Kikboks üzrə 5 qat dünya çempionu Ehram Məcidov həbs olunub.

Avrasiya.net unikal.org-a istinadən xəbər verir ki, idmançının həbsinə səbəb qayınatasını vəhşicəsinə döyməsidir.

Belə ki, E.Məcidov qayınatasının yaşadığı ünvana gedərək aralarında yaranan ailə-münaqişəsi zəminində onu döyərək ağır xəsarətlər yetirib. İdmançının qayınatası ağır vəziyyətdə paytaxtdakı xəstəxanalardan birinə yerləşirilib.

Baş verən hadisə ilə bağlı dünya çempionu həbs olunub. İdmançı 2 gündür Kürdəxanıda yerləşən 1 saylı Bakı İstintaq Təcridxanasında saxlanılır.
Qeyd edək ki, Ehram Məcidov "Neftçi" İSM-də kikboks bölməsinin baş məşqçisidir.

Hədə-qorxu ilə pul tələb etməkdə təqsirləndirilən Vazeh Bağırov, Gündüz Xəlilov, İlqar Həsənov, Emin Bağırov və Ariz Məmmədov barələrindəki hökmdən Ali Məhkəməyə şikayət ediblər.
Cinayət məcəlləsinin 182.3.2-ci maddəsi ilə məhkum olunan şəxslərin məhkəmə prosesi oktyabrın 30-da hakim Tahir Kazımovun sədrliyi ilə keçiriləcək.

Qeyd edək ki, Bakı Ağır Cinayətlər Məhkəməsinin hökmü ilə E.Bağırov, A.Məmmədov, V.Bağırovun hər biri 10 il, G.Xəlilov 12 il, İ.Həsənov isə 12 il müddətində azadlıqdan məhrum ediliblər.

İttihama görə, təqsirləndirilən şəxslər özlərini “Lotu Quli”nin qardaşı “Lotu Namiq”in adamları kimi təqdim ediblər. Onlar 2016-cı ilin oktyabrından 2017-ci ilin yanvar ayınadək “Şeron” qrupunun sabiq üzvü, “Şadan” qrupunun rəhbəri və solisti İntizar Məmmədovla Ramil Qasımovun hər birindən 12 min manat və 4 min ABŞ dolları tələb ediblər və pulun çatdırılması üçün vaxt qoyublar. Təqsirləndirilən şəxslər 2016-cı ilin oktyabr ayının əvvəllərində Sabunçu rayonunda İntizar Məmmədovla Ramil Qasımovun hər birindən 500 dollar alıblar. Daha sonra isə İ. Məmmədovun “Mercedes Benz” markalı avtomobilini əlindən alaraq, verəcəyi pulun 10 min manatını çıxıblar.
Onlar 2016-cı ilin noyabr ayının 30-da R. Qasımovdan 4 min dollar alıblar. Ötən ilin yanvar ayının 6-da isə R. Qasımovdan qalan 12 min manatı istəyərkən tutulublar. Həmin şəxslərə Cinayət Məcəlləsinin 182.3.2-ci (hədə-qorxu ilə tələb etmə, külli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb. İstintaq dövründə Binəqədi Rayon Prokurorluğunda Ə. Quliyevin cinayət işinə xitam verilib. O, Bakı İstintaq Təcridxanasından azadlığa buraxılıb. Ölkə.Az

Müğənni Damlanın həmkarı İradə Mehrinin bir neçə il öncə oxuduğu “Sevmişdim” adlı mahnını icazəsiz ifa etməsi qalmaqala səbəb olub.
Minval.info xəbər verir ki, İradə Mehri Damlanın bu hərəkətinə çox qəzəblənib və onu təhqir edib. Özünün “instagram” hesabında Damla haqqında paylaşımlar edən Mehri, qarşı tərəfin bu addımını əxlaqsızlıq adlandırıb:

“Həmin mahnını üç min manata almışam. Elə əxlaqsız insanların mənim mahnımı oxumağını istəmirəm. Faktlar, sübutlar gətirərəm ki, o insan çox əxlaqsızdır. Pul verib mahnı almışam, oxumuşam, “partlatmışam”. Bu sənətə kiminsə mahnısıyla gəlməmişəm. Mahnını sənətə yeni başlayan insan oxusaydı, halallıq verərdim. Sən bu qədər acizsənmi, imkansızsanmı? Hörmətsiz insan mənim mahnımı oxuya bilməz”.

İ.Mehri sözügedən mahnının Damlanın ifasında daha çox sevilməsinə də münasibət bildirib: “Düz deyirsiniz, onun ifasında sevildi. Sizə əxlaqsız lazımdırsa, ona qulaq asın. Mənim izləyicilərim özümə bəs edir”.

Qeyd edək ki, “Sevmişdim” adlı mahnının ilk ifaçısı İradə Mehridir.

Space Tv-də son günlərin ən çox izlənilən sosial layihəsi olan “Gəl Dərdini Danış” verilişində inanılmaz anlar yaşanıb.

Bir neçə gündür Qəbələdə intihar edən sevgililər haqqında məlumatlar dolaşır. Belə ki, avqustun 28-də rayon sakini, 23 yaşlı Elçin Mirsahibli və 34 yaşlı Günel Dadaşovanın asılmış vəziyyətdə meyitləri aşkar edilib.

İlkin məlumatda qonşuluqda yaşayan mərhumlar sevgi münasibətində olduqları deyilirdi. Sakinlər bildirmişdilər ki, onlar evlənmək istəsələr də valideynlər bu evliliyə razı olmayıblar. Onların evlilik məsələsinin baş tutmayacağını düşünərək intihara qərar veriblər.

Hadisə günü E.Mirsahib G.Dadaşovanın yaşadığı evə gəlib və əvvəlcə həyətdə olan yarımtikilidə qadını asaraq öldürüb, daha sonra isə özünü sevgilisinin yanında asaraq intihar edib. G.Dadaşova əvvələr ailəli olub və onun 7 yaşlı oğlu var.

Minval.info xəbər verir ki, gəzən söz-söhbətlərlə bağlı intihar etdiyi deyilən Günel Dadaşovanın anası “Gəl Dərdini Danış” verilişində açıqlama verib.

“Atasına, anasına xəbərdarlıq etdim. Oğlana əl çək, qızımdan uzaq dur dedim. Qızım evlidir, əri var, sağdır. Ailəsi ilə danışdım, oğlanı Bakıya göndərdilər, yenə qayıtdı. Əl çəkmirdi, deyirdi “sevirəm Güneli, evlənmək istəyirəm”. Qızım da razı deyildi. “Mən uşağımı böyüdəcəm” deyirdi, amma faydası olmadı. Qızın əri var. Neçə vaxtdır yoxa çıxmışdı. O da tapılıb çıxıb ortaya. Mənim qızım intihar etməyib. Onu zorla öldürüb. Qapını qırıb, girib içəri, qızıma dərman içirdib, yatızdırıb. Sonra da öldürüb. Qollarında oğlanın barmaqlarının izi var idi” – deyən Günelin anası, məsələnin intihar yox, qətl olduğunu iddia edib.

“Oğlanın məktubu da tapılıb. Məktubda yazılıb ki, “Mən Elçin Güneli öldürürəm. O ya mənim olmalı idi, ya da qara torpağın”

Dəhşətli anları ilk dəfə Amil Xəlilə danışan ana gəzən söz-söhbətlərə son verilməsini xahiş edib.

Verilişdə baş verən inanılmaz anları sizə təqdim edirik.

Sosial şəbəkələrdə Bakıda məsciddən oğurluq edən şəxsi dirəyə bağlanılması ilə bağlı video yayılıb.

Unikal.org-un əldə etdiyi məlumata görə, hadisə dünən saat 09:00 radələrində baş verib. Yasamal rayonu Mirəli Seyidov küçəsi 31-38-ci kvartalda yerləşən "İlahiyyat" məscidində oğurluq edən şəxsi dindarlar dirəyə bağlayıb, polis çağırıblar. Hadisə baş verən əraziyə gələn Yasamal rayon 28-ci polis bölməsinin əməkdaşları oğurluq edən şəxsi saxlayıblar.

Məsələ ilə bağlı açıqlama verən "İlahiyyat" məscidinin imam köməkçisi Ağalar Seyidov həmin şəxsin "İlahiyyat" məscidindən dəfələrlə oğurluq etdiyini bildirib:

"Hadisə dünən baş verib. Oğrunu tutub dövlət orqanlarıına təhvil vermişik. Həmin oğru buradan 20-30 dəfə oğurluq edib. Onu həm də ona görə dirəyə bağladıq ki, qorxub, bir də oğurluq etməsin. O, adam da bilir ki, yenə də onu buraxacaqlar. Dəfələrlə oğurluq etdiyinə görə polisə təhvil verilsə də, yenidən azadlığa buraxılır. Oğrunun adını və soyadını isə bilmirəm".

Bu gün Mətbuat Şurasında “Azərbaycan media məkanında ədəbi dilin qorunması” mövzusunda tədbir keçirilib.

Avrasiya.net xəbər verir ki, tədbiri giriş sözü ilə Mətbuat Şurasının sədri Əflatun Amaşov açıb. O bildirib ki, MŞ ölkədə fəaliyyət göstərən bütün qəzet və onlayn KİV ilə bağlı monitorinq aparır:

“Əsas məqsədimiz mediada dil normalarının qorunmasını yoxlamaq, tədbirlər həyata keçirməkdir. Əsas istiqamətlərdən biri leksik, qrammatik və s. pozuntularla bağlıdır. Tədbirin əsas məqsədi bu günə qədər görülən işlər haqqında məlumat verməkdir”.

Teleqraf Media Qurumunun rəhbəri Aynur Camalqızı jurnalistikadakı dil problemindən bəhs edib:

“Dilin qaydalarına riayət edən jurnalistlər həddindən artıq azdır. İxtisaslaşmış gənclər də mediada bir müddət çalışdıqdan sonra dövlət qurumlarına üz tuturlar. Son vaxtlar biz jurnalistika fakültəsi ilə sıx əməkdaşlıq edirik. Görürük ki, tələbələr, məzunlar həqiqətən də çox qüsurlu yazırlar. Jurnalistika fakültəsinin rəhbərliyi tələbələrin dərsləri media qurumlarında keçməsini təşkil edə bilərlər. Hətta müəllimlər də gəlsin, biz o şəraiti yaratmağa hazırıq. Çünki zaman sürətlə dəyişir, jurnalistika yenilənir. Sovet dövrünün təsirində qala bilmərik. Yeni medianın tələbləri tamam başqadır.

Xarici mətbuatda müqəddimə sıradan çıxıb. İnsanların vaxtı azdır, saatlarla oturub məqalə oxumaq istəmirlər. Məsələn, rus mediasında bir cümləlik xəbərlər var. İnternet mediası belə qısa və lakonik olmalıdır. Biz Axar.az saytında buna daim əməl etməyə çalışırıq”.

Analitik Elçin Mirzəbəyli bildirib ki, dil normalarının pozulmasının qarşısını almaq üçün onlayn lüğət tərtib olunmalıdır:

“Biz zamanın sürətinə uyğunlaşmalıyıq. İndi konkret iş görməyin vaxtıdır. Normal lüğət tərtib olunmalıdır ki, internet resursları da dərhal istifadə edib, səhvləri düzəldə bilsin. Söhbət sürətdən texnologiyadan və bizim bununla ayaqlaşmağımızdan gedir”.

Tədbir digər iştirakçıların çıxışları ilə davam edib.

Parisdəki Ermənistan səfirliyi terrorçularla işbirliyində əsas mərkəz rolunda, hər ay ən azı 50 PKK-çı səfirlik vasitəsilə xaricə çıxarılır…

Türkiyə ordusunun PKK terror təşkilatına qarşı keçirdiyi uğurlu əməliyyatlar bu qruplaşmanı çətin vəziyyətə salaraq onun müxtəlif ölkələrə qaçmasına rəvac verməkdədir. Həmişəki kimi isə PKK-ya sığınacaq və dəstək verən əsas ölkələrdən biri qismində Ermənistan çıxış edir. Belə görünür ki, türk ordusunun uğurlu əməliyyatları fonunda PKK üzvlərinin Ermənistan istiqamtəində axını sürətlənəcək. Son məlumatlara görə isə, 17-31 avqust tarixlərində Şırnak, Siirt, Hakkari və İraqın şimalında təşkil edilən hərbi əməliyyatlarda 86 terrorçu məhv edilib.

Zərərsizləşdirilən 6 terrorçunun PKK qruplaşmasında lider mövqelərə malik olduğu deyilib.

Beləliklə, aydın görünür ki, PKK Türkiyə xaricində də uğurla zərərsizləşdirilir. Məhz belə bir vaxtda Şimali İraqdan Qara dəniz istiqamətinə sızmaq cəhdi boşa çıxan PKK terror təşkilatının yeni planı da ifşa olunub. PKK-nın Ermənistanda olan düşərgələrində yerləşmiş terrorçular qanunsuz solçu terror təşkilatlarının olduğu Agrı, Bingöl, Tunceli və Tokat üzərindən Qara dəniz dağlarına keçməyə çalışır. Türkiyənin “Yeni Şəfəq” qəzetinin xəbərinə görə, PKK-nın Ermənistandakı düşərgələrindən terrorçuların sərhədi keçərək Tendurek dağına yerləşdiyi ortaya çıxıb.

Ermənistanın illərdir dəstək verdiyi və ərazisində düşərgə qurmaq imkanı yaratdığı terrorçular sərhəddən adlayaraq TİKKO, MHP, TİKB, MLKP kimi qanunsuz sol terror təşkilatlarının kamuflyajı altında bölgəyə sızıb. Terrorçuların Qara dənizə sızmasının əsas səbəbi də aydın olub. Amonos dağlarında məhv edilən PKK yenidən təşkilatlanaraq Qara dənizi Amonosa çevirmək niyyəti güdür. Həbs edilən PKK-nın Qara dəniz üzrə nümayəndəsi, “Halo” kod adlı Eyyub Çəlikin verdiyi ifadə əsasında Türkiyə təhlükəsizlik qüvvələri Amonos ərazisində PKK-ya sarsıdıcı zərbələr vurub. PKK-nın birinci mərhələdə Qara dəniz ərazisinə yerləşmək, daha sonra isə partlayıcı maddələri bura gətirmək planları varmış. Türkiyə təhlükəsizlik qüvvələri Qara dəniz bölgəsinə sızmaq istəyən PKK-nın, eləcə də qanunsuz sol terrorçu təşkilatların Tunceli, Bingöl, Ağrı və Tokat ətrafındakı fəaliyyəti ilə bağlı geniş tədbirlər həyata keçirib.

Bütün bunlar fonunda isə yenidən təsdiqlənir ki, Ermənistan Türkiyəyə qarşı terror hücumları həyata keçirən PKK-ya hələ də geniş dəstək verir. Bunu Beynəlxalq Əsilsiz Erməni İddiaları ilə Mübarizə Dərnəyinin (ASİMDER) rəhbəri Göksel Gülbey də təsdiq edir: “Doğrudur, bu haqda kifayət qədər məlumat var. Misal üçün, PKK terror təşkilatının Ermənistanda iki dərnəyi və satın aldığı 2 mərtəbəli qərargahı var. PKK-ya aid mülklər Ermənistan Milli Təhlükəsizlik Xidmətinin binasının yanında yerləşir. Hətta binalararası məsafənin 5-6 metr olduğu deyilir. Bu evlərdə ağır yaralanan terrorçular müalicə olunur, yüngül yaralananlar isə Şimali İraqda Bərzani rejiminin xəstəxanalarında müalicə olunurlar. Ermənistanla PKK arasında gizli anlaşma var. Bu anlaşmaya görə, Ermənistan PKK-ya hər ay müəyyən sayda viza verir. Terrorçular ayrılan viza sayına görə pasportlarını Ermənistanın Parisdəki səfirliyinə göndərir və oradan istədikləri ölkəyə gedirlər. Hətta Ermənistanın PKK-ya kvota ayırdığı və hər ay 50 PKK-çıya viza verdiyi haqda məlumatlar hesabatlarda yer alıb. Bu məsələdə ən fəal yer Ermənistanın Parisdəki səfirliyidir. PKK-ya pul və tibbi xidmətlər də buradan təmin edilir. Bundan başqa, Ermənistan PKK-ya hər cür yardım göstərir. Terrorçular həm İrəvan yaxınlığındakı düşərgələrdə, həm də Azərbaycanın işğal olunmuş Dağlıq Qarabağ bölgəsində təlim keçirlər. Qarabağdakı təlimləri birinci Qarabağ müharibəsinin döyüşçüləri həyata keçirir. Bu terrorçular həm Azərbaycana qarşı döyüşdə istifadə olunur, həm də Türkiyəyə hücuma keçirlər“. Xatırladaq ki, bir neçə ay əvvəl Azərbaycanın işğal altında olan Dağlıq Qarabağ bölgəsində terrorçu PKK-nın 12 düşərgəsinin olduğu və orada 1750 terrorçunun təlim keçdiyi barədə məlumat yayılmışdı.

Bu günlərdə isə Ermənistanın “Jamanak” qəzeti açıq şəkildə yazmışdı ki, PKK qruplaşmasının üzvləri Türkiyədən qaçaraq Ermənistana toplaşır. Məqalədə qeyd olunub ki, onlar Türkiyənin ərazi bütövlüyü və suverenliyinə qarşı çıxdıqları, təhlükəsizliyinə təhdid yaratdıqları, bu istiqamətdə terror fəaliyyəti ilə məşğul olduqları və qanunsuz silahlı dəstələr yaratdıqları üçün ölkənin təhlükəsizlik qüvvələrinin keçirdiyi antiterror əməliyyatları nəticəsində müxtəlif formada zərərsizləşdirilir: "PKK hesab edir ki, Moskva və İrəvan bu terrorçu qruplaşmaya yumşaq mövqedən yanaşır. Ona görə də terrorçular Ermənistana toplaşırlar. Ermənistan sərhədini qoruyan Rusiya hərbçiləri terrorçuların Türkiyə-Ermənistan sərhədini keçməsinə şərait yaradır. Sərhədi keçən PKK-çılar Ermənistanın hakimiyyət orqanları ilə təmasda olub burada yerləşirlər". Ümumiyyətlə, PKK-çıların Ermənistana keçməsi, yaxud ora toplaşması təsadüfi deyil. Çünki onlar Türkiyə və Azərbaycanın düşmənləridir və öz çirkin niyyətlərini həyata keçirmək üçün isə ən əlverişli ərazi kimi Ermənistanı görürlər. Bundan əlavə, Ermənistan PKK-nı terrorçu qruplaşma olaraq tanımır. Elə bu fonda da PKK ilə Ermənistan arasında işbirliyi genişlənir.

Tahir Tağıyev/baki-xeber.com/

Bakı Şəhər İcra Hakimiyyəti tərəfindən paytaxtın rayonlarında aparılan abadlıq-qurculuq, zəbt olunan torpaq sahələrinin və yaşıllıqların hasarlarının sökülərək ərazinin təmizlənməsi, həmin yerdə abadlıq güşələrin yaradılması, vətəndaşları narahat edən amillərin aradan qaldırılması istiqamətində işlər davam etdirilir.

Qurumdan verilən məlumata görə, vətəndaşlardan daxil olmuş çoxsaylı müraciətlər əsasında Şəhər İcra Hakimiyyətində yaradılmış xüsusi Komissiya tərəfindən Binəqədi rayonu 6-cı mikrorayon ərazisindəki zeytunluq adlanan ərazidə, Heydər Məscidinin yaxınlığında araşdırmalar aparılıb.

Yaşıllıq ərazisində bəzi işbazlar tərəfindən qeyri-qanuni olaraq ərazinin zəbt olunaraq hasarlanması, müxtəlif şəxslərə satılması və bəzi yerlərdə mövcud zeytun ağaclarının kəsilməsı, yaşıllıqların məhv edilməsi faktları üzə çıxarılıb.

Bununla əlaqədar Bakı Şəhər İcra Hakimiyyəti Binəqədi Rayon İcra Hakimiyyəti ilə birgə texnika və işçi qüvvəsi cəlb olunmaqla Zeytunluq ərazisində, ümumilikdə 3 ha sahədə müxtəlif şəxslər tərəfindən qanunsuz zəbt olunmuş 16 torpaq sahəsinin hasarları sökülüb, ərazi tikinti materialları və tullantılardan təmizlənib.

Bu ərazidə yeni ağacların əkilərək yaşıllıqların bərpa olunması ilə bağlı işlərə başlanıb. Park ərazisinin qanunsuz olaraq hasarlanması və yaşıllıqların məhv edilməsi ilə bağlı hüquq-mühafizə orqanlarına müraciət olunacaq.

İlk növbədə vətəndaşların istirahətinin səmərəli təşkili, onları narahat edən amillərin aradan qaldırılması, sosial şəraitinin yaxşılaşdırılması, ümumilikdə isə paytaxtımızı daha da gözəlləşdirmək olan bu tədbirlər Bakı Şəhər İcra Hakimiyyəti tərəfindən ardıcıl olaraq davam etdiriləcək.

Metroda əxlaqsızcasına gənc qızlara sataşan şəxsin kimliyi aydınlaşıb.

Bu barədə Axar.az-a məlumat verən Bakı Metropoliteni QSC-nin mətbuat xidmətinin rəhbəri Bəxtiyar Məmmədov bildirib ki, sözügedən şəxs 1981-ci il təvəllüdlü Seymur Abbasovdur:

“Hadisə vaxtı S.Abbasovun içkili olduğu müəyyən edilib. Hazırda araşdırma davam edir”.

Xatırladaq ki, dünən Bakı Metrpolitenində insident baş verib. S.Abbasov olduğu müəyyənləşən şəxs vaqonda qızlara söz atıb. Bu zaman vaqondakı sərnişinlər həmin şəxsə etiraz edib. Nəticədə dava düşüb. Dava salan şəxsi sərnişinlər “Koroğlu” stansiyasında polis əməkdaşlarına təhvil veriblər.

“Qara Qarayev” stansiyasında isə manyakın hücumuna məruz qalan qızlardan birinin halı pisləşib və o özündən gedib. Sərnişinlərdən bir neçəsi qızı qatardan düşürüb və metro işçilərini köməyə çağırıb.

ABŞ antirusiya sanksiyaları məsələsində Avropaya ciddi təzyiq göstərir, amma digər tərəfdən də Rusiya ilə gizli razılaşmalara imza atır.

Axar.az xəbər verir ki, bu sözlər almaniyalı jurnalist Andre Ballinin “Handelsblatt” qəzetində dərc olunan məqaləsində yer alıb. Onun sözlərinə görə, bunun üçün ən böyük sübut ABŞ-ın “Orbital ATK” hərbi konserninin Rusiyanın “Enerqomaş” şirkətiylə imzaladığı müqavilədir:

“Bu müqaviləyə əsasən, ABŞ Rusiyadan 4 raket mühərriki alıb. Bu mühərriklər olmasa, onlar öz yüklərini Beynəlxalq Kosmik Stansiyaya çatdıra bilməzlər. Bununla belə, heç kim ABŞ Konqresinin Pentaqonun Rusiyanın kosmik texnologiyalarından asılı olmasıyla bağlı təkliflərinə diqqət yetirmir.

Digər tərəfdən, Moskva və Vaşinqton ABŞ-ın xüsusi xidmət orqanları üçün Rusiyanın odlu silahlarının alınması barədə danışıqlar aparırlar. Söhbət “Osa” tapançalarından gedir. Bu silah artıq indidən Arizona ştatındakı polislər tərəfindən istifadə edilir.

“Osa”nın istehsalçısı olan “Texmaş” şirkəti yalnız Avropa ölkələrinin sanksiyaları altındadır. ABŞ-ın Rusiya ilə silah razılaşmaları prinsipiallıq baxımından qəbuledilməzdir. Görünür, Avropa məhz bunun üçün Ağ Evin enerji layihələri ilə bağlı əmrlərinə qarşı güclü müqavimət göstərir”.