29 apr 16:29Sosial

Kamran Həsənlinin işi çətinləşdi

Kamran Həsənlinin işi çətinləşdiMüğənni Samir Piriyevin şikayəti əsasında aparıcı Kamran Həsənliyə qarşı başladılan cinayət işinin istintaqı Nərimanov rayon prokurorluğundan alınıb.

Bu barədə S.Piriyevin vəkili Ruslan Əhmədoğlu məlumat verib. O qeyd edib ki, S.Piriyev nazir Ramil Usubova müraciətindən sonra nazirliyin Baş İstintaq İdarəsinin rəhbərliyi tərəfindən qəbul edilib: “Cinayət işinin baxılmasında göstərdiyimiz xüsusatları nəzərə alaraq, yaradılmış maneələrə görə Kamran Həsənli barədə başladılmış cinayət işinin istintaqının aparılması üçün iş Nərimanov RPİ-nin İstintaq İdarəsindən alınıb. Təqdim etdiyimiz sübutlar əsasında yaxın günlərdə cinayəti törədən şəxslər məsuliyyətə cəlb ediləcək”.

Cinayət işinin istintaqının aparılmasının hansı orqana tapşırılması Baş Prokurorluğa verilən vəsatət təmin olunduqdan sonra bəlli olacaq.

Qeyd edək ki, Samir Piriyev hüquq-mühafizə orqanlarına müraciət edərək Kamran Həsənlinin ona qarşı 80 min dollar məbləğində dələduzluq etdiyini, onun bacısı Gülər Həsənlinin istintaqdan yayındığını bildirib. Hazırda faktla bağlı Nərimanov Rayon Prokurorluğunda Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi üzrə cinayət işi başlanıb.

Qafqazinfo.az
loading...
REKLAM
Hüquqi Məsləhət - Xidmət Mərkəzi
Tel - 5968740, 055 640 94 59, 050 331 75 86.
Ünvan - Rəsul Rza, 96 ("Nizami" metrostansiyasının yaxınlığı)
XƏBƏR LENTİ