21 may 11:18Sosial

"Amnistiya aktı hörmətli birinci xanımın yüksək nəcibliyinin göstəricisidir"

"Amnistiya aktı hörmətli birinci xanımın yüksək nəcibliyinin göstəricisidir"Mehriban xanım Əliyevanın amnistiya layihəsi bir daha insanlıq nümunəsidir...
Bunu‚ Heydər Əliyev Fondunun prezidenti‚ millət vəkili‚ ölkənin birinci xanımı Mehriban xanım Əliyevanın Milli Məclisə təqdim etdiyi amnistiya aktının qəbul olunmasından danışarkən siyasi ekspert‚ politoloq Mirsamir Məmmədov deyib.
Politoloq əlavə edib ki‚ Hörmətli Mehriban xanım hər zaman hümanist addımlarla yaddaşlarda qalmaqdadır. Hələ Heydər Əliyev Fondunun Mehriban xanım Əliyevanın rəhbərliyi altında həyata keçirtdiyi xeyriyyə işləri‚ ağır xəstələrin fondun hesabına müalicə olunması‚ xaricdə yüksək vəsait tələb edən ağır əməliyyatların həyata keçirilməsi‚ çox-çox insana həyat bəxş edilməsi Heydər Əliyev Fondunun və hörmətli Mehriban xanım Əliyevanın insanlıq fəaliyyətləridir. Son olaraq da 28 may Respublika Günü ilə bağlı böyük bir kütləni əhatə edən amnistiya aktını hazırlayıb Milli Məclisə təqdim etməsi və bu amnistiya aktının Milli Məclisdə alqışlanaraq qəbul olunması Mehriban xanımın yüksək hümanistliyinin açıq göstəricisidir. Qismən yumşaq və kiçik motivli cinayətlərlə həbs olunanlara‚ ailəsində xəstə və əlil olanlara‚ cəzasının müəyyən hissəsini çəkmişlərə‚ azyaşlı məhbuslara və bir çox mühüm və vacibi kateqoriyalara şamil edilən amnistiya aktı mahiyyət etibarilə dövlətçilik tarixinə qızıl hərflərlə həkk olacaq mükəmməl bir qanun layihəsi idi. Ölkənin Birinci xanımının məhz belə mükəmməl bir layihəyə imza atması Azərbaycanın dünya arenasında və beynəlxalq aləmdə də mövcud nüfuzunu daha da yüksəltmiş olacaq. Mehriban xanım amnistiya aktına 18 yaşlna çatmayan azyaşlı məhbusları da əlavə etməsi ilə bir daha öz nəcibliyini sərgilədi. Bu amnistiya aktında azyaşlıların da yer alması bir daha onlara bəslənən və göstərilən qayğının nəticəsidir. Hər zaman bütün ölkə gəncliyinə və azyaşlı uşaqlara doğma ana məhəbbəti bəsləyən hörmətli Mehriban xanım Əliyeva həyatının bütün anlarında gənc nəslə var qüvvəsilə qayğı göstərməyə çalışıb. Bu amnistiya aktında azyaşlı uşaqları da düşünməsi bunun ən bariz nümunəsidir. Mehriban xanım Əliyeva bu hümanist addımı ilə bir daha qəlbləri sevindirmiş‚ könüllərə işıq salmış oldu‚ beləcə həsrətlə yol gözləyən ailələrə sonsuz sevinc bəxş etdi. Mehriban xanımın bu hümanist addımı bütün ölkədə hər kəsə ibrət olacaq bir insanlıq nümunəsidir. deyə politoloq bildirib.
loading...
Reklam
XƏBƏR LENTİ
Bu gün, 16:03