03 dek 12:29region

Danışıqlarda Ermənistan kənar saxlanılır - Politoloq

Danışıqlarda Ermənistan kənar saxlanılır - PolitoloqMəhəmməd Əsədullazadə
politoloq

Bir neçə aydı Qarabağ cəbhəsində nisbi sakitlik, yenidən atəş fazasına keçməkdədir. Atəşkəsin Ermənistan tərəfindən pozulması, diversiya təxribatlarına əl atması, rəsmi Yerevanın Hamburqda nəzərdə tutlan 3+2 formatı çərçivəsində xarici işlər nazirlərinin görüşündən yayınmaq məqsədi daşıyır. Hamburqda iki ölkənin XİN rəhbərlərinin görüşü baş tutarsa, nəticəsiz sonuclanacağı şübhəsizdir. Çünki Ermənistan Rusiyanın verdiyi "İsgəndər- M" raketləri və digər silahların eyforiyaslndadır, həmçinin "birgə ordu "yaratmaqla Rusiyaya güvənməkdədir. Qeyd edim ki, aprel döyüşləri Ermənistanın Rusiyadan tam aslılığına, həmçinin regionda Rusiyanın hərbi iştirakının artmasına səbəb olmaqdadır.

Hazırda Ermənistan rəhbərliyi, cəbhədə güclənməkdə fürsət düşəndə Azərbaycana hərbi zərbə vurmağa çalışır. Bu istiqamətdə Qarabağa yeni silah və zirehli texnika, artilleriya vasitələri daşıyır.

Azərbaycan düşmənin bütün həmlələrinə cavab verəcək və yeni əraziləri işğaldan azad etmək ixtiyarındadır. Ermənistan tamamilə güzəştsiz mövqe nümayiş etrirərək, XİN rəhbərliyi səviyyəsində görüşlərə qatılmaqdan yayınır. Halbuki bu səviyyədə görüşlər keçirilirdi və danışıqlar mühütü formalaşırdı. Ermənistanın bu siyasəti, regionda müharibə riskini artırmaqdadır.

Dekabrın ilk günündən cəbhədə atəşkəsin intensiv xarakter alması, iriçaplı silahlardan istifadə göstərir ki, düşmən tərəfi danışıqlara hazır deyil. Rusiyanın tam dəstyi ilə mövqeyini gücləndirməyə çalışır. Rusiya Minsk qrupunda fəaliyyəti artıq, tərəf tutmaqdan ibarətdir. Minsk qrupu digər beynəlxalq təşkilatları və dövlətləri münaqişənin həllində yaxından iştirakına imkan vermir. Bu fotmat status-kvonu qorumaqdadır.

Artıq, Qarabağ münaqişəsinin nizamlanmasında Türkiyə də aktiv rol almaqdadır. Rusiya-Türkiyə yaxınlaşması Türkiyəni yaxından münaqişənin həllində iştirakına zəmin yaradır. Azərbaycanın maraqlarını qorumaqda ən yaxın müttəfiqdi. Türkiyə Rusiya ilə Qarabağla bağlı ciddi danışıqlar aparır. Dekabrın 1-də Rusiya XİN rəhbəri S.Lavrovun Türkiyə səfəri Türkiyə XİN rəhbəri M.Çavuşoğlu ilə apardıqları danışıqlar və ardınca Çavuşoğlunun ölkəmizə səfəri Qarabağ münaqişəsinin nizamlanmasında üçtərəfli danışıqların aparılması görünür. Və bu danışıqlarda Ermənistan kənar saxlanılır. Türkiyə XİN rəhbərinin Azərbaycana səfəri, Rusiyanın Qarabağ mesajını çatdırmaq və detalları müzakirə etmək, Azərbaycanı mümkün hərbi əməliyyatlardan çəkindirməkdi. Rusiya bir tərəfdən danışıqları aparır, bir tərəfdən də Ermənistanı Azərbaycan əleyhinə silahlandırır. Rusiyanın bu çox vektorlu siyasəti regionda təhlükəsizliyi təhdid etməkdədir. Rusiya Sankt-Peterburqda Türkiyəyə müəyyən rayonların boşaldılması üçün söz verib.Və Türkiyə rəsmilərinin bir neçə dəfə açıqlamalarında bunun şahidi olmuşuq. Davam etdirilən Ankara-Moskva-Bakı danışıqları,yenidən nəticəsiz baş tutarsa, müharibə qaçılmaz olacaq.Yeni müharibə isə Rusiya-Türkiyə əlaqələrinin gərginləşməsi deməkdir. Türkiyə Azərbaycan tərəfindən Moskva ilə açıq və hərtərəfli Azərbaycanın deyə bilmədiklərini Rusiya ilə müzakirə edir. Bu danışıqların istənilən nəticəsi qış aylarında aydın olacaq.

Avrasiya.net
loading...
REKLAM
Hüquqi Məsləhət - Xidmət Mərkəzi
Tel - 5968740, 055 640 94 59, 050 331 75 86.
Ünvan - Rəsul Rza, 96 ("Nizami" metrostansiyasının yaxınlığı)
XƏBƏR LENTİ