Qırğızıstan Joqorku Keneşinin sədri Dastanbek Cumabekovu, Misir Nümayəndələr Palatası sədrinin birinci müavini Mahmud Əhməd Şərifi və ATƏT Parlament Assambleyasının prezidenti George Tseretelini qəbul edib.

Avrasiya.net AZƏRTAC-a istinadən xəbər verir ki, dövlətimizin başçısı, ilk növbədə, Azərbaycan parlamentinin yaradılmasının 100 illiyi münasibətilə keçirilən tədbirin önəmini vurğuladı və bu tədbirdə iştirak etmək üçün ölkəmizə səfərə gələn qonaqlara təşəkkür etdi. Dost ölkələrin nümayəndələrinin bu tədbirdə təmsil olunmasını ölkələrimiz arasında tərəfdaşlıq münasibətlərinin nümayişi kimi dəyərləndirən Prezident İlham Əliyev onların təmsil etdikləri ölkələrə səfərlərini məmnunluqla xatırladı. Dövlətimizin başçısı bildirdi ki, ölkələrimiz arasında ikitərəfli münasibətlər çox yaxşı səviyyədədir və əlaqələrimiz müxtəlif sahələri əhatə edir. Prezident İlham Əliyev dedi ki, qonaqların ölkəmizə bu səfəri onların həm Azərbaycanla yaxından tanış olmaları üçün yaxşı imkan yaradacaq, həm də parlamentlərarası əməkdaşlığın genişləndirilməsi işinə öz töhfəsini verəcək.

Küveyt Millət Məclisinin sədri Mərzuq Əli əl-Ğanim Küveyt Dövlətinin Əmiri Sabah əl-Əhməd əl-Cabir əl-Sabahın salamlarını dövlətimizin başçısına çatdırdı. O, tədbirdə şəxsən Küveyt Dövlətinin Əmiri Sabah əl-Əhməd əl-Cabir əl-Sabahın tapşırığı ilə iştirak etdiyini dedi. Mərzuq Əli əl-Ğanim Bakıya birinci dəfə səfər etdiyini vurğulayaraq bildirdi ki, paytaxtımıza gəldiyi ilk andan şəhərdəki gözəllik və inkişaf onlarda böyük təəssürat yaradıb. O, əminliklə bildirdi ki, bu cür tədbirlər parlamentlərarası əməkdaşlığın daha da möhkəmləndirilməsi, eyni zamanda, digər ölkələrin və xalqların Azərbaycanla daha da yaxınlaşması işinə xidmət edir. Küveytli qonaq Prezident İlham Əliyevə və Azərbaycan xalqına ən xoş arzularını çatdırdı. O, ölkəmizə məmnunluqla yenidən səfər edəcəklərinə ümidvar olduqlarını bildirdi.

Prezident İlham Əliyev Azərbaycanın beynəlxalq aləmdə fəal əməkdaşlıq həyata keçirdiyini və ölkəmizin dostlarının sayının gündən-günə artdığını vurğuladı.

Dövlətimizin başçısı Küveyt Dövlətinin Əmiri Sabah əl-Əhməd əl-Cabir əl-Sabahın salamlarına görə minnətdarlığını bildirdi, onun da salamlarını Küveyt dövlətinin başçısına çatdırmağı xahiş etdi.

Sonda xatirə şəkli çəkdirildi.
Sahil Qasımovun arxasında kim dayanır və onların məqsədi nədir?Katalon seperatçıları ilə görüşünün həmvətənlərimiz arasında möhkəm əks-sədaya və eyni zamanda AAK ətrafında səs-küylü skandala səbəb olduğu ‘’Avropa Azərbaycanlıları Konqresi’’ nin (AAK) Prezidenti Sahil Qasımov bir daha Azərbaycan xalqının düşüncələrinə hörmətsizlik nümayiş etdirdi. Bir çox azərbaycanlıların cənab Qasımovun Kataloniya səfərinə sosial şəbəkələrdə çox tənqidi və sərt reaksiyasına baxmayaraq, ‘’Avropa Azərbaycanlıları Konqresi’’nin prezidenti bu günlərdə ölkəmizin paytaxtı Bakı şəhərini ziyarət edir. Baxmayaraq ki, bir sıra sosial şəbəkə istifadəçiləri Kataloniyanın hakimiyyət nümayəndələri ilə görüşündən sonra Sahil Qasımovu bir daha Azərbaycana gəlməməyə və Ermənistandakı dostlarının yanına getməyə səsləmişdilər…

Lakin, çox təəssüf ki, bu skandal məsələdən sonra diaspor təşkilatlarımızdakı əksər həmvətənlərimizin gözündə pul yuyulması ilə məşğul olan bayağı struktura və hər cür fitnənin mənbəyinə çevrilən ‘’Avropa Azərbaycanlıları Konqresi’’ ətrafındakı hadisələr vətənpərvərlik yönündə inkişaf etmir. Belə bir məlumat var ki, Sahil Qasımov Bakıda Prezident administrasiyasının və Diasporla iş üzrə Dövlət Komitəsinin bir sıra yüksək rütbəli məmurları ilə görüşlər keçirməyə hazırlaşır.

Əgər bu məlumat həqiqəti əks etdirirsə, İspaniyanın seperatçı regionuna səfər etməklə Azərbaycanın və Azərbaycan xalqının maraqları naminə öz həyatları bahasına vətənimizi müdafiə edən əsgər və zabitlərimizə, Qarabağ müharibəsi veteranlarına hörmətsizlik edən, şəhidlərimizin xatirəsini təhqir edən Sahil Qasımov üçün böyek jest olacaq.

Hələ də bir çox həmvətənlərimiz AAK ətrafındakı hadisələrin başqa yönə çevriləcəyini, xüsusilə də Sahil Qasımovun ‘’Avropa Azərbaycanlıları Konqresi’’ nin prezidenti postundan biabırçı şəkildə qovulacağını gözləyirdilər. Lakin, bütün bunlardan sonra çox məntiqli sual ortaya çıxır: bu qədər səs-küylü skandallardan sonra ‘’Avropa Azərbaycanlıları Konqresi’’ nin prezidenti postunda qalan Sahil Qasımovun arxasında kim dayanır?

Axı öz əməlləri ilə diasporu birləşdirmək yerinə daha da dağıdan bir insanı Avropa ölkələrində diasporumuzun başlıca strukturu olmaq istəyən bir ictimai təşkilatın prezidenti vəzifəsində necə saxlamaq olar? Nə üçün maliyyə fırıldaqçılığı və fitnə-fəsadlarla məşğul olan və seperatçılara aşkar rəğbət bəsləyən Sahil Qasımov diasporumuzun birbaşa işləri ilə məşğul olan yüksək rütbəli məmurlarımız tərəfindən cəzalandırılmadı? Axı heç olmasa Azərbaycanın maraqlarına zidd gedən Sahil Qasımovu xalqın gözü önündə aşkar sözlərlə cəzalandırmaq olardı.

‘’Avropa Azərbaycanlıları Konqresi’’ ətrafındakı bu skandaldan sonra azərbaycan diasporunun hansısa birliyindən danışmaq olarmı? Axı hər kəsə bəllidir ki, Azərbaycan diasporunu məhz Sahil Qasımov kimi adamlar dağıdır, məhz onlar həmvətənlərimizin birləşməsi yolunda maneələr yaradırlar.

Bir sıra Azərbaycan KİV lərindəki məqalələrdən və Facebook sosial şəbəkəsinin Azərbaycan seqmentindəki yazılardan belə anlamaq olur ki, bu gün Sahil Qasımov əksər həmvətənlərimizin gözündə Azərbaycan xalqının düşməninə çevrilib. ‘’Avropa Azərbaycanlıları Konqresi’’ ətrafındakı hazırkı skandal gözlənilmədən cənab Qasımovun tərcümeyi-halındakı bir sıra qara səhifələri üzə çıxardı. Bu səbəbdən əgər kimsə onu AAK prezidenti vəzifəsində saxlamağa qərar veribsə, o zaman bu insanlar faktiki olaraq bu ictimai təşkilatı dəfn edirlər və diasporumuzu dağıdırlar. Axı bu sirr deyil ki, artıq həmvətənlərimizin heç biri şübhəli nüfuza malik şəxsin rəhbərlik etdiyi təşkilatla iş görməyəcəklər.

Əgər bu təşkilata aşağı intellektə və köhnəlmiş düşüncəyə malik dünənki ofisiant rəhbərlik edirsə, bundan sonra Avropada yaşayan tanınmış Azərbaycan ziyalılarına, yazıçılarına, ictimai xadimlərə və iş adamlarına necə təklif etmək olar ki, ‘’Avropa Azərbaycanlıları Konqresi’’ ətrafında birşləşsinlər? Hələ də qanuni fəaliyyəti sənədlərlə sübut olunmamış bir təşkilata kim inanar və sərmayə qoyar?

Çoxları səbrsizliklə gözlədilər ki, Sahil Qasımov həmvətənlərimizə ‘’Avropa Azərbaycanlıları Konqresi’’ nin qeydiyyatdan keçmiş Əsasnaməsini, bank hesabının mövcudluğunu, o cümlədən bu təşkilatın Avropa standartlarında maliyyə hesabatlarını göstərəcək. Lakin, 2 ay ərzində biz heç nə görmədik.

Qasımov susqunluğunu qoruyur və həmvətənlərimizin suallarına cavab vermir. Əgər o susursa, deməli deməyə sözü yoxdur. O və onun yoldaşları etiraf etməkdən qorxurlar ki, ‘’Avropa Azərbaycanlıları Konqresi’’ faktiki olaraq ölüdür və bu təşkilatın 14 illik fəaliyyəti diasporumuzun aldadılmasına, o cümlədən dövlət və sponsor pullarının yuyulmasına hesablanmış bir yalandır.

Lakin, sivil və yüksək inkişaf etmiş Avropada yaşayan cənab Qasımov bilməli idi ki, öz rəqiblərinin suallarına və iddialarına məhəl qoymamaqla avropa demokratiyası prinsiplərinə zidd gedir. İstənilən inkişaf etmiş Avropa ölkəsində dövlət məmurunu və ya özəl şirkət rəhbərini öz rəqiblərinə hörmətsizlik nümayiş etdirərək suallarına və tələblərinə cavab verməməyə görə işdən qovardılar.

Çox üzücüdür ki, ‘’Avropa Azərbaycanlıları Konqresi’’ ətrafındakı hazırki skandal o vəziyyəti də aşkara çıxartdı ki, əksər azərbaycanlılar hətta Avropada ümumavropa demokratiya prinsipləri, söz azadlığı, insan hüquqlarına və şəxsiyyətinə hörmət prinsipləri ilə yaşamağı öyrənmədilər. Bu Avropada sayı milyonu ötmüş bütün diasporumuz üçün böyük çatışmazlıqdır. Lakin, Sahil Qasımov kimi aşağı intellekt səviyyəsinə malik insanlar, öz məkrli və şəxsi maraqları ilə nəinki diasporumuzu bu bataqlıqdan çıxarmaq və onu birləşdirmək qabiliyyətinə malik deyillər, əksinə həmvətənlərimiz arasında feodal-kriminal psixologiya toxumları səpərək onu daha da geriyə itələyirlər.

Artıq o üzücü faktı etiraf etmək vaxtıdır ki, bizim diasporumuz Qasımov kimi insanlarla avropa ölkələrində nüfuzu və təsiri hər gün artan, Avropadakı həmvətənlərimiz üçün real təhlükəyə çevrilən erməni diasporuna hələ uzun müddət həsədlə baxacaqlar. Ona görə də Sahil Qasımovun və onun yoldaşlarının fəaliyyəti yalnız Azərbaycan diasporunu dağıtmır, həm də xalqımıza və müstəqil dövlətçiliyimizə sağalmaz zədələr vurur. Sahil Qasımovun davranışlarını diqqətlə təhlil etsək, əmin olacağıq ki, o xalqımızın əsl düşmənidir və Azərbaycan xalqının düşmənlərinin dəyirmanına su tökür. Sahil Qasımovu və onun ətrafını qeyri-aşkar şəkildə dəstəkləyənlər isə faktiki olaraq Azərbaycan xalqının əleyhinə çalışırlar.

Redaksiyadan: Redaksiyamıza göndərilən bu müəllif yazısında ortaya qoyulan fikirlərlə bağlı qarşı tərəfin mövqeini də dərc etməyə hazırıq.

Veteninfo.az