17 apr 16:26Sosial

DYP əməkdaşı ölülərin adından alqı-satqı edir? - ŞİKAYƏT

DYP əməkdaşı ölülərin adından alqı-satqı edir? - ŞİKAYƏTGoyçay rayonu, Qaraməryam kənd sakini Quliyev Səbuhi Fəxrəddin oglu Avrasiya.net-ə yazaraq bildirir ki, Yevlax regional 7 sayli qeydiyyat imtahan texniki baxış şöbəsinin əməkdaşı Yelmar Həsənov sahibi ölmüş avtomobilləri rəhmətlik sahibindən vərəsəlik açılmadan, etibarnamə olmadan birbaşa ölünün adından alqı-satqı edir.

Yelmar Həsənov 300 manat pul müqabilində sahibi ölmüş avtomobilləri rəhmətlik sahibindən vərəsəlik açılmadan etibarnamə olmadan birbaşa ölünün adından alqı satqı edir: "Buna dair konkret subutlarım var. Belə ki, kifayət edər ki, 14 mart 2018 ci il tarixdə sahibi ölmuş XAZ- 2107 markali 24 BA 555 nömrəli avtomobilin sənədləri obyektiv araşdırılsın. Həmin avtomobilin yeni nömrəsi 23 Bİ 023 -dir. Bundan başqa VAZ- 2101 markalı 10 FO 143 nömrəli avtomobil qanunsuz olaraq başqa şəxsin adına sənədləşdirilmişdir. Hansı ki, həmin avtomobilin də sahibi dünyasını dəyişib. Xahiş edirəm texnki pasportlardakı tarixlərlə həmin avtomobillərin sahiblərinin ölüm tarixləri obyektiv araşdırılsın. Belə olanda Yevlax regional 7 sayli qeydiyyat imtahan texniki baxış şöbəsinin əməkdaşı Yelmar Həsənovun cinayət əməlləri subut olunacaq".

Avrasiya.net daxil olan məlumatı dəqiqləşdirməkdən ötrü S.Quliyevlə bir daha əlaqə yaradıb. S.Quliyev göndərdiyi məlumatı təsdiqlədi və əlavə etdi ki, bu hadisələr, yəni alqı-satqı onun göz qarşısında baş verib: "Mən bununla bağlı daxili işlər nazirinə və Baş Dövlət Yol Polisi İdarəsinin rəhbərinə müraciət etmişəm".

Y.Həsənovla da əlaqə yaratdıq. O, isə deyilənləri təkzib edərək bildirdi ki, S.Quliyev ona şər, böhtan atır: "Gəlin, rayondan soruşun görün bu adam kimdir, məndən nə istədiyi də məlum deyil".
loading...
XƏBƏR LENTİ