27 avq 20:56Sosial

Xanlarova: "Flora Kərimova mənim üçün öldü"

Xanlarova: "Flora Kərimova mənim üçün öldü"Xalq artisti Flora Kərimovanın SSRİ xalq artisti Zeynəb Xanlarova haqda dediyi sözlər gündəmi dəyişib.

Qeyd edək ki, F.Kərimova belə deyib: “Zeynəb Xanlarovanın sənəti, səsi varmı ki, oxusun? Sənətdə olmasına görə o, Ələkbər Tağıyevə borcludur”. O bildirib ki, SSRİ xalq artistliyinə namizədlər arasında Zeynəb Xanlarovanın yox, başqa adamların adı var idi: “Sadəcə o elə şeylər etdi ki, vəziyyət onun xeyrinə dəyişdi. Ona çörəyi verən verib. Zeynəb Xanlarova hələ də o çörəyi yeyir”.
Z.Xanlarovanın qardaşı qızı, əməkdar artist Mehriban Xanlarova açıqlamasında F.Kərimovaya cavab verib:

"Flora Kərimovaya bu günə qədər böyük hörmətim var idi. Bu gündən sonra Flora Kərimova mənim üçün öldü. Flora xanım söyləyib ki, Zeynəb xanımın sənəti, səsi yoxdur. Flora xanım, yaşlandıqca yaddaşınız zəifləyir, yəqin. Zeynəb Xanlarova öz səsi ilə Azərbaycanı dünyaya tanıdıb. Bəs siz nə etmisiniz?

Zeynəb Xanlarova Azərbaycanın qadın xanəndələri arasında "Çahargah" muğamının ilk ifaçısıdır. Flora xanım, gedin, arxivi araşdırın, baxın. Zeynəb Xanlarova heç bir zaman konsertlərində fonoqramla oxumayıb. Çünki səsi var, canlı oxuyur, oxuyacaq da. Sizin də səsiniz olsa, fonoqramsız oxuyarsız".

Aktrisa xalq artistini bir zamanlar mərhum sənətkar İlhamə Quliyevanın, indi isə Z.Xanlarovanın adından istifadə edərək gündəmdə qalmağa çalışmaqda ittiham edib:

"İlhamə Quliyeva sağ olduğu zaman onun şöhrətindən istifadə edib atmacalarla gündəmdə qalırdınız. Ölümündən sonra isə ölüsündən istifadə edib gündəmdə qalmaq istədiniz. Mən sizin bu hərəkətlərinizə gülürəm. Nə istəyirsiniz bu insanlardan? Xalqın sizə az-çox sevgisi, hörməti var, gündəmdə qalmaq üçün qalmaqal yaradıb özünüzü gözdən salmayın.

Flora xanım, unutmayın ki, Zeynəb Xanlarova heç zaman cılız söhbətlərlə gündəmdə qalmağı sevmir. Çünki Zeynəb xanım öz şöhrətini qoruyub saxlaya bilir. Bu gün də Zeynəb Xanlarova dünyada tanınır və bəyənilir. Sizin bəyənib-bəyənməməyinizin əhəmiyyəti yoxdur. Siz nə etsəniz də, Zeynəb xanım sizə baş qoşan deyil. Zeynəb Xanlarova Azərbaycan xalqının fəxridir, fateh sənətkardır".


axşam.az
loading...
Reklam
Hüquqi Məsləhət - Xidmət Mərkəzi
Tel - 5968740, 055 640 94 59, 050 331 75 86.
Ünvan - Rəsul Rza, 96 ("Nizami" metrostansiyasının yaxınlığı)
XƏBƏR LENTİ