21 dek 13:26idman

Taekvondoçu Fəridə Əzizova həmcinsi ilə nişanlanması xəbərinə aydınlıq gətirdi

Taekvondoçu Fəridə Əzizova həmcinsi ilə nişanlanması xəbərinə aydınlıq gətirdi "Məndən heç nə soruşmadan, dəqiqləşdirmədən belə bir şeyi niyə yazıblar, anlaya bilmirəm”.

Avrasiya.net xəbər verir ki, bunu “Report”a Azərbaycan milli komandasının taekvondoçusu Fəridə Əzizova həmcinsi ilə nişanlanmasına dair iddiaya aydınlıq gətirərkən deyib.

23 yaşlı idmançı bildirib ki, “Instagram” səhifəsində Aysel adlı rəfiqəsi ilə paylaşdığı şəkil ad günü mərasimindəndir: “Dünən “Instagram” səhifəmdə Aysel xanımla olan şəklimi paylaşmışdım. Çünki onun ad günü idi və məqsədim bu formada onu təbrik etmək idi. Bu gün səhər isə ad günü olduğunu sübut edən digər şəkilləri də paylaşdım”.

F.Əzizova deyib ki, rəfiqəsi ailəlidir və bu cür əsasız məlumatlar ciddi problemlərə yol aça bilər: “Aysel xanım uzaq qohumumdur, ailəlidir. Bu cür xəbər ilk növbədə, onun özünə problem ola bilər”.

Qeyd edək ki, Fəridə Əzizova dünya və Avropa çempionatlarının bürünc, “Bakı-2015” I Avropa Oyunlarının və “Bakı 2017” IV İslam Həmrəyliyi Oyunlarının gümüş medalçısıdır.
loading...
XƏBƏR LENTİ
Bu gün, 07:51
Bu gün, 06:57
Dünən, 14:07
Dünən, 14:02