18 okt 11:15hadise

Saatlıda çoban həmkarını qətlə yetirib, ferma sahibini isə yaralayıb

Saatlıda çoban həmkarını qətlə yetirib, ferma sahibini isə yaralayıbSaatlıda dəhşətli cinayətin üstü açılıb.

Virtualaz.org-un Şirvan bürosunun məlumatına görə, Saatlı rayonunun Qarayev kəndində yerləşən fermanın sahibi, Goranboy rayon sakini Sərxan Elxan oğlu Mirzəyev əslən Hacıqabul rayonundan olan, fermanın 25 yaşlı çobanı (adı dəqiqləşdirilir) tərəfindən mübahisə zəminində ov tüfəngindən açılan atəşlə yuxarı ətraf nahiyəsindən xəsarət alıb.

Törətdiyi cinayətə görə saxlanılaraq hüquq-mühafizə orqanlarında dindirilən zaman çoban 4 gün əvvəl Hacıqabul sakini olan 27 yaşlı çoban yoldaşını da qətlə yetirdiyini deyib.

Onun etirafına görə, aralarında yaranmış mübahisə zəminində çoban yoldaşının sinəsinə ov tüfəngi ilə 2 dəfə atəş açaraq, öldüyünə əmin olduqdan sonra cəsədi yaxınlıqdan keçən şor su kollektoruna atıb. Hazırda hadisə yerinə gələn FHN-in dalğıcları tərəfindən cəsəd sudan çıxarılaraq aidiyyatı üzrə təhvil verilib.

Faktla bağlı Saatlı rayon prokurorluğunda cinayət işinə başlanıb.
loading...
XƏBƏR LENTİ