İranda dahi şair Şəhriyarın büstü təhqir edildiBöyük Azərbaycan şairi Məhəmmədhüseyn Şəhriyarın İrandakı büstlərindən birinə qarşı hörmətsizlik edilib.
Modern.az yerli mediaya istinadən xəbər verir ki, naməlum şəxslər şairin Məşhəd şəhərindəki büstünü küt alətlə bir neçə yerdən dağıtmağa çalışıb. Nəticədə, büst yararsız hala düşüb. Büstün baş hissəsi bir neçə yerdən sındırılıb.
Məkkədə qadınla söhbət edən kişi həbs edildi - VİDEOSəudiyyə Ərəbistanında kişini qadınla söhbət etdiyinə görə həbs ediblər.

Axar.az xəbər verir ki, bu barədə “Deyli Meyl” qəzeti məlumat yayıb. Qadınla Məkkədəki restoranlardan birində söhbət etməsi videosunun sosial şəbəkələrdə yerləşdirilməsindən sonra kişi həbs edilib.

Qeyd edək ki, sosial şəbəkələrdə kişinin qadınla bu videosu ölkə əhalisi tərəfindən ciddi tənqidə məruz qalıb və bunun yolverilməz olduğu deyilib.

Bir müddət əvvəl Səudiyyə Ərəbistanı vəliəhd şahzadəsi ölkəsində “mülayim islamı” tətbiq edəcəyini bəyan edib.
Qaradağ Rayon Polis İdarəsi dələduzu müdafiə edir - ETİRAZ AKSİYASI /VİDEOBu gün Qaradağ rayonun da, bir qurup sakinlər haqsızlığa qarşı etiraz aksiyası keçiriblər. Rayon sakinləri Reportyor.org-a bildiriblər ki, İbrahimov Məmməd adlı birisi onlara qarşı dələduzluq edərək pul və qızıl əşyalarını müxtəlif yollarla mənimsəyib. Etiraz edən sakinlər onu da qeyd ediblər ki, iş artıq üç ildir Qaradağ Rayon Polis idarəsində araşdırma aparılır lakin, əməli törədən haqqında heç bir tədbir görülmür.

Dəfələrlə Daxili İşlər Nazirliyinə Baş Prokurorluğa ərizə ilə müraciət etsək də, nəticəsiz qalıb. Dələduzluq edən şəxs hal-hazırda yenə öz əməllərini həyata keçirir.Sakinlər xüsusi ilə qeyd ediblər ki, Qaradağ rayon Polis Idarəsi dələduzu müdafiə etmək də, maraqlıdır.Bütün bunlar işin gedişindən aydın olur ki, dəfələrlə açılmış cinayyət işini bir birlərinə ötürüblər.Sonda əziyyəti biz çəkirik çətin vəziyyətdə yaşayırıq.

Səsimizi Cənab Prezidentimizə çatdırın bilsin ki, rayon polis idarələri bizləri necə vəziyyətdə saxlayır.Hüquqi dövlətdə yaşayırıq bizim qanunlarımız var onlara Qaradağ Rayon Polis idarəsinin işçiləri tərəfindən əməl edilmir.

Mövzu diqqətimizdədir.


Xaçmazda BİABIRÇILIQ - 20 manatlıq qadınlar - VİDEOXaçmaz rayonu Çarxı kənd sakinləri “Dostluq” kafesində baş verənlərdən narahatdırlar.

Oxu.Az-ın xəbərinə görə, bu barədə ATV-nin müxbiri Rəşid Məmmədli öz Facebook səhifəsində yazıb.

R. Məmmədli bildirib ki, fahişələrlə görüş müştəriyə 20 manata başa gəlir.

Müxbir faktla bağlı görüntüləri Daxil İşlər Nazirliyinə göndərdiyini qeyd edib.
Təhsil müəssisəsi ilə bağlı növbəti RƏZALƏT - Qəbiristanlıqda məktəb tikdilər“Ağstafa rayon Köhnəqışlaq kənd məktəbi rayonun başbilənləri Məhərrəm Quliyevin, RİH-in memarı, əslən Köhnəqışlaqdan olan Sənan Mustafayevin israrlı təkidlərindən sonra kənd qəbiristanlığına bitişik tikilib. Qəbiristanlıqda dəfn mərasimləri məktəb şagirdlərinin gözü qarşısında baş verir”.

Bu haqda xural.com-u Ağstafa sakinləri məlumatlandırıblar. Onların dediyinə görə, mərhumlarını yad etməyə gələnlərin ağlaşma səsləri şagirdlərdə pisixoloji zədə yaradır və bu səbəbdən valideynlərin çoxu övladlarını qonşu Tatlı kənd məktəbində oxutdururlar. Sakinlərin verdiyi məlumatlara görə, nə yazıqlar ki, kənd camaatının prezidentə, Təhsil Nazirliyinə yazdıqları etiraz məktubları nəticəsiz qalır və yaramazlar bilərəkdən, məqsədli şəkildə ölkədə yeni nəslin savadsız, qüsurlu yetişməsinə çalışırlar. “Bu da genefondumuza vurulan ən ağır zərbədir” deyə xural.com-a müraciət edən yerli sakinlər, məsələni ictimailəşdirmək üçün bizdən dəstək istəyirlər…
Sabunçuda 41 yaşlı kişi yaşadığı evdə özünü asdıBakının Sabunçu rayonunda intihar hadisəsi baş verib.

"Report"un məlumatına görə, hadisə rayonun Kürdəxanı qəsəbəsində qeydə alınıb.
Belə ki, qəsəbə sakini, 1976-cı il təvəllüdlü Pərviz Əlizahab oğlu Rəhmanov yaşadığı evdə özünü asaraq intihar edib.

Faktla bağlı Sabunçu rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb, istintaq aparılır.
İki nəfərə “Əməkdar jurnalist” fəxri adı verildiAzərbaycan prezidenti İlham Əliyev “Əməkdar jurnalist” fəxri adının verilməsi haqqında sərəncam imzalayıb.

Azərbaycanda kütləvi informasiya vasitələrinin inkişafındakı xidmətlərinə görə Quliyev Səlahəddin Məlik oğlu və
Paşayev Hüseyn Məmməd oğluna “Əməkdar jurnalist” fəxri adı verilib.

Dövlət başçısının digər sərəncamı ilə Hacıyev Allahverdi Şəmistan oğlu və Hacıyev Hacan Qulu oğluna Azərbaycan Respublikasında təhsilin inkişafındakı xidmətlərinə görə “Əməkdar müəllim” fəxri adı verilib.
Erməni əsgərlər bir-birini qırır - Düşmən təşvişdəErmənistan ordusunda “dedovşina” adi məişət davranışlarından tutmuş hərbi hissələrin fəaliyyətində bütün sahələri tam təsir altına alıb. Bu, artıq Ermənistan ordusunun bölmələrində heç kimi təəcübləndirmir və çoxları tərəfindən adi hal olaraq qəbul edilməyə başlayıb. Son vaxtlar demək olar ki, “dedovşina” zəminində ermənistanlı hərbçilər tərəfindən hər gün cinayətlər törədilir.

Publika.az xəbər verir ki, döyüş mövqeyində növbədə olarkən hərbi qulluqçular Rubik Avakyan və Serik Gevorkyan arasında baş verən nizamnamədən kənar davranış qaydalarının pozulması davaya səbəb olub. Nəticədə, hər iki əsgər xəsarət alıb.

Başqa bir cinayət hadisəsi nəticəsində baş nahiyəsindən xəsarət alan və hər iki qolu qırılan rabitə bölüyünün hərbi qulluqçusu Mxitar Abramyan hospitala yerləşdirilib.

İşğal olunmuş Madagiz yaşayış məntəqəsində xidmət edən Civan Gevorgyan gecə saatlarında, “Yat” komandasından sonra döyüldüyü üçün valideynləri Ermənistan Müdafiə nazirliyinin istintaq idarəsinə şikayət ediblər.

Düşmən ordusunun Hadrut yaşayış məntəqəsi ərazisindəki hərbi hissəsində isə Yura Martirosyan, Qrikor Danielyan və Qarik Martirosyan əlbir olaraq başqa bir hərbçini döyərək ona ağır bədən xəsarətləri yetiriblər.
AST Telmanın bazarını dağıdıb, bina tikirlərMoskvada keçmiş Çerkizov bazarının yerində yenilənmə proqramı çərçivəsində köçkünlər üçün yaşayış binası tikiləcək.

Axar.az xəbər verir ki, bunu jurnalistlərə açıqlamasında Moskva merinin müavini Marat Xusnullin söyləyib. Onun sözlərinə görə, bu ərazidə Moskvanın İzmaylova rayonunda söküləcək beşmərtəbli evlərdən köçürüləcək insanlar yerləşdiriləcəklər.

Qeyd edək ki, Çerkizov bazarı 2009-cu ilin iyununda qapadılıb. Buna səbəb bazarda böyük malda qaçaqmalçılıq mallarının aşkar edilməsi olub. Qapadıldıqdan bir müddət sonra bazarın dağıdılması haqqında əmr verilib.

Çerkizov bazarı azərbaycanlı iş adamı Telman İsmayılova məxsus idi.
Mətbuat Şurası hüquq-mühafizə orqanlarına müraciət etdi - "Reket" KİV-lərlə bağlıAzərbaycan Mətbuat Şurası adları qurumun “qara siyahı”sına daxil edilmiş mətbuat orqanları və internet saytları ilə bağlı müvafiq dövlət orqanlarına müraciət ünvanlayıb.

Mətbuat Şurasından Avrasiya.net-ə verilən məlumata görə, müraciətdə bildirilir ki, “reket” fəaliyyəti ilə məşğul olan KİV-lərlə bağlı MŞ-nin həyata keçirdiyi məqsədyönlü tədbirlər və əldə edilən nəticələrə baxmayaraq, ölkənin informasiya məkanında hələ də sui-istifadə halları qalmaqdadır:

"Şura bu tipli neqativ halları, konkret olaraq cəmiyyətin müxtəlif təbəqələrinin, ayrı-ayrı vətəndaşların, biznes subyektlərinin, dövlət orqanları nümayəndələrinin haqlı narazılığına səbəb olmuş KİV-lərin fəaliyyətini daim nəzarətdə saxlayır, onların barəsində daxil olmuş müraciətləri ətraflı və obyektiv şəkildə araşdırır və müvafiq qərarlar qəbul edir. Bununla yanaşı etiraf edilməlidir ki, peşə prinsiplərinə laqeyd yanaşan, qanunun tələblərini pozan, müvafiq tövsiyə və iradlara məhəl qoymayan KİV-lərə bağlı qəbul olunmuş qərarlar ictimai qınaq xarakteri daşıdığına görə, bir çox hallarda gözlənilən nəticəni vermir".

Mətbuat Şurasının İdarə Heyəti yaranmış vəziyyəti müzakirə edərək, barəsində qərar qəbul olunmuş və adları “qara siyahı”ya daxil edilmiş KİV-lərlə bağlı tədbir görülməsi üçün aidiyyəti dövlət orqanlarına müraciət edib.