23 may 10:01region

Azərbaycan təhdid qarşısında: Tiflis və Moskva separat müzakirə aparır

Azərbaycan təhdid qarşısında: Tiflis və Moskva separat müzakirə aparır Gürcüstanla Rusiya arasında buzlar əriməyə başlayır. Keçmiş baş nazir Bidzina İvanaşvilinin Gürcü Arzusu Partiyası növbəti seçkilərdə Rusyadan dəstək almaqda israrlı görünür.

Bunu Teleqraf.com-a “Qafqazda Təhlükəsizlik” İnstitunun direktoru, politoloq Məhəmməd Əsədullazadə deyib.
Politoloq hesab edir ki, İvanişvilinin bu addımı Gürcüstanın suverenliyini zərbə altında qoyacaq: “Tiflis Moskva ilə Rusiya və Gürcüstan arasında gömrük məntəqələrinin açılması, separatçı Abxaziya və Cənubi Osetiyadan keçəcək dəmir yolu xəttinin açılması istiqamətində danışıqlar aparır. Bu xəttin açılması Ermənistandakı hərbi bazalarının təchizatı baxımından Rusiyanın maraqlarına uyğundur.

Bununla Ermənistana və işğal olunmuş Azərbaycan ərazilərinə hərbi texnikanın daşınması asanlaşacaq. Bu, həmçinin Ermənistanın blokadadan çıxmasına zəmin yaradır.

Əgər Gürcüstan Azərbaycanla strateji tərəfdaşlığına baxmayaraq, Rusiya ilə belə bir separat danışığa gedirsə, Azərbaycan Gürcüstandankı investisiyalarını geri çəkməlidir. Əlbəttə, gürcü hakimiyyət öz suverenliyini zərbə altında qoyursa, Azərbaycanın da maraqlarını nəzərə almayacaq”.

Məhəmməd Əsədullazadə qeyd edib ki, mayın 24-də Çexiyada Rusiya və Gürcüstanın rəsmi nümayəndələri - Georgi Abaşizde və Qriqori Karasin arasında növbəti görüş keçiriləcək: “Bu görüşdə tərəflər razılığa gəlib müqavilə imzalasalar, Gürcüstan hakimiyyəti Azərbayacana qarşı xəyanətə imza atacaq. Ermənistanın blokadadan çıxması, Qarabağ danışıqlarının dayanmasına gətirib çıxara bilər”.
loading...
XƏBƏR LENTİ