Ziya Məmmədovun Bakıdakı villasında yanğın Bakıda “Milyonerlər məhəlləsi” kimi tanınan ərazidə yanğın başlayıb.

Hazırda Teymur Əliyev küçəsində yerləşən villaların biri yanır.

Şahidlərin “Qafqazinfo”ya verdiyi məlumata görə, yanan mülk sabiq nəqliyyat naziri Ziya Məmmədova məxsusdur.

Hazırda hadisə yerinə 4 yanğınsöndürən maşın cəlb olunub.
Tanınmış müğənni qəza törədib, hadisə yerindən qaçdı – Təfərrüat“Azəri star” yarışmasından sonra tanınan gənc müğənni Fidan Süleymanova qəza törədərək hadisə yerindən qaçıb.

Yenicag.az-ın əldə etdiyi məlumata görə, gecə şou-proqramda çıxış edən müğənni idarə etdiyi “Hyundai Santa Fe” markalı avtomobili ilə “Volkswagen” markalı maşını vurub. Müğənni Səbail rayon polisi tərəfindən saxlanılıb. Hadisə yerindən yayındığına görə barəsində protokal tərtib olunub və cərimələnib.

Məsələ ilə bağlı müğənni ilə əlaqə saxladıq.

F.Süleymanova saytımıza açıqlamasında əsəbiləşib: “Dünya dağılmayıb ki, hər kəsin başına iş gələ bilər. Maşın vurmuşam, cəriməmi də yazıblar. Ödəyəcəm. Əsas odur ki, xəsarət alan yoxdur. Hər iki avtomobilə ziyan dəyib, xərcini çəkəcəm”.

Öyrəndik ki, hadisə müğənninin avtomobilini park etdiyi yerdə baş verib. O, həyəcanlı olduğu üçün əyləcin yerinə qaza basıb, daha sonra idarəetməni itirib. Sürətlə hərəkət edən avtomobil qarşıda olan maşına çırpılıb. Müğənni üç min manat ziyana düşüb.
Bakıda təntənəli mərasim: Prezidentin məktubu... - VideoAzərbaycan polisinin 100 illik yubileyi münasibətilə Daxili İşlər Nazirliyinin Polis Akademiyasında təntənəli mərasim keçirilir.

Avrasiya.net xəbər verir ki, mərasimdə Azərbaycan Prezidentinin Hüquq mühafizə orqanları ilə iş və hərbi məsələlər üzrə köməkçisi-şöbə müdiri Fuad Ələsgərov, Daxili İşlər naziri, general-polkovnik Ramil Usubov və DİN-in Baş İdarə, idarə, şöbə, bölmə rəisləri iştirak edir.

***

Prezident İlham Əliyev Azərbaycan polisinin 100 illiyi münasibətilə polis əməkdaşlarını təbrik edib.

Təbrik məktubunu Azərbaycan polisinin 100 illik yubileyi münasibətilə təntənəli mərasimdə Azərbaycan Prezidentinin Hüquq mühafizə orqanları ilə iş və hərbi məsələlər üzrə köməkçisi-şöbə müdiri Fuad Ələsgərov oxuyub.

Məktubda qeyd olunub ki, bu tarix yalnız daxili işlər orqanları üçün deyil, müstəqil Azərbaycan dövləti üçün əlamətdar hadisədir: “1991-ci ildə Azərbaycan müstəqil olduqdan sonra ölkə idarəolunmaz vəziyyətdə idi. Bu, polis orqanlarına mənfi təsir göstərmişdi, kriminogen durum nəzarətdən çıxmışdı. 1993-cü ildə Heydər Əliyevin siyasi rəhbərliyə qayıtması dövləti uçurumdan xilas etdi. Bu gün Heydər Əliyevin siyasəti uğurla davam etdirilir. Ölkədə insan hüquqları ədalətli şəkildə qorunur. Azərbaycan polisi dövlətçiliyin qorunmasında əsas dövlət təsisatıdır. Əminəm ki, Azərbaycan polisi cinayətkarlığa qarşı mübarizəni bundan sonra da uğurla davam etdirəcək”.
İlahiyyat İnstitutuna qəbul qaydaları açıqlandıİnstitutun mətbuat xidmətindən APA-ya verilən məlumata görə, 2018-2019-cu tədris ili üçün ilk dəfə tələbə qəbulu həyata keçiriləcək.

İnstituta tələbə qəbulu Dövlət İmtahan Mərkəzinin xətti ilə III ixtisas qrupu üzrə iki istiqamətdə - islamşünaslıq və dinşünaslıq ixtisasları üzrə aparılacaq.

İlk tədris ili üçün ödənişsiz əsaslarla islamşünaslıq ixtisası üzrə 35, dinşünaslıq ixtisası üzrə isə 25 nəfər olmaqla cəmi 60 nəfər abituriyentin qəbulu nəzərdə tutulub. Həm islamşünaslıq, həm də dinşünaslıq ixtisasları üzrə minimum keçid balı 200 bal müəyyən edilib. Dinşünaslıq ixtisası üzrə məzun olanların işlə təmin olunması üçün Dini Qurumlarla İş üzrə Dövlət Komitəsinin və ölkədəki elmi-pedaqoji müəssisələrin, İslamşünaslıq ixtisası üzrə məzun olanların isə Qafqaz Müsəlmanları İdarəsinin sərəncamına verilməsi nəzərdə tutulub.

Yüksək ixtisaslı islamşünas mütəxəssislərin hazırlanması üçün nəzərdə tutulan İslamşünaslıq ixtisası üzrə təhsil almaq istəyən abituriyentlərin test imtahanı ilə yanaşı, dünyagörüşü səviyyəsinin və bu sahəyə maraqlarının müəyyənləşdirilməsi məqsədi ilə yaradılmış Psixoloji Komissiyada müsahibədən keçəcəkləri bildirilib. Dövlət İmtahan Mərkəzinin yaratdığı Dini-Psixoloji Komissiyanın tərkibinə ekspertlər, psixoloqlar və İnstitutun əməkdaşları daxil edilib. Müsahibədə abituriyentlərin psixoloji vəziyyətləri və yaradıcı təfəkkür imkanlarının xüsusi psixoloji metodika yolu ilə yoxlanılması nəzərdə tutulub. Müsahibə zamanı habelə abituriyentlərin ümumi dünyagörüşü və dini bilikləri, “İslamşünaslıq” ixtisasına uyğunluqları, xüsusilə gələcəkdə din xadimi kimi fəaliyyət göstərməyə münasibətləri, eləcə də tolerantlıq və multikulturalizm barədə bilikləri qiymətləndiriləcək.

Müsahibədə iştirak etmək istəyən abituriyentlər Dövlət İmtahan Mərkəzinin saytında qeydiyyatdan keçməlidirlər. İlkin qeydiyyat 29-31 iyulda, boş qalan yerlərə qeydiyyat isə 15, 16 avqust tarixlərində aparılacaqdır. İlk imtahan 1-6 avqust, boş qalan yerlərə imtahan isə 17-20 avqustda saat 09:00-dan başlayaraq Bakı şəhəri Əhməd Cəmil 41a ünvanında-Bakı Dövlət Universitetinin keçmiş İlahiyyat fakültəsinin inzibati binasında keçiriləcək. Peşəkar və təcrübəli mütəxəssislərin cəlb olunduğu Azərbaycan İlahiyyat İnstitutunda tədris prosesi ilahiyyat təhsilin müasir standartları səviyyəsində təşkil olunacaq.

Azərbaycan İlahiyyat İnstitutu 2-6 iyul tarixləri arasında abituriyentlər və valideynlər üçün açıq qapı günləri elan edib.

Məlumat üçün bildiririk ki, İnstituta qəbulla bağlı qaynar xətt yaradılıb: (+99412) 510 65 45 (daxili:123)
Bakıda 18 yaşlı gənc 16 yaşlı oğlanı öldürdüBakıda 18 yaşlı gənc 16 yaşlı oğlanı qətlə yetirib.

“Report”un xəbərinə görə, hadisə Binəqədi rayonunun Hökməli qəsəbəsində qeydə alınıb.

2002-ci il təvəllüdlü Musa Babayev bıçaqlanaraq qətlə yetirilib. Polis əməkdaşlarının keçirdikləri əməliyyat nəticəsində cinayəti törədən 2000-ci il təvəllüdlü Ağaramazan İsmayılov saxlanılıb.

Fakt üzrə araşdırmalar davam etdirilir.
“Bu sistem tam yerinə yetirilsə, universitetlərdə qapını açıb, bir tələbə də görə bilmərikAzEdu.az xaricdə təhsil məsələləri ilə bağlı maarifləndirici yazı və müsahibələrinə davam edir. Budəfəki müsahibimiz FONO təhsil-tədris qurumunun müdir müavini və ictimaiyyətlə əlaqələr şöbəsinin rəhbəri Nəzərbəy Hacıağayevdir. Onunla söhbətdə xaricdə təhsillə bağlı bir çox suallara cavab tapmağa çalışdıq:

-Nəzərbəy, ilk olaraq FONO haqqında danışaq: Necə qurumdur, hansı missiyanı həyata keçirir?

-FONO 1953-cü ildə Türkiyə Milli Təhsil Nazirliyində fəaliyyətə başlayan bir dövlət qurumudur. Elə həmin vaxtda Türkiyədə ilk distant təhsili həyata keçirib. FONO sonradan təkcə Türkiyə şəhərlərində kifayətlənməyib, Avropa və Amerikada filiallarını açaraq, türk vətəndaşlarına xidmət göstərib. 1999-2000-ci illərdə FONO dövlətlər arasındakı rəsmi razılaşmaya əsasən, Azərbaycanda da fəaliyyətinə başlayıb. Bununla da Azərbaycanda ilk dərsanə sistemi qurulub. 2000 - 2015-ci illər arasında əməkdaşlıq davam edib, 2015-ci ildə isə rəsmi lisenziya dayandırılıb. 2017-ci ildə Türkiyədə müəssisələrin özəlləşdirilməsinə başlanıldıqda FONO-nun 50%-i Azərbaycandakı türk iş adamı Səlçuk Tapan tərəfindən özəlləşdirilib. Qalan hissəsi isə yenə Türkiyə dövlətinin tabeliyində qalıb.

Biz də bundan sonra yalnız xarici dilin tədrisi deyil, ümumilikdə xarici təhsili şaxələndirməyə başladıq. Yəni burada YÖS, SAT, TOEFL, İELTS və digər proqramlar tədris olunmağa başladı. Həmçinin, xaricdə təhsillə bağlı bizə müraciətlər olunurdu. Əsas özəlliyimiz beynəlxalq təhsil qurumlarının, xüsusilə distant təhsillə bağlı əsas üzvlərdən biri olmamızdır. Biz həm də Avropa distant təhsil qurumunun üzvüyük. Burada 23 üzv var, Avropa İttifaqı dövlətləri ilə yanaşı burada Ukrayna, Hindistan, Amerika və Kanada da var. FONO bu qurumun üzvü olmaqla, həm də həmin ölkələrlə qarşılıqlı əməkdaşlıq edir. Türkiyəni təmsil edərək hər dəfə zirvə toplantılarında iştirak edir. Bu ildən qərar vermişik ki, Azərbaycan nümayəndə heyəti olaraq o toplantılarda iştirak edək.

FONO-nun kadrları peşəkarlardan ibarətdir. Müəllim işə təyin olunarkən, öncə onunla bağlı məlumatlar Ankaraya göndərilir. Yalnız Təhsil Nazirliyinin təsdiqindən sonra müəllim işə qəbul olunur.

-İlk dərsanə sistemini Azərbaycana gətirdiyinizi qeyd etdiniz. Bu sistem haqqında ətraflı məlumat verərdiniz; onun əsas özəllikləri nədir?



-Azərbaycanda dərsanə sistemi təəssüf ki, bəzi işbazların sayəsində bir qədər çökmüş vəziyyətdədir. Demək olar ki, bu sistem yoxdur. Bu, həm müəllimlərin qeyri-peşəkarlığı, həm də sistemin düzgün olmaması ilə əlaqəlidir. Dərsanə sisteminin özünün xüsusi quruluşu var: Əsas tələbənin hazırlıq prosesidir.Tələbə istər magistr, istərsə də bakalavr səviyyəsində universitetə daxil olmaq üçün bizə müraciət edir. Onların hər bir hazırlığını təmin edirik. Dərsanə sistemi o demək deyil ki, tələbə universitetə daxil olmaq üçün hazırlıq dərslərinə girdi və bununla da iş tamamlandı. Xeyr! Onu öncə müəllimlə dərsə salmalısız, dərsi başa düşməyibsə, yenidən dərsdə qalmalıdır, sonra “etüd müəllimi” deyilən mütəxəssislə dərs keçirilməlidir. Bundan əlavə, psixoloqlar da onlarla danışmalıdır. Yəni, dərsanə sistemi ümumilikdə Türkiyədə bu formatdadır; Azərbaycandakı hazırlıq sistemlərindən bir qədər fərqlidir. Burada tələbənin tədris proqramını mənimsəməsi əsas götürülmür, vacib olan onun imtahana qədər həm psixoloji, həm də mənəvi hazırlığıdır.

Azərbaycanda qəbul imtahanından sonra abituriyentlərin intihar hallarının tez-tez baş verməsi ona düzgün istiqamət verilməməsi ilə bağlıdır. Məsələn, şagird Hüquq fakültəsini seçəcəyini bildirir, amma bacarığı onu hüquqa yox, texniki fənlərə yönəldə bilər. Bəzi tələbələr deyir ki, tibbi istəyirəm. Onlarla ünsiyyətdə olandan sonra psixoloq və müəllimlərimiz aydınlaşdırırlar ki, bu tələbədən tibb işçisi olmaz. Amma sonda yenə də yekun qərarı özünə buraxırıq.

-Bəs burada tələbələrin psixoloji hazırlığı üçün nə tədris olunur? Psixoloq xidmətinin əsasını nə təşkil edir?

-Biz Bakı Dövlət Universitetinin Psixologiya fakültəsini bitirmiş bir psixoloqla müzakirələr aparıb, onu bura dəvət etmişik. Bizimlə əməkdaşlıq edib. Növbəti illərdə yeni psixoloqlar gətirəcəyik. Dünya sistemində belə bir anlayış var ki, yaxşı müəllim, həm də yaxşı psixoloq olmalıdır. Pedaqoji Universitetdə ayrıca psixologiya keçirilir ya yox, dəqiq bilmirəm. Amma dünya praktikasında bu mövcuddur. Müəllimi həm də xüsusi psixoloq kimi hazırlayırlar. Abituriyentlik keçid dönəmidir. Bu zaman dərs proqramı ilə yüklədikdə ona daha da çətin olur. Burda hər kəsin üzərinə yük düşür: həm dərsanənin, həm də valideynin... Biz təkcə tələbələrlə deyil, valideynlərlə də maarifləndirmə söhbətləri aparırıq. Bildiririk ki, övladlarınıza çox təzyiq göstərməyin və ya çox boş buraxmayın. Yəni balanslaşdırılma prosesini həyata keçirilməsini dərsanə psixoloqları öz üzərinə götürür.

-Gənclər təhsil üçün daha çox Türkiyəyə üz tuturlar. Bunun əsas səbəbləri nələrdir?

- İki faktor var: birincisi, Türkiyənin bizə yaxın dövlət olmağı, ikinci isə dil faktorudur. Bəzən, elə bilirlər ki, türk dilini onların filmlərindən və ya hər hansı musiqilərinə qulaq asaraq bilirik. Amma elə deyil, bu dilin çox çətin qrammatikası var. Başqa əsas faktor isə Türkiyə təhsilinin hazırki çox böyük inkişafıdır. Bu inkişafınsa əsas səbəbi təhsilinin Avropaya daha çox inteqrasiya etməsidir. Türkiyə təhsili dedikdə, eyni zamanda, İngiltərədəki sistemi də düşünə bilərik. Son 20 ildə Türkiyənin əsas hədəflərindən biri böyük təhsil ölkəsinə çevrilməkdir. Sual verə bilərsiniz ki, bəs niyə dünyanın top yüzlüyündə Türkiyə universitetlərinin adı yoxdur? Burada siyasi faktorlar da önəm kəsb edir. Türkiyənin əsas məqsədi təhsil turizmini inkişaf etdirməkdir. Türkiyə anlayır ki, ora gələn hər bir tələbə onların iqtisadiyyatına bir töhfədir. Təkcə təhsilin inkişafı deyil, hər bir sahəsi inkişaf edir.

İngilis elçinin Qandiylə bir söhbəti olub. O deyib ki, ingilislər Hindistanda bu qədər zorakılıqlar həyata keçiriblər, amma çox sevinirəm ki, eyni zamanda, hind xalqına təhsil verdiniz. İngilis elçisi cavabında bildirib ki, biz sizə ən böyük pisliyi etdik, öz təhsil sistemimizi yeritdik və min illərlə bundan qurtula bilməyəcəksiz. Bu gün türk dünyasını istəməyən qlobal güclər var ki, özlərini “xoşsimalı” göstərmək üçün təhsil faktorundan da istifadə edirlər. Müəyyən təqaüdlü proqramlar təşkil edirlər. Onların əsas hədəfi insanları psixoloji olaraq öz tərəflərinə çəkməkdir. Amma Türkiyənin əsas hədəfi təhsilini inkişaf etdirərək türk dünyasına öz töhfəsini verməkdir. Təbii ki, həmin proqramları yaradanlarla mübarizə aparmaq o qədər də asan deyil, Türkiyə bu məsələdə özünə, müsəlman türk dövlətlərinə güvənir. Türkiyənin əsas məqsədlərindən biri super təhsil ölkəsinə çevrilməkdir.

Söhbətin bu yerində, Avropa və Türkiyə təhsilinin oxşar və fərqli cəhətlərindən danışaq...

- Türkiyə və Azərbaycan təhsilinin fərqli cəhətlərini desəydiniz, müqayisələr edə bilərdim. Amma Türkiyə Avropa təhsilinə tam inteqrasiya edib. Türkiyə təhsili Şərqi Avropa ölkələrindən daha çox Qərb təhsilinə yaxındır. Ümumilikdə, Britaniya, Amerika təhsil sistemi ilə eyni səviyyədədir. Azərbaycan sosialist sistemindən çıxmış dövlətdir. Onun Avropaya inteqrasiya etməsi bir qədər çətindir. Kortəbii şəkildə inteqrasiya düzgün deyil, bu, mərhələli şəkildə olmalıdır. Həm pedaqoji heyət, həm tələbələr, həm də cəmiyyətin bu inteqrasiyanı qəbuletmə müddəti var. Yeni müstəqillik qazanmış bir ölkəyik. Lakin 26 ildir ki, müstəqilliyə çıxmağımıza baxmayaraq, inkişafımız daha əvvəl müstəqil olanlardan sürətlidir. Bu da əvvəldən Azərbaycanın savadlı kadrlarının olması ilə əlaqəlidir. Hazırda sovet sistemindən Avropa təhsil sisteminə inteqrasiya gedir. Bu da 3-5 ilin işi deyil. Öncə cəmiyyət bunu qəbul etməlidir.

-Son illərdə təhsil üçün xarici ölkələrə axın çoxdur. Sizcə, Azərbaycan təhsili gəncləri qane etmirmi? Buradakı əsas məqsəd hansıdır: ölkədən getmək, yoxsa, həqiqətən Qərb təhsili almaq?

-Yox, bununla əlaqələndirməzdim. Bu tendensiya dünyanın hər bir ölkəsində var. Bu gün amerikalı İngiltərədə, Fransada təhsilini davam etdirə bilər. O demək deyil ki, Amerikanın təhsilində hər hansısa problemlər var. Sadəcə, hər şey gənclərin seçim və arzularıyla bağlıdır. O demək deyil ki, bu gün Azərbaycan təhsil sistemi Almaniya ilə birdir. Problemlər danılmır, ancaq onların həlli də labüddür. Azərbaycan təhsil sistemində zəiflik, boşluqlar var. Bunların həlli üçün yollar da var. Gənclərin xaricə getməsi təhsilimizə xeyirdir. Almaniyada təhsil alıb geri qayıdan şəxs Azərbaycan pedoqoji sisteminə böyük töhfələr verə bilər. Orda gördüyü yenilikləri, bilik və bacarıqları burda tətbiq edə bilər. Türkiyə 1923-cü ildə müstəqilliyə çıxan kimi inkişaf edib deyə bir anlayış yoxdur. Gənclərin xaricə axınını Azərbaycan təhsilinin uğursuzluğu ilə bağlasaq, düzgün olmaz. İnteqrasiya, inkişaf etmək lazımdır. Sovet sistemindən çıxanda fərqinə vardıq ki, necə qapalı bir sistemin tərkibində olmuşuq. Bugün xaricdə tələbələrimizin çox olması yaxşı haldır. Lakin onlar da Azərbaycanla bağlı bir çox məslələrdə aktiv olurlar.

-Türkiyədən danışdıq, hazırda gənclər başqa hansı ölkələrə daha çox üstünlük verirlər?

-Gənclərin ən çox üstünlük verdiyi ölkələrdən biri Almaniyadır. Azərbaycan təhsilinin problemlərindən biri Avropa təhsilinə tam inteqrasiya edə bilməməsidir. Bizdə məktəblər 11, Avropada isə 12 ildir. Bu balans pozulduğu zaman onlar bəzən, bizim tələbələrimizin bakalavr sənədlərini qəbul etməkdə çətinlik yaradırlar. Qazaxıstan sovet təhsil sistemindən çıxmış bir ölkə olsa da, artıq bu mərhələni keçib. Bu gün tələbələrimiz Almaniya ilə yanaşı Litva, Ukrayna, Macarıstana üz tuturlar. İtaliyaya qarşı xüsusi bir maraq var. Təəssüf ki, İtaliya dövləti viza məsələlərində bəzi problemlər yaradır. Bu da gənclərimizə xoş olmur. Bu da İtaliyanın daxili qanunudur.

-Gənclər daha çox hansı ixtisaslar üzrə təhsil almağa gedirlər?

- Hər ölkənin özünə görə ixtisası var. Bir gənc müraciət edib desə ki, mən İtaliyada tibb təhsili almaq istəyirəm, bu, bir az gülməli olar. Məsələn, Polşanın Krakov Universitetində İdarəetmə fakültəsində oxumaq istəyən ola bilər, təbii ki, orda bu fakültə var, amma mükəmməl deyil.

-Bizdə olmayan bəzi ixtisaslar var. Həmin ixtisaslar üzrə xaricdə təhsil almaq istəyənlər olur? Onları geri qayıdandan sonra iş problemləri narahat etmir ki?



-Gənclərlə həmişə müzakirələr aparırıq, ixtisas seçimində bu məsələləri qeyd edirik. Bu günün və keçmişin ixtisasları var. Bu gün Avropada ən tələb olunan ixtisas tibbdən sonra turizm və otelçilikdir. Demək olar ki, tələbələrin 70%-i turizm oxumaq istəyir. Elə ixtisaslar var ki, həmin sahə üzrə oxumaq lazım deyil. Bəzən valideynlə, tələbənin İQ göstəricisi üst-üstə düşmür. Valideyn bəzən övladını göndərmək istəyir. Amma bu tələbə nə ingilis, nə rus dilini bilir.Onun tədris prosesini qəbul etməsi də o qədər güclü olmur. Təbii ki, valideynin arzusu ola bilər. Amma övladının səviyyəsinə nəzər salmalıdır bu istiqamətdə oxuya bilərmi?

Burdan başqa ölkəyə tələbə yönləndirəndə, burada artıq iki ölkə arasındakı münasibətlər əsas mövzu olur. Heç bir savadı olmayan 10 tələbəni ora yönləndirsək, onların təsdiq sənədi gəlsə, orda Azərbaycan haqqında xoş olmayan təəssüratlar yaranar. Valideynlərə səslənirəm: Hamı universitet oxumalıdır deyə bir anlayış olmamalıdır. Peşə təhsili,texniki məktəblər var. Universitetə göndərilən hər hansı tələbə peşə məktəbinə göndərilsə, bəlkə də öz peşəsinin mahirlərindən biri olar və daha çox gəlir əldə edər. Valideyn bunu düşünməlidir. Amma Azərbaycanda düşünürlər ki, ali təhsil, diplom olsun. Amerikada bu gün belə yanaşma yoxdur. Orada insanlar ali təhsil almağa o qədər maraqlı deyillər. Ən böyük idealları olanlar universitetə gedirlər. Digər məsələlərdə yüngül kurslar onların iş qazanmasına kömək edir.

-Xaricdə magistraturaya sənəd verərkən öz ixtisasından fərqli seçim etdikdə hansısa problemlər yaranırmı?

-Bu, gündəmdə olan bir məsələdir. Bəzən, humanitar fakültədən gəlib turizm və biznes üzrə oxumaq istəyir. Biz onlara deyirik ki, sizi göndərərik, problem yoxdur, ancaq bu sizin üçün çətin olacaq. Bu zaman dərs yükü çətin olur və ödəniş də artır. Yaxın sahə üzrə oxuduqda heç bir problem olmur. Hər tədris ilinə görə ödəniş etməli olacaqsınız. Bilmədiyiniz bir mövzuların içinə girirsiz və bilinmir və məlum deyil, hamısını mənimsəyə biləcəksiniz, ya yox. Amma magistr üzrə hər hansı universitetə yönləndirmək, qətiyyən problem deyil. Dünyada təhsil biznesi formalaşıb. Təhsilin və tədrisin mənəvi tərəfləri var. Amma burda vicdan və məsuliyyət faktorlarını kənarda qoymamalıyıq.

-FONO-da xaricdə təhsilə göndərilən tələbələr yalnız ödənişli əsaslarla oxuyurlarmı?

- Universitetlərlə əlaqə saxlayıb, onların dediklərini birbaşa valideynə çatdırırıq. Məsələn, Hollandiyada Kral Universiteti var, onlarla əlaqə saxladım. Onlar mənə dedilər ki, təhsilhaqqı illik 21 min avrodur. Soruşdum ki, hər hansı təqaüd proqramı var? Cavab verdilər ki, tələbənin nəticələri xoşumuza gələrsə birinci ildə biz onun təhsil haqqına endirim edə və ya ləğv edə bilərik. Sonra növbəti ildə təqaüd proqramına onu qoşa bilərik, bu da semestr ərzində qiymətlərindən asılıdır. Amma bəzi işbazlar iki-üçüncü mərhələni kənarda qoyurlar. Belə bir məsəl var: Tutar qatıq, tutmaz ayran. Şirnikləndirmək üçün çağırıb deyirlər ki, təqaüd proqramına müraciət edəcik, qəbul olacaqsınız. Məni düşündürən bir məsələ var. Bu işlərdə olan saxtakarlar, həm də peşəkar psixoloqlardır. Qarşı tərəfi çox gözəl cəlb edə bilirlər. Psixoloji iradəsi ən möhkəm olan insan onların yanına getdikdə xoş vədlərinə inanırlar. Elə bil ki, onlar üçün xüsusi “adam aldatma” ixtisası açılıb, hamısı oranı bitiriblər. Çox gözəl aldatma qabiliyyətinə malikdirlər. Bu da insanların məlumatsızlığından irəli gəlir. Azərbaycanda insanların aldanma istəyi var. İnsan özü də məlumatlı olmağa maraqlı olmalıdır.

-Hansı ölkələrdə təhsilhaqqı daha yüksəkdir?



-Ən bahalı ölkələrdən biri İsveçdir. Çünki bura təhsilin inkişafına görə dünyada bir nömrəli ölkədir. Sonra əməkdaşlıq etdiyimiz İsveçrədir. Amerika, Kanadada da qiymətlər yüksəkdir; illiyi 10-15 min avroluq universitetlər var. Məsələn, Amerikada universitetlər var ki, illik təhsilhaqqı 23 min dollardır. Qiymətlər əyalətə və universitetin keyfiyyətinə görə dəyişir. Bəzən valideyn gəlib deyir ki, mənə tez hansısa universitet haqqında məlumat verin. Başa salıram ki, mənim əlimdə məlumatlar var, amma dünyada 79 mindən çox universitet var. Bir şəxsin istəyinə uyğun universitet tapmaq üçün bir gün vaxt sərf olunur. Amma bu gün Avropa Distant Təhsil qurumunun üzvü olduğumuz üçün hər yerə qapımız açıqdır.

-Tələbələr dövlət, yoxsa özəl universitetlərə üstünlük verir?

-Bu tendensiya yalnız Azərbaycanda mövcuddur. Hər içəri girən “dövlətdi ya özəl” sualını verir. Dünyada isə belədir: özəl universitetin keyfiyyəti dövlət universitetindən daha yaxşıdır. Çünki düşünürlər ki, özəl universitet biznes obyektidir və özünü inkişaf etdirmək üçün gəlir mənbəyi oradakı tələbələrdir. Bunun üçün hər şeydən istifadə edəcək ki, ən yaxşı olsun. Hətta qardaş Türkiyədə də bu yanaşma var.

-Əsas problemlərdən biri xaricdə təhsil alan tələbələrin diplomlarının tanınması ilə bağlıdır. Əsasən hansı ölkələrdə təhsil alanlar bu problem üzləşirlər?



-Elələri var ki, hansısa saxtakarlar vasitəsilə və ya öz yollarıyla Ukraynaya gedirlər. Bu hal ən çox Ukrayna və Rusiyadadır. Bəzi yollarla öz diplomlarını alırlar, qayıtdıqdan sonra rus dilində heç “salam, sağol”u da bilmirlər. Təhsil Nazirliyində müsahibədən keçəndə ona görə də diplomları təsdiqlənmir. Həmçinin, Azərbaycanda distant təhsil haqqında qanunun olmadığı haqqında məlumat vermirlər. Bu da yenə saxtakarların və məlumatsızlığın nəticəsidir. Bizə də İsveçdən gələn nümayəndələr distant təhsillə bağlı təkliflər etdilər. Amma bildirdim ki, bununla bağlı mükazirələri dayandıraq. Türk vətəndaşları göndərə biləcəyimi, amma azərbaycanlı tələbələri göndərə bilməyəcəyimi dedim. Çünki Azərbaycan qanunvericiliyi distant təhsili qəbul etmir. Bu məsələlərə diqqət etmək lazımdır. Sonra həmin ölkənin Təhsil Nazirliyinin o universitetə tanıdığını, lisenziyası olduğunu bilmək lazımdır.

-Distant təhsillə bağlı müraciət edən azərbaycanlı tələbələr olurmu?

-Bu qanun olmasa da azərbaycanlı tələbələr distant təhsil ala bilər. Bəlkə onun məqsədi Azərbaycanda qalmaq deyil. Sadəcə, bu təhsil sistemi Azərbaycanda tanınmır. Biz də istəyirik tədris və təhsilin inkişafına görə, Avropaya inteqrasiya yolunda distant təhsil haqqında qanun qəbul edilsin. Ancaq bizim cəmiyyət buna hazır olmalıdır. Mənim təklifim budur, amma digər ekspertlərin arqumentləri daha iddialı ola bilər. Cəmiyyətin bu proseslərə hazır olması lazımdır. Biz hələ Boloniya sisteminə hazır deyilik. Boloniya təhsil sistemi tam yerinə yetirilsə, inanın ki, universitetlərdə qapını açanda bir nəfər görmək olmaz. Bu sistemdə tələbənin dərsə gəlib, gəlməməsi maraqlı deyil. Sonda imtahanını verəcəksən. Necə öyrənəcəksən, ya yatıb yuxuda görəcəksən, bu, artıq tələbənin işidir. Türkiyə əvvəldən bu sistemlə başlayıb, amma bizdə sovet təhsil sistemi olub. Pedoqoji heyətin yenilənməsi baş tutmalıdır ki, bu sistemlərə keçirilsin.

-Konkret olaraq distant təhsillə bağlı müraciət edən olubmu?

-Son zamanlar insanlar bizdə distant təhsillə bağlı qanunun olmamasına inandırılıb. Müraciət çox azdır.

-Qanun qəbul olunarsa nə kimi dəyişiklər baş verə bilər?

- Birinci, təhsildə Avropa modeli üstünlük təşkil edəcək. İkincisi də çox gözəl haldır ki, evinizdən çıxmadan tədris proqramını yerinə yetirirsiz və sonda diplom alırsınız. Ümumiyyətlə, Avropada qəbul edilən qərarlar insanların rifahı üçün nəzərdə tutulur. Bizdə bəlkə bir-iki ilə tam hazır ola bilər, amma indi yox. Bu qərarın qəbul olunması tam olaraq Avropa təhsil sisteminə gətirilməsi deməkdir.

-Hazırda tələbələr xaricdə təhsil üçün müxtəlif beynəlxalq imtahanlara üz tuturlar. Ən çox hansına üstünlük verilir?

- Son illər İELTS imtahanları çox inkişaf edib. Elə vəziyyət yaranıb ki, müraciət çox olduğundan onlar Tiflisdə imtahan verməyə gedirlər. Bu, tələbənin dil biliyinin inkişafı ilə yanaşı, həm də xarici universitetlərin bu sənədlərə güvənməsidir. Beynəlxalq proqranların üstünlüyü odur ki, universitetlər tərəfindən daha çox tanınırlar. Hansısa dil bilib imtahan nəticəsi olmayanda, universitetə qəbul çətin olur. Qarşı tərəfi inandırmalısınız ki, siz ingilis dilində danışa bilirsiniz. Bu imtahanların tələbi daha çox miqrantların qərb ölkələrinə axını ilə bağlıdır. Təsəvvür edin ki, artıq yaş məhdudiyyətləri belə müəyyən edilib. Bəzən miqrantlar təhsil adıyla gəlib, ölkədən getmək istəmirlər. Ona görə avropalını tam inandırmalısan ki, sən ora təhsil üçün gedirsən və ölkənə qayıdacaqsan.

-Beynəlxalq imtahanların qiymətləri elə də ucuz deyil. Bunlar nəyə görə müəyyən olunur?

-Qiymətləri təyin edənlər düşünür ki, bu məbləği ödəyə bilirsə , demək bura təhsil üçün gəlir. Niyə Almaniya təhsil üçün gələnlərdən tələb edir ki, Düsseldorf bankında 9 min avro pul olsun. Çünki əmin olmalıdır ki, iş dalıyca gəlmirlər.

-Bəzən təqaüd proqramlarında belə bank hesabında müəyyən məbləğdə pulun olmağı tələb olunur. Bu nə dərədəcədə doğrudur?

-Təqaüd proqramları onun üçün nəzərdə tutulmayıb ki, tələbənin təminatını həyata keçirsin. Düzdür hesablananda bunlar nəzərə alınır. Bu proqramlar sırf həvəsləndiricidir. Avropa təhsilini psixoloji, mətnaltı olaraq bizimkilərin beyninə yeridirlər. Bu gün Şərq - Qərb münaqişəsi gedir. Onlar bu yollarla özlərini yaxşı göstərməyə çalışırlar. Ona görə müəyyən məbləğ qoyurlar ki, ora gələnin məqsədi sırf təhsil olsun.

Nəzərbəy son sualım belədir: Xaricdə təhsil azərbaycanlı tələbələrə nə dərəcə iş imkanları qazandırır?

-Bu, çox gözəl tendensiyadır. Biz qapalı ölkə deyilik. Təhsil inteqrasiya, inkişaf dövrünü yaşayır və bunun əsas tərəfləri xaricə tələbə göndərməkdir. Onlar öyrəndiklərini burada tətbiq edəcəklər. Bu yalnız pedaqoji sahədə deyil. Tibbdən gələnlər də gözəl həkim ola bilərlər. Onlar gəlib təcrübəsini həmkarlarıyla da bölüşə bilərlər. Avropaya edilən istənilən inteqrasiya ölkəmizin Avropa modelinə keçidi deməkdir. Həm də yeni iqtisadi inkişaf deməkdir.
Lənkəranskinin Şamaxıdakı tərəfdarlarından – ŞikayətOdlu silahla cinayət törətməkdə təqsirli bilinən Şamaxı şəhər sakini Sadiq Hüseynov, Rusiya Federasiyasının Saxalin vilayətində anadan olmuş Əziz Əzizov barələrində olan hökmdən Baş Prokurorluq tərəfindən kasasiya protesti verilib.

Teleqraf.com xəbər verir ki, həmçinin təqsirləndilən şəxslər də kasasiya şikayəti veriblər.

Tərəflərin protest və şikayətləri araşdırılması üçün Ali Məhkəməyə təqdim olunub. İş araşdırılması üçün hakim Tahir Kazımovun icraatına verilib.

Məhkəmə baxışı avqustun 29-na təyin edilib.

Təqsirləndirilən şəxslər kriminal aləmin üzvləri olub. Sadiq Hüseynov və Əziz Əzizov Rövşən Lənkəranski tərəfdalarına yaxınlıqları ilə seçiliblər.

Təqsirləndirilən şəxslərin törətdikləri cinayətlər xeyli əvvəl baş versə də, bu işi üzrə məhkəmə instansiyalarında uzun zaman araşdırma aparılıb.

İttihama görə, 9 avqust 2011-ci il tarixdə Sadiq Hüseynov Lətif Nəbiyevlə yaxın dost münasibətlərində olan Famil Hümbətova zor tətbiq edib, ona məxsus “Santa Fe” markalı avtomaşını əlindən alıb.

Famil Hümbətovun xahişi ilə Lətif Nəbiyev Sadiq Hüseynovla görüşüb, avtomaşının geri qaytarılmasına nail olsa da, həm danışıqlar və avtomaşının qaçırılması zamanı, həm də sonra Sadiq Hüseynovdan narazı qalıb.

Lətif Nəbiyev Sadiq Hüseynovu “cəzalandırmaq” barədə başqa şəxsin xahişi ilə onu avqustun 11-də saat 18.00-da Pirqulu yolunda yerləşən “Məlhəm” restoranının yaxınlığına çağırıb. Həm Lətif Nəbiyev, həm də Sadiq Hüseynov görüşə başqa şəxslərlə gəlib.

Görüş zamanı Sadiq Hüseynov davaya gəlmiş şəxslərin gözü qarşısında kəsici və küt əşyalarla Lətif Nəbiyevi vurub.

Bundan başqa, o, 18 avqust 2012-ci il tarixdə başqa bir şəxslə Şamaxı rayonunun Göylər kəndinə gedən yolda “Azpetrol” yanacaqdoldurma məntəqəsinin yanında Mirələm Daşdəmirova hücum edib, döyərək ona bədən xəsarəti yetiriblər.

Həmin il sentyabrın 26-da Sadiq Hüseynov yaxın münasibətdə olduğu Nuranə Üzeyirovanın Şamaxı şəhəri, Cavanşir Balayev küçəsindəki yaşayış sahəsinə girib. Oradan 973,4 manat dəyərində “Toshiba” markalı kompüteri, 230 manatlıq “Nokia C-3” markalı mobil telefon aparatını oğurlayıb.

O, oktyabrın 31-də Əziz Əzizov və başqaları ilə Şamaxı şəhərində “Turist” restoranında olarkən Nuranə Üzeyirovanın yaşadığı evdən oğurladığı “Toshiba” markalı noutbukui geri almaq üçün Bakıdan ora gələn Cəsur Səbzəliyevə qarşı xuliqanlıq edib, ona nalayiq söyüşlər söyüb.

Daha sonra bıçaqla Cəsur Səbzəliyevin baş nahiyəsinə vurub, yanındakılarla birlikdə bədəninin müxtəlif nahiyələrinə zərbələr endirib. Cəsur onların əlindən çıxaraq restoran binasının qarşısına qaçıb. Amma orada da ondan əl çəkməyiblər.

Cəsur Səbzəliyevə müxtəlif dərəcəli bədən xəsarətləri yetiriblər.

Sadiq Hüseynov Lətif Nəbiyevlə şəxsi ədavət zəminində 20 noyabr 2012-ci il tarixdə onu öldürmək niyyəti ilə Əziz Əzizovla cinayət əlaqəsinə girib.

Onlar ov tüfəngi götürərək “VAZ-21154” markalı avtomaşınla Lətif Nəbiyevi axtarıblar. Saat 17.00-da Şamaxı şəhəri, S.Ə.Şirvani küçəsində “Mebel” mağazasının qarşısında Lətif Nəbiyevi tapa biliblər. Sadiq Hüseynov odlu silahla Lətif Nəbiyevə məxsus “Lexus RX-350” markalı avtomaşına 2 dəfə atəş açıb.

Daha sonra Lətif Nəbiyev avtomat silahla Şamaxı-Bakı magistral yolunda “Turist” restoranının yanına gəlib. Orada Sadiq Hüseynov və Əziz Əzizova bir neçə dəfə atəş açıb. Sadiq Hüseynov qolundan, Əziz Əzizov isə kürəyindən yaralanıb.

Əzizin maşını yolun sol kənarına çıxaraq ağaca dəyib. Lətif Nəbiyev öz maşınında hadisə yerindən Şamaxı şəhərinə qayıdıb.

Təqsirləndirilən şəxslərə qarşı Cinayət Məcəlləsinin 29,120.2.1-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd), 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd), 221.2.1-ci (bir qrup şəxs tərəfindən və ya təkrar xuliqanlıq törətmək) və 221.3-cü (silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq törətmək) maddələri ilə ittiham elan edilib.

Bakı Ağır Cinayətlər Məhkəməsinin hökmü ilə Sadiq Hüseynov 13 il, Əziz Əizov 9 il 6 ay, Lətif Nəbiyev isə 12 il 6 ay müddətinə azadlıqdan məhrum edilib.

Hökmdən narazı qalan prokuror apelyasiya protesti verib, təqsirləndirilən şəxslərin cəzalarının ağırlaşdırılmasını istəyib.

Həmçinin təqsirləndirilən şəxslər də cəzalarının yüngülləşdirilməsi məqsədilə apelyasiya şikayəti veriblər. Bir müddət əvvəl tərəflərin şikayətinə Sumqayıt Apelyasiya Məhkəməsində baxılıb.

O zaman işə baxan hakim heyəti təqsirləndirilən şəxslərin apelyasiya şikayətlərini təmin edib. Məhkəmə Sadiq Hüseynovun cəzasını 5 il 6 aya, Əziz Əzizovun isə cəzasını 4 ilə endirilməsi barədə hökm elan edib. Hökmə əsasən, Əziz Əzizovun ittiham olunduğu qəsdən adam öldürməyə cəhd maddəsi üzrə cinayət işinə bəraət verilib, o, xuliqanlıqda təqsirli bilinib.

Lətif Nəbiyevin istintaq təcridxanasında vəfat etməsi ilə bağlı onun barəsində cinayət işinə xitam verilib.

Digər təqsirləndirilən şəxslərin cəzalarının ağırlaşdırılması ilə bağlı prokurorun protesti təmin edilməyib.

Bu dəfə prokuror Ali Məhkəməyə müraciət edib. Prokurorun protestinə baxan hakim heyəti təqsirləndirilən şəxslərin barəsində olan hökmü ləğv edib, işin yenidən apelyasiya instansiyasında araşdırılması barədə qərar qəbul edilib.

Sumqayıt Apelyasiya Məhkəməsinin hakimi Nazim Mövsümovun icraatına verilən iş üzrə yenidən araşdırma aparılıb. Sadiq Hüseynov və Əziz Əzizovun barəsində olan hökm yenidən dəyişdirilib. Sadiq Hüseynovun ittiham olunduğu Cinayət Məcəlləsinin 29,120.2.1, 29,120.2.4-cü maddələri həmin Məcəllənin 221.3-cü maddəsinə tövsif edilib.

Onun ittiham olunduğu oğurluq maddəsi isə hökmdən xaric edilib. Sadiq Hüseynovun cəzası 5 ilə endirilib.

Digər təqsirləndirilən Əziz Əzizov da Cinayət Məcəlləsinin 221.3-cü maddəsi ilə ittiham edilib və onun cəzası 3 ilə endirilib.

Məhkəmə Əziz Əzizovun cəza müddətini bitmiş hesab edib və o, məhkəmə zalından azadlığa buraxılıb.

Prokurorun protesti təmin edilməyib.
Alim öldü, aləm öldü: Türk dünyası nəhəng alim Fuad Sezgini itirdiSəməd Vəkilov

Alim öldü, aləm öldü deyib Peyğəmbər əfəndimiz. Türk dünyasının nəhəng elm adamlarından olan türk islam tarixi araşdırmaçılarının elmin çinarı adlandırdıqları Fuad Sezgin dünyasını dəyişib.

F.Sezgin kimdir?
Alim öldü, aləm öldü: Türk dünyası nəhəng alim Fuad Sezgini itirdi
Fuad Sezgin: “Mən hər kəsin etməli olduğunu etdim, məndən öncəki alimlərin uğurlarını minnətdarlıq duyğusu ilə qarşıladım, yanlışlarını isə qabartmadan düzəltməyə çalışdım. Həqiqət hesab etiklərimi isə gələcək nəsillərə çatdırmaqla əmanət etdim!”

İslam Elmlər tarixi sahəsində dünyada nüfuz sahibi olan ustad Professor Fuad Sezgin süryani, ibrani, latin, ərəb, alman dilləri daxil olmaqla 27 dili yüksək səviyyədə mənimsəmişdir.

Fuad Sezgin, 24 yanvar 1924 tarixdə Türkiyənin Bitlis bölgəsində dünyaya gəlmişdir.

1943-51 illərdə İstanbul Üniversitetində Ədəbiyyat Fakultəsi Şəriət İnstutunda "İslami Elmlər və Oryentalizm" sahəsində Alman oryentalisti professor HellmutRitterin tələbəsi olmuşdur.

H.Riterrin elmlərin təməlini "İslam Elmləri” olduğunu söyləməklə Fuad Sezgində bu sahəyə maraq yaratmışdır. Beləliklə F.Sezgin, 1951-ci ildə İstanbul Üniversiteti Ədəbiyyat Fakultəsini bitirdikdən sonra 1954-ci ildə Ərəb dili və Ədəbiyyat Bölümndə “Buxarinin Kaynaqları” adlı doktorluq işini müdafiə edərək dosent elmi dərəcəsi almışdır. Bu mövzu ilə hədis qaynağı olaraq İslam mədəniyyətində mühüm mənbə sayılan Buxarinin şifahi mənbələrə deyil, yazılı mənbələrə əsaslandığı fikirini irəli sürmüşdür. Bu yazılı mənbələrin İslamın erkən dövrünə hətta 7-ci əsrə dayandığını ortaya qoydu. Sözügedən mövzu Avropa şərqşünaslıq mərkəzlərində hələ də müzakirə edilməkdədir.

Fuat Sezgin, 1960-cı il hərbi çevrilişindən sonra "Zərərli Professor " kimi İstanbul Universitetindən çıxarılmışdır. 1961-ci il tarixində 36 yaşındakən vətənini tərk etmək məcburiyyətində qalmışdır.

1960–61-ci illərdə Almanyaya gedərkən yalnız paltarlarını və bir qrup sənədlərini apara bilmişdir. Bir müddət Frankfurt Üniversitində əcnəbi dosent kimi dərs demişdir. 1966-cı ildə professor dərəcəsi almışdır. Elmi araşdırmalarının əsasını "Ərəb-İslam Mədəniyyəti “ və təbii elmlər tarixi təşkil edir.

1978-ci ildə "Kral Faysal" mükafatı almışdır. Bu mukafatı aldıqdan sonra ərəb dünyasında dövlət adamlarının F.Sezginə marağı artmış və alim İslam mədəniyyəti və elm tarixinin araşdırmaları ilə bağlı ərəb dövlətləri tərəfindən böyük layihələrə dəstək aldı. Bundan sonra 1982-ci ildə J.V. Hoethe Üniversitetində Ərəb-İslam Elmləri Tarixi İnstitunu və 1983-cü ildə həmin universitetdə muzey qurmağa nail olmuş və bu qrumun rəhbəri təyin olunmuşdur.

Sözügedən muzeydə müsəlman bilginleri tərəfindən düzəldilmiş alətlərin və elmi araç ve gereçlerin, yazılı mənbələrə söykəndiyini göstərməkdədir.

İstanbul Gülhanə Parkı içindəki Has Ahırlar Binasında, Türkiyə Prezidenti Rəcəp Tayyib Ərdoğan tərəfindən açılan "İslam Elm və Texnoloji Tarix Muzeyi” Türk insanı onu daha yaxından tanımaq imkanı oldu. Müsəlman elm adamlarının görüşləri bu an Gülhanə Parkındakı "İslam Elmi və Texnoloji Tarix Muzeyində” nümayiş etdirlməkdədir.

Allah rəhmət eləsin!