13 mar 12:27Sosial

Lənkəranlı qadın xəstəxanada öldü - Əri 5 gün əvvəl döyübmüş

Lənkəranlı qadın xəstəxanada öldü - Əri 5 gün əvvəl döyübmüşLənkəranda 51 yaşlı qadın xəstəxanada ölüb.

APA-nın məlumatına görə, rayonun Rvo kənd sakini, 1967-ci il təvəllüdlü Mahirə Vəli qızı Qafarova ötən gün gecə saatlarında Lənkəran Rayon Mərkəzi Xəstəxanasına çatdırılıb. Ona ilkin tibbi yardım göstərildikdən sonra reanimasiya şöbəsinə yerləşdirilib. M.Qafarova orada vəfat edib.

Qadının yaxınları onu xəstəxanaya gətirərkən əvvəlcə yıxıldığını desələr də, sonradan əri tərəfindən döyüldüyünü, sonradan halının pisləşdiyi deyiblər.

Mərhumun meyiti müayinə olunmaq üçün Məhkəmə Tibbi-ekspertiza və Patoloji Anatomiya Birliyinin Lənkəran Rayon Şöbəsinə verilib.

M. Qafarova Lerik rayonunda ərdə olub. Hadisənin 5 gün əvvəl orada baş verdiyi bildirilir.
loading...
XƏBƏR LENTİ