25 apr 16:51aktual

Prezident Administrasiyası ləğv olunmayacaq - Deputat aydınlıq gətirdi

Prezident Administrasiyası ləğv olunmayacaq - Deputat aydınlıq gətirdiXəbər verdiyimiz kimi, bu gün Milli Məclisdə "Dövlət qulluğu haqqında” qanuna dəyişiklik edilib.

Bir çox media qurumları sözügedən dəyişikliklərdə qeyd olunan məqamları Prezident Administrasiyasının ləğv olunması kimi dərc ediblər. Bu da ictimaiyyət arasında müəyyən çaşqınlığa səbəb olub. Əslində isə, məsələ vitse-prezidentlik institutunun yaradılması ilə bağlıdır.

Millət Zahid Oruc "Qafqazinfo”ya açıqlama verərək məsələyə aydınlıq gətirib. O, bildirib ki, qanuna dəyişikliyin Prezident Administrasiyasının ləğv olunması kimi ictimaiyyətə təqdim edilməsi tamamilə yanlışdır:

"Bildiyiniz kimi, 26 sentyabrda ölkədə referendum keçirildi və dövlət idarə etməsində vitse prezidentlik institutu yaradıldı. Hazırda birinci vitse-prezident də təyin olunub. Belə olan təqdirdə təsisatın fəaliyyətini həyata keçirmək üçün onun çevrəsində aparat formalaşdırılır. Və orada təmsil olunan şəxslərin dövlət qulluğu kateqoriyasında ranqının hansı təsnifata, hansı ierarxiyadakı vəzifələrə uyğun olduğunu müəyyənləşdirmək üçün "Dövlət qulluğu haqqında” qanun qeyd olunan dəyişikliklər aparılıb. Buradakı mahiyyət ondan ibarətdir ki, həmin şəxslər də dövlət qulluqçusu sayılacaqlar. Bunun nəticəsində dövlət başçısının öz səlahiyyətlərini həyata keçirməsi üçün formalaşan Prezident Administrasiyasının fəaliyyətinin ləğvindən qətiyyən söhbət getmir”.

Onun sözlərinə görə, birinci vitse-prezident Mehriban Əliyevanın dövlət idarəetmə sistemində yüksək yer tutması hakimiyyətin bütövlüyünə yalnız müsbət təsir göstərir:

"Çünki ötən dövr ərzində Azərbaycanın Birinci Ledisi olaraq, Mehriban xanım daşıdığı bütün rəsmi vəzifələrində xalqa ləyaqətlə xidmətin ən yüksək nümunələrini yaradıb. Ona görə də, dövlət qulluğu ierarxiyasında aparılan son dəyişiklikləri ali icra hakimiyyəti sisteminin daha da təkmilləşdirilməsi kimi dəyərləndirmək lazımdır. Hər hansı qurumun ləğvi ilə bağlı məsələyə baxılmayıb və hakimiyyətin ağırlıq mərkəzinin dəyişdirlməsi barəsində verilən sualları şərh etməyi dövlətin vahid komandası əleyhinə təqdimatlar edənlərin təbliğatında iştirak etmək sayaram”.
loading...
Reklam
Hüquqi Məsləhət - Xidmət Mərkəzi
Tel - 5968740, 055 640 94 59, 050 331 75 86.
Ünvan - Rəsul Rza, 96 ("Nizami" metrostansiyasının yaxınlığı)
XƏBƏR LENTİ