Xızıda şəhid Ravil Novruzovun xatirəsinə güləş turniri təşkil edilibXızı rayonunda 2016-cı ilin aprel döyüşlərində qəhrəmancasına şəhid olan Ravil Novruzovun xatirəsinə həsr olunmuş yeniyetmə və gənclərin iştirakı ilə sərbəst güləş turniri keçirilib.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə vəsaiti ilə “Yurd” Gənclərin İntellektual İnkişafına Dəstək İctimai Birliyinin “Aprel döyüşləri qələbəmizin ilk carçısıdır!” adlı layihə çərçivəsində baş tutan yarışdan öncə iştirakçılar tərəfindən şəhid Ravil Novruzovun Xızı rayonu Güləzi qəsəbəsindəki məzarı ziyarət edilib, ruhuna dualar oxunub.

Şəhidin məzarı önündə çıxış edən layihə rəhbəri Ramin Mahmudov aprel döyüşlərinin əhəmiyyətindən danışıb, azad olunmuş ərazilərimiz haqqında məlumat verib. Hərbiçilərimizin bu döyüşlərdə qəhrəmanlıqlarını qeyd edən natiq şəhidlərimizin daim qəlblərimizdə yaşadığını bildirib. Bu kimi tədbirlərin təşkilinin də əsas məqsədinin yetişməkdə olan gənc nəslə həmin qəhrəmanlarımızı tanıtmaq, onların şərəfli həyat yolunu təbliğ etmək, şəhidlərin ruhunu daim əziz tutmaq olduğunu bildirib.
Çıxış edən şəhid Ravil Novruzovun atası Elman Novruzov övladının xatirəsini daim diqqətdə saxlayan qurumlara təşəkkürünü bildirib, vətənin azadlığı uğurunda canından keçib şəhidlik zərvəsinə ucalan bir oğul atası olduğu ilə fəxr etdiyini bildirib.

Digər çıxış edənlər Xızı rayon Gənclər və İdman İdarəsinin rəis əvəzi Elyanar Hüseynov, Xızı rayon Uşaq-Gənclər İdman Məktəbinin direktoru Əhməd Rzayev Ravil Novruzov kimi igidlərlə fəxr etdiklərini qeyd edib, bu kimi tədbirlərin və layihələrin təşkilinin gənc nəslin vətəpərvərlik ruhunda tərbiyələnməsində böyük rol oynadığını bildiriblər.

Rəsmi hissə başa çatdıqdan sonra 10 çəki dərəcəsində sərbəst güləş turnirinə start verilib.

Yekunda qalib və mükafatçılara təşkilatçılar tərəfindən diplom və medallar, eləcə də layihə çərçivəsində hazırlanmış xüsusi kitabça və bukletlər təqdim edilmişdir.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə vəsaiti ilə icra edilən layihə çərçivəsində Qusar və Şabran rayonlarında cüdo, Quba rayonunda isə gənc rəssamların sərgisinin təşkili nəzərdə tutulur.
Xızıda şəhid Ravil Novruzovun xatirəsinə güləş turniri təşkil edilib
Xızıda şəhid Ravil Novruzovun xatirəsinə güləş turniri təşkil edilib




“Mənə görə şəhid olmayıb ki, zırıldama, rədd ol çölə…”- icra başçısı şəhid xanımını qapıdan qovduBaşçının müavini isə cavab vermək əvəzinə, əməkdaşımıza qəzəbləndi: “Siz müstəntiqsiniz?”

“Mənə görə şəhid olmayıb ki, zırıldama, rədd ol çölə…”- Bu sözləri Şirvan şəhər İcra Hakimiyyətinin başçısının müavini Qarabağ uğrunda gedən döyüşlərdə şəhid olmuş Kamil Əliyevin xanımına deyib.

Şəhidin xanımı Bahar Əliyeva müraciətində bildirib ki, bu gün Şirvan şəhər icra hakimiyyətinin başçısı Mərdan Camalovun qəbulunda olarkən təhqir olunaraq otağından qovulub:

“İndicə icra başçısının qəbulundan gəlirəm. Yoldaşım Əliyev Kamil Fazil oğlu, 1992-ci ildə Qarabağ uğrunda gedən döyüşlər zamanı iyul ayının 3 də Ağdərədə şəhid olub. Biz 2005-ci ildən Şirvan şəhərində yataqxanada qalırıq. Ailənin 6 nəfər üzvü ilə birlikdə balaca bir otaqda yaşayırıq. Ailəni güclə dolandırıram. Özüm hər yerə iş üçün müraciət etmişəm. Lakin iş tapa bilmirəm. Dolanışıq çox çətindir. Evin hamamı yoxdur. Mərdan müəllimdən xahişə getmişdim ki, bir şəhid ailəsi kimi bizə əl tutsun. Ancaq o mənə dedi ki, məni bu mövzularla bezdirməyin. Yoldaşın şəhid olub, Allah rəhmət eləsin. Mənə görə şəhid olmayıb ki?! Bu sözü eşidəndə özümü saxlaya bilmədim. Ağlamağa başladım. Daha sonra o mənə, “zırıldama, rədd ol çölə, vaxtımı alma”, deyib qovdu”.

Bahar Əliyeva bildirib ki, evdə balaca uşaqlar var. Evin hamamı yoxdur. Yataqxana isə aylardır boşdur. Amma müraciətlərə baxmayaraq, onlara bir otaq belə verilmir: “Neçə dəfə müraciət etmişəm. Evin hamamı yoxdur. Mərdan Camalova bunları danışanda isə mənə dedi ki, evin ortasına qab qoyub çimin. Mənə nə bundan?”

Şikayətçinin sözlərinə aydınlıq gətirmək üçün, Şirvan şəhər icra hakimiyyəti başçısının müavini Şəfayət Əsgərovla əlaqə saxladıq. Ş.Əsgərov bizə açıqlamasında Mərdan Camalovun belə bir fikir söyləmədiyini təkzib etmədən, bizim özümüzə birbaşa sual ünvanladı: “Siz müstəndiqsinizmi, sizə nə dəxli var?”

İcra başçısının müavini daha sonra “bu mövzuyla bağlı məni narahat etməyin” deyib, telefonu bağladı.

Görünür, icra başçısının müavini Şəfayət müəllimin KİV haqqında qanunlardan heç bir xəbəri yoxdur və o, jurnalistin ünvanlandığı suala cavab verməli olduğunu bilmir. //Avropa.info
Ermənistan ordusunun daha 3 hərbçisi fərarilik edibİşğal olunmuş Azərbaycan ərazilərində yerləşdirilən Ermənistan ordusunun daha 3 hərbi qulluqçusu fərarilik edib.

“Report”un məlumatına görə, sosial şəbəkələrdə yayılan məlumatda deyilir ki, gənclər işğalçı orduda mövcud problemlər üzündən yaranan dözülməz vəziyyətdən ancaq qaçmaqla canlarını qurtarmaq mümkün olduğunu deyirlər.

Bu günlərdə məlum olub ki, düşmən ordusunun daha 3 hərbçisi - Samvel Hovanesyan, Narek Alaverdyan və Aşot Qukasyan hərbi xidmət yerindən qaçdıqlarına görə barələrində axtarış elan edilib və cinayət işi açılıb. İstintaq və axtarış tədbirləri həyata keçirilir.
Xatırladaq ki, bir neçə gün bundan qabaq daha iki erməni zabitin hərbi hissədən qaçaraq xarici ölkəyə getməsi barədə mətbuatda məlumat yayılmışdı.

Qeyd edək ki, son dövrlər erməni hərbçiləri arasında hərc-mərclik, qarşıdurma sürətlə davam edir. Bir çox hallarda isə erməni əsgərlər arasında zorakılıq, homoseksuallıq hallarının geniş vüsət alması barədə elə erməni mətbuatı özü xəbərlər paylaşır. Bundan əlavə, əsgərlər arasında intihar halları da geniş vüsət alıb. Bu səbəbdən də, Ermənistanda hərbi xidmətdən yayınma halları çoxalıb.
Ata təcavüz edən şəxsi sevgilisi tərk etdiRusiyanın qərbində biabırçı hadisə baş verib.

"Ölkə.Az" xəbər verir ki, Ufa şəhərində kameraları vecinə almayan bir şəxs fermada ata təcavüz edib. Atı zorlayan şəxs sonra siqaret çəkib. Təhlükəsizlik xidmətinin əməkdaşları onun şəxsiyyətini müəyyən ediblər. Saxlanılan şəxsin sevgilisi bərk əsəbləşərək onu təpikləyib.

Rus mətbuatı bildirir ki, şəxsin sevgilisi də olub. Bu hadisədən sonra dəliyə dönən qız sevgilisini tərk edib.
Hazırda istintaq aparılır. Şəxs haqqında cinayət maddəsinin heyvana işgəncə, cinsi hücum ittihamları ilə cinayət işi qaldırılıb.
Evinin tualetində iş yoldaşı ilə arvadını YAXALADI və... - Gizli sevişmənin DƏHŞƏTLİ SONUTürkiyənin paytaxtı Ankarada Sami Uysal adlı şəxs birlikdə işlədiyi Ərhan Kartalı bıçaqlayıb.

Publika.az xəbər verir ki, hadisəyə səbəb S.Uysalın iş yoldaşı ilə arvadının münasibətindən şübhələnməsidir.

O, əvvəlcə iş yoldaşının arvadının telefonuna mesaj göndərdiyini görüb. Mesajları silib, arvadı ilə mübahisə edəndən sonra telefonu sındırıb. Sonra isə arvadına başqa nömrə alıb. Ancaq Ə.Kartal bu nömrədən də S.Uysalın həyat yoldaşına zəng edib danışıb. O, iş yoldaşı ilə dalaşıb, arvadına zəng etməməsi üçün xəbərdarlıq edib. Lakin bir müddət sonra o, gecə növbəsinə gedəndə Ə.Kartalı işdə görməyib və şübhələnib. Evinə qayıdan Sami Uysal iş yoldaşını evinin tualetində tapıb. Mətbəxdən götürdüyü bıçaqla onu yaralayıb. Xəstəxanaya aparılsa da, o yolda ölüb.

Ə.Kartalın vəkili S.Uysalın bu cinayəti əvvəldən planlaşdırdığını deyib. O, bunu S.Uysalın arvadı ilə iş yoldaşı arasındakı münasibəti əvvəldən bilməsi ilə əsaslandırıb. S.Uysal isə Ə.Kartalın ona hücum etdiyin və uşaqlarını qorumaq üçün bıçaqladığını deyib. Hadisədən peşmanlığını dilə gətirib.
Məhkəmə S.Uysala verilən 12 illik həbs cəzasını əvvəl 5 ilə endirib, daha sonra isə onu azadlğa buraxıb.
“Qoca” həbsxanada “nadzor”u qətlə yetiribmiş - Qatardan qaçan məhbuslarla bağlı təfərrüatBu gün Bakıya etap edilən zaman Biləcəri dəmiryol stansiyasında qaçan dustaq 1980-ci il təvəllüdlü Etibar Ələkbər oğlu Məmmədov kriminal aləmdə böyük nüfuza malikdir.

Lent.az xəbər verir ki, Etibar Məmmədov kriminal aləmdə “Qoca”, “Etibar Hacıqabullu”, “Brodyaqa Etibar” ayamaları ilə məşhurlaşıb.

O, uşaq yaşlarında cinayət törətdiyi üçün həbsdə düşüb. Onu Bakıda olan “maloletka”ya (yetkinlik yaşına çatmayanlar islah müəssisəsinə) göndəriblər.

Yetkinlik yaşına çatmamışların cəza çəkdiyi müəssisədə E.Məmmədov kriminal dildə desək “opşak” yaradıb. Elə məhz “maloletka”da qaldığı dövrdə həbsxana nəzarətçisini qətlə yetirib. Yaşı az olduğunu üçün bu cinayətə görə 10 il azadlıqdan məhrum edilib. Çünki Azərbaycan Cinayət Məcəlləsinə əsasən 18 yaşına çatmayan şəxslərə 10 ildən artıq cəza verilmir.

“Qoca”nın həbsxanada “nadzor”u qətlə yetirməsi kriminal aləmdə səs-küyə səbəb olub. Təkcə Azərbaycanda deyil, keçmiş MBD ölkələrində kriminal aləm üzvləri tərəfindən Etibar Məmmədovun avtoriteti qəbul edilib.

Etibar Məmmədov 18 yaşına çatandan sonra onu Azərbaycanda olan həbsxanalara etap ediblər. Harada cəza çəkməsindən asılı olmayaraq “Qoca Hacıqabullu” içəridə “vəziyyət” yaradıb.

Belə ki, o, “oğru qanunlarını” həbsxanada icra etdirib. Xələcdə cəza çəkdiyi müddətdə onun həbsxanada “bunt” qaldırdığı bildirilir. Dustaqlar onun sözüylə “bunt”a qoşulub. Çətinliklə də olsa, hüquq-mühafizə orqanları vəziyyətə nəzarətə götürə bilib.

Bir müddət sonra isə “Xələc türməsi”nin rəisi olan Abbasqulu Qarayev vəzifəsindən azad edilib.

“Etibar Hacıqabullu” azadlığa çıxdıqdan sonra Bakıda və Azərbaycanın başqa bölgələrində kriminal “razborkalar”a qoşulub. Dəfələrlə xırda cinayətlərə görə saxlanılıb, lakin bir müddət sonra azadlığa çıxa bilib. “Qoca” Azərbaycanda həbsdə olan “Lotu Quli” ləqəbli kriminal aləm üzvü Nadir Səlifova yaxınlığı ilə seçilir.

Digər “qanuni oğrular”la yaxın münasibətdə olan Etibarın azadlıqda olan zaman “Lotu Yunus Yasamalinski” kimi tanına Yunus Nəzərovla da şəkilləri var.

O, 2015-ci ilin noyabrında Şirvan şəhərində 2 nəfərin xuliqanlıq zəminində qətlə yetirilməsi cinayətindən sonra həbs edilib. Belə ki, Şirvan şəhərində kriminal “razborka” zamanı Elvin Nəciyev və Zaur Sarıbalayevin qətlə yetirilmələri ilə əlaqədar tutulan 5 nəfər arasında olub. Qətə yetirilən Elvin Nəciyev isə kriminal aləmdə “Krıtıy Elvin” adı ilə tanınıb.

Hazırda bu işin istintaqı Lənkəran Ağır Cinayətlər Məhkəməsində aparılır və prokuror Etibar Məmmədovun 19 il müddətinə azadlıqdan məhrum edilməsini tələb edib.

Bu gün E.Məmmədovla birgə qaçan Əli Ağami də kriminal aləm üzvlərində olub. Məhz “Qoca” ilə birlikdə həbs edilib. Ona da prokuror 19 il azadlıqdan məhrum etmə cəzası istəyib.

Hər iki şəxs Biləcəri stansiyasında qaçsalar da, onların bu əməli qatar 28 May metrosunun yaxınlığında - Bakı Dəmir Yolu Vağzalında dayanarkən məhbusların təhvil-təslim zamanı məlum olub.
Penitensiar Xidmətin 3 əməkdaşı istintaqa cəlb edildi - Qaçan məhbuslarla bağlıBakıda məhbusların qaçması faktı ilə bağlı Penitensiar Xidmətin azı üç əməkdaşı istintaqa cəlb edilib.

"Report"un əldə etdiyi məlumata görə, hadisədən sonra həmin şəxslərdən izahatlar alınıb. Hazırda istintaq tədbirləri davam etdirilir.

Xatırladaq ki, Bakı-Astara-Bakı qatarında xüsusi təyinatlı vaqonda paytaxtda gətirilən məhbuslar Əli Ağami və Etibar Məmmədov qaçıblar. Qəsdən adam öldürmədə təqsirləndirilən Ə.Ağami və E.Məmmədovun cinayət işinə Lənkəran Ağır Cinayətlər Məhkəməsində baxılır. Ötən həftə dövlət ittihamçısı onların hər birinin ayrı-ayrılıqda 19 il müddətə azadlıqdan məhrum edilməsini istəyib. Hər iki şəxs oktyabrın 22-də gecə Lənkərandan Bakıya qatarla gətirilib. Oktyabrın 23-də səhər saatlarında Biləcəri stansiyasında E.Məmmədovla Ə.Ağami qatardan düşürülən zaman qaçıblar.

Təqsirləndirilən şəxslər Bakı İstintaq Təcridxanasına aparılırmış.

Kriminal aləmdə tanınan E.Ağaminin hazırda həbsdə olan “Lotu Quli”yə yaxın şəxslərdən olduğu bildirilir. “Qoca” ləqəbli E.Məmmədov isə daha çox Etibar Hacıqabulski kimi tanınır.

Faktla bağlı Baş Prokurorluğunun Ağır Cinayətlərə Dair İşlər üzrə İstintaq İdarəsində Cinayət Məcəlləsinin 304.2-ci (azadlıqdan məhrum etmə yerindən, həbsdən və ya mühafizə altından qaçma) və 308.2-ci (vəzifə səlahiyyətlərindən sui-istifadə) maddələri ilə cinayət işi başlanıb.

Hazırda başlanmış cinayət işi üzrə və qaçan məhbusların tutulması istiqamətində istintaq əməliyyat-axtarış tədbirləri davam etdirilir.
Azərbaycanlı kişi ginekoloqdan rekord qıran VİDEOMoskvada doğum evində çalışan azərbaycanlı ginekoloqun videosu sosial şəbəkələrdə baxılma rekordu qırır.

Avrasiya.net Medicina.az-a istinadən xəbər verir ki, 68 saylı doğum evində doğuş sancıları çəkən pasiyentin kişi həkimi ilə sanki klubdaymış kimi rəqs etməsi görənləri heyrətə gətirib.

Videoda ginekoloq Ruslan Xanbutayevin doğuş sancısı çəkən pasiyenti Mariya Malışevaya yaxınlaşdığı, onun ağrılarını azaltmaq üçün palatada az qala diskoteka effekti yaratdığı əks olunub. Daha sonra R. Xanbutayev hamilə pasiyenti ilə enerjili rəqs etməyə başlayıb.

Az sonra rəqsə digər həkim də qoşulur.

Görənləri həyəcanlandıran videoçarx qadınları doğuş öncəsi pozitiv əhvala kökləməkdə həkimlərin böyük rolu olduğunu bir daha göstərir.

Məlumat üçün bildirək ki, R. Xanbutayev əvvəllər Milli Onkologiya Mərkəzində çalışıb.
İlkin Misgərli peşman olduğunu deyib: "Kaş ki, heç getməyəydim"“Maşın” şounu tərk edən aktyor İlkin Misgərli peşmançılığını dilə gətirib.

Yenicag.az-a açıqlama verən Misgərli maşının əldən getməsini heç cür qəbul etmək istəmədiyini deyib:

“Finalın bir addımlığında şoudan getdim. Qismət beləymiş. Talıb güclü rəqib idi. Məni dəstəkləyən dostlarım çox idi, lakin Talıbın pulu onun qələbəsini həll etdi. Bu tamaşaçı məsələsi deyildi, ona səs göndərən konkret pullu adamlar vardı. Mən də istəyirdim maşınım olsun, sürə bilməsəm də öyrənəcəkdim. Kim bilir, bəlkə elə imkanlı dostlarımdan biri mənə maşın alıb verdi. Buna görə də bir gözüm telefondadır, elə bilirəm ki, bu dəqiqə kimsə zəng edib, məni sevindirəcək. Deyirəm ki, doktor Qılmana bir avtomobil bağışlasınlar, mən də arada alım sürüm, gözümün qurdunu öldürüm. Kaş ki, o SMS-lərin əvəzinə elə bir maşın alıb özümə verəydilər. İndi durub hansından 10 manat pul istəsəm deyəcəklər ki, hamısını sənə göndərdik”.

İlkin şoudakı iştirakından peşman olduğunu da dilə gətirib:

“Kaş ki, heç getməyəydim, çünki orda insanlardan elə şeylər gördüm ki, çox pis oldum. Mən kiməsə “quyruq” deyib, sonra onlarla mehribancasına görüşən adamlardan deyiləm. Yerimi bilən adamam. Heç kimə də artıq-əskik söz də deməmişəm ki, sonradan peşman olum”.
Daha bir erməni əsgəri öldüErmənistan ordusunun hərbçisi qəzada ölüb.

Axar.az erməni mətbuatına istinadən xəbər verir ki, 19 yaşlı Gevorq Xanamiryanın idarə etdiyi 34 UN 427 nömrəli UAZ markalı avtomobil yoldan çıxaraq aşıb.

Hadisə Aqarakadzor-Qnişik yolunda baş verib. Qəza nəticəsində ağır yaralanan sürücü xəstəxanada ölüb.

Avtomobildə olan 21 yaşlı sərnişin isə müxtəlif bədən xəsarətləri ilə xəstəxanaya yerləşdirilib.